Class 9 Science Chapter 2 Bodo Medium "जोंनि सोरगिदिं थानाय मुवाया गोथार नामा ?"
Here you can find SEBA/ASSEB Class 9 Science Chapter 2 Bodo Medium खोन्दो-2 “जोंनि सोरगिदिं थानाय मुवाया गोथार नामा ?“. Prepared according to the latest SEBA/ASSEB syllabus. This chapter’s answers are written in simple Bodo language to help students understand the lesson easily and prepare better for exams.
खोन्दो-2
जोंनि सोरगिदिं थानाय मुवाया गोथार नामा ?
Is MATTER AROUND US PURE
सोंनाय बिदां
1. गाहायाव होनायफोरनि सोखायनायनि थाखाय नों बबे सोखायनाय आदबफोरखौ बाहायगोन?
(a) सडियाम क्ल ‘राइड, दैयाव बेनि गलिलावनिफ्राय।
फिननाय : खफ’ एंगारनाय (Evaporation)
(b) एम ‘नियाम क्ल ‘राइड, सडियाम क्ल ‘राइड आरो एम ‘नियाम क्ल राइड थानाय मोनसे गलायमुवानिफ्राय।
फिननाय : रुंग ‘नाय (Sublimation)
(c) मटर गारिनि इन्जिन थावनिफ्राय उन्दै धातुनि थुखाफोर सोखायनाय।
फिननाय : सरनाय (Filtration)
(d) बायदि बायदि गाबसेरेबफोरखौ बिबारनि फाइलिनिफ्राय जिरख’नाय बिदैनिफ्राय।
फिननाय : क्रमेट’ग्राफि (Chromato graphy)
(e) गाइखेर दाखानिफ्राय माखन सोखायनाय।
फिननाय : मिरु जानगारारि (centrifugation)
(f) दैनिफ्राय थाव सोखायनाय।
फिननाय : सोखायनाय
(g) साहानिफ्राय साहानि बिलाइ।
फिननाय : सरनाय (Filtration)
(h) बालानिफ्राय सोरनि पिन (Pins)
फिननाय : सम्बुकारि सोखायनाय (Magnetic Separation)
(i) गम बिखबनिफ्राय (husk) गम बेगर एबा दाना दिहुननाय एबा सेखायनाय।
फिननाय: जावनाय एबा सालिनाय (Winnowing)
(j) दैयाव गोजावनानै थानाय हाब्रु सेरेबफोर सोखायनाय।
फिननाय : मिरु जानगारारि (centrifugation)
2. साहा बानायनायनि थाखाय नों बाहायनाय आगाफोरखौ लिर। गलिलाव, गलिहोग्रा, गलिग्रा, गलिनाय, गलिलांग्रा, गलिलाङि, सरखांनाय आरो गोदि सोदोबफोर बाहाय।
फिननाय :
1. गिबियाव मोनसे दो (साहा फुदुंग्रा आइजें)आव एसे दै लानाय जाबाय। बेवहाय दैआ जाबाय गलिहोग्रा (Solvent)।
2. बे दैनिफ्राय साहा बानायनो थाखाय बेखौ फुदुंनाय जाबाय।
3. आरोबाव बेवहाय सिनि आरो साहानि बिलाइ होनाय जाबाय । बेयाव सिनिया जाबाय मोनसे गलिग्रा (Solute)।
4. फुदुंनाय लोगो लोगो सिनिया दैयाव गलिनाय (Dissolve) जागोन आरो बेयो मोनसे गलिलाव (Solution) महर लागोन।
5. साहानि बिलाइआ दैनि गाबखौ सोलायगोन, नाथाय साहानि बिलाइआ दैयाव गलिलाङि (Insoluble)।
6. बेनि उनाव बेवहाय गाइखेर दाजाबदेरनाय जाबाय, जाय साहानि गलिलावजों गलिलांग्रा (Soluble)।
7. साहाया मोजाङै फुदुंखांनायनि उनाव बेखौ साखिनि जों सरखांनाय (Filtration) जाबाय ।
8. सरनायनि उनाव साखिनियाव साहानि बिलाइआ गोदि (Residue) महरै थालाङो।
9. दा, कापआव जमा जानाय लोंनो हानाय मुवायानो जाबाय जोंनि नांगौ जानाय साहा (Solution)।
3. प्रज्ञाया (Pragya) गुबुन गुबुन मोनथाम बेसादफोरनि गलिग्राथि (Solubility) खौ गुबुन गुबुन दुंथाइफोराव आनजाद खालामदोंमोन आरो मोननाय खारि (data) फोरखौ बुथुमनानै गाहायनि बादि होदों। (फिथाइफोरखौ गाहायनि फारिलाइयाव होनाय जाबाय। मोनसे आबुं गलिलाव सोमजिहोनो 100 ग्राम दैयाव नांनायसेबां ग्राम ज ‘खानि बेसाद गालिहोनाय जादोंमोन)
(a) 313K दुंथाइयाव 50 ग्राम दैयाव पटासियाम नाइट्रेटनि मोनसे आबुं गलिलाव बानायनो पटासियाम नाइट्रेटनि बेसेबां मोदोमबां नांगौमोन?
(b) प्रज्ञायाआ 353 k दुंथाइयाव, दैयाव पटासियाम क्ल’राइडनि मोनसे आबुं गलिलाव बानायबाय आरो गलिलावखौ सरासनस्रा दुंथाइयाव गुसु जानो होबाय। गलिलावा गुसु जायोब्ला बियो मा नुगोन? बेखेव।
फिननाय: जेब्ला गलिलावआ गुसु जाबोयो, अब्ला प’टाशियाम क्ल’राइडनि गलिग्राथिया (Solubility) खम जाबोयो। बेनि जाउनाव, गलिना थानाय प’टाशियाम क्ल’राइडआ रग’ (Crystals) महरै आइजेंनि थालायाव जमा जागोन।
(c) 293 K दुंथाइयाव मोनफ्रोमबो संख्रिनि गलिग्राथिखौ दिहुन। बे दुंथाइयाव बबे संख्रिहा बयनिखुइ बांसिन गलिग्राथि दं ?
फिननाय: 293 K दुंथाइयाव गलिग्राथिफोरा जाबाय:
प’टाशियाम नाइट्रेट: 32 ग्राम
सडियाम क्ल’राइड: 36 ग्राम
प’टाशियाम क्ल’राइड: 35 ग्राम
एम’नियाम क्ल’राइड: 37 ग्राम
बेखायनो, 293 K दुंथाइयाव एम’नियाम क्ल’राइडनि गलिग्राथिया बानसिन।
(d) मोनसे संख्रिनि गलिग्राथिनि सायाव दुंथाइ सोलायनायनि गोहोमा मा?
फिननाय: दुंथाइ बाङोब्ला सरासनस्रायै गथा मुवाफोरनि गलिग्राथिया बारायो। थारै बुंब्ला, जेसेबां दुंथाइ बारायगोन, एसेबां बांसिन संख्रि दैयाव गलिनो हागोन। दुंथाइ खम जाब्ला गलिग्राथियाबो खम जायो।
4. बिदिन्थिफोर होनानै गाहायाव होनायफोरखौ बेखेव :
(a) आबुं गलिलाव
(b) गोथार बेसाद
(c) कलयड
(d) गोजावनाय मिखि
फिननाय:
(a) आबुं गलिलाव : मोनसे थि दुंथाइयाव, जेब्ला मोनसे गलिलावआव आरोबाव बांसिन गलिग्रा गलिहोनो हानाय थासारि थाया, अब्ला बे गलिलावखौ आबुं गलिलाव होनना बुंनाय जायो। बे थासारियाव, गलिहोग्राया गावनि हानाय बादियै आबुङै गलिग्राखौ आवग्रिना लायो।
बिदिन्थि: रुमनि दुंथाइ (20°C – 25°C) याव गंसे काप दैयाव संख्रि गलिहोनायनि उनाव, मोनसे सम फैगोन जेब्ला आरोबाव संख्रिया दैयाव गलियै जाफैगोन आरो संख्रिआ आइजेंनि गाहायाव थालांगोन। बे गलिलावआनो आबुं गलिलाव।
(b) गोथार बेसाद : मोनसेल’ रोखोमनि थादेरसाजों दाजानाय मुवाखौ गोथार बेसाद बुङो। मोनसे गोथार बेसादखौ बानायग्रा गासैबो थादेरसाफोरनि रासायनारि आखुथाइया एखे। मोनसे गोथार बेसादखौ जायखि जाया महरारि बिखान्थिनि गेजेरजों गुबुन रोखोमनि बेसादफोराव बोखावनो हाया। मोनसे गोथार मुवायाव थि आवलि बिन्दो आरो गोदौ बिन्दो थायो। गासैबो गुदिमुवा आरो खौसेफोरा गोथार मुवा।
बिदिन्थि: सडिआम क्ल’राइड (संख्रि), अक्सिजेन, आरो सना (Gold) फोरा गोथार बेसादनि बिदिन्थि।
(c) कलयड : कलयडआ मोनसे सुज्लाय-नङि गलायमुवा। बेनि सेरेबफोरा जोबोद उन्दै जानायखाय जों मेगनजों नुनो मोना, नाथाय बेयो सोरांनि रोदाखौ खारसारहोनो (Scatter) हायो। सोरां खारसारहोनायनि बे गोहोमखौनो टिण्डेल गोहोम (Tyndall Effect) होनना बुंनाय जायो।
बिदिन्थि: गाइखेर, खुवा, जोमै बायदि।
(d) गोजावनाय मिखि : गथा मुवाफोरा लाव-लाव मुवाफोराव गोसारनानै थानाय (dispereed) खौनो गोजावनाय मिखि (Suspension) होननानै बुङो। गोजावनाय मिखिया मोनसे सुज्लाय नङि गलायमुवा, जेराव गलिग्रा सेरेबफोरा गलिलाङा नाथाय गलिहोग्रा गेजेरनि गासै बाहागोआवनो गोजावनानै थायो। मोनसे गोजावनाय मिखिनि सेरेबफोरखौ उदां मेगनजों नुनो मोननाय जायो।
बिदिन्थि: चोक गुन्दै आरो दैनि गलायमुवा, हाब्रु दै, आरो बारमण्डलाव थानाय हाद्रि सेरेबफोर।
5. गाहायाव होनाय मोनफ्रोमखौबो सुज्लाय एबा सुज्लाय नङि गलायनुवायाव बाहागो खालाम-
सडा-दै, बन, बार, हा, भिनेगार, सरनाय-साहा।
फिननाय:
सुज्लाय गलायनुवा : सडा-दै, भिनेगार, सरनाय-साहा
सुज्लाय नङि गलायनुवा : बन, बार, हा
6. नोंनो होनाय गाबगैयि मोनसे लाव-लाव आदि गोगो-दै, नों माबोरै रोखा जानो?
फिननाय: गोगो-दैखौ रोखा जानो थाखाय जों बेनि गोदौ बिन्दोखौ (Boiling Point) आनजाद खालामना मोननो हायो। जेब्ला जों मोनसे आयजेङाव आव होनाय लाव-लाव मुवाखौ फुदुङो, अब्ला थार्म’मिटार (Thermometer) बाहायनानै बेनि दुंथाइखौ नोजोर होनो नांगोन। गोगो-दैनि थार गोदौ बिन्दोआ सरासनस्रा बारमण्डलाव 100°C (एबा 373 K) जायो। जुदि लाव-लाव मुवाया बे थार दुंथाइयावनो गोदौनो हमो, अब्ला बेयो गोगो-दै होननानै जों फोरमान मोननो हायो, नाथाय जुदि बेगोदौ बिन्दोआ 100°C नि बांसिन एबा खम जायो, अब्ला बेयो गोगो-दै नङा, मानिना बेयाव माबेबा गुबुन मुवा एबा मैला (Impurities) गलायनानै दं।
7. गाहायाव होनाय मुवाफोरनि बबेया “गोथार बेसादनि” सारियाव गोग्लैयो?
(a) बरफ
(b) गाइखेर
(c) सोर
(d) हाइड्र ‘क्ल’रिक एसिड
(e) केलसियाम अक्साइड
(f) पारा
(g) इटा
(h) बन
(i) बार
फिननाय: गोथार बेसाद – (a) बरफ , (c) सोर, (d) हाइड्र ‘क्ल’रिक एसिड, (e) केलसियाम अक्साइड, (f) पारा ।
8. गाहायाव होनाय गलामुवाफोरनि गेजेराव गलिलावफोरखौ सिनायथि खालाम।
(a) हा
(b) लैथोनि दै
(c) बार
(d) खैला
(e) सडा-दै
फिननाय: गलिलावफोर – (b) लैथोनि दै, (c) बार, (e) सडा-दै ।
9. गाहायनि बबेफोरा “टिण्डेल गोहोम” दिन्थिगोन?
(a) संख्रिनि गलिलाव
(b) गाइखेर
(c) कपार सालफेटनि गलिलाव
(d) फुरजामुवानि (Starch) गलिलाव।
फिननाय: टिण्डेल गोहोम दिन्थिग्रा- (b) गाइखेर, (d) फुरजामुवानि (Starch) गलिलाव।
10. गाहायाव होनायफोरखौ गुदिमुवा, खौसेमुवा आरो गलायमुवाफोराव बाहागो खालाम।
(a) सडियाम
(b) हा
(c) सिनिनि गलिलाव
(d) रुपा
(e) केलसियाम कार्बनेट
(f) टिन
(g) सिलिकन
(h) खैला
(i) बार
(j) साबोन
(k) मिथेन
(l) कार्बन-डाइअक्साइड
(m) थै।
फिननाय:
1. गुदिमुवाफोर – (a) सडियाम, (d) रुपा, (f) टिन, (g) सिलिकन
2. खौसेमुवाफोर – (e) केलसियाम कार्बनेट, (k) मिथेन, (l) कार्बन-डाइअक्साइड
3. गलायमुवाफोर – (b) हा, (c) सिनिनि गलिलाव, (h) खैला, (i) बार, (j) साबोन, (m) थै।
11. गाहायनि माबेफोरा रासायनारि सोलायनाय?
(a) फांसे बिफांनि बारायनाय
(b) सोरनि मारामखानाय
(c) सोर गुन्द्रा आरो बालानि गलायनाय
(d) आदार संनाय (cooking)
(e) आदारनि दोगोन जानाय
(f) दैनि गथाखानाय
(g) थसे ममबाथिनि खामनाय
फिननाय:
(a) फांसे बिफांनि बारायनाय
(b) सोरनि मारामखानाय
(d) आदार संनाय (cooking)
(e) आदारनि दोगोन जानाय
(g) थसे ममबाथिनि खामनाय
फरा सिंनि सोंनाय-फिननाय
Page: 15
सोंनाय
1. बेसाद मोनसे बुंब्ला मा बुजियो ?
फिननाय: मोनसे बेसादआ मोनसेल’ गोथार मुवानि महर जायखौ महरारि आदबजों गुबुन रोखोमनि मुवाफोराव बोखावनो हाया । जेरै- सोर, सना, दै, कार्बन डाइ अक्साइड, बार बायदि बायदि।
2. सुज्लाय आरो सुज्लाय नङि गलाय मुवाफोरनि फारागफोरखौ लिए।
फिननाय:
Page : 18
सोंनाय
1.सुज्लाय आरो सुज्लाय नङि गलायमुवाफोरनि गेजेराव बिदिन्थि होनानै फाराग लिर।
फिननाय: (गोजौनि सोंनाय 2 नि फिननायजों एखे)
2. कलयड, गलिलाव आरो गोजावनाय मिखि (Suspension) या माबोरै गावजों गावनिफ्राय फाराग दं ?
फिननाय:
3. मोनसे आबुं गलिलाव खालामनो 36 ग्राम सडियाम क्ल’राइडखौ 293 K दुंथाइयाव 100 ग्राम दैयाव गलिहोनाय जाबाय। बे दुंथाइयाव गलिलावनि गोसारथि दिहुन।
फिननाय:
बेयाव,
गलिग्रा (सडियाम क्ल’राइड) नि मोदोमबां = 36 ग्राम
गलिहोग्रा (दै) नि मोदोमबां = 100 ग्राम
\ गलिलावनि मोदोमबां = गलिग्रा नि मोदोमबां + गलिहोग्रा नि मोदोमबां
= 36 ग्राम + 100 ग्राम
= 136 ग्राम
Page : 24
सोंनाय
1. गावजों गाव गलायलायग्रा केरासिन आरो पेट्र ‘ल (बेसोरनि गोदौनाय बिन्दोनि फारागआ 25˚C नि बांसिन) थानाय मोनसे गलायमुवाखौं नों माबोरै सोखायगोन?
फिननाय: गावजों गाव गलायलायग्रा (miscible) केरासिन आरो पेट्र’लखौ आलादा खालामनो थाखाय जों दुंसोदांनाय (Simple Distillation) आदबखौ बाहायनांगोन। मानोना बेसोरनि गोदौनाय बिन्दोनि (boiling point) फारागआ 25॰C नि बांसिन।
बे आदबखौ गाहायाव होनाय बादियै मावफुंनाय जायो:
सोखायनाय आदब (Process):
1. केरासिन आरो पेट्र’लनि गलायमुवाखौ मोनसे दुंसोदांग्रा फ्लास्क (distillation flask) आव सोनानै लाबाय आरो बेयाव मोनसे थार्म’मिटार लगायनानै लानाय जाबाय।
2. फ्लास्कखौ लासै-लासै फुदुंनांनांगौ आरो थार्म’मिटारनि दुंथाइखौ नोजोर होनांगौ।
3. पेट्र’लनि गोदौनाय बिन्दोआ केरासिननिख्रुइ खम, बेखायनो पेट्र’लआ सिगां खफ’ (vapor) जागोन।
4. बे पेट्र’लनि खफ’आ सुहोग्रा (condenser)नि गेजेरजों थांनाय समाव गुसु जागोन आरो दै-बिबां महरै आलादा आयजेङाव जमा जागोन।
5. फ्लास्कआव केरासिनआ थालांगोन, आरो गुबुन आयजेंआव गोगो पेट्र’लखौ मोननाय जागोन।
2. गाहायाव होनायफोरनि सोखायनाय आदबनि मुं हो-
(i) गाइखेर दाखा (curd) निफ्राय माखन सोखायनाय।
फिननाय: मिरुजानगारारि
(ii) लैथोनि दैनिफ्राय संखि सोखायनाय।
फिननाय: खफ’ एंगारनाय
(iii) संख्रिनिफ्राय कर्पुर (camphor) सोखायनाय।
फिननाय: रुंग’नाय
3. रग ‘खाहोनाय (Crystallisation) आदबजों मा रोखोमनि गलायमुवाफोरखौ सोखायनाय जायो ?
फिननाय: रग’खाहोनाय (Crystallization) आदबखौ सरासनस्रा गथा (Solid) मुवाफोरनि गलायमुवानिफ्राय मैलाफोरखौ आलादा खालामनानै मुवाखौ गोगो (Pure) महराव मोननो थाखाय बाहायनाय जायो। बे आदबाव मोनसे मैला गोनां गथा मुवाखौ थि बिबांनि गलिलाव आव गलिहोनानै मोनसे आबुं गलिलाव बानायनाय जायो। रग’खाहोनाय आदबजों जों लैथोनि दैनिफ्राय मोननाय संख्रिखौ गोगो खालामनो हायो।
उफेरा सोंनाय फिननाय
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 9 Other Subjects: थाखो 9 नि गुबुन आयदाफोर
Science :
FAQs:
1. Where can I get the question answers of ASSEB/SEBA Class 9 Science Chapter 2 “जोंनि सोरगिदिं थानाय मुवाया गोथार नामा ?” Bodo Medium ?
You can get the complete question answers, explanation, and notes of Class 9 Science Chapter 2 “जोंनि सोरगिदिं थानाय मुवाया गोथार नामा ?” on Bodoland Library.
2. Is this Class 9 Science Chapter 2 “जोंनि सोरगिदिं थानाय मुवाया गोथार नामा ?” solution useful for exam preparation?
Yes, these question answers and notes are helpful for students to prepare for school exams and understand the chapter easily.
3. Is this question answer based on the latest SEBA/ASSEB syllabus?
Yes, the questions and answers are prepared according to the latest SEBA/ASSEB Class 9 syllabus.
