New Class 7 Bodo Medium MIL Question Answer Chapter 7 || गोदोनि सनाथि मुगा
फरा (Lesson) -7
गोदोनि सनाथि मुगा (“Gwdwni Sonati Muga”)
मावफारि
फरागुदियारि
1. गाहायाव होनाय मोनफ्रोमबो सोंलुनि गेबें फिननायखौ सायख’ना थि बेंखनखौ दागो-
● समायनामोना थांनाय रेल-गाड़ीया कामाख्या जंसननिफ्राय तम्बरम ष्टेसन सौहैनाया बेसेबां सम लादोंमोन?
(क) 55 घण्टा 45 मिनिट
(ख) 54 घण्टा 45 मिनिट
(ग) 54 घण्टा 35 मिनिट
(घ) 53 घण्टा 35 मिनिट
फिननाय: (ग) 54 घण्टा 35 मिनिट (सुक्रबार 14:55 निफ्राय देउबार 21:30 रिंगासिम सम = 54 घन्टा 35 मिनिट।)
● चिदाम्बरम मन्दिरनि नट ‘राजनि मुसुखायाव मा धातुआ बांसिन बिबांनि गलाय-मोनदेर जाना दं?
(क) लहा
(ख) थामा
(घ) रां
(ङ) गलाय-मोनदेर
फिननाय: (ख) थामा
● ‘देउबाराव 21:30 रिंगायाव बिथांमोना तम्बरम रेलवे ष्टेसनाव सौहैनायसै।’- बै समाव नोंनि इनजुरनि घड़ी एबा आखाइनि घड़ीयाव बेसेबां सम जादों?
(क) 10:00 रिंगा
(ख) 09:30 रिंगा
(ग) 01:30 रिंगा
(घ) 02:30 रिंगा
फिननाय: (ख) 09:30 रिंगा
2. गाहायाव होनाय सोंलुफोरनि फिन हो।
(क) ‘चित्रकुटनिफ्राय माउण्ट आबु’ बिजाबनि लिरगिरिया सोर?
फिननाय: नबीन मल्ल बर’।
(ख) ‘ग’पुरम’ सोदोबा मा फोरमायो?
फिननाय: मन्दिरनि गोजौ गमबुजजों लोगोसे हाबग्रा दरखंखौनो ‘ग’पुरम’ बुंनाय जायो।
(ग) ब्रन्जआ मा? ब्रन्जखौ बोरैहाय बानायनाय जायो?
फिननाय: ब्रन्जआ रोखोमसे गलाय-मोनदेर धातु। बेखौ दाइनजि जौखोनदो (80%) थामा आरो नैजि जौखोनदो (20%) रां धातु गलायनानै बानायनाय जायो।
(घ) नट’राज मुसुखाखौ मा बिरोंदामिनजों दाफुंदोंमोन?
फिननाय: नट’राज मुसुखाखौ ‘मम बिगलायनाय आदब’ बिरोंदामिनजों दाफुंदोंमोन।
(ङ) बिगियानगिरिफोरा नट ‘राज मुसुखानि आखुथाइखौ मा होनना थिरांथा खालामो?
फिननाय: नट’राज मुसुखानि हा नांनानै थानाय आथिंनि आसि बिमायानो ‘बुहुमनि सुम्बकआरि बिषुब हांखोनि मिरुबिदो’ होनना बिगियानगिरिफोरा थिरांथा खालामदों।
(च) गाइडआ समायनामोननो मा मा बिरोंदामिननि सोमोनदै बुंदोंमोन?
फिननाय: गाइडआ मन्दिर लुनायनि द्राबिड़ारि लंथाइ बिरोंदामिन, ब्रन्ज धातु सोदांना गलाय-मोनदेर खालामनायनि खानथि, धातुजों मुसुखा दानायनि ‘मम बिगलायनाय आदब’ आरो मुसुखानि आखुथाइनि सोमोनदै बुंदोंमोन।
3. चिदाम्बरम मन्दिराव गोजाम भारतआरि गियान-खानथिनि मा मा दिग बेरखांदों, बेनि सोमोनदै मोनसे सुंद’ रेबसुं लिर।
फिननाय: तामिलनाडुनि चिदाम्बरम मन्दिरा गोजाम भारतआरि गियान-खानथि, बिगियान आरो आरोंदामिननि मोनसे अनसुला नेरसोनथि। जिथि जौथाइयाव स’ल राजा खेत बर्मननि दैदेननायाव द्राबिड़ारि आदबजों बे मन्दिरखौ बानायदोंमोन। बे मन्दिराव थानाय ब्रन्जनि नट’राज मुसुखायाव 80% थामा आरो 20% रां गलायदेरनाय । धातु बिगियाननि साबसिन खानथि गोजाम भारतआरिफोरा जे रोंगौमोन, बेयो फुवारै दिन्थियो।
बे मुसुखाखौ ‘मम बिगलायनाय आदब’ जों बानायनाय जादोंमोन। बिगियानारि नोजोरजों नट’राज मुसुखानि आथिंनि आसिया बुहुमनि सुम्बकआरि बिषुब हांखोनि मिरुबिदाव थानाया गोदोनि भारतआरिफोरनि बिगियान, रोखोम-आरोंदामिन आरो आध्यात्मिक सोदोमस्रिनि गेजेराव थानाय गोहो गोनां गियानखौनो बेरखांथि होयो।
4. सोदोब बिहुं नायनानै आगसिनि सोदोबजों आगदानि ओंथिफोरखौ सिन बोना गोरोब होनि फै-
फिननाय:
| सोदोब | ओंथि |
बुमिन |
गोजाम जारिमिननि बिगियानारि नोजोरजों फरायसं नाय। |
लंथाइ |
न, दालान बायदि लुफुंनाय आरिमु। |
आध्यात्मिकबाद |
गोसो, जिउमा सोमोनदोयारि। |
ग'पुरम |
गोजौ गमबुजजों लोगोसे हाबग्रा दरखं। |
तिल्लाइ |
सिदोमा जायगायाव रजनाय रोखोमसे बिफां। |
नट'राज |
मोसाबायथानाय शिवनि मुसुखा। |
| सोलायमिन | मोनसेनि सोलाय गुबुन मोनसे (बिक'ल्प)। |
5. (क) फराय-
बल बद बथल बन्दन
दल दथि दानदालि दरसि
गथ’ गनथं गानथि गालथाउ
गोजौनि सोदोबफोरखौ फरायनायाव ब/, द/, ग/-नि रिंसारथिखौ बोनायाव रोखोमसे बादि मोनदों। नङाना?
मिथिनि फै-
गोजौनि सोदोबफोरखौ फरायनायाव/ब, द, ग/-नि रिंसारथिनि मादाव ‘ग’ हांखोनि
रिंसारथिआ गुरै थालोजाब गारां गैयै सुइजाब रिसारथि खौरां हांखो।
(ख) फराखौ फारसेनिफ्राय फराय लां आरो सोदोबनि गिबियावनो ब/, द/, ग/-आ उदां महरै एबा गारां हांखो दाजाबना थानाय (खौरां हांखो दाजाबनाय नङा) सोदोबफोरखौ लिर। बेनि उनाव बेफोरखौ फराय।
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 7 Other Subjects: थाखो 7 नि गुबुन आयदाफोर
MIL-Bodo :
FAQs:
Where can I get फरा-7 गोदोनि सनाथि मुगा New Class 7 Bodo Medium MIL Question Answer Chapter 7?
You can get complete फरा-7 गोदोनि सनाथि मुगा New Class 7 Bodo Medium MIL Question Answer Chapter 7 on Bodoland Library.
Are the answers based on the latest syllabus?
Yes, all answers for फरा-7 गोदोनि सनाथि मुगा are prepared according to the latest approved syllabus and textbook.
Is this chapter important for exams?
Yes, Chapter 7 is very important as it forms the base of the MIL (Bodo) subject and may include questions in unit tests and final exams.