Class 9 Science Chapter 6 Bodo Medium "बिदाम"
Here you can find SEBA/ASSEB Class 9 Science Chapter 6 Bodo Medium खोन्दो-6 “बिदाम“. Prepared according to the latest SEBA/ASSEB syllabus. This chapter’s answers are written in simple to help students understand the lesson easily and prepare better for exams.
खोन्दो-6
बिदाम
TISSUES
सोंनाय-1, page-69
1. बिदाम माखौ बुङो?
फिननाय : बबेबा थि हाबा मावफुंनो थाखाय एखे दाथाइ एबा खामानि गोनां जिबख्रिफोरनि हान्जाखौनो मोनसे बिदाम बुंनाय जायो। थै, फ्ल’वेम आरो मोदोम गेहेन आरिफोरा जाबाय बिदामनि बिदिन्थि।
2. बां जिबख्रिआरि जिबनि लोगोआव बिदामनि बाहायथिआ मा?
फिननाय : बिदामनि गाहाइ बाहायथिआ जाबाय जिबफोरनि जिउ सोलेराव हाबा मावनायनि थाखोखौ रोखायै रानना होनाय, जाहाथे देहानि गासै गुदि बिखान्थिफोरा मोजाङै सोलिनो हायो। बेफोरबादि जिबफोरहा मिलियनफ्राम जिबख्रि थानायलाय बबेबा थि खामानियाव मावफुंग्रा जिबख्रिफोरा सरासनस्रायै देहायाव खौसे जानानै मोनसे बिदाम दानो। मोनफ्रोमबो जुनिया रोखोमनि हाबाखौ गुबुन गुबुन बिदामनि हान्जाया जोबोर सांग्रां जानानै मावफुङो। बिदिन्थि हिसाबै, मानसिनि सोलेराव मोदोम गेहेन बिदामआ थनथ्रना आरो अरगानानै सोमावनाय-खारनायखौ लाखियो, थैआ देहायाव अक्सिजेन, जामु आरो हरमनफोरखौ रोगानो थाखाय बोहैयो, आरो बिसोम बिदामआ रादाब दैबायनायाव मदद खालामो। गुबुन फारसेथिं, लाइफांफोरनि बेलायाव रोगाग्रा बिदामआ (जायलेम आरो फ्ल’वेम) लाइफांनि मोनसे बाहागोनिफ्राय गुबुन बाहागोसिम दै आरो आदार ज’गायना होयो।
सोंनाय-2, Page-74
1. गोरलै बिदामनि बाहागोफोरनि मुं लिर।
फिननाय : गोरलै बिदामनि मोनथाम गाहाइ बाहागोफोरनि मुङा जाबाय-
(i) पेरेनकाइमा (Parenchyma)
(ii) कलेनकाइमा (Collenchyma)
(iii) स्क्लेरेनकाइमा (Sclerenchyma)
2. बिजौ गावस्राग्रा बिदामखौ बबेआव मोनो ?
फिननाय : बिजौ गावस्राग्रा बिदामखौ लाइफांनि रोदा आरो बिथ’नि लाउलांग्रा बिजौ खोन्दो एबा देरफुनाय बाहागोफोराव मोननाय जायो।
3. बबे बिदामआ नालेखर फिथाइनि बिगुराव थायो ?
फिननाय : स्क्लेरेनकाइमा बिदाम थायो।
4. फ्ल’वेमनि थादेरसाफोरा मा मा?
फिननाय : फ्ल’वेम बिदामआ मोनब्रै गाहाइ थादेरसाफोरजों दाजानाय, बेफोर जाबाय-
(i) सानद्रि नालासा
(ii) लोगो जिबख्रि
(iii) फ्ल’वेम पेरेनकाइमा
(iv) पल’वेम बेजे
सोंनाय-3, Page-78
1. जोंनि देहामोदोमखौ मावखांहोग्रा बिदामनि मुं लिर।
फिननाय : गेहेनारि बिदाम ।
2. निउरननि महरा मा बायदि?
फिननाय : निउरन आ मोनसे जिबख्रि मोदोम, जिबख्रिमिरु आरो जिबख्रि रन्दै थानाय गोलाउ महरनि जिबख्रि। बेनि देहायाव गोलाउ, फिसा फिसा खानाइबायदि बाहागोफोर बाहेराथिं ओंखारनाय थायो, जेराव मोनसेल’ बयनिखुइबो गोलाउ बाहागो थायो जायखौ एक्सन बुङो, आरो बेनि गुसुं दालाइ बाहागोफोरखौ डेनड्राइट बुंनाय जायो।
3. मैखुन गेहेननि मोनथाम आखुथाइ लिर।
फिननाय :
(i) बेफोर गेहेननि थनथ्रनाय आरो अरगानाय जाथाइखौ जों गावनि गोसोबादि सानखांनानै मावहोनो मोनबो हाया।
(ii) बेयो जिउनि फुरा समावनो जिरन गैयाजासे थनथ्रनाय आरो अरगानाय जाथाइखौ सोलिहोबाय थायो।
(iii) मैखुन गेहेन जिबखिफोरा ओरैनो नुनायाव हासुं महरनि, दालाइ गोनां आरो मोनसेल’ मिरुगोनां जायो।
4. एरिअलार मावफुंनाय हाबाफोरा मा मा ?
फिननाय : एरिअलार मावफुंनाय हाबाफोरा जाबाय-
(i) बेयो सोलेरारि आंगो सिंनि उदां जायगाखौ आबुं खालामो।
(ii) बेयो सोलेरनि इसिंआरि आंगोफोरखौ हेफाजाब एबा आंगोआरि मदद जगायो।
(iii) बेयो देहानि गाग्लोबनाय एबा खहा जानाय बिदामफोरनि फाहामथाइ होनायाव मदद खालामो।
सोंनायबिदां
1. बिदाम सोदोबनि बुंफोरथि हो।
फिननाय : बबेबा थि हाबा मावफुंनो थाखाय एखे दाथाइ एबा खामानि गोनां जिबख्रिफोरनि हान्जाखौनो मोनसे बिदाम बुंनाय जायो।
2. जाइलेम बिदामआ मोनबेसे थादेरसा गोनां? बिसोरनि मुंखौ लिर।
फिननाय : जाइलेम बिदामआ मोन ब्रै (4) रोखोमनि थादेरसाफोरजों दाजानाय। बिसोरनि मुङा जाबाय-
(i) ट्रेकिड (Tracheids)
(ii) नालासा (Vessels)
(iii) जाइलेम पेरेनकाइमा (Xylem parenchyma)
(iv) जाइलेम बेजे (Xylem fibres)
3. लाइफांनि जिउ सोलेराव गोरलै बिदाम आरो जेथो गोनां बिदामनि गेजेराव मा फाराग दङ?
फिननाय :
| गोरलै बिदाम | जेथो गोनां बिदाम |
|---|---|
| बेयो मोनसेल' रोखोमनि जिबख्रिजों दाजानाय। | बेयो मोनसेनिखुइ बांसिन रोखोमनि जिबख्रि गोनां। |
| बिसोरखौ नायोब्ला गावजोंगाव एखेजोब नुयो। | बिसोरहा जुदा जुदा महरनि जिबख्रि थायो, नाथाय गासैबो खौसे जानानै मोनसे उजेर हाबा मावफुङो। |
| बिदिन्थि : पेरेनकाइमा, कलेनकाइमा आरो स्क्लेरेनकाइमा। |
बिदिन्थि : जाइलेम आरो फ्ल'वेम। |
4. जिबख्रि इनजुरनि सायाव बिथा खालामनानै पेरेनकाइमा, कलेनकाइमा आरो स्क्लेलेरेनकाइमानि गेजेराव थानाय फारागखौ लिर।
फिननाय : जिबख्रि इनजुरनि सायाव बिथा खालामनानै बिसोरनि गेजेराव थानाय फारागा जाबाय-
(i) पेरेनकाइमा : बेनि जिबख्रि इनजुरआ जोबोर गोबा जायो आरो सरासनस्रायै सेलुलज मुवाजों दाजानाय थायो।
(ii) कलेनकाइमा : बेनि जिबख्रि इनजुरआ ख’ना रुगुंआव खान्थियारिनङि रोखोमैल’ रोजा जाना थायो।
(iii) स्क्लेरेनकाइमा : बेनि जिबख्रि इनजुरआ लिगनिन (Lignin) मुंनि अरथाब होग्रा सिमेन्ट बादि रासायनारि मुवा थादेरनायखाय एरैबादि रोजाथार जायोदि जिबख्रिनि सिङाव जेबो उदां जायगा थाया।
5. बिलाइ गुदुंनि हाबाफोरा मा मा?
फिननाय : बिलाइ गुदुंनि हाबाफोरा जादों-
(i) बारमण्डलनिफ्राय देहा सोलेराव गेसनि बोनाय-हगारनाय जाथाइखौ बे बिलाइ गुदुंआनो सामलायो।
(ii) लाइफांनि देहानिफ्राय खफ’ महरै दैनि खहा जानाय दैखौ बाहेर हगारनाय जाथाइआ बिलाइ गुदुंनि गेजेरजोंनो जाफुङो।
6. मोनथाम रोखोम मोदोम गेहेन बेजेआव थानाय फारागखौ सावगारिजों दिन्थि।
फिननाय : मोनथाम रोखोम मोदोम गेहेननि सावगारि-
7. मैखुन गेहेननि जुनिया हाबाया मा?
फिननाय : मैखुन गेहेननि गाहाइ जुनिया हाबाया जाबाय जिउनि फुरा समावनो दसेबो जिरन एबा थादनाय गैयाजासे अराय सम खान्थियारियै थनथ्रनाय आरो अरगानाय जाथाइखौ सोलिबाय थायो। बेफोरबादि गाव मावफुङि गेहेनफोरा मैखुन बाहागोआव थायो आरो बिसोरनि बे अराय सम सोलिबाय थाग्रा लोरसोरनि जाहोनावनो जोंनि देहा सोलेराव थैखौ फारियै बोहैहोबाय थायो। बे जुनिया हाबाया मानसिनि गोसोबादि एबा सानखांनाय सायाव सोनाराजासे जिउ थानाय बुब्लिसिम गाव-गावनो अराय सम सोलिबाय थायो।
8. देहा सोलेराव आवग्रिनाय थावनि, बिथिं आरो बेनि दाथाइनि सायाव बिथा खालामनानै सिरा गोनां, सिरा गैयि आरो मैखुन गेहेननि गेजेराव थानाय फारागखौ लिर।
फिननाय : देहा सोलेराव आवग्रिनाय थावनि, बिथिं आरो दाथाइनि सायाव बिथा खालामनानै सिरा गोनां, सिरा गैयि आरो मैखुन गेहेननि गेजेराव थानाय फारागखौ गाहायाव टेबलनि गेजेरजों फोरमायना होनाय जाबाय:
9. बाहागोनि मुं थानाय निउरननि सावगारि आखि।
फिननाय :
10. गाहायाव होनायनि मुंखौ लिर –
(a) जोंनि खुगा दन्दरखौ दाफुंग्रा बिदाम।
फिननाय : खोबग्रा बिदाम
(b) मानसिनि जिउ सोलेराव गेहेनजों बेगेंखौ दाजाबग्रा बिदाम।
फिननाय : टेन्दन (Tendon)
(c) लाइफांआव आदार मुवा रोगाग्रा बिदाम।
फिननाय : फ्लोएम (Phloem)
(d) जोंनि देहायाव मेजेम दोनथुमग्रा बिदाम।
फिननाय : एदिपज बिदाम (Adipose tissue)
(e) मुंसे बिलाव मेट्रिक्स थानाय दाजाबग्रा बिदाम।
फिननाय : थै (Blood)
(f) मेलेमआव मोननाय बिदाम।
फिननाय : बिसोम बिदाम (Nervous tissue)
11. गाहायाव होनायफोरनि गेजेराव मा रोखोमनि बिदाम जागोन सिनायथि खालाम :
बिगुर, दंफांनि बिगुर, बेगें, गिला फिथर, दैदेनग्रा थुबजा।
फिननाय :
बिगुर – खोबग्रा बिदाम
दंफांनि बिगुर – होबथाग्रा बिदाम
बेगें – दाजाबग्रा बिदाम
गिला फिथर – आयतारि घनक खोबग्रा बिदाम
दैदेनग्रा थुबजा – जेथोगोनां गोजोर बिदाम
12. फेरेनकाइमा बिदाम थानाय जायगानि मुं लिर।
फिननाय : बिफां-लाइफांनि बिलाइ, बिबार, फिथाइ ।
13. लाइफां मोदोमनि सा-बिगुर (epidermis) नि बिफावआ मा ?
फिननाय : लाइफांनि गासै मोदोमआनो सा-बिगुरनि बाहागोजों खोबजानाय। लाइफांनि गासै बिथिंखौनो बेयो रैखाथि होयो। लाइफांनि गोजौफारसे बारनांनाय बाहागोफोराव सा-बिगुरारि जिबख्रिआ गावनि बायजो थिंजाय मुंसे थाव मुवा बायदि दै नाङै थोरफो निज्राय होनो हायो। बिदि ओंखारनायनि खाबुआ जाबाय जाहाथे दैनि खहाखौ हमथानो हायो आरो लाइफांनि दाथाइआरिआव बै बियाद बादि मैखुनफोरा गाग्लोबनो हाया जायो। सा-बिगुरारि बिदामनि जिबख्रि हानजाफोरा रोखोमसे गोहोगोनां जाय इसिंजिबख्रिआरि थावनि गैजायाजासे मोनसे गोलाउ थोरफो दानो हायो।
बिलाइनि सा-बिगुराव फिसा-फिसा गब्लं थायो। बेफोर गब्लंफोरनि मुङा जाबाय बिलाइ गुदुं (stomata) । बिलाइ गुदुंआ थरनै गिला महरनि जिबख्रिजों बेंखनजानानै थायो जायखौ बेंग्रा जिबख्रि होननाय जायो। बारमण्डलआव गेसनि बोनाय-हगारनाय जाथाइनि थाखाय बे जिबख्रिनि गोनांथिआ मख ‘जाथाव।
रोदायाव थानाय सा-बिगुरारि जिबख्रिनि सरासनस्रा हाबाया जाबाय दै सोबखांनाय। बिनि गोलाउ खानाइ बादि बाहागोआ बिखं सानि दैखौ सोबखांनो हानाय गोहोखौ बारायहोयो।
एबा
लाइफां मोदोमनि सा-बिगुरनि गाहाइ बिफाव फोरखौ गाहायाव होनाय जाबाय:
1. सा-बिगुरआ लाइफांनि गासै सा-बाहागोखौ खोबथेना दोनो, जायनि थाखाय बेयो इसिंनि बिदामफोरखौ बाइजोनिफ्राय रैखाथि होयो।
2. लाइफांनि गोजौफारसे बारनांनाय बाहागोफोराव सा-बिगुरारि जिबख्रिआ गावनि बायजो बिथिंजाय मुंसे थाव मुवा बायदि दै नाङै थोरफो निज्राय होनो हायो। बिदि ओंखारनायनि खाबुआ जाबाय जाहाथे दैनि खहाखौ हमथानो हायो आरो लाइफांनि दाथाइआरिआ बै बियाद बादि मैखुनफोरा गाग्लोबनो हाया जायो।
3. सा-बिगुरारि बिदामनि जिबख्रि हानजाफोरा रोखोमसे गोहोगोनां जाय इसिंजिबखिआरि थावनि गैजायाजासे मोनसे गोलाउ थोरफो दानो हायो।
4. बिलाइनि सा-बिगुरआव फिसा-फिसा गब्लं थायो, जायखौ बिलाइ गुदुं (स्ट’माटा) होनना मिथिनाय जायो। बेयो बारमण्डलनिफ्राय गेसनि बोनाय-हगारनाय खालामनायाव हेफाजाब खालामो।
5. रोदानि सा-बिगुरआव गोबां खानाय रोदा थायो, जाय हासिंनिफ्राय दै आरो गोनां खनियारि सोबनायाव हेफाजब खालामो।
14. दंफां बिगुर (cork) आ मोनसे रैखाथि होग्रा बिदामनि हाबा मावफुङो। बोरैहाय?
फिननाय : दंफां बिगुर आ थैनाय सिबख्रिजों दाजानाय, जायफोरनि गेजेराव जेबो लांदां जायगा थाया आरो बेफोर बेयावनो थोन थोन थायो। बेनि इनजुरजों सुबेरिन (suberin) होननाय मुंसे रासायनारि मुवा थादेरनायखाय इनजुरजों गेस एबा दै सोरखिनो हानाया गोब्राब। बे रोखोमनि दाथायनि थाखायनो दंफां बिगुरआ बिफां-लाइफांनि इसिं बाहागोखौ दै खहा जानाय, बाइजोनि जखम जानाय, आरो बियादगोनां जिबिनि हाबनाय निफ्राय रैखाथि होयो।
15. फारिलाइखौ आबुं खालाम :
फिननाय :
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 9 Other Subjects:
Science :
FAQs:
Where can I get the question answers of ASSEB/SEBA Class 9 Science Chapter 6 Bodo Medium "बिदाम (TISSUES)" ?
You can get the complete question answers, explanation, and notes of Class 9 Science Chapter 6 Bodo Medium “बिदाम (TISSUES)” on Bodoland Library.
Is this Class 9 Science Chapter 6 "बिदाम (TISSUES)" solution useful for exam preparation?
Yes, these question answers and notes are helpful for students to prepare for school exams and understand the chapter easily.
Is this question answer based on the latest SEBA/ASSEB syllabus?
Yes, the questions and answers are prepared according to the latest SEBA/ASSEB Class 9 syllabus.