SEBA Class 9 Bodo Medium MIL Chapter-3

1. मोनसे सोदोब एबा फंसे बाथ्राजों फिन हो-

(क) दानसोरां हराव खन्थाइनि खन्थाइगिरिया सोर?

फिननाय : दानसोरां हराव खन्थाइनि खन्थाइगिरिया प्रम’द चन्द्र ब्रह्म।

(ख) दैमा बिखायाव दैथुना माबादि मोसायो?

फिननाय : दैमा बिखायाव दैथुना देला माला जंब्लित माब्लित हाइला-हुइला मोसायो।

(ग) खन्थाइगिरिया खख्लिं होनना सोरखौ बुंदों?

फिननाय : खन्थाइगिरिया खख्लिं होनना दाउ खख्लिंखौ बुंदों।

(घ) खन्थाइगिरिया मिज्लिव-माज्लाव मा नुदों?

फिननाय : खन्थाइगिरिया मिज्लिव-माज्लाव हाथर्खि रिथि रिथि नुदों।

(ङ) खन्थाइगिरिया दैलो गोजोन होनना माखौ बुंदों?

फिननाय : खन्थाइगिरिया दैलो गोजोन होनना मिथिंगानि गोजोनथाव थासारिखौ बुंदों।

(च) खन्थाइगिरिया सोरखौ गुगुरुब खुलुमदों?

फिननाय : खन्थाइगिरिया सोरजिगिरिखौ गुगुरुब खुलुमदों।

(छ) मिथिंगानि समायना रमायना महरखौ सोर सोरजिदों?

फिननाय : मिथिंगानि समायना रमायना महरखौ सोरजिगिरिया सोरजिदों।

(ज) हामाया माब्ला मैया मुश्री लादों होनना बुंदों?

फिननाय : हामाया दानसोरां हराव (दिनै हराव) मैया मुश्री लादों होनना बुंदों।

(झ) खन्थाइगिरिनि गोसोआ मानो बाज्ल खांदों?

फिननाय : मिथिंगानि समायना महर आरो सोरजिगिरिनि सोरजिनायखौ नुनानै खन्थाइगिरिनि गोसोआ बाज्ल’खांदों।

(ञ) अखाफोर गावदां हराव दैथुना माबादि मोसादों?

फिननाय : अखाफोर गावदां हराव दैथुना देला माला जंब्लित माब्लित हाइला-हुइला मोसादों।

(ट) खन्थाइगिरिया मा समाव हानथु खरायना सोरखौ खुलुमदों?

फिननाय : खन्थाइगिरिया दानसोरां हराव सोरजिगिरिखौ हानथु खरायना खुलुमदों।

2. सुंद’यै फिन हो-

(क) खन्थाइगिरिया हामाखौ माबादि महर लादों होनना फोरमायदों?

फिननाय : खन्थाइगिरिया दानसोरां हरनि समायना मिथिंगानि महरखौ बाखनायनानै बुंदों दि, दानसोरां अखाफोरनि गावदां रिफिनायजों हामाया मैया मुश्री महर लादों। मिथिंगाया अखाफोरनि गोथां सोरांजों जोबोद समायना आरो रमायना नुजाथिदों।

(ख) खन्थाइगिरिनि गोसोआ माखौ नुना बाज्ल’खांदों?

फिननाय : खन्थाइगिरिनि गोसोआ दानसोरां हरनि समायना मिथिंगानि सोरजिनाय, अखाफोर गावदां हरनि रिफिनाय, हाथर्खिफोरनि मिज्लिव-माज्लाव रिफिनाय, बेफोर गासैबो समायना महरखौ नुनानै बाज्ल’खांदों ।

(ग) गजन गजन हाबाब दैलो गजन होनना माखौ बुंदों?

फिननाय : गजन गजन हाबाब दैलो गजन होननानै खन्थाइगिरिया दानसोरां हरनि निजोम, गोजोन आरो समायना थासारिखौ बुंदों। अखाफोर गावदां हरनि निजोम थासारियाव मिथिंगानि महरा खन्थाइगिरिनि गोसोआव मोनसे बेखेवहायि गोजोननाय लाबोदों, बेखौनो बियो बे बाथ्राजों फोरमायदों।

(घ) खन्थाइगिरिया समायना-रमायना होनना माखौ बुंदों?

फिननाय : खन्थाइगिरिया अख्रां आरो मिथिंगानि गासै महरखौ समायना-रमायना होनना बुंदों। अखाफोर गावदां हराव अख्रांनि रमायना महर आरो मिथिंगानि सोरजिनायखौ खन्थाइगिरिया बाखनायदों।

(ङ) खोलो खोलो बारा माब्ला बारदोंमोन?

फिननाय : खोलो खोलो बारा दानसोरां हराव बारदोंमोन। दानसोरां हराव खोलो खोलो बार बारनायजों गावदां अखाफोरनि महरा दैमानि दाहाराव मोसायो।

(च) खन्थाइगिरिनि बादिब्ला मिथिंगानि समायना महरखौ सोर सोरजिदों फोरमायना लिर।

फिननाय : खन्थाइगिरिनि बादिब्ला मिथिंगानि बे समायना महरखौ सोरजिगिरि आ सोरजिदों। खन्थाइगिरिया सोंदों दि बे समायना संसार, अख्रां, अखाफोर आरो हाथर्खिफोरखौ सोर आरो माबादि सोरजिदों, बेनि आन्दोआव सोरजिगिरिनि गोहो थानायखौ खन्थाइगिरिया मोन्दांहादों।  

(छ) अखाफोर गावदां समाव खन्थाइगिरिया मा नुदोंमोन फोरमायना लिर।

फिननाय : अखाफोर गावदां समाव खन्थाइगिरिया नुदोंमोन—खोलो खोलो बार बारनाय, दैमायाव दैथुनफोरनि देला माला मोसानाय, हाथर्खिफोरनि मिज्लिव-माज्लाव रिफिनाय आरो अख्रांनि समायना महर। लोगोसे दाउ खख्लिं फोरनि मोसानाय आरो हामाया मैया मुश्री महर लानायखौबो बियो नुदोंमोन।

(ज) खन्थाइगिरिया सोरखौ गुगुरुब खुलुमनानै मा बुंदोंमोन?

फिननाय : खन्थाइगिरिया सोरजिगिरिखौ गुगुरुब खुलुमनानै बुंदोंमोन दि, बे समायना सोरजिनायनि सायाव बिथा खालामनानै बियो गावनि गोसोखौ सोरजिगिरिनि आखायाव बावसोमदों। बियो सोरजिगिरिनि गुन बाखनायदों आरो बे संसारखौ सोरजिनायनि थाखाय सोरजिगिरिनो गावनि गोजोननाय आरो खुलुमनायखौ बाउदों।

3. खन्थाइनि गुबै बाथ्राखौ नोंनि रावजों फोरमायना लिर।

फिननाय : “दानसोरां हराव” खन्थाइनि गेजेरजों खन्थाइगिरि प्रम’द चन्द्र ब्रह्मवा मिथिंगानि समायना महर आरो सोरजिगिरिनि गोमोथाव सोरजिनायखौ बाखनायदों।

          अखाफोर गावदां हरनि समाव मिथिंगाया मोनसे जुनिया समायना महर लायो। अखाफोरनि सोरां आरो खोलो-खोलो बार बारनायजों लोगोसे दैमानि दैथुनाफोरखौ देला-माला मोसानाय नुयो। अख्रांआव हाथर्खिफोरा मिज्लिव-माज्लाव रिफियो आरो बे समायना थासारियाव दाउ खख्लिंरा रंजानानै मोसायो। बे अखाफोर गावदां हरनि सोराङाव हामाया मैया मुश्री महर लायो, जायखौ नुनानै खन्थाइगिरिनि गोसोआ गोजोननाय आरो रंजानायजों बाज्ल’खाङो।

           खन्थाइगिरिया बे गासैबो समायना महरनि आन्दोआव सोरजिगिरिनि आखाय थानायखौ महर होदों। बे संसारखौ सोर सोरजिदों आरो बे गोमोथाव सोरजिनाया माबोरै जाथाव जादों, बेखौ साननानै खन्थाइगिरिया सोरजिगिरिनि सायाव गथौ फोथायनाय आरो खुलुमनाय बावदों। जोबनायाव, खन्थाइगिरिया बे गोजोनथाव दानसोरां हराव सोरजिगिरिखौ गुगुरुब खुलुमनानै गोजोननाय बावदों।

गुबैयै बुंनो थाङोब्ला, बे खन्थाइया मिथिंगा बाखनायनायनि गेजेरजों सोरजिगिरिनि अनखांथाव सोरजिनायखौ सिबिनायनि मोनसे लिरबिदां। 

4. गुदि खिथा फोरमायना बेखेवना लिर-

(क) मिज्लिव माज्लाव हाथर्खि रिथि रिथा

समायना रमायना अख्रां साथा बिखाव माथा,

एसेग्राब सुयेम एसेबां लायेम

गजन गजन हाबाब दैलो गजन।

फिननाय : गोजौनि खन्थाइ खोन्दोखौ प्रम’द चन्द्र ब्रह्मआ लिरनाय “दानसोरां हराव” मुंनि खन्थाइनिफ्राय लानाय जादों। बे खन्थाइ खोन्दोनि गेजेरजों खन्थाइगिरिया अखाफोर गावदां हरनि समाव अख्रां आरो मिथिंगायाव नुजानाय समायना महरखौ बाखनायदों।

           दानसोरां हराव अख्रां बिखायाव हाथर्खिफोरा मिज्लिव-माज्लाव रिथि-रिथा रिफिबाय थादों। अख्रां सायाव अखाफोरनि सोरांजों लोगोसे हाथर्खिफोरनि बे रिफिनाया अख्रांनि महरखौ जोबोद समायना आरो रमायना खालामदों। अखाफोरनि बे सोराङा जोबोद सुयेम (सुदेम) आरो लायेम (गोजोन), जायखौ नुनानै खन्थाइगिरिनि गोसोआव मोनसे बेखेवहायि गोजोननाय फैदों। बे अखाफोर गावदां हरनि निजोम आरो सोरां थासारिया खन्थाइगिरिनि थाखाय जोबोद गोजोनथाव आरो बाखनायथाव।  

(ख) गजानाव खख्लिंआ ज’-जाइ हुरा हुरा

बांबायाव बां बा थारसो बदेत सिनदं,

अ’ हाबाब हामाया मैया मुश्री महर

लादं हाबाब दिनै हराव।

फिननाय : गोजौनि खन्थाइ खोन्दोखौ प्रम’द चन्द्र ब्रह्मआ लिरनाय “दानसोरां हराव” मुंनि खन्थाइनिफ्राय लानाय जादों। बे खोन्दोनि गेजेरजों खन्थाइगिरिया दानसोरां हरनि समाव मिथिंगायाव जानाय रंजाथाव थासारि आरो संसारनि समायना महरखौ फोरमायदों।

          खन्थाइगिरिया बुंदों दि, अखाफोर गावदां हराव गोजाननिफ्राय दाउ खख्लिंखौ ज’-जायै रंजानानै मोसानायो। बे समाव अखाफोरनि गोजोन सोराङा समायना महर सोरजियो। खन्थाइगिरिया बे समायना थासारिखौ बाखनायनानै बुंदों दि, दानसोरां हरनि बे सोराङाव जोंनि हामाया (बुहुम) “मैया मुश्री” नि महर लादों। बे हरनि समायना महरा बुहुम बिखाखौ गोजोन आरो सोरां खालामदों।

(ग) बव थाख्माखो ब’व गमाखो बियो दैखौ?

जेरावनो थाथं, जेरैनो खांथं, गसखां

गुगुरुब बिखौ खुलुमो आं,

बांबा खमबा दानसरां दिनै हराव।

फिननाय : गोजौनि खन्थाइ खोन्दोखौ प्रम’द चन्द्र ब्रह्मआ लिरनाय “दानसोरां हराव” मुंनि खन्थाइनिफ्राय लानाय जादों। बे खोन्दोनि गेजेरजों खन्थाइगिरिया सोरजिगिरिनि गोमोथाव सोरजिनायनि सायाव गावनि फोथायनाय आरो सिबिनायखौ फोरमायदों।

            खन्थाइगिरिया सोंदों दि—बे समायना संसार, अखाफोर आरो हाथर्खिफोरखौ सोरजिनाय सोरजिगिरिया बबेयाव थाखोमानानै दं? बियो मिथिंगानि बे समायना महरनि गेजेराव बबेयाव गमानानै दं? खन्थाइगिरिनि बादिब्ला, सोरजिगिरिया जेरावनो थाथं एबा जेरैनो थानानै संसारखौ नायथं, बियो संसारनि मोनफ्रोमबो बेसादनि गेजेरजोंनो गोसोखां जाबाय थायो। खन्थाइगिरिया बे दानसोरां हरनि समायना थासारिखौ नुनानै सोरजिगिरिखौ गुगुरुब खुलुमदों। बियो सोरजिगिरिनि सायाव गोथौ सिबिनाय बावनानै गावनि गोजोननायखौ फोरमायदों।