ASSEB/SEBA Class 10 Bodo Medium MIL Chapter-4 Question Answer "गेवस्रांनाय महर"
फरा-4
गेवस्रांनाय महर
(Geosrangnai Mohor)
सोंथि
1. गाहायाव होनाय सोंथिफोरखौ फंसे सोदोब एबा सारिसेजों फिननाय हो :
(क) गेवस्रांनाय महर खन्थाइनि खन्थाइगिरिया सोर?
फिननाय :- गेवस्रांनाय महर खन्थाइनि खन्थाइगिरिया जाबाय धरणीधर औवारी।
(ख) खन्थाइगिरिया सोरखौ थगायसुला नङा होन्दों?
फिननाय :- खन्थाइगिरिया गावखौ थगायसुला नङा होनना बुंदों।
(ग) खन्थाइगिरिया सोरखौ गिख’बो नङा होन्दों?
फिननाय :- खन्थाइगिरिया गावखौ गिख’बो नङा होनना बुंदों।
(घ) दुखुनि समाव खन्थाइगिरिया मा खालामजानो लुबैदों?
फिननाय :- दुखुनि समाव खन्थाइगिरिया गोसोखौ सुंथाबना (हमथाना) दोनजानो लुबैदों।
2. गाहायनि सोंथिफोरखौ सारिनै सारिथामसोजों फिननाय हो :
(क) खन्थाइगिरिया सोरखौ मेगनाव मोदै नुब्लाबो मानो गाबब्रु नङा होनदों?
फिननाय :- खन्थाइगिरिया गावखौ बुंदों जे बिथाङा गिख’बो नङा, थगायसुलाबो नङा। नाथाय मानसि महरै मेगनाव मोदै नुब्ला गावनावबो गाबनाय एबा गोसो दुखु जानाया अरायबो फैखायो, मानोना बिथाङा मानसि समाजनाव थानाय दुख-सुखुखौ मोनदाङो।
(ख) मुलुगनि खामानिखौ लाना खन्थाइगिरिया सोरखौ मानो गाबा होन्दों?
फिननाय :- खन्थाइगिरिया गावखौनो बुंदों। खन्थाइगिरिया सासे थि गोसोनि सुबुं जानायनाव, सुबुं समाजाव थानाय गिख्रंथाव नियम-खायदा, मानसिफोरनि थगायनाय-फावथिना आरो जिउ खुंनायनि खस्तफोरखौ नुब्ला बिथाङा गोसोआव जोबोरै दुखु मोनो। नाथाय बिथाङा गाव खस्त मोननायनि थाखाय गाबाखै।
(ग) खन्थाइगिरिया गावनि गोरोन्थिखौ मा खालामनो खावलायदों?
फिननाय :- खन्थाइगिरिया गावनि गोरोन्थिखौ गावनो सान्नानै लानो खावलायदों। सुखु-दुखु, फोथायनाय, गोरोन्थि साननाय बेफोर मानसिफोरजों अराय लोगोयाव थाफायोब्लाबो गोरोन्थि साननाय मावनायफोरखौ हमथाना गावखौ फोथायना लानो खावलायदों।
(घ) नांगौखौल’ मोनब्लानो जायो होनना खन्थाइगिरिया सोरखौ बुंदों?
फिननाय :- खन्थाइगिरिया गावनि जिउनि थासारिखौ लाना बुंदों जे थांना थानायाव मानसिना जिउ खुंनो थाखाय जेसेबां नांगौ, बेखौ मोनब्लानो जिउवा जाफुङो। बेनि थाखाय देरगानाय एबा गोबां लुबैनायनि गोनांथि गैया।
3. गाहायनि सोंथिफोरखौ बाजिसो सोदोबजों फिन हो :
(क) खन्थाइगिरिया गोनां जानो लुबैनानै मा बादि थानो हागोन होनना सान्दोंमोन? खन्थाइनि हेफाजाब लानानै लिर।
फिननाय :- खन्थाइगिरिया सान्दोंमोन जे बिथाङाबो संसारनाव गोनां सुबुं जानो हागोन आरो सानफ्रोमबो मिनि-रंजा जानानै थाबाय थानो हागोन। बिथांनि सान्नाय बादिब्ला, जिउनाव जेसेबां गिदिर दुखु-खस्त एबा जेंनायानो फैया मानो, बिथाङा गावनि गोसोखौ हमथाना अरायबो रंजानाय थासारिनाव थानो हागोन। नाथाय संसारनि थासारिया बिथांनि सान्नाय बादि जाफुङाखिसै।
(ख) साननैनि संसाराव खन्थाइगिरिया मा खालामजानो लुबैदों? खन्थाइनि हेफाजाब लानानै फोरमाय।
फिननाय :- साननैनि संसाराव खन्थाइगिरिया गुबुनखौ थगायनानै देरगानाय (दुगानाय) आरो रावनिबो बान्था एबा मान-समान लानो लुबैयाखै। बिथाङा गावनि सायाव फोथायनाय लाखिनानै, जिउ खुंनो थाखाय जेसेबां नांगौ बेखौल’ मोननानै गोजोनै थानो लुबैदों। मानोना मानसिनि जिउवा थास’ लाइनि दै बादि अराय थाग्रा नङा, दिनै दं गाबोन गैया, बेखायनो बिथाङा गावनि गोसोखौ सुंथाना दोननो लुबैदों।
(ग) ‘नाथाय नंगौ हादिया साननायखौ जानो’ -खन्थाइगिरिया बे रावनि गेजेरजों मा होननो नागिरदों नोंनि रावजों लिर।
फिननाय :- बे रावनि गेजेरजों खन्थाइगिरिया बुंनो नागिरदों जे मानसिया जिउ खुंनायाव गोबां आसा, लुबैनाय आरो सान्नाय-हनाय लाखियोब्लाबो बेफोर गासिबो जेब्लाबो जाफुजोबाङा। खन्थाइगिरि बिथाङाबो गावनि जिउखौ लानानै गोबां मोजां सान्दोंमोन आरो सिमां नुदोंमोन। नाथाय संसारनि गोख्रों थासारि आरो बायदि नियमनि सिगाङाव बिथांनि सान्नाय एबा नागिरनायफोरा फेलें जाबाय आरो जेबो जाफुंसारनो मोनासै।
(घ) खन्थाइगिरिया माखौ गसाइनि रिफिनाय होनना बुंनो नागिरदों? नोंनि रावजों लिर।
फिननाय :- खन्थाइगिरिया मानसिनि सुख-दुखु, थांना थानाय आरो जिउनि सोलायस्लु थासारिखौ ‘गसाइनि रिफिनाय’ होनना बुंदों। मानसिनि जिउवा थास’ लाइनि दै बादि—दिनै रंजानाय दङब्ला गाबोन मा जागोन रावबो मिथिया। बे संसराव सुबुंनि जाफुंनाय आरो फेलें जानाय, गासिबो अबंनि एबा गसाइनि नियमसो, जायखौ मानसिया सिगांग्रो मिथिनो हाया आरो सोलायनोबो हाया।
4. गेवस्रांनाय महर खन्थाइनि गुबै सान्थौखौ नोंनि रावजों लिर।
फिननाय :- ‘गेवस्रांनाय महर’ खन्थाइनि गेजेरजों खन्थाइगिरि धरणीधर औवारि बिथाङा मुलुग संसारनि सुबुंफोरनि थांना थानायनि थासारि, सुख-दुखु, आरो मानसिनि गोसोनि सान्थौखौ बेरखां होदों।
खन्थाइगिरिया बुंदों दि बिथाङा गाव थगायसुला सुबुं नङा, थेवब्लाबो सासे मानसि महरै संसारनि दुखु-खस्त आरो सुबुंफोरनि नांथाबनायखौ नुब्ला बिथांनि गोसोआ दुखुनाव गाबो। बिथाङा मालायनि अननाय एबा नंखाय फावथिना लानानै जिउ खुंनो लुबैया, बिखायनो गावनि सायाव फोथायनाय लाखिनानै जिउ खुंनो खावलायदों। बिथांनि सान्नाय बादिब्ला, मानसिया जिउ खुंनो थाखाय गोबां आसा एबा देरगानायनि गोनांथि गैया, थांना थानो जेसेबां नांगौ बेखौल’ मोनब्लानो जिउवा जाफुङो। मानसिया गावनि गोरोन्थिखौ गावनो सान्नानै लाजिनांगौ आरो जिउनाव जेसेबां दुखु फैसा गावनि गोसोखौ सुंथाना (हमथाना) दोननांगौ।
संसारनाव मानसिनि जिउवा थास’ लाइनि दै बादि, दिनै रंजाबाय नाथाय गाबोन मा जागोन रावबो मिथिया। बे गासिबो सुख-दुखु आरो सोलायनायफोरा गसाइनि रिफिनाय (नियम) सो। मानसिया गावनि जिउखौ मोजां खालामनो गोबां सानो, नाथाय गसाइनि नियमनि सिगाङाव मानसिनि सान्नाय-हांख्रायनायफोरा फेलें जायो होननानै खन्थाइगिरिया फोरमायदों।
5. गुदि खिथा फोरमायनानै बेखेवना लिर।
(क) आं सोलिया मालायनि अन्नायखौ लाना,
फोथाया बाइदिसिना भावथिना नुना ;
गिया गुबुननि गिथाव नेम खोनाना,
गाबा मुलुगनि गोब्राब खामानि लाना
फिननाय :- बे खन्थाइसिरिखौ धरणीधर औवारीनि लिरनाय ‘गेवस्रांनाय महर’ मुंनि खन्थाइनिफ्राय लानाय जादों। बे सारिनि गेजेरजों खन्थाइगिरिया गावनि उदां सानस्रि, गावखौ फोथायनाय आरो संसारनि थासारिखौ नुनानै गोसोनाव जाखांनाय मोनदांथिखौ बेरखां होदों।
खन्थाइगिरिया बे सारिफोरनि गेजेरजों सासे गोख्रों गोसोनि सुबुंनि महरखौ फोरमायदों। बिथाङा बुंदों जे गावहा उदाङै आरो गावनि गोहोआव थांना थानो हास्थायो; बिथाङा मालायनि अननाय, गियानखौ लाना जिउ खुंनो लुबैयाखै। संसारनाव मानसिफोरा गावनि सुबिधानि थाखाय जेरैबादि नंखाय फावथिना दिनथियो, बेफोरखौ बिथाङा अरायबो नेवसियो आरो फोथाया।
समाजनाव थानाय माखासे गिखंथाव नियम-खायदाफोरखौ खोनानानै बिथाङा गावखौ लोरबां खालामा। नाथाय, सासे मानसि महरै बिथांनाव गोथौ गोसो दङ। बे संसारनि सुबुंफोरनि जिउ खुंनायनि गोब्राब नांथाबनाय, खस्त आरो जेंनाफोरखौ नुनानै बिथांनि गोसोआ दुखुनाव गाबो। बिथाङा गावनि दुखुनि थाखाय गाबाखै, नाथाय मुलुग संसारनि गोब्राब थासारिफोरखौ गोथौयै मोनदांनानैसो बिथांनि गोसोआ लोरबां जायो होननानै फोरमायदों।
(ख) नांनायखौल’ जेब्लाबो मोनब्लानो जायो,
गावखौ फोथायना बेव थाबानो जायो ;
गावनि गोरोन्थि गावनो सान्ना लाजायो,
जेसेखि दुखु, गोसोखौ सुंथाबानो जायो।
फिननाय :- बे खन्थाइ सिरिखौ धरणीधर औवारीनि लिरनाय ‘गेवस्रांनाय महर’ मुंनि खन्थाइनिफ्राय लानाय जादों। बे सारिनि गेजेरजों खन्थाइगिरिया मानसिनि जिउ खुंनायनि सांग्रां सानस्रि, गावनि सायाव फोथायनाय आरो गोसोखौ हमथानो हानाय गोहोनि बागै फोरमायदों।
खन्थाइगिरिया बे सारिफोरनि गेजेरजों मानसिखौ जिउ खुंनायाव गोजोन आरो गोख्रों थानो थाखाय बोसोन होदों। बिथाङा बुंदों जे संसराव थांना थानो थाखाय मानसिया गोबां आसा, देरगानाय एबा धोन-दौलतनि गोनांथि गैया। जिउ खुंनो थाखाय जेसेबां नांगौ, बेखौ मोनब्लानो मानसिनि जिउवा जाफुङो आरो बे संसारनाव गोजोनै थानो हायो। जिउ खुंनायाव बयनिख्रुइबो गाहाइ गोनाङा जाबाय गावनि सायाव फोथायनाय लाखिनाय। गावनि सायाव फोथायनाय थाब्ला मानसिया जायखिजाया थासारिनावबो गसं थानो गोहो मोनो।
लोगोसे, मानसि महरै जिउनाव गोरोन्थि जायो, नाथाय बे गोरोन्थिखौ गावनो सान्नानै लानांगौ आरो गोसोखौ सुस्रांनो नाजायनांगौ। जिउनि लामायाव जेसेबां गिदिर दुखु-खस्त, जेंना फैया मानो, मानसिया गावनि गोसोखौ सुंथाना एबा हमथाना दोननो हानांगौ। गोसोखौ हमथानो हाब्लानो मानसिया गासिबो दुखुआवबो देरहासार जानो हायो।
(ग) अहो, आं नंमारा थगायसुला जेरैबो
सानदोंमोन नाथाय गोनां जानोखौ आंबो
मिनि रंजा जाना थानो हागोन जेब्लाबो
सान रोंलिया दुखुआव दुखु मोनब्लाबो।
फिननाय :- बे खन्थाइ सिरिखौ धरणीधर औवारीनि लिरनाय ‘गेवस्रांनाय महर’ मुंनि खन्थाइनिफ्राय लानाय जादों। बे सारिनि गेजेरजों खन्थाइगिरिया गावनि जिउनि आसा, साननाय-हनाय आरो संसारनि थासारिनि सिगाङाव गोसोनि बेलेबेजे जानाय महरखौ फोरमायदों।
खन्थाइगिरिया बे सारिफोरनि गेजेरजों गावनि गोसोनि सिमांखौ बेरखां होदों। बिथाङा बुंदों जे गावहा थगायसुला सुबुं नङा, जेरैबो रोखायै गाव सासे थि सैथोनि सुबुं। बिथाङाबो संसारनाव गुबुनफोर बादिनो सासे सुबुं जानो लुबैदोंमोन आरो सानदोंमोन जे जिउनि लामायाव जेसेबां दुखु-खस्त फैया मानो, बिथाङा अरायबो मिनि-रंजा जानानै थाबाय थानो हागोन।
बिथांनाव साननाय दंमोन जे दुखुआव दुखु मोनब्लाबो गावखौ हमथाना दोननो हागोन, नाथाय संसारनि गोख्रों आरो सोलायस्लु थासारिया बिथांनि सान्नायखौ जाफुं होयैनि थाखाय बिथाङा साननो रोंलिया एबा लोरबां जाबाय। बिथाङा बुजिनो मोनबाय जे मानसिया जिउ खुंनायाव जेसेबां रंजा रंजा थानो आसा खालामा मानो, संसारनि गोब्राब थासारिया मानसिनि गोसोखौ जेब्लाबो आबुं गोजोननाय होनो हाया।
(घ) नाथाय, नंगौ। हादिया सान्नायखौ जानो
मोनासै बि नागिरनायखौ जगाइनो,
मोनाखिसै आं हांख्रायनायखौ नायनो
जाथाराखिसै जेनिबो आं सान्नायानो।
फिननाय :- बे खन्थाइ सिरिखौ धरणीधर औवारीनि लिरनाय ‘गेवस्रांनाय महर’ मुंनि खन्थाइनिफ्राय लानाय जादों। बे सारिनि गेजेरजों खन्थाइगिरिया गावनि जिउनि लामायाव सान्नाय-हनाय, आसा आरो सिमांफोरनि फेलें जानाय दुखुखौ फोरमायदों।
बिथाङा गावनि जिउनाव जेसेबां लुबैनाय एबा हांख्रायनाय लाखिदोंमोन, बेफोरखौ जाफुंसारनाय नुनो मोनासै। खन्थाइगिरि बिथाङा गावनि जिउखौ गोजोन, उदां आरो रंजानाय खालामनो थाखाय जेसेबां सान्दोंमोन एबा नागिरदोंमोन, बे नागिरनायखौ बिथाङा जगाइनो (जाफुंहोनो) हायैनि थाखाय बिथांनाव गोसोनि दुखु जाखांदों। बिथाङा बुंदों जे नंगौ, मानसिया जिउ खुंनायाव गोबां मोजां आसा लाखियो आरो गावनि जिउखौ गोदान महर होनो नागिरो। थेवब्लाबो, संसारनि गोख्रों थासारि आरो गसाइनि नियमनि सिगाङाव मानसिनि गोहोआ जोबोद एसे। जोबनायाव, बिथाङा दुखुनाव बुंदों जे बिथांनि गासैबो सान्नायानो संसार खुंनायाव जाथाराखिसै एबा फेलें जाबाय।
SEBA Class 10 Bodo Medium MIL Question Answer
खन्थाइ आयदा : | |
फारि नं | फरा |
1 | |
2 | |
3 | |
4 | |
5 | |
6 | |
7 | |
8 | |
रायथाइ / सल' आयदा : | |
9 | |
10 | फालांगियारि सुबुं जानि फै |
11 | इन्टारनेटनि गोदै गोखा |
12 | बर' हारिनि खुगाथुनलाइ |
13 | हारिमानि खौसेथि |
14 | हाग्रामा दावबायनाय |
15 | बर' मोसानाय |
16 | अरुनिमा सिन्हा-गाव फोथायथि आरो साहसनि गुबुन मोनसे मुं |
17 | मन्थ्रि फैगोन |
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 10 Subjects:
1. English
2. Science
3. Social Science
4. Mathematics
5. Hindi
FAQ
Where I can get ASSEB/SEBA Class 10 Bodo Medium MIL Chapter-4 Question Answer "गेवस्रांनाय महर" ?
You can get the complete ASSEB/SEBA Class 10 Bodo Medium MIL Chapter-4 Question Answer “गेवस्रांनाय महर” on Bodoland Library.
Are these Class 10 MIL-Bodo Chapter-4 question answers useful for Exam?
Yes, these Chapter-4 Question Answer “गेवस्रांनाय महर“ are useful for exam.
Are these question answers based on the latest ASSEB/SEBA Class 10 syllabus?
Yes, the questions and answers are prepared according to the latest ASSEB/SEBA Class 10 syllabus.
Are these ASSEB/SEBA Class 10 MIL Question Answers helpful for HSLC exams?
Absolutely. These notes are exam-oriented and help students write correct and well-structured answers in the ASSEB/SEBA HSLC examination.