ASSEB/SEBA Class 10 Bodo Medium MIL Chapter-1 Question Answer "बिबार खानाय"
फरा-1
बिबार खानाय
सोंथि
1. गाहायनि सोंथिफोरखौ मोनसे सोदोब एबा फंसे बाथ्राजों फिन हो-
(क) बिबार खानाय खन्थाइनि लिरगिरिया सोर?
फिननायः- बिबार खानाय खन्थाइनि लिरगिरिया रुपनाथ ब्रह्म ।
(ख) बिबारा माबादि बारदों?
फिननायः- बिबारा फुरहाब-जाहाब गावदां बारदों।
(ग) सिखिरिया माबादि बिदै सोबदों?
फिननायः-सिखिरिया बिरहाब-गदहाब बिदै सोबदों ।
(घ) बिबारा माब्ला सिरियो?
फिननायः- सान जौब्ला, सान्दुं राब्ला आरो सोनाबनि गोब्राब बार बारब्ला बिबारा सिरियो ।
(ङ) बिबारबारियाव मा मा गाबनि बिबार बारदों?
फिननायः- बिबारबारियाव फुरहाब, जाहाब गावदां बिबार बारदों ।
2. सुंद’यै फिन हो-
(क) दौबा सुफुंजासे सोर सोर बिबार खादों?
फिननायः- दौबा सुफुंजासे आगै दैसारी, लाइसारी आरो मनसारीमोना बिबार खादों ।
(ख) खन्थाइयाव सोरखौ जोंलाय ओरैनो थांफिननांगोन होनना बुंदों?
फिननायः- खन्थाइयाव जोंखौ (मानसि जिउखौ) समा बारगलांब्ला गियान बुथुमना लानो हायाबा ओरैनो आखाइ गोजायै बे बुहुमनिफ्राय थांफिननांगोन होनना बुंदों।
(ग) जान्जि खाफ्रा-खाफ्रि सोर सोर बिबार बारियाव बिबार खादों?
फिननायः- जान्जि खाफ्रा-खाफ्रि गियाति, निमायति आरो गयति सिख्लाफोरा बिबार बारियाव बिबार खादों।
(घ) सानजौबोला आरो गोब्राब बार बारोब्ला बिबारफोरा मा जालांगोन होनना बुंदों?
फिननायः- सानजौबोला आरो गोब्राब बार बारोब्ला बिबारफोरा रय रय सिरिनांगोन होनना बुंदों।
(ङ) गियाति, निमायति आरो गयतिमोना माबादि बिबार खादों?
फिननायः- गियाति, निमायति आरो गयतिमोना मोखां सोमहाब सोमहाब (गोसो होथाबनानै) आरो नायफिना जिराया हागौमानि बिबार खादों।
3. खन्थाइजों सोमोन्दो लाखिनानै गुवारै बेखेवना लिर-
(क) खन्थाइगिरिया मा खालामनानै सोरजों समान जानायनि बाथ्रा बुंदों?
फिननायः- खन्थाइगिरि रुपनाथ ब्रह्म बिथाङा गियाति, निमायति आरो गयति सिख्लाफोरनि उन जायालासिनो, बिसोरबायदिनो गोसो होथाबनानै बिबार खानो (गियान बुथुमनो) खावलायदों। सम थानायावनो गावबागाव मावनांगौ खामानिखौ फोजोबना, बिसोरजों समान जानानै दावगालांनो एबा गियान बुथुमनो हायो, खन्थाइगिरिया बे बाथ्राखौनो बुंदों।
(ख) खन्थाइगिरिया मोखां सोमहाब सोमहाब बिबार खानायनि बाथ्राजों मा बुंनो नाजादों?
फिननायः- मोखां सोमहाब सोमहाब बिबार खानाय, बे बाथ्राजों खन्थाइगिरिया बुंनो नाजादों जे लाइमोन बैसोआवनो एबा उन्दै समावनो फरायसाफ्रा जेरैबायदि गियाति-निमायतिमोना गोसो होथाबना बिबार खादों, थिग बेबायदिनो खुब गोसो होनानै गियान बुथुमना लानो नांगौ। मानोना जिउनि समा बारगलांब्ला एबा बैसोआ बारलांब्ला जों बे बुहुमनिफ्राय आखाइ गोजायै थांफिननांगोन, बेखायनो सम थानायावनो गोसो होथाबना गियान बुथुमनायनि खामानिखौ फोजोबनांगोन।
4. बिबार खानाय खन्थाइनि गुबै बाथ्राखौ गावनि रावजों लिर।
फिननायः- “बिबार खानाय” खन्थाइया दोंसे नेरसोनारि खन्थाइ। बे खन्थाइनि गेजेरजों खन्थाइगिरि रुपनाथ ब्रह्म बिथाङा लाइमोन बैसोआव एबा उन्दै समावनो गियान बुथुमना लानो खावलायदों।
फुं समाव सानजाहा सोरां जानाय, बिबारबारियाव बिबार बारनाय आरो सिखिरिफोरा बिदै सोबनायनि महरजों खन्थाइगिरिया जिउनि साबसिन सम एबा उन्दै समखौ फोरमायदों। जेरैबायदि गियाति, निमायति आरो गयतिमोना मोखां सोमहाब सोमहाब गोसो होथाबनानै बिबार खादों, थिग बेबायदिनो दैसारी, लाइसारी आरो मोनसारीमोनखौबो बिबार खानो (गियान बुथुमनो) थुलुंगा होदों।
मानोना सान जौब्ला एबा सान्दुं राब्ला आरो सोनाबनि गोब्राब बार बारब्ला बिबारा जेरैबायदि सिरिलाङो, थिग बेबायदिनो मानसि जिउनि उन्दै बैसोआ बारगलांब्ला जों आखाइ गोजायै बे बुहुमनिफ्राय थांफिननांगोन। बेखायनो सम थानायावनो गावबागाव मावनांगौ खामानिखौ फोजोबना, गुबुनफोरजों समानै दावगालांनो आरो गियान बुथुमनो खन्थाइगिरिया बे खन्थाइनि गेजेरजों थुलुंगा हरदों।
5. गुदि खिथा फोरमायना बेखेवना लिर-
(क) फुरहाब जाहाब गावदां बिबार बारदं।
बिरहाब गदहाब हनै सिखिरि बिदै सबदं।।
खादं आगै दैसारी, लाइसारी, मनसारी,
दौबा सुफुं सुफुं माम्बार फाराफारि।।
फिननायः- बे खन्थाइ खोन्दोंखौ फराबिजाबआव थानाय खन्थाइगिरि रुपनाथ ब्रह्म बिथाङा लिरनाय “बिबार खानाय” मुंनि खन्थाइनिफ्राय लानाय जादों । बे खन्थाइ खोन्दोंनि गेजेरजों खन्थाइगिरिया फुंनि समायना महर आरो उन्दै समाव गियान बुथुमनायनि बाथ्राखौ फोरमायदों।
फुं समाव बिबारबारियाव फुरहाब-जाहाब गावदां बिबारफोर बारदों आरो बे समावनो सिखिरिफोरा गोदो-गोदो बिदै सोबबाय थादों । बे समायना फुंनि समावनो खन्थाइगिरिया उन्दै उन्दै आगै दैसारी, लाइसारी आरो मनसारीमोनखौ फारा-फारि गावबागावनि दौबा सुफुंजासे बिबार खानो (गियान बुथुमनो) थुलुंगा होदों। लाइमोन बैसोआवनो एबा उन्दै समावनो फरायसाफ्रा गोसो होथाबनानै गियान बुथुमना लानो नांगौ ।
(ख) सान जौबला सान्दुं राब्ला-
सनाबनि गबराब बार बारबला,
बिबारा रय रय सिरिनांगन।
जंलाय ओरैन थांफिननांगन।।
फिननायः- बे खन्थाइ खोन्दोंखौ फराबिजाबआव थानाय खन्थाइगिरि रुपनाथ ब्रह्म बिथाङा लिरनाय “बिबार खानाय” मुंनि खन्थाइनिफ्राय लानाय जादों । बे खन्थाइ खोन्दोंनि गेजेरजों खन्थाइगिरिया मानसि जिउनि उन्दै बैसोआ बारगलांब्ला जों आखाइ गोजायै बे बुहुमनिफ्राय थांफिननांगोन होनना फोरमायदों ।
खन्थाइगिरिया समनि बेसेन आरो बे बुहुमनि मानसि जिउनि गोजोर नङि महरखौ नेरसोनारि महरै फोरमायदों। जेरैबायदि फुंनि समायना स्रां समा बारलांनानै बेलासि जायो, सान जौब्ला सान्दुङा रायो आरो सोनाबनिफ्राय गोब्राब बार बारो, थिग बे समावनो बिबारफोरा रय-रय सिरिलाङो । खन्थाइगिरिया बुंदों जे जोंनि मानसि जिउनि उन्दै बैसो एबा लाइमोन समाबो बेबायदिनो नेरसोनारि फुंनि सम। बे लाइमोन बैसोआव एबा उन्दै समावनो गियान बुथुमना लानो हायाबा, जिउनि समा बारगलांब्ला (बैसो जालांब्ला) जों आखाइ गोजायै ओरैनो बे बुहुमनिफ्राय थांफिननांगोन। बेखायनो सम थानायावनो सांग्रां जानानै गियान बुथुमनो खन्थाइगिरिया थुलुंगा होदों।
(ग) हनै सानजाहा सरां जाबाय।
बिबार बारियाव बिबार बारबाय।।
आगै दैसारी, लाइसारी, मनसारी।
फै आखाइ हमै हमै थांदिनि सारि सारि।।
फिननायः- बे खन्थाइ खोन्दोंखौ फराबिजाबआव थानाय खन्थाइगिरि रुपनाथ ब्रह्म बिथाङा लिरनाय “बिबार खानाय” मुंनि खन्थाइनिफ्राय लानाय जादों । बे खन्थाइ खोन्दोंनि गेजेरजों खन्थाइगिरिया फुंनि समायना स्रां महरखौ नेरसोन महरै बाहायनानै उन्दै सम एबा लाइमोन बैसोआवनो सांग्रां जानायनि बाथ्रा फोरमायदों ।
सानजाहा सोरां जानाय आरो बिबार बारियाव समायना बिबारफोर बारनाय, बे समानो जाबाय मानसि जिउनि साबसिन सम एबा उन्दै सम । बेखायनो खन्थाइगिरिया उन्दै आगै दैसारी, लाइसारी आरो मनसारीमोनखौ अलसिया जाना थानो नाङा होनना सांग्रां खालामदों। बिसोरखौ आखाइ हमै-हमै सारि सारि बिबार बारियाव बिबार खानो (गियान बुथुमनो) थांनो खावलायदों । फरायसाफ्रा उन्दै समावनो समखौ बाहाइनानै जोबोद सांग्राङै गियान बुथुमनायनि खामानियाव दावगानांगौ होनना फोरमायदों।
SEBA Class 10 Bodo Medium MIL Question Answer
खन्थाइ आयदा : | |
फारि नं | फरा |
1 | |
2 | आंनि गामि |
3 | जिउनि अलंबार |
4 | गेवस्नांनाय महर |
5 | रादाय |
6 | हाग्रामायाव अर |
7 | बोहैथि |
8 | बैसागि आगर |
रायथाइ / सल' आयदा : | |
9 | समाज सिबियारि गुरुदेब कालीचरण ब्रह्म |
10 | फालांगियारि सुबुं जानि फै |
11 | इन्टारनेटनि गोदै गोखा |
12 | बर' हारिनि खुगाथुनलाइ |
13 | हारिमानि खौसेथि |
14 | हाग्रामा दावबायनाय |
15 | बर' मोसानाय |
16 | अरुनिमा सिन्हा-गाव फोथायथि आरो साहसनि गुबुन मोनसे मुं |
17 | मन्थ्रि फैगोन |
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 10 Other Subjects:गुबुन आयदाफोर
1. English
2. Science
3. Social Science
4. Mathematics
5. Hindi
FAQ
Where I can get ASSEB/SEBA Class 10 Bodo Medium MIL Chapter-1 Question Answer" बिबार खानाय" ?
You can get the complete ASSEB/SEBA Class 10 Bodo Medium MIL Chapter-1 Question Answer ” बिबार खानाय” on Bodoland Library.
Are these Class 10 MIL-Bodo Chapter-1 question answers useful for Exam?
Yes, these Chapter-1 Question Answer ” बिबार खानाय” are useful for exam.
Are these question answers based on the latest ASSEB/SEBA Class 10 syllabus?
Yes, the questions and answers are prepared according to the latest ASSEB/SEBA Class 10 syllabus.
Are these SEBA Class 10 MIL Question Answers helpful for HSLC exams?
Absolutely. These notes are exam-oriented and help students write correct and well-structured answers in the SEBA HSLC examination.