Class 7 Science Bodo Medium Chapter-1 Question Answer
Part-I
खोन्दो-1
जोंनि सोरगिदिंनि महरारि आरो
रासायनारि सोलायनाय
सोंनाय बिदां-1
1. थार फिननायनि बेंखनखौ आबुङै गोसोम खालाम।
i. गाहायनि बबेआ महरारि सोलायनायनि बिदिन्थि ?
(a) दंफां खामनाय
(b) सोराव माराम खानाय
(c) बरफनि गलिनाय
(d) गाइखेरनि गोखै जानाय (दाखा)
फिननाय :- (c) बरफनि गलिनाय
ii. गाहायनि बबेआ रासायनारि सोलायनाय ?
(a) राबार बेण्ड बोफ्लावनाय
(b) दैनि गोदौनाय
(c) मेगनेसियाम फिटा खामनाय
(d) लेखा बिलाइ थुखा खालामनाय
फिननाय :- (c) मेगनेसियाम फिटा खामनाय
iii. गाहायनि बबे सोलायनायखौ फिन सोलायफिननो हाया?
(a) दैनि गथा खानाय
(b) दैआव सिनि गलिनाय
(c) दैखौ गुदुं खालामनाय
(d) लेखा बिलाइ खामनाय
फिननाय :- (d) लेखा बिलाइ खामनाय
iv. गाहायनि बबेआ सोरनि मुवायाव माराम खानायखौ होबथानो एबा लासै खालामनो हायो?
(a) सिदोमा जायगायाव दोनथुमनाय
(b) बिखुंआव गाब एबा थाव फुननाय
(c) गले गले दैजों सुनाय
(d) अखानि दै फोनांनाय
फिननाय :- (b) बिखुंआव गाब एबा थाव फुननाय
2. गाहायनि बबे बुंथिया रासायनारि सोलायनायनि मोनसे आखुथाइ?
(i) गोदान मुवा सोमजियो।
(ii) मोनबो गोदान मुवा सोमजिया।
(iii) सरासनस्रायै बेयो उनफिनथिनो हायि।
(iv) मुवानि थाथाइयाल’ सोलायो।
(a) (i) आरो (iii)
(b) (ii) आरो (iv)
(c) (i) आरो (ii)
(d) (iii) आरो (iv)
फिननाय :- (a) (i) आरो (iii)
3. गाहायनि बबे सोलायनायफोरखौ फिन सोलायफिननो हायो आरो बबेफोरखौ फिन सोलायफिननो हाया?
फिननाय :-
(a) बरफ थुखा गलिलांनाय — फिन सोलायफिननो हायो
(b) लेखा बिलाइ खामनाय — फिन सोलायफिननो हाया
(c) बेलुन सुनाय — फिन सोलायफिननो हायो
(d) जामुनि दोगोन जानाय — फिन सोलायफिननो हाया
(e) गिसि सिनिफ्राय दैआ खफ’आव सोलायनाय — फिन सोलायफिननो हायो
(f) सोरआव माराम खानाय — फिन सोलायफिननो हाया
(g) राबार बेण्डखौ बोफ्लावनाय — फिन सोलायफिननो हायो
(h) केक बेकिं खालामनाय — फिन सोलायफिननो हाया
(i) पेन्सिलखौ गोफार खालामनाय — फिन सोलायफिननो हाया
(i) दैखौ गुसु खालामनानै बरफआव सोलायहोनाय। — फिन सोलायफिननो हायो
6. खाखोर बिलाइखौ बिसिनाय आरो लेखा बिलाइखौ खामहोनाया एखे रोखोमनि सोलायनाय नामा? जाहोन दिन्थि।
फिननाय :- नङा, खाखोर बिलाइखौ बिसिनाय आरो लेखा बिलाइखौ खामहोनाया एखे रोखोमनि सोलायनाय नङा ।
जाहोन :
1. मानोना खाखोर बिलाइखौ बिसिनाया मोनसे महरारि सोलायनाय । बेयो खाखोरनि महर आरो दाथाइखौल’ गुबुन खालामो, नाथाय जेबो रोखोमनि गोदान मुवा सोमजिया ।
2. लेखा बिलाइखौ खामहोनाया मोनसे रासायनारि सोलायनाय । जेब्ला लेखा बिलाइया खामो, बेयो अक्सिजेनजों फिनजाथाइ जानानै गोजोरै हाथफ्ला आरो गेस बादि गोदान मुवा सोमजिहोयो, जायखौ फिन खाखोर बिलाइसिम सोलायफिननो हाया ।
7. माराम खानाय सोरखौ फिन सोरसिम सोलायहोफिननो हायो ना? माराम खानाया मोनसे उनफिनथिनो हानाय ना उनफिनथिनो हायि सोलायनाय? बेखेवना लिर।
फिननाय :- माराम खानाय सोरखौ फिन गोरलैयैनो गुबै सोरसिम सोलायहोफिननो हाया ।
माराम खानाया मोनसे उनफिनथिनो हायि सोलायनाय (मोनसे रासायनारि सोलायनाय) । मानोना सोरआ बाराव थानाय अक्सिजेन आरो दै खफ’ जों रासायनारि फिनजाथाइ जानानै आइरन अक्साइड मुंनि रोखोमसे गोजोर गोदान मुवा सोमजिहोयो, जायखौ माराम बुंनाय जायो । बे सोलायनाया गोजोर जानायखाय गुबै सोरनि बाहागोखौ फिन मोनफिननो हाया ।
8. ममबाथिनि खामनाय समाव ममनि गलिनाय आरो खामनाया मोनसे समावनो जायो। बेनिनो बबेया महरारि आरो बबेया रासायनारि सोलायनाय? मानो?
फिननाय :- ममनि गलिनाया महरारि सोलायनाय, मानोना बे फारिखान्थियाव ममआ गलिनानै लाव-लाव थासारियावल’ सोलायो। बेयाव मोनबो गोदान मुवा सोमजिया, आरो गलिनाय ममआ दान्दिसे समनि उनाव फिन गोरा जाफिनो।
ममनि खामनाया रासायनारि सोलायनाय, मानोना ममनि खफ’आ बाराव थानाय अक्सिजेनजों फिनजाथाइ जानानै खामो। बे फारिखान्थिनि जोहै गोजोरै बिदुं, सोरां, कार्बन-डाइ-अक्साइड आरो दै खफ’ बादि गोदान मुवाफोर सोमजियो।
9. गाहायनि सुंद’ सल ‘खौ फराय आरो सोंनायफोरनि फिन हो।
सासे आबादारिया थाजिम खुसेरनि रोसि बुथुमो (महरारि सोलायनाय / रासायनारि
सोलायनाय)। बियो रोसिखौ फुदुंनानै गुड़ (महरारि सोलायनाय / रासायनारि सोलायनाय)
बानायो। उनाव गुड़खौ गुन्दै खालामो (महरारि सोलायनाय / रासायनारि सोलायनाय)
आबादारिया माखासे गुड़ बाहायनानै गोदै मुवा बानायो, जेराव गुड़खौ फुदुंनानै बादामजों
गलायनानै चिक्कि (महरारि सोलायनाय / रासायनारि सोलायनाय) बानायो।
सल’नि मोनसे आरजाथाव मुं हो आरो बेन्दोंनि सिडाव थानाय थार सायख’थाइखौ सिनायना दिहुन।
उफेरा सोंनाय-फिननाय
1. महरारि सोलायनाया मा?
फिननाय :- जाय सोलायनायाव मुवानि दाथाइ, महर, एबा थाथाइयाव सोलायो नाथाय गोदान मुवा सोमजिया, बेखौ महरारि सोलायनाय बुङो।
2. ओंखाम संग्रा न’आव नुनो मोननाय महरारि सोलायनायनि मोननै बिदिन्थि हो।
फिननाय :- मैगं-थाइगं हानाय आरो आटानि लादुरा बानायनाय।
3. गिसि सिफोरखौ सान्दुंआव फोराननाया महरारि ना रासायनारि सोलायनाय?
फिननाय :- बेयो महरारि सोलायनाय.
4. दैआ थानो हानाय मोनथाम थाथाइफोरनि मुं लिर।
फिननाय :- गथा (बरफ), लाव-लाव (दै), आरो गेस (दै खफ’).
5. बोफ्लावनाय राबार बेण्डखौ एंगारना होयोब्ला मा जायो?
फिननाय :- बेयो सिगांनि गुबै दाथाइयाव फैफिनो.
6. बरफनि गलिलांनायखौ मानो महरारि सोलायनाय साननाय जायो?
फिननाय :- मानोना बेयाव मोनबो गोदान मुवा सोमजिया आरो बेखौ फ्रीजाव दोननानै बरफसिम सोलायहोफिननो हायो.
7. गांसे खाखोर बिलाइखौ बिसिनाय समाव बेनि मा महरारि धोरोमआ सोलायो?
फिननाय :- बेनि महर आरो दाथाइया सोलायो.
8. रासायनारि सोलायनाया मा?
फिननाय :- जाय सोलायनायाव रासायनारि फिनजाथाइनि जोहै गोदान मुवा सोमजियो, बेखौ रासायनारि सोलायनाय बुङो.
9. सिदोमा बाराव दोननाय सोरनि मुवायाव नुजाथिनाय जारोम-मुगा गाबनि थोरफानि सरासनस्रा मुङा मा?
फिननाय :- माराम
10. भिनेगारा बेकिं सडाजों फिनजाथाइ जानाय समाव सोमजिनाय गेसनि मुं लिर।
फिननाय :- कार्बन-डाइअक्साइड गेस.
11. मेगनेसियाम फिटाखौ बाराव खामहोब्ला मा गोदान मुवा सोमजियो?
फिननाय :- मेगनेसियाम अक्साइड.
12. फिथाइफोरखौ गोबाव सम लाखियोब्ला बेनि सेवनाया मा रोखोमनि सोलायनाय?
फिननाय :- बेयो रासायनारि सोलायनाय
13. रासायनारि फिनजाथाइ जानायनि उनाव गोदानै सोमजिनाय मुवाफोरखौ मा बुङो?
फिननाय :- फिनजाथा.
14. खामनाया मा?
फिननाय :- जाय रासायनारि फिनजाथाइयाव बबेबा मोनसे मुवाया अक्सिजेनजों लोगो नांनानै बिदु आरो सोरां सोमजिहोयो, बेखौ खामनाय बुङो.
15. खामग्रा मुवा (खाममुवा) फोरा मा मा?
फिननाय :- जाय मुवाफोरा अक्सिजेनजों लोगो नांनानै बिदु आरो सोरां सोमजियो, बेफोरखौ खामग्रा मुवा बुङो.
16. खामग्रा मुवानि मोननै बिदिन्थि हो।
फिननाय :- दंफां आरो लेखा
17. जोंनाय दुंथाइनि बुंफोरथि हो।
फिननाय :- जाय गाहायसिम दुंथाइयाव मोनसे मुवाया अर खामो बेखौ बे मुवानि जोंनाय दुंथाइ बुङो.
18. “अरनि आखान्थिथामाव” दिन्थिनाय मोनथाम थादेरसाफोरनि मुं लिर।
फिननाय :- बिदुं, जनजाग्रा (खाममुवा), आरो अक्सिजेन.
19. कासनि गिलासजों जोख्लोबना दोननाय ममबाथिया मानो गोमोरलाङो?
फिननाय :- मानोना ममबाथिया जोंबाय थानो थाखाय गोनां जानाय अक्सिजेनआ गिलासनि सिङाव जोबनानै थाङो।
20. जोंबाय थानाय थावनि अराव मानो माब्लाबाबो दै लुनानै होनो नाङा?
फिननाय :- मानोना बेनि जाहोनाव अरा गोमोरनायनि जायगायाव बांसिनै गोसारलांनो हागौ आरो गोब्राब जाब्रबथाइ जानो हागौ
21. सोरखौ ‘गोदान मुगानि रसायन बिगियाननि बिफा’ होनना मिथिनाय जायो?
फिननाय :- एन्टनि लेभयजियेर (Antoine Lavoisier)
22. उनफिनथिनो हायि सोलायनाया मा?
फिननाय :- जाय सोलायनायाव गुबै मुवाखौ फिन सिगांनि महराव मोनफिननो हाया बे बादि सोलायनायखौ उनफिनथिनो हायि सोलायनाय बुङो.
23. महरारि आरो रासायनारि मोननैबो सोलायनाय जानाय मोनसे बिदिन्थि हो।
फिननाय :- ममबाथि गंसेखौ खामहोनाय.
24. एनजाइमेटिक ब्राउनिं (enzymatic browning) आ मा?
फिननाय :- फिथाइनि (आपेल एबा थालिर) सिंनि मुवाफोरा बाराव थानाय अक्सिजेनजों फिनजाथाइ जानानै लासै-लासै मुगा गाबाव सोलायनाय
25. अन्थाइनि जामख ‘नाया (Weathering) मा?
फिननाय :- भुम बिखुंआव लासैयै गेदेर अन्थाइफोरा बायनानै फिसा-फिसा (थुखा) सेरेफफोराव सोलायलांनाय मोनसे मिथिंगायारि फारिखान्थि.
26. खुरख ‘नाय (Erosion) नि बुंफोरथि हो।
फिननाय :- दै, बार बादि मिथिंगायारि गोहोनि जोहै गोदि, हा, अन्थाइ आरिफोरनि बायनानै थांनाय आरो दाबसेनिफ्राय गुबुन दाबसेसिम रोगालांजानाय फारिखान्थि.
27. रोजा-रोजा बोसोरनि उनाव गोदिफोरा नारसेबजानानै मा सोमजियो?
फिननाय :- गुबुन गुबुन रोखोमनि गोदान अन्थाइ जेंरै- सुनै अन्थाइ एबा बाला अन्था
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 7 Other Subjects: थाखो 7 नि गुबुन आयदाफोर
Science बिगियान :
FAQs:
1. Where can I get SEBA/SCERT New Class 7 Science Bodo Medium Chapter 1 “जोंनि सोरगिदिंनि महरारि आरो रासायनारि सोलायनाय” Question Answer ?
You can get complete New Class 7 Science Bodo Medium Chapter 1 “लाइफांनि सुफुंसारनाय” Question Answer on Bodoland Library.
2. Are these answers based on the latest SCERT syllabus?
Yes, all answers are prepared according to the latest SCERT syllabus.
