Class 10 Bodo Medium MIL Chapter-11 Question Answer

ASSEB/SEBA Class 10 Bodo Medium MIL Chapter-11 Question Answer "इन्टारनेटनि गोदै गोखा"

Here you can find फरा-11 “इन्टारनेटनि गोदै गोखा“ ASSEB/SEBA Class 10 Bodo Medium MIL Chapter-11 Question Answer prepared according to the ASSEB/SEBA syllabus. This chapter’s answers are written in simple to help students understand the lesson easily and prepare better for exams.

Chapter Overview

  • Title: इन्टारनेटनि गोदै गोखा (The Sweet and Bitter of the Internet)
  • Original Author: Dr. Pranayi Dutta 
  • Translator (into Bodo): Dr. Rupali Swargiary   
  • Class & Subject: Class 10 – Bodo MIL (Modern Indian Language)   

The prose “इन्टारनेटनि गोदै गोखा” (The Sweet and Bitter of the Internet), written by Dr. Pranayi Dutta and translated into Bodo by Dr. Rupali Swargiary, highlights the dual nature of modern digital technology through the life of a Class 10 student, Jwmwisri. Promoted with a first division, Jwmwisri receives a computer with an active Internet connection from her father to widen her knowledge. Eager to explore, she quickly grasps web basics, discovering how the Internet connects networks globally and how the World Wide Web (WWW) was established at CERN in 1989.   

At first, Jwmwisri enjoys the sweet and empowering benefits of the digital world. She emails her friend Rami in Moscow to learn about Saint Petersburg, corresponds with Indian diaspora families in Durban, and rapidly sharpens her English writing fluency. She also handles all family holiday logistics from home—booking tickets, reserving hotel rooms via e-banking, and shopping through e-commerce. However, the bitter side emerges when her system catches a virus. After university researcher Shabana Madam clears the malware with anti-virus software, an anxious Jwmwisri begins obsessively checking the screen, slipping into severe digital addiction. She neglects her homework, ignores family conversations, develops headaches, and withdraws from social courtesy.   

Jwmwisri’s concern grows after seeing her peer’s brother fail exams from chronic mobile gaming and observing the menace of viral rumors. Seeking guidance, she consults Shabana Madam, who uses the metaphor of the Sun: the sun sustains all life, yet excessive heat burns; we do not reject the sun, but rather regulate our exposure to it. Guided by this insight, Jwmaisri resolves to practice strict digital discipline—restricting Internet use to meaningful learning and family duties while staying fully engaged in real-world relationships and social manners.   

फरा-11

इन्टारनेटनि गोदै गोखा

सोंथि

1. गाहायाव होनाय सोंथिफोरखौ मोनसे सोदोब एबा फंसे बाथ्राजों फिन हो-

 

(क) जोमैस्रिनो बिफाया मानो कम्पिउटारखौ अनथोब महरै होदोंमोन?

फिननाय: गु थाखोनिफ्राय जि थाखोसिम सेथि बाहागोआव उथ्रिनो हानायनि थाखाय आरो बिनि गियाननि अरथाया जाहाथे सिमना गैयाजासे गेवलांसारो, बे थांखियै बिफाया जोमैस्रिनो कम्पिउटारखौ अनथोब महरै होदोंमोन।

 

(ख) इन्टारनेटा मा?

फिननाय: इन्टारनेटा जादों मुलुगनाङै थानाय रोजा रोजा कम्पिउटार नेटवर्कफोरनि मोनसे गोख्रों जथाय एबा नेटवर्कनि नेटवर्क।

 

(ग) जोमैस्रिया गिबियाव सोरनो इ-मेइल लिरदोंमोन?

फिननाय: जोमैस्रिया गिबियाव मस्क’आव फरायहैनाय गावनि आंगो लोगो रोमैनिसिम इ-मेइल लिरदोंमोन।

 

(घ) फुजा-बन्दआव जोमैस्रिया बबेसिम थांनायनि थिरांथा लादोंमोन?

फिननाय: फुजा-बन्दआव जोमैस्रिया (गावनि बिमा-बिफाजों) खोला भारताव बेरायहैनो थिरांथा लादोंमोन।

 

(ङ) भाइराचा मा?

फिननाय: भाइराचा जादों फोजोबस्रांलु थांखिजों बानायनाय मोनसे कम्पिउटार प्रग्राम, जायनि आबुं महरा जादों— “Vital Information Resources under seize”।

 

2. सुंदयै फिन हो-

 

(क) WWW एबा वेबा मा?

फिननाय: WWW एबा वेबा जादों मुलुगनाङै गोसारलाना थानाय लाख लाख कम्पिउटाराव थानाय बायदि रोखोमनि मोनसेया मोनसेजों सरजाबफानाय खारि (data) आरिनि मोनसे जथाइ बाख्रि। बे खारिफोरा फरा, ग्राफिक्स, भिडिअ’ आरो अडिअ’ महराव थायो, जायखौ वेबनिफ्राय गोरलैयैनो मोननो हायो। 1989 मायथाइयाव सुइजारलेण्डनि जेनेभायाव थानाय ‘छार्न’ (CERN)-आव बे WWW सानखांथिया जोनोम जादोंमोन।   

 

(ख) जोमैस्रिया इ-मेइलनि गेजेरजों लोगोफोरनिफ्राय मा मा बाथ्रा मिथिनो हाखो?

फिननाय: इ-मेइलनि गेजेरजों जोमैस्रिया मस्क’आव फरायहैनाय गावनि आंगो लोगो रोमैनिफ्राय बन्दआव बिमा-बिफाजों बेरायहैनाय सेइन्टपिटार्स बार्गनि समायना सावगारि आरो दावबायनायनि रोंग’थिनि सोमोन्दै मिथिनो हादोंमोन। बेनि अनगायैबो खोला आफ्रिकानि डारबानाव थानाय भारतारि फोलेरनि बिसि-फिसाइ शान्था आनन्द आरो नरेन मोननि गेजेरजों बियो मिथिनो हाबाय दि भारताव फैयाखैब्लाबो डारबान बादि गुबुन हादरावबो भारतारि दोरोंखौ मानिनानै फोरबोफोराव भारतारि खसाब गानग्रा सुबुंफोर दङ। थिग बेबादिनो बुहुमनि गुबुन गुबुन हादराव थानाय लोगोफोरनिफ्राय गावसोरनि हादर दावबायना मोननाय रोंग’थि, गावबा गावनि नोजोर बिथिं आरो गोबां फुंखा गोनां खौरांफोरखौ जोमैस्रिया इ-मेइलनि हेफाजाबाव मिथिनो हादोंमोन। 

 

एबा

 

          इ-मेइलनि गेजेरजों जोमैस्रिया गाहायाव होनाय बाथ्राफोरखौ मिथिनो हादोंमोन:

(1) मस्क’आव थानाय लोगो रोमैनिफ्राय सेइन्टपिटार्स बार्गनि समायना फट’जों लोगोसे हादर दावबायनायनि रोंग’थिनि सोमोन्दै मिथिनो हादों।   

(2) खोला आफ्रिकानि डारबानाव थानाय भारतारि फोलेरनि बिसि-फिसाइ शान्था आनन्द आरो नरेन मोननि गेजेरजों बेबादि गुबुन हादरनि जायगायावबो भारतारि दोरोंखौ मानिना चोलिबाय थानाय मानसिफोरनि सोमोन्दै मोनथिबाय।   

(3) गुबुन गुबुन हादरनि लोगोफोरजों इ-मेइल हरलायनायनि गेजेरजों गावबा गावनि नोजोर बिथिं आरो हादर दावबायना मोननाय गोबां फुंखा गोनां खौरां मिथिनो हादों।   

 

(ग) इन्टारनेटनि हेफाजाबाव जोमैस्रिया मा मा गोदान रोंगथि मोनखो?

फिननाय: इन्टारनेटनि हेफाजाबाव लोगोफोरनिसिम इ-मेइल हरलायनायनि गेजेरजों जोमैस्रिनि इंराजी राव लिरनायाव खरथि फैदोंमोन आरो गावनि साननाय-हनायखौ खहाब गोनां रावजों फोरमायनो हाग्रा मोनसे गोदान रोंग’थि मोनदोंमोन। बेनि अनगायैबो भिडिअ’ कलिंनि जुथिखौ लाना मोखांजों मोखां जिरायनानै रायलायनाय बादि मोनदांथि मोनदोंमोन, आरो बायदि रोखोमनि वेबसाइटनिफ्राय बिगियाननि आनजाद नायनायनि सोमोन्दै सोलोंना लानो हादोंमोन। थिग बेबादिनो दावबायनायनि टिकेट दाननाय, थाग्रा हटेल नागिरना थिग खालामनाय, हटेलनि अग्रिम बाहाराखौ इ-बेंकिंनि दारै जमा होनाय आरो इ-कमार्सनि गेजेरजों नांगौ जानाय खसाब-बेसाद बायनाय बादि आथिखालनि बाहायारि गोबां गोदान रोंग’थिफोरखौबो बियो इन्टारनेटनिफ्राय मोनदोंमोन।   

 

एबा

 

इन्टारनेटनि हेफाजाबाव जोमैस्रिया गाहायाव होनाय गोदान रोंग’थिफोरखौ मोनदोंमोन:

(1) इ-मेइल हरलायनायनि गेजेरजों बिनि इंराजी राव लिरनायाव खरथि फैदों आरो गावनि साननायखौ खहाब गोनां रावजों लिरनो हाग्रा जादों।   

(2) भिडिअ’ कलिं खालामना मोखांजों मोखां रायलायनायनि जुथिखौ मोनदों।   

(3) बिगियाननि बायदि रोखोमनि आनजाद नायनायनि सोमोन्दै सोलोंना लादों।   

(4) इ-कमार्सनि गेजेरजों अनलाइन बेसाद बायनाय, टिकेट दाननाय, हटेल थिग खालामनाय आरो इ-बेंकिंनि दारै अग्रिम बाहारा जमा होनायनि रोंग’थि मोनदों।  

 

(घ) भाइराचा कम्पिउटार गंसेखौ माबोरै गाज्रि खालामनो हागौ?

फिननाय: भाइराचा जादों फोजोबस्रांलु थांखिजों बानायनाय मोनसे कम्पिउटार प्रग्राम, जाय बाहायग्रानि मिथियाजासे एबा बिथोन लायाब्लानो गावखौनो मोजां प्रग्राम एबा फाइलजों सरजाबना जाथाय जाहोनो हागौ। बेयो कम्पिउटारनि गुबै प्रग्रामखौ दिंघ्रायहोनो हागौ एबा कम्पिउटारखौ गुबुन मोनसे खहा गोनां हाबानि थाखाय बिथोन होनो हागौ। चि.डि., पेनड्राइभ एबा इ-मेइलनि गेजेरजों कम्पिउटाराव हाबनानै मोनसे प्रग्रामखौ मावफुंनायाव बेयो दानख’थायारि गोहोम खोख्लैयो। बेनि अनगायैबो, भाइरासजों नाख्रेबजानाय मोनसे कम्पिउटारा नेटवर्कनि गेजेरजों गुबुन गुबुन कम्पिउटाराव हाबसननानै बयखौबो नाख्रेबना गाज्रि खालामनो हागौ।  

 

एबा

 

        भाइराचा कम्पिउटार गंसेखौ औरैबायदि गाज्रि खालामनो हागौ-

(1) बेयो बाहायग्राया मिथियाजासे बाहायग्रानि बिथोन लायाब्लानो मोजां प्रग्राम एबा फाइलजों सरजाबना गुबै प्रग्रामखौ दिंघ्रायहोनो हागौ।   

(2) कम्पिउटारखौ गुबुन मोनसे खामानिनि थाखाय बिथोन होयो, जाय गुबै प्रग्रामनि थाखाय खहा गोनां।   

(3) प्रग्रामफोरखौ मावफुंनायाव दानख’थायारि गोहोम खोख्लैनो हागौ।   

(4) नेटवर्कनि दारै गुबुन कम्पिउटारावबो हाबना गासै कम्पिउटारखौनो नाख्रेबनो हागौ।   

 

(ङ) “इन्टारनेटाव गोदै खाबु मोननायजों लोगोसे गोखा बेखाबु दं”- बे बाथ्राखौ सोर बुंदोंमोन? इन्टारनेटनि खाबु आरो बेखाबुनि सोमोन्दै फरानि हेफाजाबाव फोरमायना लिर।

फिननाय: बे बाथ्राखौ शाबाना मेडामा बुंदोंमोन।

इन्टारनेटनि खाबु: इन्टारनेटनि गेजेरजों आथिखालाव जेखिजाया गियान, खारि, फरा, भिडिअ’ गोरलैयैनो मोननो हायो। मुलुगनि जेरावखि थाया मानो गोरलैयै इ-मेइल आरो भिडिअ’ कलिं खालामना खौरां लानो हायो। न’आव जिरायनानैनो टिकेट दाननाय, बेसाद बायनाय आरो बेंकिंनि खामानिफोरखौ मावनो हायो, जाय मानसिनि गोबां सम आरो जारलाखौ रैखा खालामो।   

इन्टारनेटनि बेखाबु: बांद्राय बाहायनाया मानसि आरो फरायसाफोरखौ अलसिया खालामो, सानफ्रोमबोनि बिबान आरो लिरनाय-फरायनायाव गोसो सायराब जाहोयो। कम्पिउटाराव भाइराच हाबनाय आरो एकाउन्ट हेक जानानै गोनां खारिसिनथाय खावजानो हागौ। बेनि अनगायैबो ससियेल मिडियायाव गाज्रि एबा नंखाय खौरां गोसारलाना (viral) समाज आरो जिउनि खहा खालामनो हागौ।   

 

(च) “नोंसोर जिंगासिनो नाङा। बेफोर गासैनिबो बिबाना आंनि।” जोमैस्रिया मा बिबान रुजुनना लादोंमोन बुजायना लिर।

फिननाय: फुजा बन्दआव खोला भारताव बेरायहैनो थाखाय जेब्ला जोमैस्रिनि बिमा-बिफाया माबोरै थांगोन, बबाव थांगोन, मा मा नायगोन, टिकेट दाननाय आरो हटेल थिग खालामनायाव बिफानि अफिसनि सम जायै जाहोनाव जिंगा सिदोंमोन, अब्ला जोमैस्रिया बे बाथ्राखौ बुंदोंमोन। 

        बियो गावनि कम्पिउटार आरो इन्टारनेटनि गेजेरजों दावबायनायनि टिकेट दाननाय, थाग्रा हटेल नागिरना थिग खालामनाय, हटेल ख’थानि अग्रिम बाहाराखौ इ-बेंकिंनि दारै जमा होनाय आरो दावबायनायाव नांगौ जानाय खसाब-बेसादफोरखौ इ-कमार्सनि गेजेरजों बायनायनि गासै बिबानखौ रुजुनना लादोंमोन।   

 

3. इन्टारनेटनि बांद्राय बाहायथिया जोमैस्रिनि गोसोयारि मुलुगाव माबदि गोहोम खोलैदोंमोन? जोबनायाव जोमैस्रि्रिया मा थिरांथा लादोंमोन?

फिननाय: कम्पिउटाराव भाइराच हाबनायनि उनाव माबाफोर जाबावनो हागौ सानना गिनायजों गले गले अन खालामना नायबाय थानायनि जाउनाव जोमैस्रिया मिथिस्लाबाजासैनो इन्टारनेटनि गाबगोनां मुलुगाव हाबसनलांदोंमोन। बियो इन्टारनेटजों आथा बादि सिथाबना थानो हमबाय आरो बिमानि खोथाखौ एसेबो खोमा होआ जाबाय। इ-मेइल, भिडिअ’ कलिं आरो सानब्लाउरिनि रंगिना सिमां मुलुगाव मुजिहाबना थानायनि जाहोनाव बियो नखरनि आंगो मानसि, सोमोन्दोनि मानसि आरो खाथि-खाउलानि सुबुंफोरनिफ्राय फारियै आनज्रायलांदोंमोन। न’आव आलासि फैब्लाबो फंसेबो रायदावहैदियै, लामा-सामायाव लोगो आरो देरसिनफोरनो सोद्रोमथि दिन्थिनो रोंयि जाबोबाय, आरो न’नि खामानि-दामानिजों लोगोसे सानफ्रोमबोनि गोनां बिबाननि फारसे बिनि गोसोआ सायराब जालांदोंमोन। बेनि अनगायैबो बाहेरा बिजाब-लाइचिफोरजों सोमोन्दो गैया जानाय, बानाया बांबोनाय आरो खर’ सानाय बादि देहायारि जेंनाफोरजों बियो गोसोयारि मेंग्लिनाय मोन्दोंमोन।   

        जोबनायाव शाबाना मेडामनि बिबुंथिनिफ्राय साननि मोजां आरो गाज्रि बिथिंफोरनि सोमोन्दै मोन्दांथि मोननानै जोमैस्रिया गावखौनो फोसाबना लानो गोखों थिरांथा लादोंमोन। बियो थिरांथा लाबाय दि दानिफ्राय इन्टारनेटखौ लिरनाय-फरायनाय, गेलेनाय-रंजानाय आरो बिमा-बिफाया होनाय बिबानफोरखौ मावफुंनानैसो बाहायसिगोन। बिमा-बिफाया गनायथि होयि जायखिजाया हाबाफारिखौ बियो इन्टारनेटाव नायलिया, आरो इन्टारनेटनि बाहायथिया जाहाथे समब्रा-समब्रि लोगो एबा बैसोगोरासिनफोरनि फारसे थानाय समाजारि बिबानखौ रुजुननायाव हेंथा खोख्लैनो हाया, बेनि फारसे सांग्रां जानानै सोलिगोन। 

 

4. “इटारनेटनि गोदै गोखा” सल’नि मुंनि गोरोबनायखौ बिजिर।

फिननाय: लिरगिरि ड० प्रणयी दत्तनि “इन्टारनेटनि गोदै गोखा” सल’नि मुंनाय बाथ्राया जोबोरैनो गोरोबदों आरो अर्थ गोनां जादों। सोदोबारि महरै नायोब्ला ‘गोदै’ सोदोबा मोजां, खाबु गोनां आरो सुबिदाखौ बुजायो आरो ‘गोखा’ सोदोबा गाज्रि, खहा गोनां आरो बेखाबु बिथिंफोरखौ फोरमायो। गरसे खाउरिनि मोननै बिखुं थानाय बादि बुहुमनि गासै बेसादहानो मोजां आरो गाज्रि मोननै बिथिं थायो। सल’नि गाहाइ आखु जोमैस्रिनि जिउनि गेजेरजों लिरगिरिया इन्टारनेटनि बे मोननैबो बिथिंखौ गाहाइयै दिन्थिदों।   

सल’आव गाहाइयै मोननै बिथिं नुनो मोनो-

गोदै बिथिं (खाबु): इन्टारनेटनि हेफाजाबाव जोमैस्रिया गुबुन हादरनि लोगोफोरजों इ-मेइल आरो भिडिअ’ कलिंनि गेजेरजों सोमोन्दो लाखिनो हादों, इंराजी राव लिरनायाव खरथि बांदों, बिगियाननि आनजाद नायना सोलोंदों आरो न’आव जिरायनानैनो टिकेट दाननाय, हटेल थिग खालामनाय आरो इ-कमार्सनि दारै बेसाद बायनाय बादि गोबां गोदै खाबुफोरखौ मोनदों। बेयो इन्टारनेटनि ‘गोदै’ बिथिं।   

गोखा बिथिं (बेखाबु): नाथाय कम्पिउटाराव भाइराच हाबनाय, एकाउन्ट हेक जानाय आरो बांद्राय इन्टारनेट बाहायनायनि जाउनाव जोमैस्रिनि गोसोयारि आरो देहायारि सोलायनाय फैदोंमोन। बियो फरायनाय, न’नि खामानि आरो समाज-नखरनिफ्राय जानज्रायलांनानै खालि मबाइल-कम्पिउटारावल’ मुजिहाबना थाग्रा जादोंमोन, खर’ सादोंमोन आरो अलसिया जालांदोंमोन। लोगोनि फंबाइ गोमजोराया मोबाइल गेमाव मुखुब जानानै फरायनायाव गाज्रि नम्बर मोननाय आरो ससियेल मिडियायाव नंखाय रादाब (viral) गोसारना समाज खहा जानाय बाथ्रायाबो इन्टारनेटनि गोखा बिथिंखौ दिन्थियो।   

       जोबनायाव जोमैस्रिया शाबाना मेडामनि बिबुंथिनिफ्राय इन्टारनेटनि गाज्रि बिथिंखौ नागारना मोजां बिथिंखौल’ बाहायनायनि थिरांथा लायो। इन्टारनेटनि बे गोदै (खाबु) आरो गोखा (खहा गोनां) मोननैबो बिथिंखौ सल’नि गासै बाथ्रायाव रोखायै बिजिरना दिन्थिनाय जादों मख’नाय जादों, बेनिखायनो सल’नि “इन्टारनेटनि गोदै गोखा” मुंनाया थारैनो गाहाइ भावजों मोजाङै गोरोबदों। 

 

5. इन्टारनेटनि बांद्राय बाहायथिया फरायसानि जिउवाव माबादि गोहोम खोलैनो हागौ फोरमायना लिर।

फिननाय: इन्टारनेटनि बांद्राय बाहायथिया फरायसाफोरनि जिउ, सोलोंथाइ आरो गोसो-मेलेमाव गोबां दानख’थायारि गोहोम खोख्लैनो हागौ। फरायसाफोरा इन्टारनेट, मबाइल गेम आरो ससियेल मिडियायाव बांद्राय मुजिहाबना थायोब्ला लिरनाय-फरायनायनि फारसे गोसो होनाया खमिबोयो, जेरै फरायाव गोमजोरया बांद्राय मबाइल गेम गेलेनायनि जाउनाव आनजादाव गाज्रि नम्बर मोनदोंमोन। सामफ्रोमबो स्क्रिननि सिगाङाव जिरायबाय थानायनि थाखाय बानाया बांबोनाय, खर’ सानाय आरो अलसिया जानाय बादि देहायारि जेंनाफोर नुजायो। बेनि अनगायैबो, बांद्राय नेट बाहायनाया फरायसानि गोसोखौ सायराब खालामो आरो सानब्लाउरिनि रंगिना सिमां मुलुगाव मुजिहाबना थानो थुनथ्रियो, जायनि जाहोनाव बिसोर सानफ्रोमबोनि गोनां खामानि, न’नि बिबान आरो बाहेरा बिजाब-लाइचिफोरजों सोमोन्दो गैया जाबोयो। बेबादिनो फरायसाफोरा नखरनि मानसि, खाथि-खाउलानि आंगो लोगो आरो समाजनिफ्राय फारियै आनज्रायलांनानै आलासि-उलासिनो सोद्रोमथि दिन्थिनो रोंयि जायो आरो ससियेल मिडियायाव गोसारनाय नंखाय खौरांफोरजों गोमनानै समाजजों लोगोसे गावबा गावनि जिउखौबो खहानि मोगा-मोगि खालामनो हागौ।   

 

एबा

 

     इन्टारनेटनि बांद्राय बाहायथिया फरायसाफोरनि जिउ, सोलोंथाइ आरो गोसो-मेलेमाव गोबां दानख’थायारि (गाज्रि) गोहोम खोख्लैनो हागौ। फरायाव दिन्थिनाय बादि बे गाज्रि गोहोमफोरखौ गाहायाव बिजिरना लिरनाय जाबाय:  

(1) सोलोंथाइ आरो फरायनायाव खहा जानाय: इन्टारनेट, मबाइल गेम आरो ससियेल मिडियायाव बांद्राय मुजिहाबना थानायनि जाउनाव फरायसाफोरनि लिरनाय-फरायनायनि फारसे गोसो होनाया खमिबोयो। जेरै फरायाव जोमैस्रिनि लोगोनि फंबाइ गोमजोराया उन्दैयाव फरायनायाव मोजांमोनब्लाबो, बांद्राय मबाइल गेम गेलेनायनि जाउनाव फरायसालियाव थाङाजासे द’ दानारि आनजादनि गांनैसो आयदायाव गाज्रि नम्बर मोनदोंमोन।

(2) देहायारि जेंना आरो अलसिया जानाय: समफ्रोमबो कम्पिउटार एबा मबाइलनि सिगाङाव जिरायबाय थानाय जाउनाव फरायसाफोरनि देहानि बानाया बाङो, खर’ सानाय बादि बेराम-जेंना जायो आरो देहाया अलसिया जालाङो।   

(3) गोसो सायराब जानाय आरो सानब्लाउरि सिमां: बांद्राय नेट बाहायनाया फरायसाफोरनि गोसोखौ सायराब खालामो। बिसोर सानब्लाउरिनि रंगिना सिमां मुलुगाव गोजावफैग्रा जायो, जायनि थाखाय गावनि सानफ्रोमबोनि गोनां खामानि-दामानि आरो बिबानफोरखौ बावगारो।   

(4) समाजारि सोमोन्दो लोरबां जानाय: इन्टारनेटजों आथा बादि सिथाबना थानायनि जाउनाव फरायसाफोरा नखरनि आंगो मानसि, सोमोन्दोनि मानसि आरो खाथि-खाउलानि सुबुंफोरनिफ्राय लासै लासै आनज्रायलाङो। आलासि-उलासि फैब्लाबो रायदायि, लोगोफोरजों लामा-सामायाव लोगो मोनब्ला सोद्रोमथि दिन्थियि आरो समाजारि आखुथि लोरबां जानायनि खैफोदा जाफैयो।   

(5) नंखाय आरो समाज खहा खालामग्रा खौरांनि गोहोम: ससियेल मिडियायाव फोसावजानाय खायसे नंखाय एबा आरजाथाव नङि रादाबा भाइराल (viral) महर लाना फरायसाफोरनि गोसोखौ लामा खोमानानै समाज आरो जिउनि गोबां खहा खालामो।   

 

6. उल्था सोदोब लिर :

खहा, मोगथां, लोगो, देरसिन, खाबु

फिननाय: 

खहा- लाब / मुफा 

मोगथां – सिमां 

लोगो – सुथुर 

देरसिन – उन्दैसिन 

खाबु – बेखाबु 

 

7. बाथ्रा दा :

उसाव-बादाव, खारि, सोद्रोमथि, इन्टारनेट, सानब्लाउरि।

फिननाय: 

उसाव-बादाव: रंजानायजों जोमैस्रिनि गोसोआ उसाव-बादाव जादों।   

खारि: वेबाव बायदिसिना गोनां खारि थायो।  

सोद्रोमथि: देरसिनफोरनो जों सोद्रोमथि दिन्थिनांगौ। 

इन्टारनेट: इन्टारनेटजों गोबां गियान सोलोंनो हायो। 

सानब्लाउरि: सानब्लाउरि सिमां मुलुगाव मुजिहाबना थानो नाङा।

SEBA Class 10 Bodo Medium MIL Question Answer

खन्थाइ आयदा :
फारि नं
फरा
1
2
3
4
5
6
7
8
रायथाइ / सल' आयदा :
9
10
11
12
13
14
15
16
17

Note: If you find any mistakes in these questions and answers, you can tell us or correct it yourself. 

जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।

Class 10 Other Subjects:गुबुन आयदाफोर

1. English

2. Science

3. Social Science

4. Mathematics

5. Hindi

FAQ

Where I can get ASSEB/SEBA Class 10 Bodo Medium MIL Chapter-11 Question Answer "इन्टारनेटनि गोदै गोखा" ?

You can get the complete ASSEB/SEBA Class 10 Bodo Medium MIL Chapter-11 Question Answer “इन्टारनेटनि गोदै गोखा” on Bodoland Library.

Yes, these Chapter-11 Question Answer “इन्टारनेटनि गोदै गोखा“ are useful for exam.

Yes, the questions and answers are prepared according to the latest ASSEB/SEBA Class 10 syllabus.

Absolutely. These notes are exam-oriented and help students write correct and well-structured answers in the SEBA HSLC examination.

Leave a Comment

Your email address will not be published. Required fields are marked *

error: Content is protected !!
Scroll to Top