ASSEB/SEBA Class 10 Bodo Medium MIL Chapter-2 Question Answer "आंनि गामि"
फरा-2
आंनि गामि
(Angni Gami)
सोंथि
1. गाहायनि सोंथिफोरखौ मोनसे सोदोब एबा फंसे बाथ्राजों फिन हो :
(क) आंनि गामि खन्थाइनि लिरगिरिया सोर?
फिननायः- कमल कुमार ब्रह्म
(ख) खन्थाइगिरिया बबे समाव गाथोनाव जिरायदोंमोन?
फिननायः- खन्थाइगिरिया बेलासि समाव गाथोनाव जिरायदोंमोन।
(ग) खन्थाइगिरिया बुहुमखौ माब्ला नुजेनो?
फिननायः- खन्थाइगिरिया बुहुमखौ जोनोम गिबि फुङाव नुजेनो।
(घ) रायनाय, सोलिनाय, अगेयान मुं सुनाया सोरनि आंगो जाखो?
फिननायः- रायनाय, सोलिनाय, अगेयान मुं सुनाया सुबुंनि आंगो जाबाय।
2. गाहायनि सोंथिफोरखौ थामजिसो सोदोबनि गेजेराव फिन हो :
(क) खन्थाइगिरिनि गामियाव उन्दै समाव माबोरै रंजायोमोन?
फिननायः- खन्थाइगिरिनि उन्दै समाव गामियाव जेबो मोनसा-मोनसि गैयालासे लोगोफोरजों रंजा-बाजा हालो-दैलो गेलेनाय गेलेयोमोन। बै समाव खन्थाइगिरिनि गामियाव अनलायोमोन, फोथायलायोमोन, देरसिननि बोसोन मानियोमोन, बिमा-बिफानि बोसोना आबुङै मानिजायोमोन, खौसेयै राइजो जायोमोन।
(ख) बिफां साया लामा दथखाफोराव गोदोनि सुबुङा मा खालामोमोन?
फिननायः- गोदोनि सुबुङा दुबिलि बिखायाव थानाय बिफां-साया दथ’खाफोराव गावनि आंगो लोगोफोरखौ लाफानानै गिदिङोमोन। मानसिनि खान्थि-आखु आरो मुलुगनि हाबा-हुखा मावनायफोरखौ रंजानायजों लोगोसे गेलेबायनाय बायदियै मावमोन।
(ग) बैसागु, हाबा खेराइयाव गोदोनि रंजानाया माबोरैमोन?
फिननायः- गोदो हाबा-खेराइ आरो दमासि-बैसागु समाव गामिनि सेंग्रा-सिख्ला हानजा आरो बोराइ-बेन्थ’ बयबो ज’-जयै लोगो जानानै रंजायोमोन । नाथाय आथखालाव बैफोर ज-जयै रंजानायफ्रा गैलिया, गावजों गाव गोरोबनायबो गैला।
(घ) दिनैनि सुबुङा माखौ सिनायो?
फिननायः- दिनैनि सुबुङा अनलायनो रोंला खालि रां आरो दोन दौलदखौल’ सिनायो। रायनाय, सोलिनाय (थगायनाय), एना-एनि जानाय आरो अगेन मुं सुनाया दानि सुबुंनि आंगो आखु जाबाय।
3. गाहायनि सोंथिफोरखौ बाजिसो सोदोबनि गेजेराव फिन हो :
(क) खन्थाइगिरिया गामिनि दैमा जिङाव जिरायनानै गोसोआव मा मोनदांदों?
फिननायः- खन्थाइगिरिया बेलासि समाव गामिनि दैमा जिङाव जिरायनानै गावनि उन्दै समनि गोदोनि गोजोनथाव गामिनि सानस्रिखौ गोसोखांदों। बिथाङा मोनदांदों दि उन्दै समाव गामियाव बयबो खौसेयै रंजा बाजा अनज्लायनानै गोजोनै राइजो जादोंमोन, नाथाय दिनै बै गोजोन महरा बबेयावबा गोमाबाय। दिनै गामियाव बैसागु-खेराइफोरनि बेलायाव गोदोनि बायदि सेंग्रा-सिख्ला आरो बोराइ-बेन्थ’फोरनि रंजानाय हानजा गैलिया, बयबो सिरि-सिराय जाबाय। मानसिनि गोसोआव दिनै अनलायनाय गैला, बयबो गावजों गाव एना-एनि आरो रां-दौलदनि सिङावसो गोग्लैबाय होनना खन्थाइगिरिया दुखुजों मोनदांदों।
(ख) खन्थाइगिरिनि उन्दै समनि लोगोफोरा दिनै खन्थाइगिरिखौ मानो सिनायलिया?
फिननायः- उन्दै समनि लोगोफोरा दिनै गावबा-गाव गावसै आरो सुबुं समाजनाव आथिखालाव रां-दौलदनि अनसायनाआ बांद्राय जाबाय। सुबुंफोरनि गोसोआ दिनै मोजां आखुनि जानायनि अनगायै रायनाय, थगायनाय (सोलिनाय) आरो अगेन मुं सुनायावसो थाबाय। लोगोफोरनि गेजेराव गोदोनि बायदि गोसोजों गोसो होज्लायनाय एबा आंगो लोगोखौ नुब्ला अननाय-सिबिनाय देखायनायनि आखुवा गैलिया। बयबो गावनि लुबैनाय स्वार्थखौ लानानैसो थाबाय, जेराव खालि रां, दोन दौलदखौल’ सिनायनायनि आखुवा जाखांफैबाय। बे आखुनि थाखायनो उन्दै समनि लोगोफोरा सिनायलिया।
4. आंनि गामि खन्थाइनि गुबै रावखौ नोंनि रावजों लिर।
फिननायः- खन्थाइगिरिया मोनसे बुब्लियाव हारसिङै जिरायनानै गोसोखांदों सिगांनि मावबोनाय, नुबोनाय बाथ्राफोरखौ। गोदो गामियाव बयबो सुबुङा अनज्लायनानै खौसेयै आरो गोजोनै राइजो जायोमोन।मोनसा-मोनसि गैयाब्लानो अनलायोमोन, फोथायलायोमोन, देरसिननि बोसोन मानियोमोन, बिमा-बिफानि बोसोना आबुङै मानिजायोमोन, खौसेयै राइजो जायोमोन। बैसागु आरो खेराइ बायदि फोरबोफोराव गामिनि बयबो सेंग्रा-सिख्ला, बोराइ-बेन्थ’ ज’-ज’ रंजायोमोन।
नाथाय आथिखालाव सोलोंथाइ मोननानै सुबुङा सोदोमस्रिनि मुखा लादोंब्लाबो मानसिनि आखुवा गाज्रि जालांदों। सुबुं समाजनाव दिनै थगायनाय (सोलिनाय), एना-एनि जानाय आरो मानसिनि बदनाम खालामनाय (अगेन मुं सुनाय) आखुवा बांबाय। दिनै मानसिफोरा अनलायनायखौ बावनानै खालि रांखौल’ सिनायग्रा जाबाय, जायनि थाखाय उन्दै समनि आंगो लोगोफोरनि गेजेरावबो गोरोबलायनाय गैला जाबाय।
खन्थाइगिरिया बेबादि आखुखौ आथिं सिङाव गादबना दोननो खावलायदों। बिथाङा मिजिं थिदों दि उन्दै समाव बिमा-बिफानिफ्राय मोननाय आंगो गोसोनि राव आरो गोजोनारि आखुफोरासो सुबुं समाजखौ मोजां लामाजों दैदेननो हानाय गुबै सोलोंथाइ महरै थाथों।
5. गुदि खिथाजों सोमोन्दो लाखिनानै बेखेवनानै लिर :
(क) दिनैनि बे बेलासिनि नांगोल भाङा जिंनि
गाथोनाव जानाय समाव ;
उन्दै समनि आंनि दुखुनि मिनिनायनि
अराय खौराङा बेसे
जाखाङो सानस्रि गोसोआव।
फिननायः- बे खन्थाइ सारिखौ फरा बिजबाव थानाय कमल कुमार ब्रह्म बिथांनि लिरनाय “आंनि गामि” मुंनि खन्थाइनिफ्राय लानाय जादों। बे सारिनि गेजेरजों खन्थाइगिरिया बेलासि समाव दैमा गाथोनाव हारसिङै जिरायनानै गावनि उन्दै समनि जाथायफोरखौ गोसोखांफिनना दुखु आरो गोजोननि बाथ्राखौ फोरमायदों।
खन्थाइगिरिया फोरमायदों दि दिनैनि बे बेलासि समाव जेब्ला बिथाङा गामिनि ‘नांगोल भाङा’ दैमा जिङनि गाथोनाव जिरायदों, बे समाव बिथांनि गोसोआव उन्दै समनि गोबां सानस्रि आरो खौरांफोर जाखांफैदों। उन्दै समाव गामियाव रंजा-बाजा गेलेनाय, बिमा-बिफा आरो लोगोफोरजों अनज्लायनाय समफोरखौ जेब्ला गोसोखांफिनो। बेयो खन्थाइगिरिनि सानस्रि गोसोआव मोनसे समाव रंजानाय आरो आथिखालनि सोलायनायखौ नुनानै दुखुनि मिनिनाय जाखांहोदों। गोदोनि गोजोनथाव गामिनि सावगारिया बिथांनि गोसोखौ सुखु-दुखुआव दोबैहाब होदों होननानै बे सारिनि गेजेरजों फोरमायदों।
(ख) गोसोआव फैजोबो दंनायमानि जेबो
मा मावा उन्दै गोसोजों
गोदोनि गासिबो दङ माबा नाथाय गैया गैया
मानोबा सिरि-सिराय
मानो आय’ मिनिनाय गैया।
फिननायः- बे खन्थाइ सारिखौ फरा बिजाबाव थानाय कमल कुमार ब्रह्म बिथांनि लिरनाय “आंनि गामि मुंनि खन्थाइनिफ्राय लानाय जादों। बे सारिनि गेजेरजों खन्थाइगिरिया गोदोनि उन्दै समनि मावबोनायफोरा गोसोयाव जाखांफैदों नाथाय बैफोर आथिखालाव गैलिया, बेखौ लानानै गावनि दुखुखौ फोरमायदों।
खन्थाइगिरिया बेलासि समाव दैमा जिङाव जिरायनानै जेब्ला गावनि उन्दै समनि बाथ्राफोरखौ गोसोखाङो, बै समाव बिथांनि गोसोआव गोदोनि गासिबो सावगारिया फैजोबो। उन्दै समाव मावनाय हाबा-हुखाफोरा गासिबो खन्थाइगिरिनि गोसोयाव जाखांफैयो। गोदोनि बायदि गासिबो बेसाद एबा सम्पदफोर दङ, नाथाय खन्थाइगिरिया माबा मोनसे गोमानाय बायदि मोन्दों, मानोना आथिखालाव सुबुंफोरनि गेजेराव अनलायनाया गैया जाबाय। दिनै मानोबा सिरि-सिराय जाबाय , जेराव मानसिफोरनि गेजेराव गोदोनि बायदि सिबिनाय, अनलायनाय आरो गोजोननायनि मिनिनाय गैला। गामिनि मानसिफोरनि गेजेराव सोलायनाय फैनायनि थाखायनो गामिनि गोजोन महरा गोमाबाय होननानै खन्थाइगिरिया गावनि दुखुखौ बे सारिनि गेजेरजों बुंदों।
(ग) रायनाय सोलिनाय अगेन मुं सुनाय
सुबुंनि आंगो जाबाय,
एना एनि जाजोबबाय रांखौल’ मोनथिनाय
सिनायनो अनज्लायनो
दौलदालगुबै जाबाय।
फिननायः- बे खन्थाइ सारिखौ फरा बिजाबाव थानाय कमल कुमार ब्रह्म बिथांनि लिरनाय “आंनि गामि मुंनि खन्थाइनिफ्राय लानाय जादों। बे सारिनि गेजेरजों खन्थाइगिरिया आथिखालनि सुबुं समाजनाव जाखांफैनाय गाज्रि अखल-आखुआ मानसिफोरनि जेबायदि गावनि अनलायनाय आखुखौ गारबाय, बेखौ बेखेवनानै फोरमायदों।
खन्थाइगिरिया दुखुजों फोरमायदों दि आथिखालनि सुबुं समाजनाव मोजां आखु-अखलफोर गोमालांबाय। दिनै मानसिफोरा गावखौ आंगो साननानै अनलायनो गारनानै रायनाय, थगायनाय (सोलिनाय) आरो गुबुननि गाज्रि मुं लानानै रायखोमानाय (अगेन मुं सुनाय) आखुखौसो गावनि आंगो आखु महरै लाबाय। मानसिफोरनि गेजेराव दिनै बयबो एना-एनि (हिंसा-हिंसि) जाजोबबाय। सुबुङा दिनै आंगो सोमोन्दोखौ नेवसिनानै खालि रां, दोनदौलदखौल’ सिनायग्रा जाबाय।
(घ) सोदोमस्रिनि मुखा लानाय सोलोंथाइ मोननानै
जादोंबोला जों बिबादिखौ ;
बेबादि रोंनायखौ सोलि सुला जानायखौ
थाहो आथिं सिङाव
नाङा नाङा बे रोंनायखौ।
फिननायः- बे खन्थाइ सारिखौ फरा बिजाबाव थानाय कमल कुमार ब्रह्म बिथांनि लिरनाय “आंनि गामि मुंनि खन्थाइनिफ्राय लानाय जादों। बे सारिनि गेजेरजों खन्थाइगिरिया आथिखालनि सुबुंफोरनि नंखाय सोलोंथाइजों सोदोमस्रिनि मुखा लानानै मावनाय थगायनाय आखुफोरखौ सिन्था खालामदों।
खन्थाइगिरिया बे सारिफोरनि गेजेरजों फोरमायदों दि आथिखालनि सुबुङा सोलोंथाइ मोननानै गावखौ गियानी आरो सोद्रोम होननानै देखायनो थाखाय सोदोमस्रिनि मुखा लादों। नाथाय बेबादि सोलोंथाइ मोननानैबो जोंनि सुबुं समाजाव बिबादि आरो हिंसासो जाखांफैदों। मानसिफोरा सोलोंथाइखौ मोजां खामानियाव बाहायालासे खालि थगायनाय, सुबुं समाजखौ नेवसिलायनाय आरो थगायलायनायनावसो बाहायदों। खन्थाइगिरिया बुंदों दि जे बेबायदि सोलोंथाइया मानसिखौ मोजां आखु होनो हाया, बेबादि सोलि सुला रोंनायखौ जोंनो नाङा। बिथाङा बेबादि गाज्रि रोंनाय आरो थगायनाय आखुफोरखौ आथिं सिङाव गादबना दोननो खावलायदों, मानोना बेबादि नंखाय रोंनाया समाजखौ गाज्रि लामाजोंसो लाङो।
(‘ङ) बेयावहायनो थारै दङ आंगो गोसोनि राव
बे रावानो जाथों
मानसिनि गुबै सोलोंथाइ।
फिननायः- बे खन्थाइ सारिखौ फरा बिजाबाव थानाय कमल कुमार ब्रह्म बिथांनि लिरनाय “आंनि गामि मुंनि खन्थाइनिफ्राय लानाय जादों। बे सारिनि गेजेरजों खन्थाइगिरिया उन्दै समाव बिमा-बिफानिफ्राय मोननाय आंगो गोसोनि राव आरो बोसोनफोरखौनो मानसिनि थाखाय गुबै सोलोंथाइ होननानै फोरमायदों।
खन्थाइगिरिया बुंदों दि आथिखालनि रां-दौलदनि फारसे सोलोंथाइया मानसिखौ सोलि सुला (थगायग्रा) सो खालामो। नाथाय खन्थाइगिरिया उन्दै समाव जेब्ला बिमा-बिफानि बुंनाय बायदि बेसेनगोसा बोसोनफोरखौ मोनदोंमोन, बेयावहायनो थारै आंगो गोसोनि रावा दङ। बे आंगो गोसोनि रावा जाबाय अनलायनो सोलोंनाय, खौसेयै राइजो जानाय आरो देरसिनफोरखौ मानिनाय आखु। खन्थाइगिरिया मिजिं थिदों दि बे उन्दै समाव मोनबोनाय आंगो रावानो सुबुं समाज एबा इयुननि सुबुंफोरखौ मोजां लामाजों दैदेननो हानाय मानसिनि गुबै सोलोंथाइ महरै सिनायथि जाथों। बे आखुफोरनि गेजेरजोंसो समाजआव फिन गोजोन आरो खौसेथि फैफिननो हागोन होनना खन्थाइगिरिया बुंदों।
SEBA Class 10 Bodo Medium MIL Question Answer
खन्थाइ आयदा : | |
फारि नं | फरा |
1 | |
2 | |
3 | |
4 | |
5 | रादाय |
6 | हाग्रामायाव अर |
7 | बोहैथि |
8 | बैसागि आगर |
रायथाइ / सल' आयदा : | |
9 | समाज सिबियारि गुरुदेब कालीचरण ब्रह्म |
10 | फालांगियारि सुबुं जानि फै |
11 | इन्टारनेटनि गोदै गोखा |
12 | बर' हारिनि खुगाथुनलाइ |
13 | हारिमानि खौसेथि |
14 | हाग्रामा दावबायनाय |
15 | बर' मोसानाय |
16 | अरुनिमा सिन्हा-गाव फोथायथि आरो साहसनि गुबुन मोनसे मुं |
17 | मन्थ्रि फैगोन |
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 10 Subjects:
1. English
2. Science
3. Social Science
4. Mathematics
5. Hindi
FAQ
Where I can get ASSEB/SEBA Class 10 Bodo Medium MIL Chapter-2 Question Answer" आंनि गामि" ?
You can get the complete ASSEB/SEBA Class 10 Bodo Medium MIL Chapter-2 Question Answer ” आंनि गामि” on Bodoland Library.
Are these Class 10 MIL-Bodo Chapter-2 question answers useful for Exam?
Yes, these Chapter-2 Question Answer ” आंनि गामि“ are useful for exam.
Are these question answers based on the latest ASSEB/SEBA Class 10 syllabus?
Yes, the questions and answers are prepared according to the latest ASSEB/SEBA Class 10 syllabus.
Are these ASSEB/SEBA Class 10 MIL Question Answers helpful for HSLC exams?
Absolutely. These notes are exam-oriented and help students write correct and well-structured answers in the ASSEB/SEBA HSLC examination.