ASSEB/SEBA Class 9 Bodo Medium MIL Chapter-10 "बिमानि राव"
फरा-10
बिमानि राव
सोंथि
1. मोनसे सोदोब एबा बाथ्राजों फिन हो।
(क) बिमानि राव माखौ बुङो?
फिननाय: गाव आरो गाव हारिनि मानसिफोर मिथिनाय रावखौनो बिमानि राव बुङो ।
(ख) चण्डीचरण बेनार्जीया बिद्यासागर बिजाबाव मा बुंलांदों?
फिननाय: चण्डीचरण बेनार्जीया बिद्यासागर बिजाबाव बुंलांदोंदि – “बिमानि गुरै गांखङाव आहार जायै जायै गथ’आ जाय रावाव बयनिख्रुइ सिगां आइ होननानै लिंनो सोलोङो, जायनि गुरै गोथाव सोदोबफोरखौ बुंनायाव सालायनि दद्रा खद्राफ्रा बायो आरो फिदिंजायिया खम जायो, बेनो मानसिनि बिमानि राव।”
(ग) बिमानि रावा माबादि?
फिननाय: बिमानि रावा बिमा बादिनो गासै अनजानायनि आरो सिबिजानायनि थानसालि।
(घ) बिमा राव गैजायै हारिया माबादि?
फिननाय: बिमा राव गैजायै हारिया मावरिया गथ’ बादि।
(ङ) असमीया सोदोबआव बर’ सोदोबनिफ्राय बेसेबां सोदोब हाबनानै दं?
फिननाय: गोबां सोदोब हाबनानै दं ।
(च) संस्कृत रावा गोदो मा बादिमोन?
फिननाय: संस्कृत रावा गोदो मोनसे रायज्लायग्रा रावल’मोन।
(छ) बर’आ मोनसे समाव माबादि हारिमोन?
फिननाय: बर’आ मोनसे समाव देरहासार आरो रायजोगिरि हारिमोन।
(ज) आसाम हादोरनि दैमा-दैमा हाजो-हालानि मुंफोरखौ मा रावै दोननाय जादोंमोन?
फिननाय: आसाम हादोरनि दैमा-दैमा हाजो-हालानि मुंफोरखौ बर’ रावै दोननाय जादोंमोन।
2. नैजि एबा नैजिबासो सोदोबजों फिन हो।
(क) राव होननानै बुङोब्ला मा बुजियो?
फिननाय: मानसिया गोबां राहाजों गोसोनि साननायखौ फोरमायनो हायो। बे गोसोनि साननायखौ फोरमायनो हानाय राहाफ्रानो राव। राव पण्डित ओवेस्टार साहाबा “बोरैबा राहाजों गोसोनि साननायखौ फोरमायनो हानायखौनो राव” होननानै बुंदों।
एबा
मानसिया गावनि गोसोनि साननाय-हनाय एबा साननायफोरखौ गुबुननो फोरमायनायनि राहाखौनो राव होननानै बुंनाय जायो। बेयो बाथ्रा बुंनाय एबा इसारा होनायबो जानो हागौ।
(ख) मनिराम मछारीया बबेयाव आरो मा मायथाइयाव जोनोम मोनदोंमोन?
फिननाय: मनिराम मछारीया 1926 मायथाइनि 1 जानुवारि खालि कोकराझार जिलानि गसाइगाव थानानि सिङाव थानाय दावागुरि गामियाव जोनोम मोनदोंमोन।
(ग) ओवेष्टार साहाबा बुंनाय रावनि फोरमायथिखौ लिर।
फिननाय: राव पण्डित ओवेष्टार साहाबनि बादिब्ला— “बोरैबा राहाजों गोसोनि साननायखौ फोरमायनो हानायखौनो राव” होननानै बुंदों।
(घ) गोदोनि दिनाव बे रावखौ मा बादि इसाराजों फोरमायोमोन?
फिननाय: गोदोनि दिनाव मानसिया आखाइ फायख्रबनानै लिंहरनाय, मेगन मोख्रेबनायजों गुबुन गुबुन सेव-फाव मिथिहोनानै, खर’ फिस्रिनानै आरो मिनिखैरो मिनिनायजों फोरमायोमोन।
(ङ) मानसिनि गुदि रावा माबादिमोन?
फिननाय: मानसिनि गुदि रावा (आदि भाषा) गासै हारिनि मानसियानो बुजिनो हानाय मोनसे बयबो मिथिमोन्नाय (Common Language) राव । आखाइ फायख्रबनानै लिंहरनाय, मेगन मोखेबनायजों गुबुन गुबुन सेव-फाव जों मिथिहोनाय, खर’ फिस्रिब्ला हामजायिखौ मिथिहोनाय आरो मिनिखैरो मिनिबालाजों गोसोनि अननाय रंजानाय फोरमायनायखौ गासै हारिनि मानसियानो मिथियो।
(च) मोनसे हारिनि रोखा सायखंखौ मायाव नुनो मोनो?
फिननाय: रावजाबनि सोमजिनाया मानसि जिउनि साननाय हनाय, दुखु-सुखु, दानाय-लुनाय, दानख’ थाइ, दामनाय-देनाय बायदिसिनाफोरखौ फोरमायनो थाखाय राव-महर गाब गानायावनो । हारिनि राव महर गाब रावजाबा मोनसे आयना बादि जेराव नुनो मोनो बि हारिनि रोखा सायखं।
(छ) गाव बिमा राव अननो रोङि सुबुङा माबादि ?
फिननाय: गाव बिमा रावखौ अननो सिबिनो रोङै मानसिया गावखौ, बिमाखौ अननो सिबिनो रोङै फिसा बादि। बिमा राव गैजायि हारिया मावरिया गथ’ बादि।
(ज) गोदो गोदायनिफ्राय सोलिबोनाय रावफोरा मा मा?
फिननाय: गोदो गोदायनिफ्राय सोलिबोनाय रावफोरा जाबाय— ग्रीक, संस्कृत आरो र’मान।
(झ) बर’ हारिनि गोहो बोलो देरहासार राइजो खुंनायनि खोथाखौ बबेयाव नुनो मोनो?
फिननाय: बर’ हारिनि गोहो-बोलो आरो देरहासार राइजो खुंनायनि खोथाखौ आसाम-भारतनि जारिमिन बेखेवना नायोब्ला नुनो मोनो।
3. बिमा रावनि गोनांथिनि सोमोन्दै फोरमायना लिर।
फिननाय: थारैनो बिमानि रावा मोनसे हारिनि थांना थानायनि थाखाय जोबोर गोनां। बिमा रावा बिमा बादिनो, गासै अनजानायनि आरो सिबिजानायनि थानसालि। बिमा रावनि गोनां आरो बेसेनखौ बिमा राव अनग्रा गासै हारियानो मिथिगौ। गाव बिमा रावखौ अननो सिबिनो रोङै मानसिया गावखौ, बिमाखौ अननो सिबिनो रोङै फिसा बादि। बिमा राव गैजायि हारिया मावरिया गथ’ बादि। बिबादिब्ला हारिया गाव हारिनि साननाय-हनाय आरो हारिनि दामनाय-देनाय फोरखौबो फोरमायनो गोब्राब जायो। राव महर गैयाब्ला हारि जिउनि साननाय हनाय, दुखु-सुखु, आखल गियानफोरखौ माबोरैथो फोरमायनो हानो? हारिनि रावखौ हारिनि गुबुन बोलोजों सुनायनो हाया। बिमा राव एबा हारिनि बोलोया हारिनि गासै गुन बोलोनि सायाव। राज-शक्तियाबो बिनि सिङाव। राज-शक्तिया हारिनि दसेनिल’ बोलो गोहो, बि गावनो बायफ्रुजोबफिननो आरो थाफ्लाबाय थानो हाया। थानाय रावनि आमोला जोबनो गैयि। ग्रीक, संस्कृत, र’मान बायदिसिना रावफ्रा बे संसाराव बेसेबा गोबावनिफ्रायनो दङ आरो बेसे गोबाव दि थागोन बिनिबो जेबो सिमना गैया। मोनसे हारिनि रावखौ गुबुन हारिनि राव एबा राज-शक्तियाबो फेजेननो हाया। थांनाय नैथि मुलुगनां दावहायाव जापान आरो जार्मान बे मोननै हादरा मालायनि आखायाव जेनदोंमोन। जेननानै बे मोननै हादरा मालायजों सासन खालामजाग्रा हादर जादोंमोन नाथाय बे मोननै हादरनि राव आरो गुबुन गुबुन हारिमुआ आग्लानि बादियैनो थाबाय थादों। बे मोननै हादरनि मानसिनि रावाव जेबो सोलाय सोल’ जायाखै। जापानाव जापाननि राव आरो जार्मानियाव जार्मान रावानो आग्लानि बादि गोम-गोमैनो सोलिबाय थादों। देरहानाय हारिनि रावानो आग्लानि बादि गोम-गोमैनो सोलिबाय थादों। देरहानाय हारिनि रावा जेननाय हारिनि रावखौ फेजेनहैनो हायाखै। हारिनि रावा बेसे बोलोगोरा, हारिनि गासै जेनब्लाबो बेयो जेना। अब्ला हारिहा बिमा रावजों समान मा दं? एसे गोबाव नारसो-नारसा, गादामब्ला-गादामब्लि खालामजाब्लाबो, आलाइ सिलाइ जाब्लाबो, बर’ फिसाफ्रा हारि जिउनि लामा आन्दायनानै गोदाव सोराव जाब्लाबो बर’ रावाबो दिनैसिम थैयाखै।
एबा
बिमा रावनि गोनांथिया मोनसे हारिनि जिउनि थाखाय बयनिख्रुइबो बांसिन। बिमा रावा जाबाय गथ’ सासेनि थाखाय मोनसे थानसालि, जायनि गेजेरजों सासे मानसिया गावनि गोसोनि दुखु-सुखु, साननाय-हनाय आरो रंजानायखौ बयनिख्रुइबो मोजाङै आरो रोखायै फोरमायनो हायो। चण्डीचरण बेनार्जीया बुंनाय बादिब्ला, “बिमानि गुरै गांखङाव आहार जायै जायै गथ’आ जाय रावाव बयनिखुइ सिगां आइ होननानै लिंनो सोलोङो, बेनो बिमा राव। हारि सासेनि सायखं एबा सिनायथिखौ नुनो मोनो हारिनि राव, रावजाब, आरो गाब-गानायनि गेजेराव, जायनि गेजेरजोंनो हारिमुआ संसारआव थानानै थायो। जपान एबा जार्मानि बादि हारिफोरा गावनि बिमा रावखौ सिबिनायनि गेजेरजोंनो बिगियान, गियान, आरो हारिमुनि बिथिंआव संसारनि सिगाङाव लाबोनानै देरहासार जादों। बेखायनो, मोनसे हारिया संसारआव मैखोमै थांनानै थांनो थाखाय गावनि बिमा रावखौ अननाय, सिबिनाय, आरो जोथोन लानाया बयनिख्रुइबो सिगां गोनांथार, मानोना राव गैयाब्ला हारिनि सायखंआबो गोमोरलाङो।
ASSEB/SEBA Class 9 Bodo Medium MIL-Bodo Question Answer
Content- नायखां बिलाइ
खन्थाइ आयदा : | |
फारि नं | फरा |
1 | |
2 | |
3 | |
4 | आयो दाउ-खख्लिं |
5 | दैमा |
6 | जोंब्लाउरि खुन्थिया |
7 | मिजिंक |
8 | नों अखां बेसे हावार |
रायथाइ / सल' आयदा : | |
9 | |
10 | |
11 | आखल दानाय |
12 | बर'नि हारिमु |
13 | सोरांनि लामाजों दावगानाय गामि |
14 | गोजोननाय |
15 | दावहा |
16 | खोमसि फोथायथि, गाज्रि आसारखान्थि |
17 | उदै |
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 9 Other Subjects: थाखो 9 नि गुबुन आयदाफोर
MIL :
FAQs:
1. Where can I get the question answers of ASSEB/SEBA Class 9 Bodo Medium MIL Chapter-10 “बिमानि राव” ?
You can get the complete question answers, explanation, and notes of Class 9 Bodo Medium MIL Chapter-10 “बिमानि राव” on Bodoland Library.
2. Is this Class 9 Bodo Medium MIL Chapter-10 “जावलीया देवान” solution useful for exam preparation?
Yes, these question answers and notes are helpful for students to prepare for school exams and understand the chapter easily.
3. Is this question answer based on the latest ASSEB/SEBA syllabus?
Yes, the questions and answers are prepared according to the latest ASSEB/SEBA Class 9 syllabus.
