Class 10 Geography (E) Chapter-3 Question Answer
ओनसोल एबा ओनसोलारि बुहुमलुरनि हमदांथि
(Concepts of Regional Geography)
Key Highlights: Concept of Regional Geography
1. Core Concepts of Regional Geography
• Definition of a Region: A specific area or section identified based on distinct physical, historical, economic, social, or political characteristics. It serves as the foundational unit of study in regional geography.
• Regional Geography: A vital branch of geography that studies the contemporary physical, social, economic, and transport conditions of a particular area, country, or continent. It highlights spatial variations and inter-regional relationships.
• Classification of Regions: Geographers divide areas into two main categories to simplify study and planning:
- Homogeneous Region: Defined by uniformity in selected elements, such as physical traits (climate, soil, vegetation) or cultural traits (linguistic regions like Bodo or Hindi speaking zones).
- Functional Region: Defined by functional connections and interdependencies rather than visual uniformity. It is centered around a focal node like a city or market center (Central Place) that drives the surrounding area.
2. Global Distribution of Land and Population
- Surface Composition: The Earth’s surface consists of approximately 149 million square kilometers (29%) of land and 361 million square kilometers (71%) of water.
- Continents and Oceans: The landmass is split into seven continents (Asia, Africa, Europe, North America, South America, Oceania, and Antarctica), while the water bodies form five oceans (Pacific, Atlantic, Indian, Arctic, and Southern Oceans).
- The Dominance of Asia: Asia is the largest continent, covering about 30% of the world’s total land area. According to 2007 data, it holds roughly 60.50% of the global population (401 crores out of 662 crores).
- Hemispheric Bias: Approximately 90% of the global human population resides in the Northern Hemisphere.
3. The 11 Natural Regions of the World
The Earth is divided into 11 major natural zones primarily based on variations in climate and vegetation, which directly influence human lifestyles and economic development:
- Equatorial Region: Characterized by a hot and humid climate year-round, heavy rainfall (200 cm), and dense evergreen forests (called Selva in the Amazon). Home to nomadic tribes like the Pygmies in the Congo Basin, though plantation agriculture (rubber, tea, coffee) has advanced in parts like Malaysia and Indonesia.
- Monsoon Region: Defined by seasonal wind reversals causing hot, humid summers and dry, cool winters. It features deciduous forests and is highly favored for intensive agriculture (rice, wheat, jute), making it home to nearly 40% of the global population.
- Tropical Grassland (Savannah): A transitional zone with short wet seasons and long dry winters. It supports tall grasslands (up to 3 meters) known as Savannah (or Llanos and Campos in South America) and is primarily used for commercial livestock rearing and hunting.
- Tropical Hot Desert: Arid zones located on the western margins of continents (e.g., Sahara, Thar, Kalahari) with high diurnal temperature variations and minimal rainfall (20–25 cm). Inhabitants are mostly nomadic herders (like the Bedouins), though oil-rich desert nations enjoy highly advanced economies.
- Mediterranean Region: Noted for its unique climate of hot, dry summers and mild, wet winters. Located on western continental margins, it is world-renowned for viticulture (grape cultivation), citrus fruit orchards, and wine industries.
- Mid-Latitude Desert: Interior highlands and plateaus enclosed by mountains (e.g., Tibet, Gobi desert) that experience extreme continental temperatures and low precipitation, supporting nomadic pastoralists.
- Mid-Latitude Humid Region: Features mild temperate climates with adequate rainfall (75–150 cm) supporting advanced agriculture, intensive cultivation in dense areas (China, Western Europe), and extensive farming in sparse zones (USA).
- Mid-Latitude Grassland: Continental interiors with low rainfall (15–50 cm) supporting vast, treeless fertile grasslands known locally as Steppes (Eurasia), Prairies (North America), Pampas (Argentina), Veld (South Africa), and Downs (Australia). It is the premier hub for commercial wheat cultivation and dairy farming.
- Coniferous Forest (Taiga): A cold, high-latitude belt stretching across Eurasia and North America. It experiences harsh, snowy winters and short cool summers. It is dominated by evergreen softwood forests (Taiga), making it the global epicenter for lumbering, paper, and pulp industries.
- Polar Region (Tundra): Ultra-cold regions surrounding the Arctic Circle covered in snow for most of the year. Vegetation is restricted to seasonal mosses and lichens. Indigenous groups like the Eskimos, Lapps, and Samoyeds live a challenging nomadic life relying on hunting, fishing, snow igloos, and dog-sleds.
- Highland Region: Mountainous zones (Himalayas, Alps, Rockies, Andes) where climate and vegetation rapidly change with increasing altitude rather than latitude, practicing shifting cultivation (Jhum) and emerging as major tourist hubs.
4. Key Continental Profiles
- Asia: Holds the world’s highest peak (Mt. Everest, 8,848 m) and second highest (Godwin Austin/K2, 8,611 m). Concentrates 61% of its population in just two countries: China and India. Tokyo is noted as the world’s largest metropolis.
- Africa: The second-largest continent, featuring the world’s longest river (Nile). It accounts for nearly 40% of global hydroelectric potential and is heavily dependent on agriculture and rich deposits of diamonds, gold, and copper.
- Europe: Entirely in the Northern Hemisphere, highly industrialized, and the birthplace of the Industrial Revolution due to abundant coal and iron resources. It features advanced commercial farming and a highly urbanized population (72%).
- North America: The third-largest continent, dominated by the Rocky Mountains on the west and expansive central fertile plains carved by the Mississippi-Missouri river system. It is a massive producer of wheat, minerals, and industrial goods.
- South America: Dominated by the Andes, the world’s longest mountain range (approx. 8,000 km), and Lake Titicaca, the highest large lake. Brazil is its largest nation, leading the world in coffee and sugarcane production.
- Oceania: The smallest continent, dominated by Australia—a massive plateau country famous for its vast interior deserts and the Downs grasslands, which make it a global leader in sheep rearing, meat, and wool export.
- Antarctica: Centered around the South Pole and completely covered in thick ice sheets, it has no permanent human settlement and is strictly used for international scientific research.
आयदा : 3
ओनसोलनि मोनदांथि
सोंलु
1. ओनसोल बुंब्ला मा मोनथियो? बुहुमलुर फरायनायाव ओनसोलनि गोनांथिनि बागै बिजिरनानै लिर।
फिननाय:- बुहुमलुर आयदायाव बुहुम बिखंनि थि खायसे थांखि एबा आखुथायनि सायाव बिजिरनानै सायख’नाय मोनफा खोन्दो एबा बाहागोखौनो ओनसोल बुंनाय जायो। ओनसोलआ जादों ओनसोलारि बुहुमलुरनि बिजिरनायनि गाहाय बिथा।
बुहुमलुर फरायनायाव ओनसोलनि गोनांथिया जोबोद मैखोम। जोंनि बे गिदिर बुहुमा आबहावा, जारिमिन, रांखान्थि आरो समाजखान्थियारि बायदि आयदायाव गोबां गोमोथाव फारागथि आरो गोरोबज्लायैनि आखु गोनां। बेबादि गिदिर बुहुम बिखंनि थार महर आरो आखुथायखौ मोजाङै मोनथिनोब्ला, बिखौ फिसि-फिसा खोन्दो एबा ओनसोलाव बोखावनानै बिजिरनाया जोबोद गोनां। ओनसोलारि बुहुमलुर फरायनायनि गेजेरजों थिजानाय मोनसे ओनसोलनि सिंआव थानाय जायगायारि फारागथि, मिथिंगायारि आबहावा, समाजआरि बिथा, रांखान्थियारि हालोद आरो हान्था-मेला बायदिनो रोखा फोरमायथि मोननो हायो। लोगोसे, बेयो नसुंनि ओनसोलफोरनि गेजेराव मा रोखोमनि बुहुमलुरारि सोमोन्दो दं, बिखौबो दिन्थियो। जेब्ला जों गोबां ओनसोलनि बुहुमलुरखौ रुजुनानै बिजिरो, अब्ला बबे ओनसोला दावगानाय आरो बबेबा मानो उनफिननानै दं, बिनि थार जाहोनखौ सायख’नो हागौ। जोबथारनाव, बेबादि ओनसोलारि बिजिरनाया ओनसोलनि दावगालु बिथांखि दानायाव आरो ओनसोलारि जेंनाफोरखौ सुस्रांनायाव बयनिखुइबो बांसिन हेफाजाब खालामो।
2. बुहुम सायाव ओनसोलखौ माब्रै सिनायनो हायो बिजिरना लिर।
फिननाय:- बुहुमलुर बिगियानिफोरा बिजिरनायनि खाबुनि थाखै बुहुम सायाव ओनसोलखौ गाहायै मोननै रोखोमै सिनायनानै बोखावनाय नुनो मोनो:
(i) बुहुमलुरारि गुदि मुवानि गोरोबमहर एबा गोरोब नुथायनि सायाव (समान दोहोरोमारि ओनसोल) : बेबादि ओनसोलखौ सायख’जानाय गुदिमुवाफोरनि गोरोबनुथायनि सायाव सोनारनानै सिनायनाय जायो, जाखौ समान दोहोरोमारि ओनसोल (Homogenous Region) बुङो। हा, बारहावा (दैबार), लाइफां बायदि मिथिंगायारि गुदि मुवाफोरनि गोरोब महरनि सायाव सोनारनानै सिनायनाय जायो। जैरै- मौसुमि ओनसोला मोनसे मिथिंगायारि ओनसोल। माब्लाबा मोनसेल’ गुदिमुवानि सायाव सोनारनानैबो सिनायनो हायो, जैरै रावआरि ओनसोल (Linguistic Region)। बुहुमनि जाय बाहागोआव मोनसे रोखोमनि राव बुंनाय जायो, बेखौ रावनि मुं बादियै समान दोहोरोमारि ओनसोल महरै सायख’नाय जायो; जैरै- बर’ रावआरि ओनसोल, हिन्दी रावआरि ओनसोल बायदि।
(ii) गुदिमुवाफोरनि हाबायारि सोमोन्दोनि सायाव (हाबायारि ओनसोल): बेबादि ओनसोलखौ गुदिमुवाफोरनि गेजेरनि हाबायारि सोमोन्दोनि सायाव सोनारनानै थि खालामनाय जायो, जाखौ हाबायारि ओनसोल (Functional Region) बुंनाय जायो। बे ओनसोलखौ सिनायनो थाखै सरासनस्रायै नोगोर एबा हाथाइसालिखौ मिरू थावनि खालामनानै लानाय जायो। बे ओनसोलनि सिङाव थानाय गुदिमुवाफोरा समान महरनि नङाब्लाबो, बिसोर गावजोंगाव सोमोन्दो फारसेनिफ्राय एंगार हायै नांजाबनानै थायो। जैरै- नोगोरनि सोरगिदिं थानाय ओनसोलफोरा आदार, मुवा-बस्तु आरो हान्था-मेलानि थाखै नोगोरजों औरैबादि नांजाबनानै थायो दि नोगोरखौ एंगारनानै बै ओनसोलफोरा थांना थानो हाया। बिदिन्थि महरै, गुवाहाटी नोगोरमाहा मोनसे गुवार हाबायारि ओनसोल दं।
3. गोरोब आखु ओनसोल आरो खामानि ओनसोलनि गेजेरनि फारागखौ लिर।
फिननाय:- गोरोब आखु ओनसोल (समान दोहोरोमारि ओनसोल) आरो खामानि ओनसोल (हाबायारि ओनसोल)नि गेजेराव थानाय गाहाय फारागफोरखौ गाहायाव होनाय जाबाय:
(i) गोरोब आखु ओनसोला सायख’जानाय गुदिमुवाफोरनि गोरोब महर एबा गोरोबनुथायनि सायाव सोनारनानै सिनायजानाय मोनफा खोन्दो। गुबुनफारसे, खामानि ओनसोला गुदिमुवाफोरनि गेजेराव थानाय हाबायारि सोमोन्दोनि सायाव सोनारनानै थि खालामजानाय मोनफा खोन्दो।
(ii) गोरोब आखु ओनसोलहा जेबो थि मिरू थावनि थाया, बेयो गासै ओनसोलावनो थानाय आखुथायफोरनि समानथिनि सायावसो गोसारना थायो। नाथाय, खामानि ओनसोला अरायबो गंसे नोगोर एबा हाथाइसालिखौ मिरू थावनि खालामनानैसो दाजायो, जायनि जोहै गासै ओनसोलनि हाबाफारिया दैदेनजायो।
(iii) गोरोब आखु ओनसोलनि सिङाव थानाय गुदिमुवाफोरा (जैरै- बारहावा, हा एबा राव) गासै जायगायावनो समान महरनि जानाय नुनो मोनो। गुबुनफारसे, खामानि ओनसोलनि सिङाव थानाय गुदिमुवाफोरा समान महरनि नङाब्लाबो, बिसोर गावजोंगाव सोमोन्दो फारसेनिफ्राय एंगार हायै नांजाबनानै थायो।
(iv) मौसुमि ओनसोल (बारहावानि समानथि) एबा बर’ राव बुंनाय ओनसोल (रावनि समानथि) आ जादों गोरोब आखु ओनसोलनि बिदिन्थि। गुबुनफारसे, गुवाहाटी नोगोरमा आरो बिनि सोरगिदिं थानाय हाथाइ एबा हान्था-मेलाजों नांजाबनाय ओनसोलफोरा जादों खामानि ओनसोलनि बिदिन्थि।
4. बुहुमनि ओनसोलारि बुहुमलुर बुंबोला मा मोनथियो? बिखौ फरायनायनि गोनांथिया मा ?
फिननाय:- बुहुमनि ओनसोलारि बुहुमलुर बुंब्ला बुहुम बिखंनि जुदा जुदा ओनसोल, हादोर एबा हादोरमाफोरनि आथिखाल बुहुमलुरारि सावगारीखौ बुजियो। बेनि गेजेरजों बुहुमनि मोनफा थि ओनसोल एबा हादोरनि सिङाव थानाय मिथिंगायारि, समाजआरि, रांखान्थियारि आरो हान्था-मेला बायदि हालोदनि रोखा फोरमायथि आरो सिनायथिखौ बुथुमनानै बिजिरनाय जायो।
बिखौ फरायनायनि गोनांथिफोरा जादों-
(i) आखुथायनि फारागथि मिथिनो: बुहुमनि हा-दाथाय, दै-बार (बारहावा), हा, लाइफां आरो जिउ-जुनार बायदिखौ लानानै आबहावायारि आखुथाया जायगा लानानै आलादा आलादा। बे ओनसोलारि फारागथिखौ मोजाङै बुजिनो थाखै बिखौ फरायनाया गोनां।
(ii) सुबुं अनजिमा आरो जिउ खुंनाय खान्थि बुजिनो: मिथिंगायारि आबहावानि गोरोबज्लायैनि (फारागथि) थाखैनो बुहुमाव सुबुं अनजिमानि राननाय आरो मानसिनि जिउ खुंनाय खान्थिया गासिबो जायगायाव समान नङा। ओनसोलारि बुहुमलुर फरायनायनि जोहै जों मिथिनो हायो दि मानो खायसे ओनसोलाव सुबुं थाखुलिया जोबोद रोजोब आरो खायसेयाव गेसें।
(iii) रांखान्थियारि जौगानाय आरो जौगयैनि जाहोन सायखनो: बुहुमनि बायदि थावनिनि रांखान्थियारि आरो समाजआरि जौगानाया मिथिङायारि आबहावा आरो फुंखाफोरनि (Resources) सायाव सोनारो। साबसिन आबहावा आरो मिथिंगायारि फुंखा थानाय ओनसोला मानो रांखान्थियारि बादियै जौगानाय आरो फुंखा आंखाल थानाय ओनसोला मानो जौगयै, बिखौ बे आयदानि गेजेरजोंनो थि खालामनो हायो।
(iv) जौगालु बिथांखि दानो: हादोर, हादोरमा एबा रायजो गंसोनि मिथिंगायारि आरो सुबुं आबहावानि गुदि मुवाफोरनि गेजेराव थानाय सोमोन्दोखौ फरायनानै, बै ओनसोलनि आथिखाल रांखान्थियारि-समाजखान्थियारि जेंनाफोरखौ बुजियो आरो बिनि बिथायावनो ओनसोलनि जौगालु बिथांखि (Development Plans) दानो हायो।
(v) मिथिंगायारि ओनसोलनि गियान मोननो: हादोर एबा हादोरमानि सिमाफोरनि अनगायैबो, बुहुमखौ बारहावा आरो लाइफांनि आखुथाय सायाव सोनारनानै सिनायजानाय ‘मिथिंगायारि ओनसोलफोरनि’ बाथ्राखौ मोजाङै फरायनो थाखै बेयो मोनसे गाहाय बिथा हिसाबै खामानि मावो।
5. ‘मिथिंगायारि ओनसोल’ बुंब्ला मा मोनथियो? गासै बुहुमखौ बेसेबां मिथिंगायारि ओनसोलाव बोखावनो हायो? मोनफ्रोमनिबो मुंलिर आरो मान सावगारियाव दिन्थि।
फिननाय:- बुहुम बिखंनि जायफोर बाहागोनि हा-दाथाय, दै-बार (बारहावा), मिथिंगायारि लाइफां आरो हानि गुन एबा आखुया बांसिनै समान रोखोमनि जानाय नुनो मोनो, बै खोन्दो एबा बाहागोफोरखौ खौसेयै सुंद’यै मिथिंगायारि ओनसोल (Natural Region) बुंनाय जायो।
बुहुमलुरगिरि ए.जे. हार्बार्टचननि बादिब्ला, बुहुमनि जाय बाहागोआव मोनसे रोखोमनि मिथिंगायारि बिखान्थिफोरनि गोहोमखौ मोन्दाङो आरो बिनि जाहोनाव सुबुंनि हाबाफारियाबो बे बादिनो जाखाङो, बे खोन्दोआनो जादों मोनफा मिथिंगायारि ओनसोल।
दै-बार (बारहावा) आरो मिथिंगायारि लाइफांनि आखुथायनि सायाव सोनारनानै गासै बुहुमखौ 11 था गाहाय मिथिंगायारि ओनसोलाव बोखावनाय जादौ। बिसोरनि मुंफोरा जादौ:
1. विषुव ओनसोल
2. मौसुमि ओनसोल
3. क्रान्टियारि गांसोबारि ओनसोल
4. क्रान्तियारि गुदुं बालाहामा ओनसोल
5. भूमध्य (बुहुमगेजेर) लैथाआरि ओनसोल
6. गेजेर अक्षहांखोआरि बालाहामा ओनसोल
7. गेजेर अक्षहांखोआरि दुङा सुआ ओनसोल
8. गेजेर अक्षहांखोआरि गांसोबारि ओनसोल
9. गुसु सरल हाग्राबारि ओनसोल
1०. गुसु मिरु ओनसोल
11. गोजौ हाजो ओनसोल
6. मिथिंगायारि ओनसोल फरायनायनि गेजेरजों माब्रै बुहुमनि ओनसोलारि बुहुमलुर सोमोन्दै गियान मोननो हायो? सुंद ‘यै लिर।
फिननाय:- मिथिंगायारि ओनसोल फरायनायनि गेजेरजों बुहुमनि ओनसोलारि बुहुमलुर सोमोन्दै गियान मोननो हायो। बुहुम बिखंनि जायफोर बाहागोआव बारहावा, हा-दाथाय आरो मिथिंगायारि लाइफांआ समान आखुनि जायो, बैफोर खोन्दोआवनो सुबुंनि जिउ खुंनाय खान्थि, आसार-खान्थि आरो रांखान्थियारि हाबाफारियाबो बे एखे आखुथायनि जाखाङो। बे आबहावा आरो सुबुं समाजनि गेजेरनि थोंजों सोमोन्दोखौ मिथिंगायारि ओनसोलनि बिथायाव फरायोब्लासो रोखायै बुजिनो हागौ। बेनि अनगायैबो, साबसिन आबहावा आरो मिथिंगायारि फुंखा गोनां ओनसोला मानो रांखान्थियारि बादियै दावगानाय आरो खरान एबा गोबां गुसु आबहावा गोनां ओनसोला मानो उनफिननानै दं, बिनि थाथायखौ जों बे खोन्दोनि जोहै सायख’नो हायो। बेनि जोहै बुहुमनि थि थि जायगायाव मानो जुदा जुदा आबाद (जैरै- मौसुमि एबा भूमध्य लैथोआरि ओनसोल) एबा दारिमिनारि (जैरै- टाइगा ओनसोल) फोथारा जाखांदों, बिनि बुहुमलुरारि गियानखौ मोननो हायो। जोबथारनाव, मोनफा मोनफा मिथिंगायारि ओनसोलनि आथिखाल हालोद आरो जेंनाफोरखौ नोजोर होबायब्ला, बै ओनसोलनि थाखै थार दावगालु बिथांखि दानायाव बेयो मोनसे गाहाय बिथा हिसाबै जोबोत हेफाजाब खालामो।
7. बुहुमनि मोनफ्रोम मिथिंगायारि ओनसोलानि हा दाथाय आबहावा बागै लिर।
फिननाय:- बुहुमनि मोनफ्रोम मिथिंगायारि ओनसोलानि हा दाथाय आबहावा बागै गाहायाव लिरना होनाय जाबाय:
1. बिषुब ओनसोल: बे ओनसोलनि बारहावाया अरायबो गुदुं आरो सिदोब। सान-हर आरो गोलोम-गोजां बोथोरनि बिदुनि फारागा जोबोद एसेल’। बेवहाय बोसोरारि बिदुनि गड़ बिबाङा 27॰Cआरो बोसोरारि अखानि गड़ बिबाङा 200 सेन्टिमिटार।
बिषुब ओनसोलनि हा-बिखं महरा गुबैयै गुवार गाहाय हामा, गुवार दैमा सेरफां, गुदु हाग्रा आरो बेहेरबारि ओनसोलफोरजों मोनथिजायो, जाखौ आमाजान दैमा मोखाङाव ‘सेलभा’ (Selva) बुङो। बे ओनसोलनि बांसिन बाहागोआनो सरख्लाय, जायनि गेजेरजों एमाजन आरो कंग’ बायदि गिदिर दैमाफोर बोहैयो। गासै बोसोराव गोबां अखा हानायनि जाहोनाव गोबां थावनिफोराव हाब्रु आरो बेहेरबारिफोर जोनोम जायो।
2. मौसुमि ओनसोल: बे ओनसोलनि गाहाय आखुथाया जाबाय बोथोर सोलायनाय—गुदुं आरो सिदोब गोलोमबोथोर लोगोसे गुसु आरो गोरान गोजांबोथोर। गोलोम आरो गोजां बोथोरनि बिदुंनि फारागा 15॰C आरो बोसोरारि अखानि गड़ बिबाङा 200 सेन्टिमिटार।
बेवहाय बिलाइ सिरिग्रा लाइफां बांसिनै नुनो मोनो। बेवहाय लेटेराइट आरो दैमा सेरफांनि हासारगोनां फुलुंहा मोनो।
3. क्रान्टियारि गांसोबारि ओनसोल : बेनि बारहावाया गुदुं आरो सुंद’ गोलोमबोथोर लोगोसे गोरान आरो गोलाव गुसुबोथोरनां। बोसोराव अखानि बिबाङा गेजेर थाखोनि (25-100 सेन्टिमिटार)।
बे ओनसोलाव हा-दाथाय 3 मिटारसो गोजौ गांसो दङ, जायखौ ‘साभाना’ (Savannah) बुङो। खोला आमेरिकायाव बेखौ ‘लान’स’ आरो ‘केम्पास’ बुंनाय जायो।
4. क्रान्तियारि गुदुं बालाहामा ओनसोल : बे ओनसोलनि बारहावाया अरायबो गुदुं आरो गोरान। सान आरो मोनानि बिदुनि फारागा जोबोद बांसिन, गोलोमबोथोराव साननि बिदुआ 45॰C सिम बारायो। बोसोरारि अखाया खालि 20-25 सेन्टिमिटारल’ हायो।
बे ओनसोलनि बांसिन हा बाहागोखौ बालाया बेंनानै लायो आरो बेवहाय खालि सुगोनां लाइफां आरो खेजुरि बिफां नुजायो।
5. भुमध्य (बुहुमगेजेर) लैथाआरि ओनसोल : बेवहाय गोलोमबोथोरा गुदुं आरो गोरान, नाथाय गोजांबोथोरा गुसु आरो सिदोब जायो। बेनि गाहाय आखुथाया जाबाय—बेवहाय गोजांबोथोरावसो अखा हायो। बोसोराव अखानि बिबाङा 25-75 सेन्टिमिटार।
बेवहाय अराय सोमखोर गुसुं बिफां-लाइफां आरो थुबजा हाग्रा नुनो मोनो। हाजोनि खेंसालियाफोराव आंगुर आरो आपेल बादि फिथाय-सामथायनि आबादनि थाखाय हाया जोबोद मोजां।
6. गेजेर अक्षहांखोआरि बाला हामा ओनसोल : लैथोनिफ्राय गोजानाव आरो गोजौ हाजोजों बेंनानै थानायनि थाखै बेवहाय अखानि बिबाङा जोबोद एसेल’। हादोरमायारि थाथायनि थाखै गोलोम आरो गोजां बोथोरनि बिदुंनि फारागा जोबोद बांसिन।
बे ओनसोला सोरगिदिं गोजौ हाजोजों बेंजानाय जौयेन आरो बालाहामा ओनसोल, जैरै—तिब्बत जौयेन आरो ग’बि बालाहामा।
7. गेजेर अक्षहांखोआरि दुङा सुआ ओनसोल: बे ओनसोलाव गोजांनाय एबा गुसुनि गोहोमा एसेल’। गोलोम बोथोरनि बिदुंआ गड़ै 15॰C आरो गुसु बोथोराव 5॰C -10॰C थायो। बोसोरारि गड़ अखा हानाया 75-150 सेन्टिमिटार।
लैथो सेरनि थावनिफोरा समान खफ’ गोनां बारहावानां। हाजोनि नामदानि ओनसोलाव सरल थाखोनि लाइफां दङ।
8. गेजेर अक्षहांखोआरि गांसोबारि ओनसोल : हादोरसिंआरि थाथायनि थाखै गोलोम आरो गोजां बोथोरनि बिदुं फारागा बांसिन। बेवहाय खालि गोलोमबोथोरावसो एसे अखा हायो, बोसोराव खालि 15-50 सेन्टिमिटारलो।
अखानि आंखालनि थाखै बेवहाय बिफां-लाइफां गैयाब्लाबो बेवहाय थानाय हाया जोबोद हासारगोनां (Fertile Soil)। बेवहाय स्टेपस, प्रेइरि, पम्पास, भेल्ड आरो डाउनच मुंनि गुवार गांसोबारिफोर दङ।
9. गुसु सरल हाग्राबारि ओनसोल: बेनि बारहावाया गोरान आरो जोबोद गुसु। गोलोमबोथोराव बिदुंआ गड़ै 15॰C सिम बारायोब्लाबो गुसु बोथोराव जोबोद बरफ गोग्लैयो। गोजां बोथोरनि रुजुनायाव गोलोमबोथोरा गुसुं।
बे ओनसोलआ अराय सोमखोर सरल थाखोनि हाग्रा आरो गुरै काटनि बिफांफोरजों आबुं, जाखौ ‘टाइगा’ बुंनाय जायो। बे हाया आबादनि थाखै साबजाथाव नङा।
10. गुसु मिरु ओनसोल: बांद्राय गुसु आरो बोसोरनां बरफजों खोबजानाया बेनि गाहाय आखुथाय। गोलोमबोथोरा गुसुं (0॰C-10॰C) आरो गोजांबोथोरा जोबोद गोलाव आरो बिदुंआ -18॰C सिम खमायलाङो। बेवहाय अखा हायाखौनो बुंजायो।
बोसोरनि बांसिन समावनो बरफ खोबनानै थाबाय थानायखाय बे ओनसोलनि हायाव जेबो गिदिर बिफां र’ज’आ। गोलोमबोथोराव बरफ ग’लिनाय थावनिफोराव खालि गांसो, बादामालि आरो दिंखिया हारिनि लाइफां र’ज’यो। बे ओनसोलखौ ‘तुन्द्रा ओनसोल’ बुङो।
11. गोजौ हाजो ओनसोल: थावनिनि जौथाय बांनायनि लोगो लोगो बिदुंआ जोबोद खमायलाङो आरो बरफ गोग्लैनाय हालोद जाखाङो। हाजोनि खेसालिया मा थिंजाय दं, बिनि सायाव सोनारनानै बारहावाया सोलायो, जैरै—हिमालयनि खोला खेसालियाव अखा हायो नाथाय साहा बाहागो (तिब्बत थिंजाय) गोरान।
बुहुमनि गुवार गोजौ हाजोमा लारिफोर (जैरै—हिमालय, आल्पस, रकि, एन्दिज) बेनि सिङाव गोग्लैयो। जौथायनि फारागथि आखुथायनि जुनै एसेल’ जानथायनि मादावनो जुदा जुदा बारहावा आरो लाइफां नूनो मोनो।
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 10 Other Subjects: थाखो 10 नि गुबुन आयदाफोर
FAQs:
Where can I get ASSEB/SEBA Class 10 Geography (E) Chapter-3 Question Answer "ओनसोल एबा ओनसोलारि बुहुमलुरनि हमदांथि" ?
You can get complete Class 10 Geography (E) Chapter-3 Question Answer “ओनसोल एबा ओनसोलारि बुहुमलुरनि हमदांथि” on Bodoland Library.