Class 10 Bodo Medium MIL Chapter-3 Question Answer

खन्थाइनि गुबै राव : बे खन्थाइनि गेजेरजों खन्थाइगिरि सुरथ नार्जारी बिथाङा बे मुलुगाव अरायबो सासे बिफा महरै थानाय इसोर एबा ग’साइखौ गोसोखांनानै गावनि जिउनि दुखु-सुखुखौ फोरमायदों। खन्थाइगिरिया हमदांनो हादों दि बिथांनि आथिखालनि जिउआ थेर-बेथेर आरो लाथिख’ जालांनानै बायग्लिसिनदों। गावनि बे सिलिंखार जानाय जिउखौ गोदानै सुजुनो, दाफिननो आरो आबुं खालामनो थाखाय बिथाङा अरायबो आफा (इसोर) खौनो अनसायदों आरो मोननो हास्थायदों। बिथाङा सानदोंमोन दि इसोरखौ गोरलैयैनो मोनदांनो हागोन, नाथाय दिनै इसोरा बिथांनिफ्राय गोजानसिन आरो आनज्राय लांसिनबाय थानाय बादि मोनदांदों। खन्थाइगिरिया इसोरखौ मोजां मोननो थाखाय सिगां समाय लादोंमोन, नाथाय गावनि गोसोनि बेरेखा फाव आरो गोरोन्थि मावनायनि थाखाय बे समाय लानाया दाबो जाफुं जोबाखै। थेवबो, खन्थाइगिरिनि बे दुखुथिया जिउआ गावनि गासैबो गेजेन गोसोनि गेजेरजों अरायबो इसोरनि अननाय आरो निमाहाखौनो लुबैयो, जाहाथे गावनि गोरोन्थिफोरखौ फोसाबनानै जिउखौ आबुं खालामनो हायो।

1. गाहायाव होनाय सोंथिफोरखौ फंसे सोदोब एबा फंसे बाथ्राजों फिन हो-
(क) खन्थाइगिरिया अराय सोरखौ गाबज्रियो?
फिननाय :- खन्थाइगिरिया अरायबो इसोर एबा अबंलावरिखौ गाबज्रियो।

(ख) लिरगिरिया अरायबो सोरनि अननाय मोननो लुबैयो?
फिननाय :- लिरगिरिया अरायबो ग’साइ एबा इसोरनि अननाय मोननो लुबैयो।

(ग)खन्थाइगिरिया अराय सोरखौ अनसायदों?
फिननाय :- खन्थाइगिरिया अरायबो आफा इसोरखौ अनसायदों।

(घ)जिउनि अलंबार खन्थाइनि लिरगिरिया सोर?
फिननाय :- जिउनि अलंबार खन्थाइनि लिरगिरिया सुरथ नार्जारी।

(ङ) खन्थाइगिरिया माखौ सिमान लादों?
फिननाय :- खन्थाइगिरिया इसोरखौ मोजां मोननो होननानै सिमान (समाय) लादों।

2. गाहायाव होनाय सोंथिफोरखौ नैजि एबा थामजिसो सोदोबनि गेजेराव फिन हो-

(क) खन्थाइगिरिया मा समाय लादोंमोन?

फिननाय :- खन्थाइगिरिया इसोरखौ मोजां मोननो होननानै समाय लादोंमोन। नाथाय बिथाङा बे समाय लानायखौ मावफुंनो हायाखै आरो दाबो सम सम बेरेखा फावखौसो मावफ्लाङो।

(ख) खन्थाइगिरिनि मा बेरेखा फावा बबेनिफ्राय बारनलाङाखै?

फिननाय :- खन्थाइगिरिनि इसोरनि मेगनाव गोरोन्थि खालामनाय एबा बेरेखा फावआ बिथांनि गोसोनिफ्राय दाबो बारनलाङाखै ।

3. गुदि खिथा फोरमायनानै बेखेवना लिर-

(क) बे आंनि थेर बेथेर जालांनाय जिउखौ

बे आंनि लाथिख’ जालांनाय जिउखौ

गोदानै सुजुनो होननानै

आबुं खालामनो होननानै

नोंखौनो अनसायदों आफा

नोंखौनो हास्थायदों।

फिननाय :- बे खन्थाइसिरिखौ सुरथ नार्जारीनि लिरनाय ‘जिउनि अलंबार’ मुंनि खन्थाइनिफ्राय लानाय जादों। बे सारिनि गेजेरजों खन्थाइगिरिया गावनि बायग्लिलांनाय थेर-बेथेर जिउखौ इसोरनि हेफाजाबजों गोदानै दाफिननो, आबुं खालामनो आरो इसोरखौनो अराय हास्थायनायनि बाथ्राखौ फोरमायदों।

खन्थाइगिरिया फोरमायदों दि बे मुलुगाव अराय सोरबा सासे बिफा महरै इसोर दङ। बिथांनि आथिखालनि जिउआ थेर-बेथेर एबा सिलिंखार जालांदों आरो लाथिख’ जालांदों। गावनि बे गाज्रि जालांनाय जिउखौ गोदानै सुजुनो, दाफिननो आरो आबुं खालामनो थाखाय खन्थाइगिरिया इसोरखौनो (आफा) अनसायदों आरो बिखौनो हास्थायदों। इसोरनि हेफाजाब मोनावब्लासो जिउआ साबसिन जागोन होननानै बे सारिनि गेजेरजों फोरमायदों।

(ख) गोरलैयै हमदांहागोन होननाया

गोरलैयै मोनदांमोनगोन होननाया

दिनै माथो गोजानसिन जाखो आफा

दिनै माथो आनज्राय लांसिनखो।

आंबो सिमानजायो आफा

नोंखौ मोजां मोननो होननानै

समाय लानाया

दाबोनो जाफुं जोबाखै,

फिननाय :- बे खन्थाइसिरिखौ सुरथ नार्जारीनि लिरनाय ‘जिउनि अलंबार’ मुंनि खन्थाइनिफ्राय लानाय जादों। बे सारिनि गेजेरजों खन्थाइगिरिया इसोरखौ गोरलैयैनो मोननो हागोन होनना साननाय, नाथाय आथिखालाव इसोरा गोजान जालांनाय आरो गावनि समाय लानाया दाबो जाफुं जोबै बाथ्राखौ फोरमायदों।

खन्थाइगिरिया फोरमायदों दि बिथाङा सिगां सानदोंमोन दि इसोरखौ गोरलैयैनो हमदांनो एबा मोनदांनो हागोन। नाथाय आथिखालाव जेसेनो खाथियाव थांनो नाजायो, एसेनो इसोरा बिथांनिफ्राय गोजानसिन आरो आनज्राय लांसिनबाय थानाय बादि मोनदांदों। खन्थाइगिरिया इसोरखौ मोजां मोननो थाखाय सिमान एबा समाय लादोंमोन, नाथाय गावनि गोरोन्थि आरो बेरेखा फाव मावनायनि थाखाय बे समाय लानाया दाबो जाफुं जोबाखै होननानै बे सारिनि गेजेरजों फोरमायदों।

(ग) थेवबो बे दुखुथिया जिउआ

जेनिबो गेजेन गोसोनि गेजेरजों

नोंनि अननाय लुबैयो ग’साइ

नोंनि अननाय लुबैयो …….

फिननाय :- बे खन्थाइसिरिखौ सुरथ नार्जारीनि लिरनाय ‘जिउनि अलंबार’ मुंनि खन्थाइनिफ्राय लानाय जादों।  बे सारिनि गेजेरजों खन्थाइगिरिया गावनि गोबां गोरोन्थि आरो बेरेखा फाव मावनायफोरखौ हमदांनानै, गावनि गोसोनि गेजेरजों इसोरनियाव निमाहा बिनानै अननाय हास्थायनायनि बाथ्राखौ फोरमायदों।

खन्थाइगिरिया फोरमायदों दि बिथाङा सिगां लानाय समायफोरखौ मावफुंनो हायाखै नाथाय सम सम गावनि गोसोनिफ्राय बेरेखा फावखौसो मावफ्लाङो। थेवबो बिथांनि बे दुखुथिया जिउआ गावनि गासैबो गेजेन गोसोनि गेजेरजों अरायबो ग’साइ एबा इसोरनि अननायखौनो लुबैयो। गावनि गासैबो गोरोन्थिखौ फोसाबनो हानायनि थाखाय इसोरनि अननाय बिथाङा हास्थायदों होननानै बे सारिनि गेजेरजों फोरमायदों।