Class 10 Geography (E) Chapter-5 Question Answer

Class 10 Geography (E) Chapter-5 Question Answer

Class 10 Geography (E) Chapter-5 Question Answer

जापाननि ओनसोलारि बुहुमलुर
(Regional Geography of Japan)

Key Highlights: Regional Geography of Japan

🌍 1. Location and Extent

  • Japan is an island nation situated in East Asia, located in the northern part of the Pacific Ocean.   
  • It is historically known as “Nippon” or the “Land of Rising Sun”.   
  • The country primarily consists of four main islands: Hokkaido, Honshu, Shikoku, and Kyushu, along with numerous smaller islands.   
  • Japan covers a total land area of 3,77,765 square kilometers and its capital is Tokyo.   

🌍 2. Physical Features

  • Approximately 75% of Japan’s land area is mountainous.
  • Due to its complex geological structure, the country has active volcanoes and experiences frequent earthquakes.   
  • Geographically, Japan is divided into four main physical regions: the Hokkaido Region, the North-East Japan Region, the Central Japan Region, and the South-West Japan Region.   
  • Mount Fuji, a sacred volcanic peak standing at 3,776 meters, is located in the Central Japan region.   

🌍 3. Demographics

  • As of 2007, Japan’s population was around 128 million, making it the 10th largest country globally by population.   
  • Population distribution is highly uneven; mountainous regions are sparsely populated (holding only 20% of the population on 80% of the land), while coastal and river plains are extremely dense.   
  • There is a high rate of urbanization, with the urban population growing from 44% in 1960 to 79% in 2007.   
  • Japan has a very high standard of living, with an average life expectancy of 82 years.   

🌍 4. Economy and Agriculture

  • Despite a lack of extensive mineral and natural resources, Japan is a highly developed industrial nation.   
  • Only about 17% of the total land area is available for agriculture.   
  • To maximize yield, Japan uses advanced agricultural techniques and fertilizers, with rice being the primary crop.   
  • The country holds a top global rank in the fishing industry.   
  • The workforce distribution is 6% in agriculture, 33% in industry, and 61% in trade and services.   

🌍 5. Industrial Regions

  • Japan has four major industrial zones: the Tokyo-Yokohama region, the Osaka-Kobe-Kyoto region, the Nagoya region, and the North Kyushu region.   
  • The Tokyo-Yokohama Industrial Region is the most significant, producing 30% of the country’s total industrial output.   
  • The Osaka-Kobe-Kyoto Industrial Region is renowned for traditional weaving, textiles (cotton, jute, and silk), and handicrafts.   
  • The Nagoya Industrial Region is famous for automobile manufacturing and is often referred to as the ‘Detroit’ of Japan.   
  • The North Kyushu Industrial Region is driven by heavy industries like iron and steel, shipbuilding, and cement, heavily reliant on local coal resources.   

आयदा : 5

जापाननि ओनसोलारि बुहुमलुर

(Regional Geography of Japan )

उनसोलों

1. जापान हादोरनि बुहुमलुरारि थाथानिनि बागैलिर।

फिननाय: जापाना एचिया हादोरमानि सानजा सिमाजिंआव दं। बियो प्रशान्त लैथोमानि साहा बाहागोआव थानाय गोबां उन्दै-गेदेर दिपजों दाजानाय मोनसे हादोर। हादोरनि गोसारथिया खोलाजों 24° साहानिफ्राय साहाजों 46° सा अक्षफानसिम आरो सोनाबजों 123° सानजानिफ्राय सानजाजों 146° सानजा द्राघिमा फानसिम गोसारदों। जापान दिपगोबानि साहाजों साखालिन दिप, कुरिल दिप आरो उखटस्क लैथो, खोलाजों टाइवान आरो सानजा-चिन लैथो, सानजाजों प्रशान्त लैथोमा, आरो सोनाबाजों जापान, क’रिया आरो रासिया लैथो दं।   

2. जापान हादोरनि मोनसे बुहुमलुरारि सिनायथि लिर।

फिननाय: जापाना एचिया हादोरमानि सानजा सिमाजिंआव थानाय मोनसे दावगानाय हादोर। प्रशान्त लैथोमानि साहा बाहागोआव थानाय गोबां उन्दै-गेदेर दिपनि ज’थाइयानो जादों जापान हादोर। गाहायै ह ‘काइड’, इनसु (हनसु), सिक’कु आरो किउसिउ बे मोनब्रै गाहाय दिप आरो रिउकिउ दिपखौ लानानै गुबुन गोबां फिसा फिसा दिपगोबाजों जापाना दाजादों। सा-खोलायै जापाननि लावथाया प्राय 2400 किल ‘मिटार आरो बिनि गासै हा-कालिया जादों 3,77,765 बर्ग किल ‘मिटार। हाजो-हाजोमोजों आबुं जानाय बे हादोरनि राजथावनिया जादों ट’किअ। गोनां खनि फुंखा आरो गुबुन मिथिंगायारि फुंखानि आंखाल थासेयावबो जापाना दिनै बुहुमनि मादाव गंसे मख’जाथाव दावगानाय हादोर हिसाबै सिनायथि मोननो हादों।   

3. जापाननि गाहाय मिथिंगायारि बाहागोफोरा मा मा? मानसावगारिनि हेफाजाबै मोनफ्रोमबो बाहागोनि हा दाथाय मिथिंगानि बागै सुंद ‘यै लिर।

फिननाय: जापाननि मिथिंगाखौ गाहायै मोनब्रै बाहागोआव बोखावनाय जादों। बै बाहागोफोरा जादों:  

(बिजाबनि सावगारि-5.01 आव मानसावगारिजों दिन्थिनाय जादों)

(1) ह ‘काइड’ ओनसोल   

(2) सा-सानजा जापान ओनसोल   

(3) गेजेर जापान ओनसोल   

(4) खोला-सोनाब जापान ओनसोल

 (1) ह ‘काइड’ ओनसोल: जापाननि साहाथारनि बाहागोआव थानाय गाहाय दिप ह ‘काइड ‘जों बे ओनसोला दाजानाय। बे ओनसोलनि हा-मिथिंगाया हाजोगोनां। बेवहाय आसाहिदाके थिखिनि (2,290 मिटार) आरो इसिकारि, टकासि बायदि म’ख’जाथाव हायेन दं।

(2) सा-सानजा जापान ओनसोल: हनसु दिपनि साहानि बाहागोखौ लानानैनो सा-सानजा जापान ओनसोला दाजादों। बे ओनसोलाव आव आरो उटुसु मुडै मोननै लिगै हाजोमालारि दं। सानजाजों किटाकामि जौयेन आरो अरगें अन्थाइजों दाजानाय आबुकुमा जौयेन दं।   

(3) गेजेर जापान ओनसोल: हनसु दिपनि गेजेर बाहागोखौनो गेजेर जापान बुंनाय जायो। बेवहायनो फ’सा मेगना मुंनि मोनसे सेरफांआ हाजोमा लारिफोरखौ आलादा खालामदों। लाभाजों दाजानाय जापाननि गोथार हाजोमा थिखिनि माउन्ट फुजिया (3,776 मिटार) बे ओनसोलावनो दं। कान्ट’ आरो नबिया बे ओनसोलनि म ‘ख’जाथाव हायेन।   

(4) खोला-सोनाब जापान ओनसोल: हनसुनि खोला-सोनाब बाहागो (सुग ‘कु-सानसि), सिक ‘कु आरो किउसिउ दिपखौ लानानै खोला-सोनाब जापान ओनसोला दाजादों। बे ओनसोलनि हाजोमा लारिया हादोरनि मादाव बयनिखुइ गोलाव, जाय गाहायै गोजाम अन्थाइजों दाजानाय। बिनि खोलाजों किउसिउ ओनसोलाव खनले खनले अरगें बेरफुयो आरो बेवहाय हायेना जोबोर एसेल’। 

4. जापाननि हा दाथाय महरनि मोनसे सुंद’ फोरमायथि लिर।

फिननाय: जापाननि गाहाय दिप मोनब्रैखौ बोरला महरनि हाजोमालारिया बेंनानै दं आरो हादोरनि प्राय 75 जौखोन्दो हा बाहागोआ हाजोमा गोनां। गोदान दबनाय हाजोमाजों दाजानाय जापान दिप गोबानि हा-दाथाया जोबोर जेथो गोनां आरो बियो दासिमबो गोजोरनङै हालोदावनो दं। जापाननि हाजोमा ओनसोलाव अनजिमा गैयै सांग्रां आरो उन्दुहाबनाय अरगेंफोर दं। बेबायदि हा-दाथाय जेथो आरो गोजोर नङैनि थाखाय जापानाव गले गले बांग्रिं जायो। स’रास’नस्रायै जापाननि हा-मिथिंगाया प्राय एखे रोखोमनिब्लाबो, खायसे उन्दै गेदेर फारागनि सायाव सोनारनानै जापाननि हा-मिथिंगाखौ गाहायै मोनब्रै बाहागोआव बोखावनाय जादों – ह ‘काइड’ ओनसोल, सा-सानजा जापान ओनसोल, गेजेर जापान ओनसोल आरो खोला-सोनाब जापान ओनसोल। बे हादोराव माउन्ट फुजि (3,776 मिटार) बायदि गोथार हाजोमा थिखिनि आरो कान्ट’, नबिया बायदि म’ख’जाथाव हायेन ओनसोलफोर दं।  

5. जापाननि सुबुं अनजिमा बांनाय आरो राननायनि बागै सुंद’यै लिर।

फिननाय: सुबुं अनजिमानि बिथिङाव जापाना बुहुमनि जिथि गिदिरसिन हादोर। 1610 मायथायाव जापानाव सुबुं अनजिमाया प्राय 5 निजुटमोन। बे अनजिमाया फारियै बांनानै 1880 मायथायाव 38 निजुट, 1945 मायथायाव 72 निजुट, 1999 मायथायाव 127 निजुट आरो 2007 मायथायाव 128 निजुट जादों। गोबारै रांखान्थि आरो समाजखान्थि दावगानायनि जाहोनाव हादोराव जोनोम-थैनायनि हारा खमायदों, जाउनाव आथिखालाव सुबुं अनजिमा बोसोरारि बांनायनि हारा 0.4 जौखोन्दोसिम खमायदों।   

हा-मिथिंगा, दैबारनि फाराग आरो रांखान्थियारि दावगानायनि थाखाय जापाननि सुबुं अनजिमानि राननाया गासैयावबो समान नङा। हाजोआरि ओनसोलफोराव सुबुंनि थाखुलिया जोबोर गेसें, नाथाय दैमा सेरफां आरो बोरिमा ओनसोलफोराव सुबुंनि थानाया जोबोर रोजोब। हादोरनि 80 जौखोन्दो हाकालि बेंनानै थानाय हाजोमायारि ओनसोलाव हादोरनि खालि 20 जौखोन्दो सुबुङाल’ थायो। बिदिन्थि महरै, 25 जौखोन्दो हाकालि थानाय ह ‘काइड’ ओनसोलाव गासै सुबुं अनजिमानि खालि 5 जौखोन्दोल’ सुबुं दं। आबाद सोनारनाय हायेन ओनसोलफोराव रोजोबथिया सा 100-800 नि मादाव आरो दारिमिनारि हायेन ओनसोलाव सा 800 निबो गोबां। गेजेर जापाननि ट ‘किअ’, इय’क ‘हामा आरो खोला-सोनाब जापाननि क ‘बे-उसाका दारिमिनारि ओनसोलफोराव सुबुंनि रोजोबथिया मोनफ्रोम बर्ग किल ‘मिटाराव 10 रोजानिखुइबो गोबां। दारिमिन फसंनाय आरो नोगोर दानायनि थाखै गामिनिफ्राय नोगोरसिम मानसिनि दावबायस’ननाया बांदों, जायनि थाखाय 1960 नि 44 जौखोन्दोनिफ्राय बांनानै 2007 आव नोगोरारि सुबुं अनजिमाया 79 जौखोन्दो जादों।   

6. जापाननि सुबुं अनजिमानि रोजोबथिनि फारागनि जाहोथायफोरखौ म ‘ख’।

फिननाय: जापाननि सुबुं अनजिमानि रोजोबथिनि फाराग (राननाया समान नङै) नि गाहाय जाहोथायफोरा जादों हा-मिथिंगा आरो दैबारनि फाराग, लोगोसे रांखान्थियारि दावगानायनि गोरोबज्लायै। हाजोआरि ओनसोलफोरा थाखुलि आरो रांखान्थि दावगानायनि थाखै आरजायै नङैखायनो बेवहाय सुबुंनि थाखुलिया जोबोर गेसें, नाथाय दैमा सेरफां आरो बोरिमा ओनसोलफोराव सुबुंनि थानाया जोबोर रोजोब। मिथिंगायारि जाहोननिखुइबो दारिमिन फसंनाय आरो नोगोर दानायासो आथिखाल जापाननि सुबुं अनजिमानि राननायाव मैखोम ओनसोलारि फाराग लाबोनानै होफैदों। दारिमिन फसंनाय आरो नोगोर दानायनि थाखैनो गेजेर जापान आरो खोला-सोनाब जापाननि दारिमिनारि ओनसोलफोराव सुबुंनि रोजोबथिया जोबोर गोबां।  

7. जापाननि रांखान्थियाव आबादनि बिबाननि बागै लिर।

फिननाय: जापाननि रांखान्थियाव आबादनि बिबाना जोबोर गोनां। जापाननि गासै हा कालिनि खालि 17 जौखोन्दोआल’ आबाद खामानिनि सिङाव दं। नाथाय बेवहाय आबाद खामानिखौ फालांगिनि बिथिंआव गोदान खान्थिजों खालामनाय जायोखायनो बियो गोजौ थाखोनि। जापाननि मोनफ्रोम हेक्टर आबादहानि दिहुनथायनि हारा दावगानाय हादोरफोरनि मादाव बांसिन, आरो आबाद दिहुनथाय बांहोनो थाखै हादोरनि हेक्टरफ्रोम हायाव 290 कि ‘ग्राम बिबांनि हासार बाहायनाय जायो। हादोरनि रांखान्थियारि खामानियाव थिसनजानाय गासै सुबुंनि 6 जौखोन्दोआ आबाद खामानिजों लोबबा गोनां। मायानो जादों जापाननि गाहाय आबाद फ’स’ल, आरो हादोरनि गासै आबाद हानि प्राय थामबाहागोनि नै बाहागोआव माय आबाद मावनाय जायो।   

8. मान सावगारिनि हेफाजाबाव जापाननि गाहाय आबाद ओनसोलफोरखौ दिन्थि आरो मोनफ्रोमबो ओनसोलनि गाहाय आखुथायफोरखौ लिर।

फिननाय: जापानखौ गाहायै मोननै आबाद ओनसोलाव बोखावनो हायो- (1) गोजाम जापान ओनसोल आरो (2) ह’काइड’ ओनसोल। गोजाम जापान ओनसोलखौ आरोबाव सिं ओनसोल, बेंखन ओनसोल आरो सिमाजिं ओनसोलाव बोखावनो हायो।

   

(‘सावगारिनि थाखाय सावगारि-5.03’, बिलाइ-121 नि हेफाज ला)

 

मोनफ्रोमबो आबाद ओनसोलनि गाहाय आखुथायफोरा जादों-

(1) गोजाम जापान ओनसोल-

सिं ओनसोल: बे ओनसोला जापाननि गेजेर बाहागोआव दं आरो बिनि आबाद फोथारफोरा जोबोर फिसा। बिनि दै-बारा आबादनि थाखै साबजानाय जानायखायनो बोसोराव मोननै मोनथाम आबाद मावनाय जायो। बे ओनसोलाव सुबुंनि थानाया जोबोर रोजोब आरो बेवहाय बायदि रोखोमनि फिथाय-सामथाय, मैगं-मैला आरो बिबारखौ फालांगिनि थाखै दिहुननाय जायो। बेदर आरो गायखेर ज’गायनायनि थाखै जुनार फिसिनायबो जायो आरो हाजोफोरनि गाहाय एबा नामदानियाव थाखो खान्थिजों आबाद मावनाय जायो।   

 

बेंखन ओनसोल: खोला सिक’कुनि हाजोमायारि ओनसोल आरो लैथोनि बोरिमायारि ओनसोलखौ लानानैनो बेंखन ओनसोला दाजादों। बिनि आबादफोथारफोरा महराव जोबोर गिदिरब्लाबो गाहायै दावगानाय नडा आरो जुम आबादनि गोनांथिया बे ओनसोलावनो बयनिख्खुइ बांसिन।   

 

सिमाजिं ओनसोल: किउसिउनि खोला बाहागो आरो ट’ह’कु सिमाजिं ओनसोलनि सिङाव दाजानाय। किउसिउनि खोला बाहागोआव आबादहानि महरा जोबोर फिसा आरो आबाद आदबाबो उनफिननाय। रुजुनायाव गुदुं दैबारनि थाखाय गोबां फिथाय-सामथाय, मैगं-मैला बायदि जायो। गुबुन फारसे, इनसु (हनसु) दिपनि सा बाहागोआव थानाय ट ‘ह ‘कु ओनसोला जोबोर गुसु जानायखाय गोलोम बोथोरावबो बेवहाय मायनि आबादा मोजां जाया।

 

2. ह’काइड’ ओनसोल-

इसिकारि सेरफांआ जादों बे ओनसोलनि गाहाय आबाद फोथार। बे ओनसोलनि दैबारा जोबोर गुसु जानायलाय बेवहाय बोसोरनि मादाव खालि मोनसेल’ आबाद मावनाय जायो। मायानो जादों बे ओनसोलनि गाहाय फसल आरो बेवहाय एसे बिबांनि आलुबो मावनाय जायो। हाजोमायारि हा, गुसु दै-बार आरो आबाद जारोङै हानि थाखै बे ओनसोला आबादनि गोनां नङा।

   

9. जापाननि गाहाय दारिमिनारि ओनसोलफोरा मा मा? जापाननि मानसावगारियाव बे दारिमिनारि ओनसोलफोरखौ दिन्थि आरो मोनफ्रोमबो ओनसोलनि सुंद’ फोरमायथि लिर।

फिननाय: जापाननि गाहाय दारिमिनारि ओनसोलफोरा जादों-

(1) ट ‘किअ’-इय ‘क ‘हामा दारिमिन ओनसोल

(2) उसाका-क’बे-किउट’ दारिमिन ओनसोल

(3) नाग ‘या दारिमिन ओनसोल

(4) सा किउसिउ दारिमिन ओनसोल

 

(मानसावगारियाव बे ओनसोलफोरखौ बिजाबनि ‘सावगारि- 5.04’ आव दिन्थिनाय जादों)   

 

(1) ट ‘किअ’ – इय’क ‘हामा दारिमिन ओनसोल: बे दारिमिन ओनसोला हनसु दिपनि ट ‘किअ’ लैथोसानि बोरिमायारि ओनसोलखौ बेंनानै दं। बे ओनसोलनि कान्ट’ हायेनाव थानायनि थाखैनो दारिमिन फसंनायनि थाखै गाहायै गोनां। ओनसोलाव सोर-तिखानि, रुंमा दानायनि, बिरखं बानायनायनि, रासायनिक, दानाय-लुनायनि आरो जोनथोर बायदि बानायनायनि दारिमिनानो गाहाय। ट ‘किअ’ आरो इय’क’हामानि अनगायैबो ओनसोलाव गं 25 निबो बांसिन उन्दै-गेदेर नोगोर दं। हादोरनि गासै दारिमिनारि दिहुनथायनि 30 जौखोन्दोआ बे दारिमिन ओनसोलनिफ्राय फैयो।

 

(2) उसाका-क’बे-किउट’ दारिमिन ओनसोल: उसाका लैथोसानि बोरिमा बाहागोआव थानाय बे दारिमिन ओनसोला किनकि हायेन बाहागोखौ बेंनानै दं। लैथोसा दै-लामा, हायेननि मोजां रेललामा आरो गोबारै नोगोर दानाय किनकि ओनसोलाव दारिमिन मिरु जाखांनायाव थुलुंगा होदों। उसाका आरो किउट’ दोरों आरि दानाय (खुन, पाट आरो रेसम शिल्प) आरो आखाइ शिल्पनि फोथाराव हादोरनि मादावनो दांखा। ओनसोलाव सोर-तिखानि, खनि थावनि, रुंमा आरो बिरखं दानायनि आरो रासायनिक दारिमिन थावनि दं।   

(3) नाग ‘या दारिमिन ओनसोल: बे ओनसोला इनसु दिपनि सानजा बाहागोआव गोजौआव म’ख ‘नाय ओनसोल मोननैनि गेजेर बाहागोआव दं। नागया दारिमिन ओनसोला पाट, उल आरो खुननि दानाय शिल्पनि थाखै दांखा। आथिखालाव ओनसोला गारि-मटर बानायनायनि बिथिङावबो गाहायै दावगादों आरो बे दारिमिन ओनसोलखौ जापाननि ‘डेट्र ‘इट’ होननानै मिथियो।   

 

(4) सा किउसिउ दारिमिन ओनसोल: बे ओनसोला किउसिउ दिपनि सा बाहागोखौ बेंनानै दं। जापाननि बे ओनसोलावनो दारिमिननि गोनांथिखौ सुफुंनो थाखै गोबां खैला दं। सोर-टिखानि सायाव सोनारनानै गिदिर दारिमिननि बिथिङाव बे ओनसोला दावगानाय। रुंमा बानायनाय, सिमेन्ट दिहुननाय आरो बायदि रोखोमनि जोनथोर बायदि बानायनाय दारिमिनाबो ओनसोलाव दं। यावाटा, नागासाकि, सिमन ‘सेकि बायदिया ओनसोलनि गाहाय दारिमिन मिरु।

10. सुंद ‘यै लिर :

 

फिननाय:

 

(क) जापाननि दिपफोर: जापाना प्रशान्त लैथोमानि साहा बाहागोआव थानाय गोबां उन्दै-गेदेर दिपनि ज’थाइजों दाजानाय हादोर। ह ‘काइड’, इनसु (हनसु), सिक’कु आरो किउसिउ बे मोनब्रै गाहाय दिप आरो रिउकिउ दिपखौ लानानै गुबुन गोबां फिसा फिसा दिपगोबाजों जापाना दाजादों। बेफोरनि मादाव इनसुआनो (हनसु) देरसिन।   

 

(ख) ह’काइड’ ओनसोलनि हा-दाथाइ (मिथिंगा): जापाननि साहाथारनि बाहागोआव थानाय गाहाय दिप ह ‘काइड ‘जों बे ओनसोला दाजानाय, जायनि हा-मिथिंगाया हाजोगोनां। ह ‘काइड’ हाजोमालारिनि आसाहिदाके थिखिनिनि जौथाइया 2,290 मिटार आरो बिनि गेजेराव इसिकारि, टकासि आरो कनसेन बायदि म’ख’जाथाव हायेन ओनसोल दं। कनसेन हायेननि सा बाहागोआ लैथोयारि दोनगारनायजों दाजानाय।   

 

(ग) जापाननि दारिमिन फसंनाय आरो रांखान्थियारि दावगानाय: गोनां मिथिंगायारि फुंखानि आंखाल थासेयावबो जापाना दिनै बुहुमनि दावगानाय हादोरफोरनि मादाव मोनसे मैखोम मासि मोननो हादों। स’रास ‘नस्रायै दारिमिनारि दिहुनथायनि फोथाराव जापाननि मासिया दुलाराय बुहुमनि मादाव नैथि। हादोरनि गासै आरजिथायनि प्राय 40 जौखोन्दो दारिमिनारि बाहागोआ थिखालामो। जापाना रुंमा बानायनाय, मथर-गारि, तिखा दिहुनथाय आरो इलेकट्रनिक जोनथोर दिहुननायाव गाहाय मासि मोननो हादों।

   

(घ) जापाननि थाखो आबाद: जापाननि हा बाहागोआ समान नडैखायनो बेवहाय थाखो आबाद (Terrace cultivation) मावनाय जायो। गाहायै सिं ओनसोलनि हाजोफोरनि गाहाय एबा नामदानियाव थाखो खान्थिजों आबाद मावनाय जायो। सिट ‘सि-किनकि ओनसोलनि खायसे गोजौ थावनियाव थाखो खान्थिजों फिथाय-सामथाय, था बायदिनि आबाद मावो।   

 

(ङ) ट ‘किअ’- इय’क’हामा दारिमिन ओनसोल: बे दारिमिन ओनसोला हनसु दिपनि ट ‘किअ’ लैथोसानि बोरिमायारि ओनसोलखौ बेंनानै दं। बे ओनसोलनि कान्ट’ हायेनाव थानायनि थाखैनो दारिमिन फसंनायनि थाखै गाहायै गोनां। बेवहाय सोर-तिखा, रुंमा, बिरखं, रासायनिक आरो दानाय-लुनायनि दारिमिना गाहाय, आरो हादोरनि गासै दारिमिनारि दिहुनथायनि 30 जौखोन्दोआ बे ओनसोलनिफ्राय फैयो। ट ‘किअ’ आरो इय’क’हामानि अनगायैबो बेवहाय गं 25 निबो बांसिन उन्दै-गेदेर नोगोर दं।   

 

(च) जापाननि बोरिमा ओनसोल: जापाननि दैमा सेरफां आरो बोरिमा ओनसोलफोराव सुबुंनि थानाया जोबोर रोजोब। बोरिमा ओनसोलनि हा बाहागोआ हा-नांखृथायनि जाहोनाव गोथौ बायनाय बोरिमानि जोनोम जादों (जेरै- सा किटाकामि आरो आबुकुमा बोरिमा)। टौकाइ ओनसोलनि बोरिमायारि लैथोनि दाहारनि गोहोमाव बे ओनसोलनि दै-बारा एसे गुदुं।   

 

(छ) जापाननि हनसु दिप ओनसोल: जापाननि मोनब्रै गाहाय दिपफोरनि मादाव इनसु (हनसु) आनो देरसिन। सा-सानजा जापान ओनसोल, गेजेर जापान ओनसोल आरो खोला-सोनाब जापान ओनसोलनि बाहागोआ बे दिपखौ लानानैनो दाजादों। जापाननि गोथार हाजोमा थिखिनि माउन्ट फुजि, कान्ट’ हायेन आरो ट ‘किअ’, उसाका बायदि गिदिर नोगोरमाफोरा बे दिपावनो दं।

   

(ज) जापाननि खनि फुंखा: जापानाव गोनां खनि फुंखा आरो गुबुन मिथिंगायारि फुंखानि आंखाल दं। खनि फुंखानि आंखाल थासेयावबो हादोरा दावगानाय हादोराव गनाय जादों। नाथाय सा किउसिउ दारिमिन ओनसोलाव दारिमिननि गोनांथिखौ सुफुंनो थाखै गोबां खैला दं, जायनि सायाव सोनारनानै सोर-टिखानि गिदिर दारिमिना दावगादों।   

Note: If you find any mistakes in these questions and answers, you can tell us or correct it yourself. 

जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।

Class 10 Other Subjects:

1. MIL-Bodo

2. English

3. Hindi

4. Science

5. Social Science

5. Mathematics

FAQs:

Where can I get ASSEB/SEBA Class 10 Geography (E) Chapter-5 Question Answer "जापाननि ओनसोलारि बुहुमलुर" ?

You can get complete Class 10 Geography (E) Chapter-5 Question Answer “जापाननि ओनसोलारि बुहुमलुर”  on Bodoland Library.

Leave a Comment

Your email address will not be published. Required fields are marked *

error: Content is protected !!
Scroll to Top