Class 9 Science Chapter 7 Bodo Medium "जिब मुलुगनि फारागथि"
Here you can find SEBA/ASSEB Class 9 Science Chapter 7 Bodo Medium खोन्दो-7 “जिब मुलुगनि फारागथि“. Prepared according to the latest SEBA/ASSEB syllabus. This chapter’s answers are written in simple to help students understand the lesson easily and prepare better for exams.
खोन्दो-7
जिब मुलुगनि फारागथि
DIVERSITY IN LIVING ORGANISMS
सोंनाय-1, page-80
1. जों जिबफोरनि थाखो राननायखौ मानो खालामो?
फिननाय : बुहुमाव सानथ्रहायि मिलियन मिलियन बायदिसिना जिब दङ। मोनफ्रोमबो जिबखौ आलादा आलादै फरायसंनो एबा बिजिरनो थाखाय सम आरो गोहोनि आंखाल जायो। थाखो राननाय खालामोब्ला बिसोरनि गेजेराव थानाय गोरोबनाय आरो फारागथिखौ नायनानै गोरलैयै फरायसंनो हायो।
थाखो राननायनि हेफाजाबै गुबुन गुबुन जिब हानजाफोरनि गेजेराव थानाय सोमोन्दो आरो बिसोरनि फारि जौगानायनि (Evolution) लामाखौ रोखायै बुजिनो हायो।
थाखो राननायनि फारि साजायनाय खान्थिजों गोदानै मोननाय जायखिजाया जिबनि आखुथाइखौ नायनानै बेखौ थार हानजायाव दोननो आरो सिनायनो हायो।
2. नोंसोरनि सोरगिदिं नुनो मोननाय बायदि महरनि जिबफोरनि फारागथिनि सायाव मोनथाम बिदिन्थि लिर।
फिननाय : जोंनि सोरगिदिं नुनो मोननाय जिबफोरनि फारागथिनि मोनथाम बिदिन्थिया जाबाय:
1. फारसेथिं माइक्रोस्कोपजोंल’ नुनो मोनग्रा बेक्टेरिया, जायनि महरा खालि से माइक्र मिलिमिटार सिमल’ जायो। गुबुन फारसेथिं जोबोर गेदेर नीला ना तिमि (Blue Whale) एबा गोजा गाबनि लाइफां (Red Wood Tree), जायफोरा 30 मिटारनिफ्राय 100 मिटारसिम गोलाउ जानो हागौ।
2. खायफा पाइन बिफांआ 1000 बोसोरसिम थांना थानो हागौ। गुबुन फारसेथिं थामफै एम्फौफोरआ खालि साननैसोनि गेजेरआवनो थैयो।
3. खायफा जिबफोरा जेबो गाब गैयि एबा स्रांसां/गौजों (Transparent) जायो। गुबुन फारसेथिं गोबां रोखोमनि समाय-रमायना दाउ आरो गेवलां बिबार बारनाय लाइफांफोर नुनो मोननाय जायो।
सोंनाय-2, Page- 82
1. जिबफोरनि थाखो राननाय बेलायाव बबे आखुथाइफोरखौ नोंसोर गोनांसिन होनना सानो ?
(a) बिसोरनि थाग्राखुलि
(b) सोमजिनाय जिबख्रिनि रोखोमखौ नायनानै आरो मानो?
फिननाय : (b) सोमजिनाय जिबख्रिनि रोखोमखौ नायनानै आखुथाइखौ बांसिन गोनांसिन होनना साननाय जायो।
मानोना जिबख्रिनि दाथाइआ जिबनि देहायारि बिखान्थि आरो रासायनारि जिउ खुंनाय लामानि गुदि बिथा। बे आखुथाइआ जिबनि गासै देहायारि दाथाइ आरो मावफुंनाय हाबायाव गोहोम खोख्लैयो।
फारसेथिं, थाग्राखुलिया मोनसे मोजां बिथा नङा। बिदिन्थि हिसाबै—लैथोआव थाग्रा जिबफोर जेरै: प्रबाल, तिमि ना, अक्ट’पास आरो हाथर्खि ना बिसोर गासैबो एखे थाग्राखुलियाव (लैथोआव) थायो। नाथाय बिसोरनि देहायारि दाथाइ, आखल आरो महरा गावजोंगाव जोबोर जुदा। बेनिखायनो थाग्राखुलिखौ बिथा खालामना थाखो राननाया थिग जाया।
2. जिउआरिनि गिबि थाखोआ बबे गुदि आखुथाइआव सोमजियो?
फिननाय : जिउआरिनि गिबि थाखोआ जिबख्रिनि दाथाइ आरो रोखोम नि सायाव बिथा खालामना सोमजियो।
गुबैयै, जिबफोरनि मिरु गोनां मिरु गैयि बे गुदि आखुथाइनि सायाव बिथा खालामनानैनो जिउआरिनि गिबि थाखो राननाया सोमजियो।
3. बबे बिथानि सायाव सोनारना लाइफां आरो जिबफोरखौ आलादा आलादा बाहागोआव राननाय जायो?
फिननाय : गाहायाव होनाय गुदि बिथाफोरनि सायाव सोनारना लाइफां आरो जिउआरिफोरखौ आलादा आलादा बाहागोआव राननाय जायो-
(i) गावनि आदार बानायनाय राहा (Mode of Nutrition)
(ii) जिबख्रि इनजुर (Cell Wall)
(iii) दावबायनाय एबा लोरसोर खालामनाय (Locomotion)
सोंनाय-3, Page- 83
1. मा रोखोम जिबखौ गोजाम (गोदोनि) जिब बुंनाय जायो आरो बबे बिथिंआव बेफोर आथिखालनि गोदान जौसिन थाखोनि जिबफोरनिफ्राय जुदा जायो?
फिननाय : जिउनि फारि जौगानाय (Evolution) आव जायफोर जिबनि देहायारि दाथाइया गोदो गोदायनि बादिनो थाबाय थायो आरो जेबो गोनांथार सोलायनाय जायाखै, बैफोरबादि जिबफोरखौ गोजाम एबा गाहाय थाखोनि जिब (Primitive / Ancient organisms) होनना बुंनाय जायो।
बेफोर जिबफोरा गाहायनि बिथिंफोरनि थाखाय आथिखालनि गोदान जौसिन थाखोनि जिबफोरनिफ्राय जुदा जायो:
(i) गोजाम जिबफोरनि देहायारि दाथाइया जोबोर गोरलै (Simple), नाथाय गोदान जौसिन थाखोनि जिबफोरनि देहायारि दाथाइया जेथो गोनां (Complex)।
(ii) गोजाम जिबफोरनाव बायदि हाबा मावफुंनो जुनिया आलादा आंगो थाया, नाथाय गोदान थाखोनि जिबफोरनाव जुदा जुदा खामानि मावफुंनो जुनिया आंगो आरो आंगो बिखान्थि (Organ systems) थायो।
(iii) गोजाम जिबफोरा फारि जौगानाय आवथायाव गोदो उजिग्रोनाय, नाथाय गोदान थाखोनि जिबफोरा उननि समाव सोलायनाय जथाइनि गेजेरजों उजिनाय।
2. जौसिन थाखोनि निबफोरा जेथोगोनां जिबजों एखे जायो दा? जायोब्ला मानो जायो ?
फिननाय : नंगौ, जौसिन थाखोनि जिबफोरा जेथोगोनां जिबजों एखे जायो।
जिउनि फारि जौगानाय (Evolution) बिखान्थियाव जिबफोरनि देहायारि दाथाइया समजों लोगोसे लासै लासै गोरलै महरनिफ्राय सोलायसुला जानानै बांसिन जेथो गोनां (Complex) महर लायो। जौसिन थाखोनि जिबफोरा फारि जौगानाय लामायाव उननि समाव उजिनाय जिब। बिसोरनि थांना थानाय आरो जिउ खुनाय हाबाखौ बांसिन साबसिन आरो रोखा खालामनो थाखाय देहायारि दाथाइआव बायदिसिना गोदान आंगो आरो बिखान्थिफोर सोमजिबोदों। बेनिखायनो फारि जौगानायाव जौसिन थाखोआव गोग्लैनाय जिबफोरनि देहायारि दाथाइया जेथो गोनां (Complex) जायो।
सोंनाय-4, Page- 85
1. मनेरा राइजो एबा प्रतिष्टा राइजोनि सिङाव गोग्लैनाय जिउआरिफोरनि थाखो राननायनि बिथाया मा?
फिननाय : मनेरा आरो प्रतिष्टा राइजोनि गेजेराव थाखो राननायनि गुबै बिथाया जाबाय जिबख्रि मिरुनि दाथाइ।
मनेरा : बेफोर जिबनि मोदोमाव मुंसे रोखा जिबख्रि मिरु एबा जिबख्रि आंगो सेरेब होननाय जेबो थाया अरो बिसोरनि देहायारि दाथाइआवबो बांजिबख्रिआरि जिबनि जेबो नेरसोन नुनो मोननाय जाया।
प्रतिष्टा : बे हानजानि सिङाव गोग्लैनाय जिबफोरनि रोखोमआ जाबाय सेमिरुआरि रोखा आरो मिरुआरि जिब (Eukaryotic organism)।
2. से जिबख्रिआरि, रोखामिरु गोनां आरो सोरां बिजिरख’दाग्रा जिउआरिफोरखौ नोंसोर बबे राइजोआव खोलैगोन?
फिननाय : बेबादि आखुथाइ गोनां जिउआरिफोरखौ प्रतिष्टा राइजोआव दोननाय जागोन।
(जाहोन: प्रतिष्टा राइजोआव से-जिबख्रिआरि आरो रोखा जिबख्रि मिरु गोनां जिबफोरा गोग्लैयो। बे हानजानि खायफा जिबफोरा (जेरै: से-जिबख्रिआरि बादामालि आरो डायेटम) क्लोर’फिल बाहायना गावनि आदार गावनो बानायनो हाग्रा एबा सोरां बिजिरख’दाग्रा (Autotrophs)। )
3. थाखो राननायनि फारि साजायनायाव गोबां उजेर आखुथाइ गोनां बाङाइसिन सानखोनि जिबआ बबे हानजाआव दङ आरो बांसिन सानखोनि जिब गोनां हानजाया मा?
फिननाय :
गोबां उजेर आखुथाइ गोनां बाङाइसिन सानखोनि जिब गोनां हानजा: हारिसा (Species)।
बांसिन सानखोनि जिब गोनां हानजा: राइजो (Kingdom)।
सोंनाय-5, Page- 88
1. लाइफांनि गेजेराव बबे थाखोआ गोरलैसिन जिब?
फिननाय : लाइफां राइजोनि गेजेराव थेल ‘फाइटा (Thallophyta) थाखोआ बयनिखुइबो गोरलैसिन जिब।
2. बिबार बारग्रा लाइफांनिफ्राय दिंखिया हारिनि लाइफांनि फारागआ मा?
फिननाय : बिबार बारग्रा लाइफां आरो दिंखिया हारिनि लाइफांनि गेजेराव थानाय गुबै फारागफोर-
| बिबार बारग्रा लाइफां | दिंखिया हारिनि लाइफां |
|---|---|
| 1. बेसोरो थार बेगर सोमजियो आरो बेगरनि गेजेरजों आजायो। | 1. बेसोरो बेगर सोमजिया, हायना गुन्द्रा नि गेजेरजों आजायो। |
| 2. बिसोरनि आजाय आंगोआ रोखा आरो नुजाथिग्रा। | 2. बिसोरनि आजाय आंगोआ थाखोमानाय। |
| 3. बिसोरनाव बिबार बारो आरो फिथाइ सोमजियो। | 3. बिसोरनाव बिबार आरो फिथाइ बारआ/सोमजिया। |
3. लंथं बेगरारि आरो खोबथे बेगरारि लाइफांनि गेजेराव गावजोंगाव मा फाराग दङ?
फिननाय : लंथं बेगरारि आरो खोबथे बेगरारि लाइफांनि गेजेराव थानाय गुबै फारागफोर
| लंथं बेगरारि लाइफां | खोबथे बेगरारि लाइफां |
|---|---|
| 1. बेसोरो लंथं (उदां) बेगर गोनां, बेगरा फिथाइजों खोबजाना थाया। | 1. बिसोरनि बेगरा फिथाइ सिङाव खोबजाना थायो। |
| 2. बिसोरनाव बिबार बारआ। | 2. बिसोरनाव रोखा बिबार बारो। |
| 3. बिसोरनाव माजा बिलाइनि बाथ्रा थाया। | 3. बिसोरनि बेगराव गांसे एबा गांनै माजा बिलाइ थायो। |
| 4. बिदिन्थि- पाइन (Pine), साइकास (Cycas)। | 4. बिदिन्थि- आलु, गम, थागुना बिबार, फामे बिबार। |
सोंनाय-6, Page- 94
1. गुदुं गोनां जिउआरि आरो नालासे देहायारि जिउआरिनि गेजेराव फारागआ मा?
फिननाय : गुदुं गोनां जिउआरि आरो नालासे देहायारि जिउआरिनि गेजेराव थानाय फाराग-
| गुदुं गोनां जिउआरि | नालासे देहायारि जिउआरि |
|---|---|
1. बिसोरनि मोदोम गंसेआनो गुदुं गोनां जायो। |
1. बिसोरनि देहा सोलेरा दन्दर गोनां आरो जिबख्रिनि मोननै थोरफोजों दाजानाय। |
2. बिसोरनाव जेबो बिदाम एबा आंगो गावस्रानाय थाया। |
2. बिसोरनाव बिदामनि गिबि दाथाइ नुनो मोननाय जायो। |
3. बिसोरो थि गथा जायगायाव सिथाबना थाग्रा, लोरसोर गैयि जिउ खुङो। |
3. बिसोरनि माखासेया उदाङै थांनो हानाय आरो खायफा जयै थाज्लायो। |
| 4. बिदिन्थि- स्पन्ज, साइकन, युपलेकटेलिया। | 4. बिदिन्थि- हाइड्रा, जेलिफिस, लैथोनि एनिम'न। |
2. आसथाम गोनां जिउआरि आरो गान्थि गोनां जिउआरिनि गेजेराव फारागआ मा?
फिननाय : आसथाम गोनां जिउआरि आरो गान्थि गोनां जिउआरिनि गेजेराव थानाय फाराग-
| आसथाम गोनां जिउआरि | गान्थि गोनां जिउआरि |
|---|---|
1. बिसोरनाव जेबो गान्थि गोनां आथिं थाया। |
1. बिसोरनाव गान्थि गोनां आथिं थायो। |
| 2. बिसोरनाव खोबथेनाय थै बोहैनाय बिखान्थि थायो। | 2. बिसोरनाव उदां थै लामा बिखान्थि (Open circulatory system) थायो। |
| 3. बिसोरनि मोदोमा खर'निफ्राय लानजाइसिम रिं/आसथाम बादि खोन्दो खोन्दो राननाय। | 3. बिसोरनि मोदोमा खर', बिखा आरो उदै बेफोरबादि खोन्दोआव रानजानाय। |
| 4. बिदिन्थि- खानस्रि, बेदलाव, नेरिस। | 4. बिदिन्थि- नाथुर, सिखि, बेमा, खांखाइ। |
3. दै-बोरिआव थाग्रा जिउआरि आरो मानबायग्रा जिउआरिनि गेजेराव मा फाराग दङ?
फिननाय : दै-बोरिआव थाग्रा जिउआरि आरो मानबायग्रा जिउआरिनि गेजेराव थानाय फाराग-
| दै-बोरिआव थाग्रा जिउआरि | मानबायग्रा जिउआरिनि |
|---|---|
1. बिसोरनि बिगुरा आइसा गैयि आरो रिमिनला जायो। |
1. बिसोरनि बिगुरा आगर गोनां आरो राननाय जायो। |
| 2. बिसोरो बिदै दैनो थाखाय दैआव थांनाङो। | 2. बिसोरो हायावनो गोरा खलथा गोनां बिदै दैयो। |
| 3. बिसोरो बिबार एबा संफ्ल' आरो बिगुरनि गेजेरजों हां लायो। | 3. बिसोरो संफ्ल'नि गेजेरजों हां लायो। |
| 4. बिदिन्थि- एम्बु, लामाखान्दाइ। | 4. बिदिन्थि-जिबौ, खुसुं (खासेव), थिकथिका, गोलेर। |
4. दाउ हानजानि जिउआरि आरो आहार सोबग्रा हानजानि जिउआरिनि गेजेराव मा फाराग दङ?
फिननाय : दाउ हानजानि जिउआरि आरो आहार सोबग्रा हानजानि जिउआरिनि गेजेराव थानाय फाराग-
| दाउ हानजानि जिउआरि | आहार सोबग्रा हानजानि जिउआरि |
|---|---|
1. बिसोरनि देहाया गां जों खोबजानाय। |
1. बिसोरनि देहायाव खोमोन थायो। |
| 2. बिसोरनाव गाइखेर सोबनो थाखाय गाइखेर बिथोब थाया। | 2. बिसोरनाव फिसाखौ आदार होनानो थाखाय गाइखेर बिथोब थायो। |
| 3. बिसोरो बिदै दैग्रा जिउआरि। | 3. बिसोरनि बांसिननो थोंजोङै फिसा जोनोम होयो (खायफाल' बिदै दैयो)। |
| 4. बिदिन्थि- पारौ, दावखा, हांसो। | 4. बिदिन्थि- मानसि, मावजि, एनजुर, बादालि, नीला तिमि। |
सोंनायबिदां
1. जिउआरिनि थाखो राननायाव मा मा खाबु दङ?
फिननाय : जिउआरिनि थाखो राननायनि गेजेरजों जों गाहायाव होनाय खाबुफोरखौ मोननो हायो-
(i) बुहुमाव थानाय सानथ्रहायि बायदिसिना जिउआरिफोरखौ मोनफा मोनफायै बिजिरनाया गोरलै नङा। थाखो राननाय खालामोब्ला हानजा खालामनानै गोरलैयै फरायसंनो हायो।
(ii) गुबुन गुबुन जिउआरि हानजाफोरनि गेजेराव थानाय गोरोबनाय, फारागथि आरो सोमोन्दोखौ रोखायाव बुजिनो हायो।
(iii) जिउआरिफोरनि फारि जौगानायनि (Evolution) लामा आरो जारिमिनखौ मिथिनायाव हेफाजाब होयो।
(iv) जायखिजाया गोदान जिउआरि मोनब्ला बेनि आखुथाइखौ नायनानै थाबै थार हानजायाव दोननो आरो सिनायनो हाबोयो।
2. थाखो राननायनि फारि साजायनायखौ जौगाखां होनो थाखाय बाहायनो गोनां मोननै आखुथाइनि गेजेराव नोंसोरनि सायख’नाया माब्रै जागोन?
फिननाय : थाखो राननायनि फारि साजायनाय दानाय समाव जों गुदि आखुथाइखौ सिगां सायख’गोन आरो फिसा/उननि आखुथाइखौ उन आव सायख’गोन।
(i) गिबि सायख’नाय (गुदि आखुथाइ): सिगांनि थोरफोआव जों जिबख्रिनि दाथाइ आरो से-जिबख्रिआरि ना बां-जिबख्रिआरि बेफोरबादि गुदि आखुथाइखौ सायख’गोन। बेयो जिबफोरनि मोनसे गेदेर आरो गुवार हानजा दानायाव हेफाजाब होयो।
(ii) नैथि सायख’नाय (फिसा/उननि आखुथाइ): गिबि सायख’नायनि सायाव बिथा खालामनानै, उननि थाखो आव आदार बुथुमनाय राहा, देहायारि दाथाइ आरो आंगो दाजानायनि जेथोथि बेफोरबादि खम बेसेन गोनां एबा जुनिया आखुथाइफोरखौ सायख’गोन। बे रोखोमैनो सिगांनि थाखोनि सायाव सोनारनानै उननि हानजासाया दाजाबोयो।
3. जिउआरिफोरखौ मोनबा राइजोआव हानजा खालामनायनि बिथाखौ बेखेवना लिर।
फिननाय : रवार्ट ह’वाइटेकार बिथाङा जिबफोरखौ मोनबा राइजोआव राननायनि गुबै बिथाफोरा जाबाय-
(i) जिबख्रिनि दाथाइ : जिबफोरा रोखा जिबख्रि मिरु गोनां ना रोखा जिबख्रि मिरु गैयि।
(ii) देहायारि दाथाइ : जिबनि देहाया से-जिबख्रिआरि ना बां-जिबख्रिआरि।
(iii) जिबख्रि इनजुर : जिबख्रियाव जिबख्रि इनजुर थायो ना थाया आरो थायोब्ला बे मा मुवाजों दाजानाय (जेरै: सेल्लुल’ज ना सिटिन)।
(iv) सुफुंसार/आदार मोननाय राहा : जिबफोरा गावजाग्रा एबा सोरां बिजिरख’दाग्रा ना मालायजाग्रा।
4. लाइफां राइजोआव थानाय गुदिसिन बाहागोआ मा मा? बिदि बाहागो खालामनायनि बिथाफोरा मा मा?
फिननाय : लाइफां राइजोनि मोनबा गुदि बाहागोफोरा जाबाय:
1. थेल ‘फाइटा,
2. मस हारि,
3. दिंखिया हारि,
4. लंथं बेगरारि, आरो
5. खोबथे बेगरारि।
बाहागो खालामनायनि बिथाफोरा जाबाय-
(i) लाइफांनि देहायाव रोदा, बिथ’ आरो बिलाइनि रोखा फारागथि दङ ना गैया।
(ii) दै आरो आदार रोगाग्रा जुनिया बिदाम थायो ना थाया।
(iii) लाइफाङा बेगर सोमजियो ना हायना गुन्द्रा नि गेजेरजों आजायो।
(iv) बेगरा उदाङै/लंथै थायो ना फिथाइ सिङाव खोबजाना थायो।
5. जिबफोरनि मादाव हानजासा राननायनि नेमखान्थिआ लाइफांनि मादाव बाहागो (Division) खालामनायनि नेमखान्थिजों बोरै जुदा जायो?
फिननाय : जिउआरि आरो लाइफांनि थाखो राननायाव गोजौनि थोरफोआव मोनसे गुबै फारागथि दङ-
(i) जिउआरि राइजोआव: राइजोनि (Kingdom) उननि थोरफोआव फर्ब (Phylum) सोदोबखौ बाहायना जिउआरिफोरखौ हानजा खालामनाय जायो (जेरै: Porifera, Annelida, Chordata)। बे हानजा खालामनायाव जिउआरिनि देहायारि दाथाइ, आथिं/आंगोनि बिखान्थि आरो मोदोम दन्दरनि सायाव बांसिन गोसो होनाय जायो।
(ii) लाइफां राइजोआव: राइजोनि (Kingdom) उननि थोरफोआव फर्बनि सोलाय बाहागो (Division) सोदोबखौ बाहायनाय जायो (जेरै: Thallophyta, Bryophyta)। बे बाहागो खालामनायाव लाइफांनि देहायारि रानजानाय, रोगाग्रा बिदाम आरो बेगर सोमजिनाय बिखान्थिखौ बिथा खालामनाय जायो।
6. सिनस्रि गोनां जिउआरिफोरखौ माबोरैहाय आरो हानजासा खालामबावनाय जायो ?
फिननाय : सिनस्रि गोनां जिउआरिफोरखौ बिसोरनि देहायारि दाथाइ, हां लानाय राहा, बिदै/फिसा जोनोम होनाय आरो देहायारि दुंथाइनि सायाव बिथा खालामनाय मोनबा (5) थाखोआव हानजासा खालामबावनाय जायो-
(i) ना (Pisces): दैआव थाग्रा, आइसा गोनां, बिबारजों हां लाग्रा आरो मोननै ख’था गोनां मैखुन गोनां जिब। (बिदिन्थि: रौ ना, हांगर ना)।
(ii) दै-बोरियाव थाग्रा (Amphibia): दै आरो हायाव थाग्रा, रिमिनला बिगुर गोनां, मोनथाम ख’था गोनां मैखुन आरो संफ्ल’/बिबारजों हां लाग्रा। (बिदिन्थि: एम्बु)।
(iii) मानबायग्रा (Reptilia): हायाव मानबायग्रा, आगर गोनां राननाय बिगुर, मोनथाम ख’था गोनां मैखुन आरो संफ्ल’जों हां लाग्रा। (बिदिन्थि: जिबौ, खासेव, थिकथिका)।
(iv) दाउ (Aves): दुंब्रुद थैआरि, गां गोनां, बिरग्रा, मोनब्रै ख’था गोनां मैखुन आरो बिदै दैग्रा। (बिदिन्थि: पारौ, दावखा)।
(v) आहार सोबग्रा (Mammalia): दुंब्रुद थैआरि, खोमोन आरो गाइखेर बिथोब गोनां, मोनब्रै ख’था गोनां मैखुन आरो थोंजोङै फिसा जोनोम होग्रा। (बिदिन्थि: मानसि, मावजि, बादालि)।
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 9 Other Subjects:
Science :
FAQs:
Where can I get the question answers of ASSEB/SEBA Class 9 Science Chapter 7 Bodo Medium "जिब मुलुगनि फारागथि (DIVERSITY IN LIVING ORGANISMS)" ?
You can get the complete question answers, explanation, and notes of Class 9 Science Chapter 7 Bodo Medium “जिब मुलुगनि फारागथि (DIVERSITY IN LIVING ORGANISMS)” on Bodoland Library.
Is this Class 9 Science Chapter 7 "जिब मुलुगनि फारागथि (DIVERSITY IN LIVING ORGANISMS)" solution useful for exam preparation?
Yes, these question answers and notes are helpful for students to prepare for school exams and understand the chapter easily.
Is this question answer based on the latest SEBA/ASSEB syllabus?
Yes, the questions and answers are prepared according to the latest SEBA/ASSEB Class 9 syllabus.