Class 9 Science Chapter 1 Bodo Medium

WhatsApp Follow Now

Facebook Follow Now

Class 9 Science Chapter 1 Bodo Medium "जोंनि सोरगिदिं थानाय मुवाफोर"

Here you can find SEBA/ASSEB Class 9 Science Chapter 1 Bodo Medium खोन्दो-1 “जोंनि सोरगिदिं थानाय मुवाफोर“. Prepared according to the latest SEBA/ASSEB syllabus. This chapter’s answers are written in simple Bodo language to help students understand the lesson easily and prepare better for exams.

खोन्दो-1

जोंनि सोरगिदिं थानाय मुवाफोर

MATTER IN OUR SURROUNDINGS

सोंनाय बिदां

1. गाहायाव होनाय दुंथाइखौ सेलसियास स्केलाव लां-

(a) 293 K

(b) 470 K.

फिननाय:- (फर्मुला: ॰C=K-273)

(a) 293 K

= (293-273)॰C

=20॰C

(b) 470 K

= (470-273)॰C

= 197॰C

2. गाहायाव होनाय दुंथाइखौ केलभिन स्केलाव लां-

(a) 25°C

(b) 373°C

फिननाय:- (फर्मुला: K=॰C + 273)

(a) 25°C

= (25+273) K

= 298 K

(b) 373°C

= (373+273) K

= 646 K

3. गाहायनि नायबिजिरनायफोरनि थाखाय जाहोन हो-

(a) नेफथेलिननि फिथरफोरा समजों लोगोसे जेबो गथा मुवा थालाङा जासे जोबलाङो।

फिननाय:- जाहोन: नेफथेलिनआ मोनसे रुंग’ग्रा मुवा । रुंग’नाय बिखान्थिनि गेजेरजों बेयो बिदुं मोननानै लाव-लाव थाथाइयाव सोलायालासे थोंजोङै गथा थाथाइनिफ्राय गेस थाथाइयाव सोलायो। बेखायनो नेफथेलिननि फिथरफोरा समजों लोगोसे बारमण्डलाव गोसारलाङो आरो जेबो गथा मुवा थालाङा।

(b) जों माखासे मिटार गोजानाव जिरायनायावबो मोदोमग्रानि (Perfumue) मोदोमनायखौ मोननो हायो।

फिननाय:- जाहोन: मोदोमग्रानि सेरेबफोरा जोबोद गोरलैयै बारनि सेरेबफोरजों गलायलायनो हायो, जायखौ गोसारलानाय (Diffusion) बुंनाय जायो। मोदोमग्रानि बे गेसआरि सेरेबफोरा बारनि गेजेरजों जोबोद गोख्रैयै गोजानसिम गोसारलाङो, बेखायनो जों माखासे मिटार गोजानाव थानायावबो बेनि मोदोमनायखौ मोननो हायो।

4. गाहायाव होनाय बेसादफोरखौ बेसोरनि सेरेबफोरनि गेजेराव गावजोंगाव बोगथाबनाय बोलोनि जौगा फारियाव साजाय-दै, सिनि, अक्सिजेन।

फिननाय:- अक्सिजेन < दै < सिनि

5. गाहायनि दुंथाइफोराव दैनि महरारि थाथाइया मा?

(a) 25°C

(b) O℃

फिननाय:-

(a) 25°C = लाव-लाव (Liquid)

(b) O℃ = गथा (Solid)

6. जुक्तिनि थाखाय मोननै जाहोनफोर हो-

(a) सरासनस्रा दुंथाइयाव (Room Temperture) दैया मोनसे लाव-लाव मुवा।

फिननाय:- जाहोनफोर :

(i) सरासनस्रा दुंथाइयाव (जैरै- 25°C) दैनि थि महर थाया, बेखौ जाय आइजेंआव दोनो बेनि महर लायो।

(ii) दैनि आवलिनाय बिन्दोआ 0॰C आरो गोदौनाय बिन्दोआ 100॰C। सरासनस्रा दुंथाइया 0॰ निफ्राय बांसिन आरो 100॰C निफ्राय खमसिन (सरासनस्रायै 25॰C)। बेखायनो बे दुंथाइयाव दैया गथा एबा गेस महराव थाया लासे लाव-लाव महराव थायो।

(b) सरासनस्रा दुंथाइयाव (Room Temperture) गंसे सोरनि आलमिराया मोनसे गथा मुवा।

फिननाय:- जाहोनफोर :

(i) सोरनि आलमिराया मोनसे थि महर आरो थि रोजागासै गोनां, बेखायनो बेखौ गथा मुवा बुंनाय जायो।

(ii) सोरनि सेरेबफोरनि गेजेराव बोगथाबनाय बोलोआ जोबोद गोजौ आरो बेयो जोबोद गोरा, जायखौ सरासनस्रा दुंथाइयाव नारसेबनो हाया।

7. 273 K आव लाखिनाय बरफआ मानो समान दुंथाइयाव थानाय दैनिखुइ गुसु खालामनाय एबा सुग्लाय होनायाव साबसिन?

फिननाय:- 273K (0॰C) आव बरफनि सेरेबफोराव समान दुंथाइयाव थानाय दैनि सेरेबफोरनिख्रुइ खम शक्ति थायो। मानोना 273K आव बरफआ आवलिनाय समाव सोरगिदिंनिफ्राय “आवलिनायनि गोमानाय बिदु” (Latent heat of fusion) सोबखांना लायो। समान दुंथाइयाव थानोब्लाबो, बरफआ आवलिनो थाखाय सोरगिदिंनिफ्राय बांसिन बिदु शक्ति सोबखांना लायो, जायनि थाखाय बेयो दैनिख्रुइ साबसिनै गुसु खालामनो एबा सुग्लाय होनो हायो।

8. गोदौनाय दै एबा खफ’, बबेया बांसिनै खामनाय दिन्थिगोन?

फिननाय:- 373K (100॰C) दुंथाइयाव थानाय खफ’आ समान दुंथाइनि गोदौनाय दैनिख्रुइ बांसिनै खामनाय दिन्थिगोन। मानोना खफ’नि सेरेबफोरनियाव समान दुंथाइयाव (100॰C) थानाय दैनि सेरेबफोरनिख्रुइ बांसिन शक्ति थायो।

9. गाहायनि सावगारियाव दिन्थिनाय थाथाइ सोलायनायखौ A, B, C, D,E आरो F मुं हो-

फिननाय:-

A: आवलिनाय – गथा (Solid) निफ्राय लाव-लाव (Liquid) सिम सोलायनाय।

B: खफ’ जानाय – लाव-लाव (Liquid) निफ्राय गेस (Gas) सिम सोलायनाय।

C: गुसु जाहोनाय – गेस (Gas) निफ्राय लाव-लाव (Liquid) सिम सोलायनाय।

D: गथा खानाय – लाव-लाव (Liquid) निफ्राय गथा (Solid) सिम सोलायनाय।

E: रुंग’नाय – लाव-लाव थाथाइयाव सोलायालासे थोंजोडै गथानि (Solid) निफ्राय गेस (Gas) सिम सोलायनाय।

F: रंग’नाय / गथा खानाय (Deposition / Sublimation) – गेस (Gas) निफ्राय थोंजोडै गथा (Solid) सिम सोलायनाय।

फरा सिंनि सोंनाय-फिननाय

Page – 3

1. गाहायनि बबेआ मुवा ?

मासि, बार, अननाय, मोनामनाय, मुगैनाय, बादाम, साननाय, गुसु, गुसु लोंग्रा (स’दा दै) पारफिउमनि मोदोमनाव।

फिननाय:- मासि, बार, बादाम, गुसु लोंग्रा (स’दा दै), पारफिउमनि मोदोमनाव ।

2. गाहायनि नायबिजिरथिनि थाखाय जाहोन हो:

एवनायनि सोदोब जानाय गुदुं आदारनि मोदोमनाया माखासे मिटार गोजानाव थानाय नोनिसिम सौहैयो, नाथाय गुसु आदारनिफ्राय मोदोमनाय मोननो नोंहा खाथिथाराव थांनाङो।

फिननाय:- मुवानि सेरेबफोरनि गोसारलानाय हारआ दुंथाइ बांनायजों लोगोसे बाङो।

गुदुं आदारनि थाखाय: गुदुं आदारनि दुंथाइया बांसिन, जायनि थाखाय बेनि गेसआरि सेरेबफोरनि खारथाइ शक्ति (Kinetic energy) आबो बांसिन जायो। बेखायनो गुदुं आदारनि मोदोमनाया बारनि गेजेरजों जोबोद गोख्रैयै गोसारलाङो आरो माखासे मिटार गोजानाव थानाय सुबुंनिसिमबो सौहैयो।

गुसु आदारनि थाखाय: गुसु आदारनि दुंथाइया खम, जायनि थाखाय बेनि सेरेबफोरनि खारथाइ शक्ति (Kinetic energy) बो खम। बेखायनो बेनि मोदोमनाया बारनि गेजेरजों गोजानसिम गोसारलांनो हाया, बेखायनो बेखौ मोननो थाखाय खाथिथाराव थांनायनि गोनां जायो।

3. सासे थब्ल ग्राया (diver) सुइमिं पुलनि दैखौ सौसिनानै थांनो हायो। बे नायबिजिरथिया मुवानि बबे आखुखौ दिन्थियो ?

फिननाय:- सासे थब्ल’ग्राया (Diver) सुइमिं पुलनि दैखौ सौसिनानै थांनो हानाय बाथ्राया मुवानि गाहायनि आखुथाइफोरखौ दिन्थियो:

1. मुवानि सेरेबफोरनि गेजेराव खालि जायगा थायो: दैआ मोनसे लाव-लाव मुवा, आरो बेनि सेरेबफोरनि गेजेराव एसेबां खालि जायगा थायो जेराव सासे थब्ल’ग्राया सौसिनानै थांनो हायो।

2. सेरेबफोरनि गेजेराव बोगथाबनाय बोलो आ खम: गथा मुवानिख्रुइ लाव-लाव मुवानि सेरेबफोरनि गेजेराव थानाय बोगथाबनाय बोलोआ एसे लोरबां। बेखायनो थब्ल’ग्राया बे बोलोखौ फेजेननानै दैखौ सौसिनानै थांनो हायो।

4. मुवानि सेरेबफोरनि धोरोमफोरा मा मा ?

फिननाय:-

(i) मुवानि सेरेबफोरनि गेजेराव लांदां जायगा थायो ।

(ii) मुवानि सेरेबफोरा जेब्लाबो दोरोदथिंबाय थायो ।

(iii) मुवानि सेरेबफोरा गावजोंगाव बोगथाबो ।

(iv) मुवानि सेरेबफोरा जोबोद फिसा ।

Page – 6

5. मोनसे बेसादनि सानगुदि रोजागासैयाव थानाय मोदोमबांनि बिबांखौनो रोजोबथि (Density) बुङो।

(रोजोबथि = मोदोमबां रोजागासै) । गाहायाव होनाय बेसादफोरनि रोजोबथिखौ जौगा फारियाव साजाय-

बार, उखुन्दै गग्राजों (Chimney) ग’बोनाय गेस, बेरेमोदै, दै, चक, खुन आरो सोर।

फिननाय:- उखुन्दै गग्राजों (Chimney) ग’बोनाय गेस <बार < खुन < दै < बेरेमोदै < चक < सोर

2. (a) मुवानि थाथाइफोरनि धोरोमारि फारागफोरनि थख ‘लाइ बानाय।

फिननाय:-

धोरोम (Property)	गथा (Solid)	लाव-लाव (Liquid)	गेस (Gas)
1. महर	बेनि थि महर थायो।	बेनि थि महर थाया। बेयो आइजेंनि महर लायो।	बेनि जेबो थि महर थाया।
2. रोजागासै	बेनि थि रोजागासै थायो।	बेनि थि रोजागासै थायो।	बेनि जेबो थि रोजागासै थाया।
3. लांदां जायगा	सेरेबफोरनि गेजेराव लांदां जायगाया जोबोद खम।	सेरेबफोरनि गेजेराव लांदां जायगाया एसे बांसिन।	सेरेबफोरनि गेजेराव लांदां जायगाया गासैबोनिफ्राय बांसिन।
4. बोगथाबनाय बोलो	सेरेबफोरनि गेजेराव बोगथाबनाय बोलोआ जोबोद गोजौ।	सेरेबफोरनि गेजेराव बोगथाबनाय बोलोआ गेजेरारि।	सेरेबफोरनि गेजेराव बोगथाबनाय बोलोआ जोबोद लोरबां।
5. गोराथाइ/बिलाव	बेयो जोबोद गोरा आरो बोहैया।	बेयो गोरा नङा, नाथाय बोहैनो हायो।	बेयो जोबोद गोरलैयै बोहैनो हायो।
6.नारसेबथाइ	बेखौ नारसेबनो हाया ।	बेखौ एसे नारसेबनो हायो।	बेखौ जोबोद गोरलैयै नारसेबनो हायो।

(b) गाहायाव होनायफोरनि बुंफोरथि लिर। राथाइ (Rigidity), नारसेबनाय, बिलाव, गंसे गेस आइजेडाव गेस सोनाय, महर, खारथाइ शक्ति आरो रोजोबथि।

फिननाय:-

1. गोराथाइ (Rigidity): बायजोआरि बोलो बाहायनायनि उनावबो मुवाया गावखौ थि महराव हमथाना लाखिनो हानाय धोरोमखौनो गोराथाइ बुङो। गथा मुवाया जोबोद गोरा।

2. नारसेबनाय (Compressibility): बायजोआरि बोलो बाहायनानै मुवानि सेरेबफोरनि गेजेराव थानाय लांदां जायगाखौ खम खालामनानै बेनि रोजागासैखौ खम खालामनो हानाय धोरोमखौनो नारसेबनाय (नारसेबथाइ) बुङो। गेसआरि मुवानि नारसेबथाइया गासैबोनिफ्राय बांसिन।

3. बिलाव (Fluidity): मुवानि बोहैनो हानाय आरो महर सोलायनो हानाय धोरोमखौनो . बिलाव बुंनाय जायो। लाव-लाव आरो गेसआरि मुवाफोरा बोहैनो हायो।

4. आइजेंआव गेस आबुं खालामनाय (Filling a gas container): गेसआरि मुवानि सेरेबफोरनि गेजेराव बोगथाबनाय बोलोआ जोबोद खम आरो बेसोर गासैबो दिगखौनो गोख्रैयै दोरोदनानै थायो। बेखायनो गेसआ जाय आइजेंआव थायो बेनि गासै जायगाखौनो आबुं खालामो।

5. महर (Shape): मोनसे बेसादनि थि सिमा एबा बाहेरा नुथाइखौनो महर बुंनाय जायो। गथा मुवाहा थि महर थायो।

6. खारथाइ शक्ति (Kinetic Energy): मुवानि सेरेबफोरा दोरोदबाय थानायनि थाखाय जाय शक्ति मोनो, बेखौनो खारथाइ शक्ति बुङो। दुंथाइ बांब्ला सेरेबफोरनि खारथाइ शक्तिआबो बाङो।

7. रोजोबथि (Density): मोनसे बेसादनि सानगुदि रोजागासैयाव थानाय मोदोमबांनि बिबांखौनो रोजोबथि बुङो।

3. जाहोनफोर हो-

(a) मोनसे गेसखौ जाय आइजेङाव लाखियो बेयो आइजेंखौ आबुङै बुंनानै थायो।

फिननाय:- गेसनि सेरेबफोरनि गेजेराव थानाय बोगथाबनाय बोलोआ जोबोद लोरबां। बेनि सेरेबफोरहा गोजौ खारथाइ शक्ति थायो, जायनि थाखाय बेसोरो गासैबो दिगखौनो गोख्रैयै गोसारलानो हायो। बेखायनो गेसआ थि रोजागासैयाव थि सिमायाव थाया जासे आइजेंनि गासै लांदां जायगाखौनो आबुं खालामो।

(b) गेसआ आइजेंनि इन्जुराव नारथाइ होयो।

फिननाय:- गेसनि सेरेबफोरा जोबोद गोख्रैयै जायखिजाया दिगआव दोरोदबाय थायो। बेबादि दोरोदनाय समाव सेरेबफोरा गावजोंगाव सौग्राव लायो आरो आइजेंनि इन्जुराव सौग्रावो। आइजेंनि इन्जुरनि सानगुदि दब्लाथियाव सेरेबफोरनि बेबादि सौग्रावनायनि थाखायनो नारथाइ (Pressure) सोमजियो।

फिननाय:- दंफांनि आरांगाहा थि महर आरो थि रोजागासै थायो। बेनि सेरेबफोरनि गेजेराव बोगथाबनाय बोलोआ जोबोद गोजौ आरो बेखौ नारसेबनो हाया। बेफोर गासैबो आखुथाइया गथा मुवानि, बेखायनो दंफांनि आरांगाखौ गथा बुंनाय जायो।

(d) जों जोंनि आखाइखौ बाराव गोरलैयै फिदिंनो हायो नाथाय थुख्रासे दंफांनि गेजेराव बेबादि खालामनोब्ला जोंनो सासे काराटे गोरों नांगोन।

फिननाय:- बारआ मोनसे गेसआरि मुवा, जायनि सेरेबफोरनि गेजेराव जोबोद बांसिन लांदां जायगा थायो आरो बोगथाबनाय बोलोआ जोबोद खम। बेखायनो जों आखाइखौ गोरलैयै फिदिंनो हायो। नाथाय दंफांआ मोनसे गथा मुवा, जायनि सेरेबफोरा जोबोद जोबनानै थायो आरो बेसोरनि गेजेराव बोगथाबनाय बोलोआ जोबोद गोजौ। बे गोजौ बोलोखौ सिफायनो जोबोद बांसिन शक्तिनि गोनां जायो, बेखायनो जोंनो सासे काराटे गोरोंनि गोनां जायो।

4. लाव-लावफोरहा सरासनसायै गथाफोरनि रुजुनायाव एसेसिन रोजोबथि थायो। नाथाय नोंसोरो नुनो मोनबायदि-बरफआ दैयाव गोजावो। मानो दिहुन।

फिननाय:- सरासनस्रायै गथा मुवानि रोजोबथिया बांसिन जायो, नाथाय दैनिफ्राय बरफसिम सोलायनाय समाव बेनि सेरेबफोरनि गेजेराव माखासे लांदां जायगा थालाङो। बे लांदां जायगाफोरनि थाखाय बरफनि रोजागासैया बाङो आरो रोजोबथिया दैनिख्रुइ खम जायो। खमसिन रोजोबथि गोनां बेसादआ बांसिन रोजोबथि गोनां बेसादनि सायाव गोजावो, बेखायनो बरफआ दैयाव गोजावो।

एबा

सरासनस्रायै मुवाफोरा गथा थाथाइयाव लाव-लाव थाथाइनिख्रुइ बांसिन रोजोबथि गोनां जायो, मानोना गथा थाथाइयाव सेरेबफोरा जोबोद खाथि-खाथियै रोजोबनानै थायो। नाथाय बरफनि बेलायाव बेयो उल्टायैसो जायो।
बरफआ जेब्ला दै निफ्राय गथा महर लायो, अब्ला बेनि सेरेबफोरा मोनसे थि दाथाइ बानायो। बे दाथाइनि गेजेराव माखासे लांदां जायगा थालाङो। बे लांदां जायगाफोरनि थाखायनो बरफनि रोजागासैया दैनिख्रुइ बाङो, नाथाय मोदोमबांआ एखेयै थायो।

जेब्ला रोजागासैया बाङो, अब्ला रोजोबथिया खमायो। बेखायनो बरफनि रोजोबथिया दैनिख्रुइ खमसिन जायो, आरो बे जाहोननि थाखायनो बरफआ दैयाव गोजावो।

Page – 9

1. गाहायनि दुंथाइखौ सेलसियास स्केलआव ला-

a. 300K b. 578 K

फिननाय:- T (॰C) = T(K) – 273 (T=Temperature)

a. 300K

= 300 – 273

= 27॰C

b. 578 K

= 578 – 273

= 305॰C

2. गाहायनि दुंथाइयाव दैनि महगारि थाथाइया मा ?

a. 250°C b. 100C?

फिननाय:-

a. 250°C = गेसआरि थाथाइ

b. 100॰C = खफ’ आरो लाव-लाव थाथाइ

3. जायखिजाया बेमादनि थाखाय दाथाइनि महर सोलायनाय समाव दुंथाइया मानो समानै थायो ?

फिननाय:- जायखिजाया मुवाया जेब्ला मोनसे थाथाइनिफ्राय गुबुन मोनसे थाथाइसिम सोलायो, अब्ला बाहायनाय बिदुं शक्तिआ मुवानि दुंथाइ बांहोनो बाहायजाया। बेनि सोलाय, बे बिदुं शक्तिआ मुवानि सेरेबफोरनि गेजेराव थानाय बोगथाबनाय बोलोखौ सिफायनो एबा फेजेन्नोसो बाहायजायो।

बेबादि बिदुं शक्तिखौ “गलिनायनि गोमानाय बिदुं” बुंनाय जायो। बेयो मुवानि गेजेराव एरसोनानै थायो, बेखायनो थाथाइ सोलायनाय जोबागौमानि दुंथाइया एखेयै (समानै) थायो।

4. बाराव थानाय गेसफोरखौ लाव-लाव खालामनायनि मोनसे आदम (Method) हो।

फिननाय:- नारथाइ बांहोनानै आरो दुंथाइ खम खालामनानै।

Page – 10

1. मोनसे बाला सुगलाइ होग्राया (Desert cooler) गुदुं गोरान सानाव मानो साबसिनै सुग्लाइ होयो ?

फिननाय:- गुदुं आरो गोरान सानाव बारमण्डलनि सिदोमाया जोबोद खम जायो, जायनि थाखाय खफ‘ जानायनि हारआ जोबोद बाङो। जेब्ला बाला सुगलाइग्राया (Desert cooler) बाहायजायो, अब्ला बेनि फांका (Fan) आ बाराव थानाय दैया खफ‘ जाबाय थानाय समाव खाथिनि बारनि बिदुं शक्तिखौ सोबखाङो। जों मिथिगौ दि खफ‘ जानायनि खारथाइया सुगलाइनाय सोमजिहोयो। गुदुं सानाव दुंथाइया गोजौ थानाय आरो बारआ गोरान जानायखाय दैआ जोबोद गोख्रैयै खफ‘ जायो, जायनि जाहोनाव सुगलाइग्राया बाराव थानाय बारखौ साबसिनै गुसु खालामनो हायो।

2. गोलोम बोधोराव गंसे हानि दैहुआव लाखिनाय दैया माबोर गुसुयै थायो ?

फिननाय:- हानि दैहुनि इन्जुराव जोबोद फिसा फिसा गुदुंफोर थायो। बे गुदुंफोरनि गेजेरजों दैहुनि सिङाव थानाय दैया बायजोयाव सिदोबफैयो। जेब्ला बे बायजोयाव ओंखारनाय सिदोब दैआ बारमण्डलनि बिदुं बाहायनानै खफ‘ जायो, अब्ला बेयो खफ‘ जानो नांगौ जानाय बिदुं शक्तिखौ दैहुनि सिङाव थानाय दैनिफ्राय सोबखाङो। बेबादि दैहुनि सिङाव थानाय दैनिफ्राय बिदुंआ खम जालांनायनि जाहोनाव दैआ गुसुयै थायो।

3. जेब्ला जोंनि आखाइ थालखायाव एसे एसिटन एबा पेट्र’ल एबा मोदोमग्रा (Perfumue) होयो अब्ला जों मानो गुसु मोनो ?

फिननाय:- जेब्ला जोंनि आखाइ थालखायाव एसे एसिटन एबा पेट्र’ल एबा मोदोमग्रा होयो अब्ला बेयो खफ‘ जायो।

बे मुवाफोरा जोबोद गोरलैयै खफ‘ जाग्रा मुवा। जेब्ला बेफोरखौ आखाइ थालखायाव होनाय जायो, अब्ला बेसोरो खफ‘ जानो थाखाय नांगौ जानाय बिदुं शक्तिखौ जोंनि आखाइ थालखा एबा खाथिनि बारनिफ्राय सोबखाङो। जेब्ला जोंनि आखाइनि थालखानिफ्राय बिदुंआ खम जायो एबा बेसादफोरा बिदुंखौ सोबनानै लानो हमो, अब्ला जोंनि आखाइया गुसु मोननाय जायो।

4. गंसे कापनि अनगायै गंसे प्लेट (Saucer) निफ्राय जों मानो गुदुं साहा एबा गाइखेरखौ गोख्रैसिनै सुरुबनो एबा लोंनो हायो ?

फिननाय:- खफ’ जानाया मुवानि बिखुं एबा दब्लाथिनि सायाव सोनारो। कापनि रुजुनायाव गंसे प्लेटनि बिखुंनि दब्लाथिया बांसिन। जेब्ला जों साहा एबा गाइखेरखौ प्लेटआव लाबोयो, अब्ला बेयो गोसारलायो आरो बांसिन दब्लाथि मोनो। बांसिन दब्लाथि थानायखाय खफ’ जानायनि हारआबो गोख्रै जायो। जों मिथिगौ दि खफ’ जानाया सुगलाइनाय सोमजिहोयो, बेखायनो प्लेटआव थानाय साहाया गोख्रैयै गुसु जायो आरो जों बेखौ गोरलैयै सुरुबनो एबा लोंनो हायो।

5. गोलोम बोथोराव जों मा रोखोमनि सिफोर गाननांगौ ?

फिननाय:- गोलोम बोथोराव जों खुननि सि गाननांगौ, मानोना खुननि सिआ जोंनि देहानि गोलोमदैखौ साबसिनै सोबनानै लानो हायो। गोलोम बोथोराव जोंनि देहानिफ्राय ओंखारनाय गोलोमदैया जेब्ला खुननि सिजों सोबजायो, अब्ला बेयो बारमण्डलाव गोसारलाङो आरो खफ‘ जायो। जेब्ला गोलोमदैया खफ‘ जायो, अब्ला बेयो खफ‘ जानो नांगौ जानाय बिदुं शक्तिखौ जोंनि देहानिफ्राय सोबखाङो, जायनि जाहोनाव जोंनि मोदोमा गुसु आरो गोजोननाय मोनो। गुबुन फारसे, बिजिरख’ दानाय (Synthetic) सिफोरा गोलोमखैखौ खुननि सिबादि साबसिनै सोबनो हाया, बेखायनो गोलोम बोथोराव खुननि सिआनो साबसिन।

उफेरा सोंनाय फिननाय

Note: If you find any mistakes in these questions and answers, you can tell us or correct it yourself.

जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।

Class 9 Other Subjects: थाखो 9 नि गुबुन आयदाफोर

1. English-1

English-2

2. MIL-Bodo

3. Social Science

4. Mathematics

5. Hindi

Science :

1. Class 6 Science

2. Class 7 Science

3. Class 8 Science

4. Class 9 Science

5. Class 10 Science

FAQs:

1. Where can I get the question answers of Class 9 Science Chapter 1 “जोंनि सोरगिदिं थानाय मुवाफोर” Bodo Medium ?

You can get the complete question answers, explanation, and notes of Class 9 Science Chapter 1 “जोंनि सोरगिदिं थानाय मुवाफोर” on Bodoland Library.

2. Is this Class 9 Science Chapter 1 “जोंनि सोरगिदिं थानाय मुवाफोर” solution useful for exam preparation?

Yes, these question answers and notes are helpful for students to prepare for school exams and understand the chapter easily.

3. Is this question answer based on the latest SEBA/ASSEB syllabus?

Yes, the questions and answers are prepared according to the latest SEBA/ASSEB Class 9 syllabus.

Class 9 Science Chapter 1 Bodo Medium "जोंनि सोरगिदिं थानाय मुवाफोर"

खोन्दो-1

जोंनि सोरगिदिं थानाय मुवाफोर

MATTER IN OUR SURROUNDINGS

सोंनाय बिदां

Class 9 Other Subjects: थाखो 9 नि गुबुन आयदाफोर

Science :

FAQs:

Related Posts

Leave a Comment Cancel Reply