Class 10 Geography (E) Chapter-1 Question Answer
मिथिंगायारि बुहुमलुर
Key Highlights: Environment & Environmental Geography
This chapter introduces the fundamental concepts of Geomorphology (हा दाथायारि बिगियान). It focuses on how various landforms on the Earth’s surface are created, shaped, and transformed over time. The lesson specifically highlights the role of two major external geomorphic agents: Wind (बार) and Glaciers (बर’फ दैमा), detailing their unique processes of erosion, transportation, and deposition.
1. Introduction to Geomorphology & Geomorphic Processes
• Concept of Landforms: The Earth’s surface is naturally uneven, featuring mountains, plateaus, and valleys on land, as well as distinct ridges and trenches on the ocean floor. These variations are known as landforms.
• Forces At Work: The chapter explains that landforms are constantly modified by two main forces:
- Endogenic Forces (Internal): Forces originating inside the Earth, such as earthquakes (बांग्रिं) and volcanic eruptions (अरगें बेरफुनाय).
- Exogenic Forces (External): Forces acting on the Earth’s surface, driven by wind, rain, running water, glaciers, and waves.
2. The Geomorphic Work of Wind (बारनि खामानि)
This section looks closely at how wind operates as a major landscape-shaping force, particularly in arid desert environments where loose sand is abundant and vegetation is sparse. It outlines the three functions of wind:
- Erosion (खुरनाय): Explains Deflation (blowing away fine particles to create depressions like an Oasis) and Abrasion (sand striking against rock surfaces). It describes erosional structures like Inselbergs (isolated desert hills) and Yardangs (alternating hard/soft rock ridges).
- Transportation (रोगानाय): The movement of fine dust and sand particles across vast distances due to wind speed.
- Deposition (दोनथुमनाय): The settling of sand when the wind loses energy or hits an obstacle. This creates different types of Sand Dunes (बालायारि), including Longitudinal, Transverse, and Barkhans (crescent-shaped dunes).
- Sheet Floods (गुवार दैबाना): Discusses how brief, heavy cloudbursts in deserts cause sudden floods that rapidly transport sediment and alter the terrain.
3. The Geomorphic Work of Glaciers (बर'फ दैमानि खामानि)
This section shifts to the cold regions of the Earth—like the polar zones and high-altitude mountain ranges (the Alps and Himalayas)—where massive sheets of ice move slowly downslope under their own weight and gravity.
• Types of Glaciers: It categorizes glaciers into three distinct types:
- Continental Glaciers (हादोरमायारि बरफ दैमा): Large ice sheets covering massive landmasses like Antarctica and Greenland.
- Mountain / Alpine / Valley Glaciers (हाजोमायारि बरफ दैमा): Tongues of ice moving down steep mountain valleys.
- Piedmont Glaciers (हाजोलामा बरफ दैमा): Ice masses formed when multiple valley glaciers spill out and merge at the foot of a mountain range.
आयदा : 1
मिथिंगायारि बुहुमलुर
सोंलु
1. हादाथाय महर बुङोब्ला मा मोनिथियो ?
फिननाय:- बुहुमनि बिखंआ गासिबो थावनियावनो समान नङा । हादोरमा फोराव हाजो-हाजोमा, जौयेन, दैमा सेरफां बायदि दाथाय दं, बे रोखोमैनो लैथोमायावबो गोजौ हामा आरो गाहाय हामा दङ । बुहुम बिखंनि बेफोरबायदि जुदा-जुदा रोखोमनि गोमोथाव दाथायफोरखौनो हादाथाय महर (Landform) बुंनाय जायो
2. हा दाथायारि बिगियाननि बुंफुरलुं लिर।
फिननाय:- बुहुमलुरनि जाय गाहाय दालायाव हा दाथायफोरनि जोनोम (Origin), फारि दावगानाय (Evolution), महर दाथाय आरो राननायनि (Distribution) बागै गुवारै फरायनो एबा बिजिरनो मोनो, बे दालायखौनो हा दाथायारि बिगियान (Geomorphology) बुंनाय जायो ।
3. हा दाथायारि बिखान्थिनि ओंथिखौ लिर।
फिननाय:- बुहुम बिखंआव बायदि रोखोमनि हा दाथाय महरफोरनि जोनोम जानाय आरो फारियै दावगानाय (Evolution) एबा सोलाय-सोल जानायनि लोगोसे सोमोन्दो थानाय गासिबो रोखोमनि खान्थिफोरखौनो हा दाथाय खान्थि एबा बिखान्थि (Geomorphic Process) बुंनाय जायो ।
4. बाहेरा बिखान्थि एबा जाहोथायफोरनि मादाव मामाया गोलैयो लिर।
फिननाय:- बाहेरानि (Exogenic) बिखान्थि एबा जाहोथायफोरनि मादाव गाहायै गाहायाव मख’नायफोरखौ लानाय जायो: बार, अखा, दैमा-दैसा, बरफ दैमा, लैथोनि गुथाल एबा दोहौ ।
5. हायलांनाय बुंब्ला मा मिथियो ?
फिननाय:- बालाहामा (Desert) ओनसोलाव जेराव लाइफांनि थोरफोआ जोबोर गेसें आरो हा-बिखंआ गोरान बालाजों आबुं , बेवहाय बारा सांग्राङै खामानि मावो । बारा बबेबा मोनसे बाहागोनिफ्राय गोरलैयैनो हाद्रि-बाला आरो फिसा फिसा अन्थाइफोरखौ बुखारना लांनानै बै थावनिखौ गोथौ खालामनाय आदबखौनो हायलांनाय (Deflation) बुंनाय जायो ।
6. इनसेलबार्गआ मा सावगारि बोना दिन्थि।
फिननाय:- इनसेलबार्गआ जादों बालाहामा (Desert) ओनसोलाव बारनि खुरनाय खामानिनि जाहोनाव थानाय हारसिं एबा मोनसेल’ गाहाय हाजो । बिनि सा बाहागोनि खेंसालियाया रुजुनायाव बांद्राय जायो, मानोना सा बाहागोआव बारनि खुरनाय खामानिया गाहायनि बाहागोनिख्रुइ बांसिन ।
7. मरुदयान माखौ बुङो? बिनि गोनांथिया मा?
फिननाय:- बालाहामा ओनसोलाव बारनि हायलांनाय (Deflation) बिखान्थिनि जाहोनाव मोनफा मोनफा बाहागोनि जौथाया खमायनानै हासिंनि दैबिखंनि (Water table) खाथि मोननो हागौ । बेबायदि हालोदाव सोमजिनाय थावनिखौनो मरुदयान (Oasis) बुङो ।
मरुदयानाव खायसे बिबांनि लाइफां एबा बिफां-लाइफां थायो आरो बे ओनसोलनि मानसिफोरा बेवहाय आबादबो एफा-एनै मावनो हायो । बालाहामानि गोरान आबहावायाव बेयो दै आरो आदारनि गाहाय फुंखा हिसाबै जोबोर गोनां।
8. बालायारिया मा आरो बिनि जोनोमा माब्रै जायो लिर।
फिननाय:- बारा बुनानै लांनाय हाद्रि-बालाफोरा जेराव ज’ जाहैयो, बै बाहागोआ फारियै गोजौ जानो हमो आरो उनाव हाजोनि महर लायो । गाहायै बालाजों दाजानायनि थाखाय बेबायदि बाला हाजोखौनो बालायारि एबा बाला हाजो (Sand Dune) बुङो ।
बालाहामा ओनसोलाव बार बारनायनि दोहरोम, खारथाय बिथिं आरो गोहो, लाइफांनि खोबथाय आरो हाबाहागोनि दाथाय बायदि जाहोथायफोरनि सायाव सोनारनानै बालायारिया जोनोम लायो । बारा गावनि लोगोसे बुखारना लांनाय बालाफोरखौ बारनि गोहोआ खमायबा एबा जेब्ला बेफोर लामायाव हेंथा मोनो, बेवहायनो दोनथुमनाय (Deposition) आदबजों ज’ खालामो आरो बेबायदिनो बालायारिनि जोनोम जायो ।
9. हुथ्रोदनाया मा? बिनि जाहोनाव मा रोखोमनि हादाथाय सोमजियो ?
फिननाय:- बालाहामानि गोहो गोरा बारा बुखारनानै लांनाय अन्थाइ-बालाखौ बोहैथि लामायाव थानाय गोजौ हायाव सौदावनानै बैफोराव खुरनाय आदबखौनो हुथ्रोदनाय (Abrasion) बुंनाय जायो ।
हुथ्रोदनाय खान्थिनि जाहोनाव बालाहामायाव गाहायै इनसेलबार्ग (Inselberg) आरो इयारदां (Yardang) बायदि खुरजानाय दाथाय एबा हादाथायफोर सोमजियो ।
10. हुनाय एबा उन्नायनि ओंथि लिर।
फिननाय:- बारनि जोहै बुखारजानाय अन्थाइ-बालाफोरनि गेजेरावबो बोहैथि लामायाव गावजों गाव हुथ्रोदनाय एबा सौदावलायनाय खामानि जायो । बिनि जाहोनाव अन्थाइफोरा बायनानै फिसा फिसा थुख्रायाव महर मोनो एबा जामलांनानै फारियै फिसा जालाङो । बेबायदिनो गावजों गाव हुथ्रोदलायनायनि जाहोनाव अन्थाइफोरा बायफ्लेनानै थुख्रा-थुख्रि जानाय बिखान्थिखौनो हुनाय एबा उन्नाय (Attrition) बुंनाय जायो ।
11. बरफ दैमा माखौ बुङो? बिनि खारथाया जोबोर लासै जानायनि जाहोना मा?
फिननाय:- बुहुम सायाव जमा जानानै थानाय बरफनि थुबुरफोरा हानि खेंसालिया बायदियै फारियै गाहायजों लासैयै बोहैलाङो । बेबायदि लासै खारथायजों ओंखारबोनाय एबा बोहैलांनाय बरफनि थुबुरखौनो बरफ दैमा (Glacier) बुंनाय जायो ।
बरफ दैमाया जोबोर गिलिर (Heavy) आरो बिखौ लासैयै गाहायसिम नारहरनायाव जमा जानानै थानाय बरफ थुबुरनि गोबार नारथाय आरो बुहुमनि गेजेर बोगथाबमा गोहो आ खामानि मावो । बे गिलिर थासारि आरो लामा खेंसालियानि लासै हालोदनि थाखैनो बिनि खारथाया जोबोर लासै जायो (साननि मादाव खायसे मिलिमिटारसोनिफ्राय खायसे मिटारसिमल’) ।
12. बरफ दैमाया बेसेबां रोखामनि? मोनफ्रोमनिबो सुंद ‘यै लिर।
फिननाय:- बरफखोबनाय ओनसोलफोरनि आबहावा आरो थाथाय बायदियै बरफ दैमाया गाहायै मोनथाम रोखोमनि जानो हागौ:
(क) हादोरमायारि बरफ दैमा
(ख) हाजोमायारि बरफ दैमा एबा आलपाइनारि बरफ दैमा एबा सेरफां बरफ दैमा आरो
(ग) हाजोलामा एबा अन्थाइलामा बरफ दैमा (Piedmont Glacier)
(क) हादोरमायारि बरफ दैमा (Continental Glacier): बे रोखोमनि बरफ दैमाफोरा मिरु ओनसोलनि गुवार ओनसोल गोसारनानै थायो । बेफोरो सा कानादा, ग्रिनलेण्ड, स्कान्दिनेभिया आरो एन्टार्कटिका बायदियाव गोसारना दं ।
(ख) हाजोमायारि बरफ दैमा (Mountain Glacier): गोजौ हाजोमानि गोजौ बाहागोआव बे रोखोमनि बरफ दैमा नुनो मोनो । बेफोरो सिरिनै हाजोमानि गेजेरनि गुसेब सेरफांजों बोहै बोयो । बिदिन्थि: हिमालय आरो आल्पस हाजोमा ।
(ग) हाजोलामा बरफ दैमा (Piedmont Glacier): जेब्ला खायसे सेरफां बरफ दैमाफोरा हाजोमायारि ओनसोलनिफ्राय ओंखारबोनानै हाजोमानि आफांआव (Foot of the mountain) गोरोबलायो आरो गाहाय हायाव गोसारो, बिखौ हाजोलामा बरफ दैमा बुङो । बिदिन्थि: सा आमेरिकानि आलास्कायाव बे रोखोमनि बरफ दैमा नुनो मोनो ।
13. बरफ दैमा सेरफांनि सावगारि बोना दिन्थि।
फिननाय:- बरफ दैमाया गावनि गिदिर बिबां आरो हुथ्रोदनाय गोहोनि थाखाय बोहैथि रामानि हाखौ खुरनानै गुवारै ‘U’ महरनि सेरफां एबा गोलाव बोहैथि लामा सोमजियो ।
14. दिनदां सेरफांआ मा लिर।
फिनाय:- साधारनै गाहाय बरफ दैमासिम खायसे फिसा दालाइ बरफ दैमाफोरा बोहै फैयो । गाहाय बरफ दैमानि सेरफांआ गिदिर आरो गोथौ जायो, नाथाय दालाय बरफ दैमानि सेरफांआ फिसा आरो एसेल’ गोथौ (थौले) जायो । जेराव दालाइ बरफ दैमाया फैनानै गाहाय बरफ दैमाजों लोगो नांफैयो, बेवहाय दालाइ बरफ दैमानि सेरफांआ गाहाय बरफ दैमानि सेरफांनि सायाव दिनदां (Hanging) जानाय बायदि नुयो । बिनिखायनो बिखौ दिनदां सेरफां (Hanging Valley) बुंनाय जायो । उनाव बे दिनदां सेरफांजों थोंगोरै गाहायसिम दै बोहैलांबा बेवहाय दै बाज्जुम (Waterfall) जोनोम जायो ।
15. जाबोरा मा? बेयो मोनबेसे रोखोमनि? सावगारि बोनानै जाबोरनि थाथानिखौ दिन्थि।
फिनाय:- बरफ दैमाया बोहैलाबोनाय समाव बरफ खोन्दोनि अनगायै गुबुन खायसे अन्थाइ खोन्दो, अन्थाइ बाला आरो जाबोर-जोथ्रा मुवाफोरखौबो बोहैखारना लाबोफाना दोनथुमो । बेफोर दोनथुम जानाय मुवाफोरखौनो जाबोर (Moraine) बुंनाय जायो ।
जाबोरा गाहायै ब्रै (4) रोखोमनि, जेरै-
(i) साखाथि जाबोर (Lateral Moraine): सेरफांनि फारनैजिं सेरफांनि सेरजों जमा जानाय जाबोर ।
(ii) हा जाबोर (Ground Moraine): बरफ दैमानि गाहाय बिखं एबा हायाव बोहैबोनाय जाबोर ।
(iii) गेजेर जाबोर (Medial Moraine): मोननै बरफ दैमा गोरोबबा बे दोनैनि साखाथि जाबोरा नांजाबलायनानै गेजेर बाहागोथिं गोजावबोनाय जाबोर ।
(iv) सिमाजिं एबा जोबथि जाबोर (Terminal or End Moraine): बरफ दैमाया जेराव आवलिनानै जोबलाङो, बै जोबनाय सिमायाव ज’ जानाय गिलिर जाबोर ।
सावगारि
16. दुलुरारि बिदुं बांनाया बरफदैमानि सायाव मा रोखोमनि गोहोम खोख्लैगोन साधारण गियाननि सायाव सोनारनानै सुंद ‘यै लिर।
फिनाय:- दुलुरारि बिदुं बांनाया (Global Warming) थारैनो बरफ दैमानि थाथाय एबा थाथानि आरो खामानिफोरनि गोबां सोलायनाय लाबोगोन । बिनि गाहाय गोहोमफोरखौ गाहायाव सुंद’यै बिजिरनाय जाबाय:
(i) बरफ आवलिनाय (Melting of Glaciers): बुहुमनि बिदुङा फारियै बांलांनायनि जाहोनाव गोजौ हाजोमा आरो मिरु ओनसोलाव थानाय बरफ दैमाफोरा जोबोर गोख्रैनो आवलिनो हमगोन । बिनि जाहोनाव जमा जानानै थानाय गोजाम बरफ थुबुरफोरा खमायलांगोन।
(ii) खारथाय आरो दाथाय सोलायनाय: बिदुं बांनायनि जाहोनाव बरफ दैमानि लासै खारथायाव (खारथाय बिथिङाव) सोलायनाय फैगोन आरो बरफ दैमाया जोनोम होनाय बायदि रोखोमनि जामलांनाय एबा दोनथुमनाय दाथायफोरनि आखुथायाव सोलायनाय सोमजिगोन ।
(iii) दैबाना आरो लैथोमानि बिखं बांनाय: बरफ दैमाफोरा गोख्रै आवलिबा, हाजो ओनसोलाव थानाय दैमा-दैसाफोराव हरखाबै दैबाना (Flash floods) सोमजिगोन। उनाव बे आवलिनाय दैया लैथोमायाव हैहैनायनि जाहोनाव लैथो बिखंनि (Sea level) जौथाया बांलांगोन, जायनि थाखाय सेरफां ओनसोलनि आबाद आरो जायगाफोराव गिदिर खैफाद लाबोगोन।
(iv) दैनि आंखाल : बुहुम बिखंआव थानाय बरफ थुबुरफोरा गोबां बिबांनि दैखौ बरफ महरै ज’खालामना लाखिदों । बेफोर फारियै आवलिना जोबलाङोब्ला, इयुनाव मानसि बाहायजाथाव गोगगो दै आरो बिफां- लाइफांनि थाखाय आबुं मैला गैयि दै मोननायाव जोबोर जेंना जागोन।
दुलुरारि बिदुं बांनाया बरफ दैमानि आवलिनायखौ बांहोनानै बुहुम बिखंनि सोलायनाय लाबोनाय लोगो लोगो आबहावा आरो मानसि समाजनि सायाव मोनसे गिदिर सोलाय-सोल एबा खैफाद खोख्लैगोन ।
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 10 Other Subjects: थाखो 10 नि गुबुन आयदाफोर
FAQs:
Where can I get ASSEB/SEBA Class 10 Geography (E) Chapter-1 Question Answer "मिथिंगायारि बुहुमलुर" ?
You can get complete Class 10 Geography (E) Chapter-1 Question Answer “मिथिंगायारि बुहुमलुर” on Bodoland Library.