Class 10 Geography (E) Chapter-4 Question Answer
आमेरिका ज 'थाइ हादोरनि ओनसोलारि बुहुमलुर
(Regional Geography of the United States of America)
Key Highlights: Regional Geography of the United States of America
- Political Geography: The USA consists of 50 states (including Alaska and Hawaii) and the District of Columbia (Washington D.C., the capital).
- Borders: It is bordered by Canada to the north, Mexico and the Gulf of Mexico to the south, the Atlantic Ocean to the east, and the Pacific Ocean to the west.
- Global Ranking: It is the 4th largest country in the world by land area (9.6 million sq. km, 6.37% of the world’s land) and the 3rd largest by population (approx. 307 million as of 2007 estimates).
2. Major Physical Divisions
The USA is broadly divided into three main physical regions from east to west:
- Appalachian Highlands (East): A mountainous and plateau region stretching along the Atlantic coast. It is rich in minerals (coal, petroleum) and heavily industrialized. Average elevation is below 2000 meters.
- Central Plains: A vast, highly fertile flatland situated between the Appalachians and the Rockies. It is drained by the massive Mississippi-Missouri river system and includes the Great Lakes region in the north.
- Rocky Mountains / Cordillera (West): A series of young fold mountains with peaks exceeding 4200 meters. This diverse landscape features the Great Basin, the Grand Canyon (1213 meters deep), and Death Valley (86 meters below sea level).
3. Population and Demographics
- Growth: The population grew rapidly from 3 million in 1776 to over 300 million due to extensive European immigration and the expansion of states.
- Distribution: Population density is highly uneven. The Eastern seaboard and Great Lakes regions are extremely dense (e.g., Washington D.C., New York, New Jersey), while the mountainous Western and Central regions (e.g., Montana, Nevada) are sparsely populated due to harsh terrain and arid conditions.
- Urbanization: Over 75% of the US population lives in urban areas. New York (22 million) and Los Angeles (18 million) are the largest cities.
4. Economy and Agriculture
- Economic Superpower: The USA holds the world’s highest Gross National Product (GNP) and is a global economic powerhouse.
- Mechanized Agriculture: Although only about 5% of the workforce is engaged in agriculture, highly mechanized farming makes the US a leading global producer. It produces 46% of the world’s corn and 18% of its wheat.
- Agricultural Belts: The country is divided into 9 distinct agricultural belts based on climate and soil, including the Corn Belt, Cotton Belt, Winter/Spring Wheat Belts, and the Mediterranean Agricultural Belt (California).
5. Industrial Regions and Minerals
- Mineral Wealth: The US produces roughly 20% of the world’s coal, copper, and petroleum.
- North-East Industrial Region: The largest and oldest industrial zone, housing about 75% of the country’s industries. Key centers include Pittsburgh (Iron & Steel), Detroit (Automobiles), and Chicago (Meat packing/Rail engines).
- Southern Industrial Region: Developed around hydropower, petroleum, and agricultural raw materials (cotton, tobacco).
- Pacific Coastal Industrial Region: A rapidly growing region encompassing Washington, Oregon, and California. Known for aircraft manufacturing, food processing, and the world-famous film industry (Hollywood/California). Key centers are Los Angeles and San Francisco.
आयदा : 4
आमेरिका ज ‘थाइ हादोरनि ओनसोलारि बुहुमलुर
(Regional Geography of the United States of America)
उनसोलों
1. आमेरिका ज’थाइहादोरनि थाथाय आरो बुहुमलुरारि आखुथायखौ सुंद’यै लिर।
फिननाय: आमेरिका ज’थाइहादोरा सा आमेरिका हादोरमायाव दं। बे हादोरनि साहाजों कानाडा, सानजाजों आटलान्टिक लैथोमा, खोलाजों मेक्सिक’ लैथोसा आरो मेक्सिक’ हादोर आरो सोनाबजों प्रशान्त लैथोमाया दं। आमेरिका ज’थाइहादोरनि गाहाय हा खोन्दोआ 25° सा निफ्राय 49° सा अक्षफान आरो 66° सोनाबनिफ्राय 125° सोनाब द्राघिमा फानसिम गोसारनाय।
आलास्का आरो हावाइ दिपगोबाखौ लानानै गासै गं 50 रायजो आरो क’ल ‘म्बिया जिलाजों आमेरिका ज ‘थाइहादोरा दाजानाय। बिनि हा कालिया 96 लाख बर्ग किल’मिटार, थामहिनबा बुहुमनि हा कालिनि 6.37 जौखोन्दो। हा कालिनि महराव बियो बुहुमनि ब्रैथि गेदेरसिन हादोर। हा मिथिंगायारि दाथाय आरो आखुथायनि सायाव सोनारनानै आमेरिका ज’थाइ हादोरखौ गाहायै मोनथाम मिथिंगायारि बाहागोआव राननो हायो। सानजानिफ्राय सोनाबसिम बे बाहागोफोरा जादों:
(1) आपेलेसियान गोजौ हा ओनसोल: सानजा बाहागोआव गोसारनाय गोजौ हा खोन्दो।
(2) गेजेर हायेन हा ओनसोल: गेजेराव गोसारनाय मिसिसिपि-मिसौरि दैमा मोखांनि हासारगोनां हायेन ओनसोल।
(3) रकि हाजोमा एबा कर्डिलेरा ओनसोल: सोनाब बाहागोआव गोसारनाय गोदान दबनाय हाजोमा ओनसोल।
2. आमेरिका ज’थाइहादोरखौ मिथिंगायारि बाहागोआव रान। मोनफ्रोम बाहागोनि मोनसे सुंद’ सिनायथि लिर।
फिननाय: हा मिथिंगायारि दाथाय आरो आखुथायनि सायाव सोनारनानै आमेरिका ज’थाइ हादोरखौ गाहायै मोनथाम मिथिंगायारि बाहागोआव राननो हायो। सानजानिफ्राय सोनाबसिम बे बाहागोफोरा जादों:
(1) आपेलेसियान गोजौ हा ओनसोल
(2) गेजेर हायेन हा ओनसोल
(3) रकि हाजोमा ओनसोल एबा कर्डिलेरा ओनसोल
1. आपेलेसियान गोजौ हा ओनसोल: आमेरिका ज’थाइहादोरनि सानजा बाहागोआव आटलान्टिक बोरिमानि प्राय लिगै गोसारनाय गोजौ हा खोन्दोखौनो आपेलेसियान गोजौ हा बुंनाय जायो। लैथो बिखंनिफ्राय बिनि गड़ जौथाइया आथिखालाव 2000 मिटारनि बांसिन नङा। बे ओनसोलनि हाजो हाजोमा आरो जौयेननि बिखाजों गोबां दैमा बोहिलांदों, बिनि मादाव अहिअ, टेनिस, हाडसन आरो एलाबामा दैमायानो गाहाय।
2. गेजेर हायेन हा ओनसोल: आपेलेसियान गोजौहा आरो रफि हाजोमालारिनि गेजेराव सा-खोलायै आरो सानजा सोनाबै गोसारनाय हायेन ओनसोलखौ गेजेर हायेन हा होननानै मिथियो। ओनसोलनि गेजेरजों बोहिलांनाय गाहाय दैमा मिसिसिपि आरो मिसौरि आरो बिनि दालाय दैमाफोरा दुलाराय ओनसोलखौ मोनसे हासारगोनां फुलुंहानि हायेनाव सोलायदों। बिनिखायनो ज ‘थाइ हादोरनि बे ओनसोला आबादनि थाखै जोबोर गोनां।
3. रकि हाजोमा एबा कर्डिलेरा ओनसोल: सानजाजों गोजौ हायेन आरो सोनाबजों प्रशान्त बोरिमानि गेजेरजों हाजो हाजोमा, जौयेन, सेरफां, बिलोमा बायदिजों दाजानाय हाखोन्दोखौ कर्डिलेरा ओनसोल बुंनाय जायो। बियो हिमालय हाजोमा बायदि गोदान दबनाय हाजोमा आरो रकि हाजोमानि थिखिनिफोरनि जौथाया थावनि लानानै 4,200 मिटारनिबो बांसिन। कर्डिलेरा ओनसोलनिफ्राय गोबां दैमा जोनोम जानानै बोहिबोदों, जेरै कलाम्बिया, स्नेक आरो क’ल ‘राद ‘आ सोनाब थिंजाय बोहिनानै प्रशान्त लैथामायाव गौग्लैदों।
3. मानसावगारि बोनानै आमेरिका ज’थाइहादोरनि मिथिंगायारि बाहागोफोरखौ दिन्थि।
फिननाय: आमेरिका ज’थाइहादोरनि मिथिंगायारि बाहागोफोर:
(1) आपेलेसियान गोजौ हा ओनसोल
(2) गेजेर हायेन ओनसोल
(3) रकि हाजोमायारि ओनसोल एबा कार्डिलेरा ओनसोल
मानसावगारि:
4. आमेरिका ज’थाइहादोरनि सुबुं बांनाय आरो राननायनि बागै मानसावगारिनि हेफाजाबाव सावराय।
फिननाय: 1776 मायथायाव उदांश्री फोसावनाय समाव आमेरिका ज’थाइहादोरनि सुबुंअनजिमाया खालि 3 निजुतमोन। इउरोपआरि हादोरफोरनिफ्राय जानाय दावबायस’ननाय आरो गुबुन गुबुन समायाव 37 रायजोआ ज’थाइहादोरजों लोगोसे जानायनि जाहोनाव सुबुं अनजिमाया गोबारै बांनो हमदोंमोन। 2007 मायथायनि बिथं बायदियै 302 निजुट सुबुंअनजिमाजों आमेरिका ज’थाइहादोरा बुहुमनि थामथि गोबांसिन सुबुं अनजिमानि हादोर जादों। दुलाराय बुहुमनि सुबुंअनजिमानि मिथिंगायारि बांनायनि बोसोरारि गड़हारा 1.20 जौखोन्दोनि उलथायै ज’थाइ हादोरनि बांनायनि हारा खालि 0.60 जौखान्दो।
मिथिंगायारि हालोद, हान्थामेला आरो रांखान्थियारि दावगानायनि फारागनि थाखै ज’थाइहादोरनि सुबं अनजिमानि राननाया समान नङा। हादोरनि सानजाजों थानाय आपेलेसियान गोजौ हा आरो आटलान्टिक बोरिमायारि ओनसोलाव सुबुं थाखुलिया रोजोब। मिसिगान रायजोनि खोला आरो सानजा बाहागोआव थानाय हादोरनि खालि ब्रैबाहागोनि से बाहागो (1/4) ओनसोलावनो हादोरनि गासै सुबुं अनजिमानि प्राय थामबाहागोनि नै-बाहागोआ (2/3) थायो। ज’थाइ हादोरनि सुबुं अनजिमानि गड़ रोजोबथिया मोनफ्रोम बर्ग किल’मिटाराव सा 32 नि उलथायै सानजा ओनसोलाव रोजोबथिया प्राय सा 85। मासासुसेटस, निउ जार्सि आरो र’द आइलेण्डआव रोजोबथिया 300 निबो गोबां आरो राजथावनि वासिंटन डि.चि. आव प्राय सा 3600। सोनाबजों थानाय गेजेर बाहागोनि हायेन आरो कर्डिलेरा ओनसोलाव थाखुलिया जोबोर गेसें (मन्टाना, नेभाडा, सा डाक’टा आरो वाय’मिं रायजोआव सुबुं अनजिमानि रोजोबथिया सा 5 निबो एसेल’)। नाथाय सोनाब बाहागोआव थानाय केलेफर्निया बोरिमा ओनसोलाव सुबुंथाखुलिया एसे रोजोब। दारिमिनारि दावगानायनि थाखै ज’थाइहादोरनि सुबुंअनजिमानि ब्रैबाहागोनि थाम बाहागोनि (3/4) बांसिनानो नोगोराव थाग्रा, जेरै- निउइयर्क (22 निजुट) आरो लस एनजेलस (18 निजुट)।
5. आमेरिका ज’थाइहादोरनि रांखान्थियाव आबादनि बिबाना मा सुंद ‘यै लिर।
फिननाय: आमेरिका ज’थाइहादोरनि रांखान्थियारि खामानिजों लोबबा गोनां गासै सुबुंनि खालि 5 जौखोन्दोआल’ आबादनि सायाव सोनारोब्लाबो, आबाद फोथाराव बियो बुहुमनि मादावनो जौसिन मासि लादों। हादोरनि गासै माहारियारि आरजिथायनि (Gross National Product) 2 जौखोन्दोखौ आबादा ज ‘गायो। हा बाहायनायनि बिथिङाव हादोरनि गासै हा कालिनि प्राय ब्रैबाहागोनि से बाहागो (1/4) हाया गोजोर आबादनि सिङाव दं। दुलाराय बुहुमाव ज’थाइ हादोरा जुखाम, खुन आरो सादा (थांखु) दिहुनथायाव सेथि आरो घेहु (गम) आरो बारलि दिहुनथायाव नैथि मासि लादों। बुहुमनि गासै दिहुनथायनि 46 जौखोन्दो जुखाम आरो 18 जौखोन्दो घेहु (गम) दिहुननानै ज ‘थाइहादोरा गोबां आबाद मुवा गुबुन हादोराव दैथायहरनो हादों।
6. आबाद बेंखन बुंबोला मा मोनथियो? आमेरिका ज’थाइहादोराव मोनबेसेबां आरो मा मा आबाद बेंखन सिनायनाय जादों। मानसावगारियाव दिन्थि आरो मोनफ्रोमबो बेंखननि बागै सुंद’यै बिजिर।
फिननाय: हा-मिथिंगायारि (हा दाथाय), दैबार, हा बायदिनि सायाव सोनारनानै ज’थाइहादोरखौ सानजानिफ्राय सोनाबसिम खायसे बेंखन एबा ओनसोलाव बाहागो खालामनाय जादों, जेराव रोखोमसे मैखोम फस’लनि सायाव गोसोहोनानै आबाद खामानिखौ मावफुंनाय जायो। बेखौनो आबाद बेंखन बुंनाय जायो।
आमेरिका ज’थाइहादोरखौ गासै मोन 9 आबाद बेंखनाव बाहागो खालामनो हायो:
(1) माय आरो खुसेर बेंखन: मेक्सिक’ बोरिमायारि ओनसोलाव थानाय फ्ल’रिडाक्स, जर्जिया, एलाबामा, मिसिसिपि आरो लुसियाना रायजोनि खोला बाहागोआव बे बेंखना दं। क्रान्टिसायारि दैबार थानाय बे ओनसोलाव माय आरो खुसेरा गाहाय फ’स’ल।
(2) खुननि बेंख’न: माय खुसेर बेंखननि साहाजों मिसिसिपि दैमा मोखांनि खोला बाहागोखौ लाफानानै गोसारनाय ओनसोलाव खुननि आबाद मावनाय जायो। 36° सा अक्षफानानो बिनि सा सिमाखौ थि खालामदों। टेकसास, मिसिसिपि आरो आरकानसास रायजोआव ज’थाइहादोरनि 50 जौखोन्दोनिबो बांसिन खुन दिहुन जायो।
(3) गोजांबोथोरनि गम आरो थांखु बेंखन: खुन बेंखननि साहाजों गोसारनाय बे ओनसोलनि सानजा बाहागोआव (सा केर’लिना, केन्टुकि, भार्जिनिया, मेरिलेण्ड) गोबां थांखु जायो आरो सोनाब बाहागोआव (नेब्रास्का, केनसास, कल’राद’, उकलाहामा, टेक्सास) गोजांबोथोराव गम आबाद मावनाय जायो।
(4) जुखाम बेंखन: गोजां बोथोरनि गम बेंखननि साहाजों गोसारनाय बे ओनसोलाव (आइउवा, इलिनइस, इण्डियाना, मिनेस’टा, पेन्सिलभेनिया आरो नेब्रास्का) ज’थाइ हादोरनि बांसिन बाहागो जुखाम जायो।
(5) दुफांबोथोरनि गम बेंखन: प्रेइरि ओनसोलनि साहा बाहागोआव थानाय मन्टाना, सा डाक’टा, खोला डाक’टा आरो सोनाब मिनेस’टा रायजोआव गुसुनि थाखै दुफां बोथोरावसो गम दिहुननाय जायो।
(6) सा-सानजा सिमाजिं लगाय-मोनदेर आबाद बेंखन: ग्रेट लेकानि खोला आरो सानजायाव थानाय बे ओनसोलाव राइ, बार्लि बायदि आबादनि अनगायै जुनार फिसिनाय जायो। बेखौ गायखेर फिसिनाय ओनसोल होननानैबो मिथिनाय जायो।
(7) गोरान आबाद आरो जुनार फिसिनाय बेंखन: गेजेर हायेननि सोनाब आरो कर्डिलेरा ओनसोलनि सानजा बाहागोआव थानाय बे ओनसोलाव अखा बाडायल’ जायो। बेवहाय गोरान आबाद (ज’वार, बारलि, माकै) आरो जुनार फिसिनायनि गेजेरजों गायखेर, बेदर आरो उल दिहुननाय जायो।
(8) बुहुम गेजेर लैथोआरि आबाद बेंखन: प्रशान्त लैथोमायारि बोरिमायाव थानाय केलेफ’र्निया ओनसोलाव बुहुमगेजेर लैथोयारि दैबार दं। बेवहाय गम, खुन, नारें क’मला, आपेल, आंगुर बायदि फिथाय-सामथाया गोबां जायो।
(9) सा-सोनाब सिमाजिं लगाय मोनदेर आबाद बेंखन: ज’थाइ हादोरनि सा-सोनाब ओनसोलाव थानाय वासिंटन, उरिगन आरो इडाह’ रायजोआव गम आरो जुखामनि लोगोसे गायखेर आरो बेदरनि थाखै जुनारबो फिसिनाय जायो।
(मानसावगारियाव दिन्थिनो थाखै बिजाबनि 102 बिलाइयाव थानाय सावगारि- 4.04 ‘आमेरिका ज’थाइहादोरनि आबाद बेंखन’ खौ बाहायनो हागोन।)
7. आमेरिका ज’थाइहादोरनि गाहाय दारिमिन ओनसोलफोरनि मुं लिर आरो मानसावगारियाव दिन्थि। बिनिनो मोनसे ओनसोलनिबागै फुरायै फोरमायथि हो।
फिननाय: आमेरिका ज ‘थाइहादोराव गाहायै मोनथाम गिदिर दारिमिनारि ओनसोल (Industrial Region) नुनो मोनो। बेफोर जाबाय:
(1) सा-सानजा दारिमिनारि ओनसोल
(2) खोला दारिमिनारि ओनसोल
(3) प्रशान्त बोरिमायारि दारिमिन ओनसोल
(मानसावगारियाव दिन्थिनो थाखै बिजाबनि 107 बिलाइयाव थानाय ‘सावगारि-4.05 आमेरिका ज ‘थाइहादोरनि दारिमिन ओनसोल’ खौ बाहायनो हागोन।)
(1) सा-सानजा दारिमिनारि ओनसोल: खैला, सोर, पेट्रलियामखौ लानानै बायदि खनि फुंखानि बाख्रि थानाय आरो दावगानाय फोनांजाब राहानि थाखै सा-सानजा बाहागोआव बे दारिमिनारि ओनसोला जाखांदों। ज ‘थाइहादोरनि सुपेरिउर बिलोमानि खोलासिम सेन्ट लुइस आरो सानजाजों आटलान्टिक बोरिमायाव थानाय बाल्टिम’र सिम बे ओनसोला गोसारदों। ज’थाइहादोरनि हाकालिनि खालि 10 जौखोन्दो बेंनानै थानाय बे ओनसोलाव हादोरनि प्राय 50 जौखोन्दो सुबुडा थायो आरो बेवहायनो हादोरनि प्राय 75 जौखोन्दो दारिमिना थुबुर जाना दं।
बे दारिमिनारि ओनसोलाव गाहायै मोनबा दारिमिन मिरु दं:
(1) पिटसबार्ग हुइलिं क्लिभलेण्ड दारिमिन मिरु: गोजौ माननि खैला आरो सोरनि फुंखाखौ मिरुखालामनानै बेवहाय गोबां गिदिर सोर-तिखानि दारिमिन जाखांदों।
(2) निउ इयर्क फिलाडेलफिया बाल्टिम ‘र दारिमिन मिरु: बाल्टिम ‘राव सोर टीखा आरो टिन दारिमिन, फिलाडेलफियाव सि, मोब्लिबनि लाय-लथर दारिमिन आरो निउ इयर्क नोगोरमाया बायदि रोखोमनि दारिमिन फसंथानजों आबुं जानाय दं।
(3) खोला निउ इंलेण्ड दारिमिन मिरु: गोनां खनि फुंखानि आंखालाव बे ओनसोलाव दै मोब्लिब गोहोनि सायाव सोनारनानै सि, खाखेर, आरो सामरा दारिमिन जाखांदों।
(4) डेटूइट दारिमिन मिरु: खैला, सोर आरो गोरा काट थानायनि सायाव सोनारनानै बे थावनिया ज’थाइहादोरनि मुंदांखा मटर गारी दानाय मिरु हिसाबै जाखांदों।
(5) खोला मिसिगान दारिमिन मिरु: खैला आरो सोर गोरलैयैनो मोननायनि थाखै सिकाग’ नोगोरमाखौ मिरु खालामनानै बेवहाय सोर टीखा, रेल इनजिन आरो मथर गारी बानायनाय बायदि दारिमिन गायस ‘ननाय जादों।
8. सुंद ‘यै लिर :
फिननाय:
क. रकि हाजोमा ओनसोलनि हा –दाथाय : सानजाजों गोजौ हायेन आरो सोनाबजों प्रशान्त बोरिमानि गेजेराव सा-खोलायै गोसारनाय हाखोन्दोखौ कर्डिलेरा एबा रकि हाजोमा ओनसोल बुंनाय जायो। बियो हिमालय हाजोमा बायदि गोदान दबनाय हाजोमा। रकि हाजोमानि थिखिनिफोरनि जौथाया थावनि लानानै 4,200 मिटारनिबो बांसिन। सोनाब बाहागोआव थानाय म’ख’जाथाव हाजोमाफोरा जादों चियेरा नेभाडा, कास्केड आरो क’ष्ट ‘रेन्ज एबा बोरिमायारि हाजोमालारि। हाजोमालारिनि गेजेराव कल’म्बिया, ग्रेट बेसिन आरो कल’राद’ जौयेन दं। बे ओनसोलावनो बुहुम दांखा कल ‘राद’ दैमानि ग्रेण्ड केनियन (Grand Canyon – 1213 मिटार गोथौ) आरो गोथै सेरफांआ (Death Valley – लैथो बिखंनिफ्राय 86 मिटार गाहायाव) दं। ग्रेट बेसिन ओनसोलाव गोबाब दैनि बिलोमाफोर दं, जेरै- ग्रेटसल्ट लेक। कर्डिलेरा ओनसोलनिफ्राय कलाम्बिया, स्नेक आरो क’ल ‘राद’ बायदि दैमा जोनोम जानानै प्रशान्त लैथामायाव गोग्लैदों।
ख. आपेलेसियान गोजौहामानि हा दाथाय : आमेरिका ज’थाइहादोरनि सानजा बाहागोआव आटलान्टिक बोरिमानि प्राय लिगै गोसारनाय गोजौ हा खोन्दोखौनो आपेलेसियान गोजौ हा बुंनाय जायो। बियो थोंजों साहाजों हादसन सेरफां आरो इरि बिलोमानिफ्राय खोलाजों एलाबामासिम गोसारदों। बे हाखोन्दोआ हाजो हाजोमा, जौयेन, हायेन सेरफां बायदिजों दाजानाय खायनो बिनि हा दाथाया जेथो गोनां। बे ओनसोलनि हाजो हाजोमाफोरा रकि हाजोमालारिनिख्रुइ जोबोर सिगांनो जोनोम जादोंमोन आरो लैथो बिखंनिफ्राय बिनि गड़ जौथाइया आथिखालाव 2000 मिटारनि बांसिन नङा। एलिघेनि हाजोमालारि, काम्बारलेण्ड जौयेन, ब्लुरिज हाजोमा बायदिया बिनि गाहाय बाहागो। बे ओनसोलनि हाजो हाजोमा आरो जौयेननि बिखाजों गोबां उन्दै-गेदेर दैमा बोहि लांदों, जेरै- अहिअ, टेनिस, हाडसन आरो एलाबामा।
ग. गेजेर हायेन ओनसोलनि दैमा दैसा: गेजेर हायेन ओनसोलनि गेजेरजों बोहिलांनाय गाहाय दैमाया जादों मिसिसिपि आरो मिसौरि। मिसिसिपि-मिसौरि आरो बिनि दालाय दैमाफोरा दुलाराय ओनसोलखौ मोनसे हासारगोनां फुलुंहानि हायेनाव (fertile plain) सोलायदों। बिनिखायनो बे ओनसोला आबादनि थाखै जोबोर गोनां। गोजौ हायेन आरो आपेलेसियान गोजौ हानि गेजेरनि मिसिसिपि मिसौरि दैमा बिखान्थिया जोनोम होनाय हायेन हायानो जादों मिसिसिपि हायेन, जायनि जौथाया 300 मिटारनिखुइ गोबां नङा। मिसौरि, आरकेनसास, रेड बायदि दैमाया मिसिसिपिजों नांजाबदों, आरो रिउ ग्रेण्ड दैमाया थोंजोहै मेक्सिक’ लैथोसायाव गोग्लैंदों। साहा बाहागोआव बरफनि खामानिनि थाखै जोनोम जानाय सुपेरिउर, मिसिगान, हुरन, ईरि बायदि बिलोमाफोराबो बे ओनसोलनि दै बिखान्थिनि बाहागो।
घ. आमेरिका ज’थाइहादोरनि नोगोर दानाय आरो गाहाय नोगोरफोर।: दारिमिनारि दावगानायनि थाखै ज’थाइहादोरनि सुबुंअनजिमानि ब्रैबाहागोनि थाम बाहागोनि (75% निबो बांसिन) बांसिनानो नोगोराव थाग्रा। सानजा बाहागोआव आपेलेसियान आरो सा-सानजा दारिमिन ओनसोलाव गोबां नोगोरमा जाखांदों। बिनि मादाव राजथावनि वासिंटन डि.चि., ब ‘ष्टन, फिलादेलफिया, बाल्टिम ‘र, आटलान्टा बायदिया मख’जाथाव। सानजा बाहागोआव थानाय हादोरनि बयनिख्खुइ देरसिन नोगोरमा निउइयर्कनि सुबुं अनजिमाया जादों 22 निजुट। हादोरनि नैथि गिदिर नोगोरमा लस एनजेलसनि (सोनाब बाहागो) सुबुं अनजिमाया 18 निजुट। गेजेर हायेन ओनसोलाव चिकाग’, सेन्टलुइस, निउ अरलियेन्स आरो कर्डिलेरा ओनसोलाव सानफ्रान्सिस्क’, सियाटल, लास भेगास बायदिया गाहाय नोगोर।
ङ. आमेरिका ज’थाइहादोरनि रांखान्थियारि आखुथाय।: मिथिंगायारि फुंखा, आबाद, दारिमिनारि दिहुनथाय आरो जिउ खुंनायनि मान बायदि गासिबो फोथारावनो आमेरिका ज’थाइ हादोरा बुहुमनि मादावनो जौसिन मासि लादों। ज’थाइहादोरनि गासै माहारियारि दिहुनथाया (GNP) बुहुमनि मादावनो बांसिन। बियो बुहुमनि देरसिन रांखान्थियारि गोहो (Economic power) हिसाबै गसंनो हादों। हादोरनि 5 जौखोन्दो सुबुडाल’ आबादनि सायाव सोनारोब्लाबो, बुहुमाव जुखाम (46%), खुन आरो सादा (थांखु) दुहुनथायाव सेथि आरो घेहु (18%) दिहुनथायाव नैथि मासि लादों। बुहुमनि गासै सुबुंअनजिमानि 5 जौखोन्दो निखुइबो एसेल’ सुबुडा थायोब्लाबो खैला, तामा आरो पेट्र ‘लियामानि दिहुनथाया बुहुमनि 20 जौखोन्दो। दारिमिन (30%) आरो फालांगि, फोनांजाब (68%) आ रांखान्थियाव गिदिर बिहोमा होयो।
च. आमेरिका ज’थाइहादोरनि आबाद बेंखन: मिथिंगायारि दाथाय, दैबार आरो हा बायदिनि सायाव सोनारनानै ज’थाइहादोरखौ सानजानिफ्राय सोनाबसिम खायसे बेंखनाव बाहागो खालामनाय जादों जेराव रोखोमसे मैखोम फस’ल गायनाय जायो, बेखौनो आबाद बेंखन बुंनाय जायो। सुबुंथाखुलि गेसें जानायनि थाखै फालांगिनि थाखै जोनथोरनि हेफाजाबाव गुवारै आबाद खामानिखौ मावफुंनाय जायो, जायनि जाहोनाव दिहुनथायनि हारा जोबोर बांसिन। दुलाराय हादोरखौ गासै मोन 9 आबाद बेंखनाव बाहागो खालामनो हायो। बेफोरनि मादाव माय आरो खुसेर बेंखन, खुननि बेंख’न, गोजांबोथोरनि गम बेंखन, जुखाम बेंखन, आरो बुहुम गेजेर लैथोआरि आबाद बेंखनफोरा गाहाय।
छ. आमेरिका ज’थाइहादोरनि सा-सानजा दारिमिन ओनसोल।: खैला, सोर, पेट्रलियामखौ लानानै बायदि खनि फुंखानि बाख्रि थानाय आरो दावगानाय फोनांजाब राहानि थाखै सा-सानजा बाहागोआव बे ओनसोल जाखांदों। बियो सुपेरिउर बिलोमानिफ्राय आटलान्टिक बोरिमासिम (बाल्टिम’र) गोसारदों। ज’थाइहादोरनि हाकालिनि खालि 10 जौखोन्दो हाखौ बेंनानै थानाय बे ओनसोलाव हादोरनि 50% सुबुं थायो आरो 75% दारिमिना थुबुर जाना दं। बे ओनसोलाव गाहायै मोनबा दारिमिन मिरु दं।
(1) पिटसबार्ग हुइलिं क्लिभलेण्ड दारिमिन मिरु।
(2) निउ इयर्क फिलाडेलफिया बाल्टिम ‘र दारिमिन मिरु।
(3) खोला निउ इंलेण्ड दारिमिन मिरु।
(4) डेटूइट दारिमिन मिरु।
(5) खोला मिसिगान (सिकाग’) दारिमिन मिरु।
ज. आमेरिका ज’थाइहादोरनि प्रशान्त बोरिमायारि दारिमिन ओनसोल: प्रशान्त लैथोमानि बोरिमायाव थानाय वासिंटन, अरिगन आरो केलिफ ‘र्निया रायजोखौ लानानै बे दारिमिनारि ओनसोला जाखांदों। बियो ज ‘थाइहादोरनि बयनिख्खुइ फिसा आरो गोदानै जाखांनाय दारिमिन ओनसोल। हादोरनि प्राय 10 जौखोन्दो दांसाफोरा बे ओनसोलनि दारिमिनफोराव खामानि मावो। लस एन्जेलेस आरो सान फ्रान्सिस्क ‘आ हादोरनि मादावनो मोननै गाहाय दारिमिन मिरु। दै मोब्लिब गोहो आरो पेट्र ‘लियाम बाहायनानै बे ओनसोलाव सोर टिखा, बिरखं (aircraft) बानायनाय, खाखेर दिहुननाय, आरो बिलाती जौ दिहुननाय दारिमिन जाखांदों। केलिफ ‘र्निया ओनसोलाव जाखांनाय सावथुन (film) दारिमिना बुहुमनि मादाव मुंदांखा।
झ. आमेरिका ज ‘थाइहादोरनि गोरान आबाद आरो जुनार फिसिनाय बेंखन: गेजेर हायेननि सोनाब बाहागो आरो कर्डिलेरा ओनसोलनि सानजा बाहागोखौ लानानै बे फैलाव आबाद ओनसोला दाजादों। टेकसास, निउ मेक्सिक’, उटाह, कल ‘राद’ नेभादा, मन्टाना बायदि रायजोआ बे ओनसोलनि सिङाव। बे ओनसोलाव अखाया बाडायल’ जायोखायनो गांसोजों बुंफबनाय। गोरान आबादनि गेजेरजों ज’वार बजरा हारिनि फ’स’ल आरो इसे बिबांनि दै ज ‘गायनायनि गेजेरजों बारलि, माकै बायदि फ’स’ल गायनाय जायो। गांसोबारि गोबां थानायखाय जुनार फिसिनायनि गेजेरजों गायखेर, बेदर आरो उल (wool) दिहुननाय जायो।
ञ. आमेरिका ज’थाइहादोरनि खनि फुंखा।: खनि फुंखानि बिथिंआव ज’थाइहादोरा जोबोर दोहनि। हादोरनि रांखान्थि आरो दारिमिन दावगानाया बे खनि फुंखाफोरनि सायावनो सोनारनाय। ज’थाइहादोराव खैला, तामा आरो पेट्र ‘लियामानि दिहुनथाया बुहुमनि गासै दिहुनथायनि प्राय 20 जौखोन्दो। आपेलेसियान ओनसोल आरो ग्रेट लेक ओनसोलाव गोजौ माननि खैला आरो सोरनि फुंखा गोबां मोननाय जायो, जाय सा-सानजा दारिमिन ओनसोलखौ जाखांहोदों। कर्डिलेरा ओनसोलनि (रकि हाजोमा) गोबां बाहागोआ खैला, पेटू ‘लियाम, स’ना, रुफा आरो तामा बायदि खनि फुंखायाव दोहनि। खोला दारिमिन ओनसोलावबो खैला, पेटू ‘लियाम, आरो सोरनि बाख्रि दं।
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 10 Other Subjects:
FAQs:
Where can I get ASSEB/SEBA Class 10 Geography (E) Chapter-4 Question Answer "आमेरिका ज 'थाइ हादोरनि ओनसोलारि बुहुमलुर" ?
You can get complete Class 10 Geography (E) Chapter-4 Question Answer “आमेरिका ज ‘थाइ हादोरनि ओनसोलारि बुहुमलुर” on Bodoland Library.