Class 9 Bodo Medium MIL Chapter-12

4. गाहायाव होनाय सोंथिफोरखौ 150 सो सोदोबजों फिन हो:

(क) खेराइ एबा गार्जा होनायनि सुबदै बावनाय हुदाया आर्ज्यफोलेरनि सुबुंफोरनाव नांहैदों होनना नों सानो नामा ?

फिननाय : फरायाव लिरगिरिया फोरमायदों जे बर’फोरनि खेराइ एबा गार्जा फुजायाव सुबदै (जौ बिदै) बावनाय हुदाया बर’फोरनिफ्रायनो गुबुन आर्य फोलेरनि मानसिफोरनाव गोसारहैदों एबा नांहैदों। बेबायदियैनो जों साननो हायो। बर’फोरा गोदो गोदायनिफ्रायनो बाथौ धोरोम मानिना इसोरनि नामै सुबदै बावनाय हुदा दं। उनाव आर्य तान्त्रिकफोरनि सिबिनाय हुदा आरो मन्दिरफोराव मोदाइ सिबिनाय, बोलिनाय आरो सुबदै बावनायफ्रा बर’ हारिमुनि गोहोमनि थाखायनो जादों होनना पण्डितफोरा बुङो। बेनिखायनो बर’नि बे गाहाम हारिमुआ आर्य फोलेराव नांहैदों होनना जों साननो हायो।

(ख) “सिजौआ गरंबा, बाथौआ बान्दोबा, बर’ बोराइनि रावाबो फंबा”- होननाय रावजों मा फोरमायनाय जायो रायथाइनि हेफाजाब लाना लिर।

फिननाय : “सिजौआ गरंबा, बाथौआ बान्दोबा, बर’ बोराइनि रावाबो फंबा”— बे बाथ्रासारियाव बर’ हारिनि गुदि सान्थौ, धोरोमारि फोथायनाय आरो इसोरनि थार सान्थौनि मोनसे गोथौ इसारा दङ। बाथौखौ बान्दोबा दुमनायाव भारतारि सान्थौनि बा-तत्व जों गोरोबनाय नुयो। बिदिब्ला भारतारि सान्थौनि बे बा-तत्वखौ बर’फ्रासो बयनिख्रुइ सिगां मोन्दांजेनदोंमोन होनना साननो हायो। सिजौआ जेरै गरंबा आरो बाथौआ बा बान्दो गोनां, बेबादिनो बर’ बोराइनि रावाबो फंबा। 

(ग) आगुनि आरो आथिखालनि बैसागु फोरबो फालिनायाव माबा फाराग दं होनना नों सानो नामा?

फिननाय : नंगौ, आगुनि आरो आथिखालनि बैसागु फालिनायाव गोबां फाराग नुनो मोननाय जायो। मानोना गोदो गोदाय बर’फोरा बैसागुखौ दानसेसिमहालागै खुङोमोन। आथिखालाव नाथाय हाबथा मोनसेल’ खुंनाय नुनो मोनसै। गोदो गोदायनि बैसागुआव बर’नि नंगुबै हारिमुनि नेरसोनफोरखौ नुनो मोनोमोन, आथिखालाव नाथाय बरनि हारिमुनि नंगुबै नेरसोनफोरखौ नुनो मोनबांलिया। गोदो-गोदायनि बैसागुआव गामिनि बर’ नखर नखर रायजो राजाया, बोराइ बुरै ज’ ज’यै आरो सेंग्रा सिख्लाफोरा ज’ ज’यै मोसानानै रंजानाय दंमोन नाथाय आथिखालाव जौसां एबा बबेबा क्लाब एबा गौथुमफोरनि सायनासालियाव जायगा मोनफैबाय। 

              गोदो गोदान सेरजा-सिफुं, खाम जथा दामनानै बैसागु रंजायोमोन। आथिखालाव नाथाय बर’ लाइमोन सेंग्रा सिख्लाफोरखौ गोदान मुगानि दामजु, मोब्लिब गोहोजों सोलिनाय दामजु, डिजिटेल मेडियानि गेजेरजोंसो बैसागु रंजा-बाजा खालामनो नाजानायखौ नुनो मोनसै।

(घ) आगुनि हाबाया माबादि जायोमोन? थावख्रिफाल्ला गावनखौ बबे समाव दिन्थिनाय जायोमोन? रायथाइनि हेफाजाब लानानै लिर।

फिननाय :  गोदोनि दिनाव बर’नि हाबा जानाय हुदाया जोबोद रंजा बाजा आरो गाब गोनां मोन। बे हाबाया स्नि (7) सानसिम थायोमोन। हाबायाव जोबनो गैयि जुमाइ, अमा बेदर आरो ओंखामनि बाथ्रा सानब्ला बर’ हारिया जानाय-लोंनायाव रावनिबो गेजेन नंआमोन।

          थावख्रिफाल्ला गावनखौ (थाखिफाल्ला मोसानाय) बर’नि हाबा-हुखायाव दिन्थिनाय जायोमोन। बे मोसानायखौ आइजो एबा हिनजावफ्रासो मोसायो, हौवाफ्रा मोसाया।  

5. गुदि खिथाजों सोमोन्दो लाखिनानै बेखेवना लिर-

(क) “बाथौ दोहोरोमानो बर’नि गुदि दोहोरोम।”

फिननाय : “बाथौ दोहोरोमानो बर’नि गुदि दोहोरोम।”

          गोजौनि राइथाय सिरिखौ कामेश्वर ब्रह्म आ लिरनाय “बर’नि हारिमु” मुंनि राइथायनिफ्राय लानाय जादों। बे सिरिनि गेजेरजों राइथायगिरिया बर’नि गुदि दोहोरोमा बाथौ होनना फोरमायदों।

         बाथौ धोरोमानो बर’नि गुदि धोरोम। बाथौ बोराइखौनो बर’फ्रा गिला दामब्रा, खोरिया बोराइ एबा सिब्राइ होनना बुङो। आर्यफ्रा बर’नि मोदाइ गाहाइ बाथौ बोराइ एबा सिब्राइखौनो आदि देव महादेव

होनना सिबियो। महाभारत, पुराण बादि धोरोमनि बिजाबफ्राव महादेवखौ आर्य मोदाइ होनना लिरलांदों। 

        बर’नि रावै आरोबाव बुंबावदों- सिजौआ गरंबा, बाथौआ बान्दोबा, बर’ बोराइनि रावाबो फंबा’। बे बाथ्रायाव गोथौ सान्थौनि इसारा दङ। बाथौखौ बान्दोबा दुमनायाव भारतारि सान्थौनि बा तत्वजों (पन्च

तत्व) गोरोबनाय नुयो। बिदिब्ला भारतारि सान्थौनि बा तत्वखौ बर’फ्रासो मोन्दांजेनदों होनना साननो हायो। बे बाथ्राफोरनि थाखायनो राइथायगिरिया “बाथौ दोहोरोमानो बर’नि गुदि दोहोरोम” होनना फोरमायदों।

(ख) “खेराइयानो बर’नि देरसिन फोरबो।”

फिननाय : “खेराइयानो बर’नि देरसिन फोरबो।” 

           गोजौनि राइथाय सिरिखौ कामेश्वर ब्रह्म आ लिरनाय “बर’नि हारिमु” मुंनि राइथायनिफ्राय लानाय जादों। बे सिरिनि गेजेरजों राइथायगिरिया बर’नि देरसिन फोरबोआ खेराइ होनना फोरमायदों।

       खेराइयानो बर’नि देरसिन फोरबो। खेराइ फोरबोआ बर’नि जिउनि समान। बर’ हारिनि महर मोखाङा खेराइनि गेजेरजोंनो गेवस्रानो खाबु मोनो। दौदिनिनि आखु आरो गोहोखौ मोजाङै सानना नायब्ला जोबोद गोमोथाव। मोदाइ मोदाइजोफोरनि आखल आखुफोरखौ खाम, सिफुं आरो जथानि मिलौदो देंखोजों मोसानानै दिन्थिफुंजोबो। बेनिखायनो खेराइया बर’नि गासै फोरबोफोरनि गेजेराव बयनिख्रुइबो देरसिन आरो गोथार फोरबो।  

(ग) “गोथारै थानायानो बर’फोरनि मोनसे हुदा।”

फिननाय : “गोथारै थानायानो बर’फोरनि मोनसे हुदा।”

          गोजौनि रायथाइ सिरिखौ कामेश्वर ब्रह्म आ लिरनाय “बर’नि हारिमु” मुंनि राइथायनिफ्राय लानाय जादों। बे सिरिनि गेजेरजों रायथाइगिरिया बरफोरा गोथारै थानो माजां मोनग्रा होनना फोरमायदों।

          गोथार गोसो आरो गोथार मोदोमै थानायखौनो बर’आ गाहाम मोनो। बेनिखायनो बिसोर मावफ्लांनाय गाज्रि हाबा, बुंफ्लांनाय गाज्रि बाथ्रा एबा फावफोरखौ निमाहा होनो थाखाय गार्जा फुजा होनानै अबंलाउरिखौ सिबियो आरो आर’ज गाबो। बेजों लोगोसे फैगौ गोदान बोथोरावबो गथ’-गथाइ बोराइ बेन्थ’ रावनिबो सायाव खैफोद आफोद जाहाथे खालामा बिनिबो आर’ज गाबो। जेरै- ‘हे आफा बिफा गुरु, फिसा फिसौखौ मोजाङै लाखिनांगोन, हिन्जावफ्रा नाहा थांगोन, हौवाफ्रा मैहा थांगोन सिगि-सग’ खालामनो मोननाय नङा, हौवाफ्रा बनहा मैहा थांगोन मोसा मुफुर जानानै बाइदि मैया खालामनो मोननाय नङा, दहाय दे आइफोर आफाफोर’ होनना खुलुमो।

          गोथारै थानायानो बर’फोरनि मोनसे हुदा। गामियाव सोरबाफोर गाज्रि हाबा मावफ्लांदोंब्ला बाथौनि सिगाङाव बुंथिनानै लानांथारो। लाखोमानो सानब्लाबो खेराइनाय बोथोराव दौदिनियानो हमखांनो हायो। गामियावबो निदान खैफोदा जोबनो थाङा जायो। गामिनि सुखु-गोजोननि थाखाय बाथौ बोराइनि मुङै फुजा होनांगौ जायो। बे बाथ्राफोरखौ फोरमायनो थाखाय रायथाइगिरिया गोजौनि रायथाइ सिरिनि गेजेरजों फोरमायदों ।

6. बाथ्रा दा-

दौरि, दौदिनि, खेराइ, सावरि-बादालि, खैफोद-आफोद।

फिननाय : 

दौरि : खेराइ फुजायाव दौरिया मन्थ्र फरायना आर’ज गाबो।

दौदिनि : दौदिनिया खेराइ फुजायाव मोदाइनि देंखोजों मोसायो।  

खेराइ : खेराइया बर’ हारिनि बयनिख्रुइ देरसिन धोरोमारि फोरबो।  

सावरि-बादालि : गामिनि मानसिफ्रा लोगो होना सावरि-बादालि जाना हाबा मावो।  

खैफोद-आफोद : इसोरनाव आर’ज गाब्ला खैफोद-आफोदनिफ्राय बारगोनो हायो।