New Class 7 Bodo Medium MIL Question Answer Chapter 8

1. गाहायाव होनाय सोंथिफोरनि थार फिननायखौ सायख’ना थि बेंखनखौ दागो खालाम-

● सांग्रांथि मेलनि गुबै आयदाया मामोन ?

(क) फरायनाय-लिरनायनि फारसे सांग्रांथि

(ख) देहायारि आरो गोसोआरि सावस्रियाव साखोन-सिखोननि

(ग) ‘तल ‘नी’ हाबानि नेम-खानथिनि गोहोम

(घ) फरायसानि मावनां बिबान

फिननाय : (ख) देहायारि आरो गोसोआरि सावस्रियाव साखोन-सिखोननि

● मेहेरसा गयारिमोना हादरसायारि संमेथाइ रोजाबनो मानो थाङाखैमोन?

(क) फोरोंगिरि गैयैनि थाखाय

(ख) साननि जोबथा पेरियदनि थाखाय

(ग) बिबारिया गाबगासिनो थानायनि थाखाय

(घ) बसुमथारि सारआ थाखो खथासिम फैनायनि थाखाय

फिननाय : (ग) बिबारिया गाबगासिनो थानायनि थाखाय

2. गाहायाव होनाय सोंथिफोरनि फिननाय लिर।

(क) बसुमथारि सारआ थाखो खथासिम मानो फैदोंमोन?

फिननाय : जातीय संगीत रोजाबनायनि समाव फरायसा-फरायसुलिफोरखौ थाखो खथायावनो थाबाय थानाय नुनानै बिसोरखौ जातीय संगीत रोजाबहैनो थिननो बसुमथारि सारआ थाखो खथासिम फैदोंमोन।

(ख) बिबारिया थाखो खथायाव मानो गाबगासिनो दंमोंन?

फिननाय : बिबारिया गिबि खेबनि थाखाय मिथिंगायारि महरै सिख्ला देलों जानायनि जाउनाव बिहा उसु-खुथु मोननानै उदै सादोंमोन आरो गिनाय मोनदोंमोन, बेखायनो बियो थाखो खथायाव गंग्लायनानै गाबगासिनो दंमोन।

(ग) गाहाइ फोरोंगिरिजोआ बिबारिखौ मा होननानै बुजायदोंमोन?

फिननाय : गाहाइ फोरोंगिरिजोआ बिबारिखौ बुजायदोंमोन दि गिनांगौ जेबो गैया, बेयो सरासनस्रा बाथ्रा आरो साफ्रोमबो हिनजावसा एबा आइजोफोरनियावनो बेबादि जायो। लोगोसे बे समाव सेनिटेरि नेपकिन बाहायनो, साखोन-सिखोन जानानै थानो आरो गोनांथि जायोब्ला डाक्टरनि सुबुरुन लानो बुंदोंमोन।

(घ) “जों नेम-खानथि मानिनांगौ, नाथाय जुक्ति गैयै नेम-खानथिया जोंनि खहासो खालामो”- बे बाथ्राखौ सोर सोरखौ बुंदोंमोन?

फिननाय : बे बाथ्राखौ गाहाइ फोरोंगिरिजो मेडामआ बिबारिनि बिमाखौ बुंदोंमोन।

(ङ) थुनफावथाइयाव साबेसे आरो सोर सोरनि आखुथाइ दं ?

फिननाय : थुनफावथाइयाव गासै सा 7 (स्नि) आखुथाइ दं—

1. गाहाइ फोरोंगिरिजो

2. मानिनां बसुमथारि

3. जेवारि बर’ 

4. बिबारि 

5. जयस्रि ब्रह्म 

6. हायेनस्रि 

7. मेहेरसा गयारि 

(लोगोसे थुनफावथाइयाव बिबारिनि बिमा आरो बिमायंनि आखुथाइबो नुजादों।)

3. सावरायनानै लिर।

(क) फरायसालियाव सावस्रि सांग्रांथि मेल मानो खुंनाय जादोंमोन?

फिननाय : लाइमोन बैसोआव फरायसा-फरायसुलिफोरनि देहा आरो गोसोआव बायदि-सिना सोलायनाय फैयो। बे समाव गोग्गो सावस्रि, साखोन-सिखोननि गोनांथि, मिथिंगायारि सोलायनायखौ गोसो खानानै गोदो-गोदायनि जुक्ति गैयै खोमसि फोथायनाय आरो गाज्रि आसार-खानथिफोरखौ गारना सांग्रांथि लाबोनो थाखाय फरायसालियाव सावस्रि सांग्रांथि मेल खुंनाय जादोंमोन।   

(ख) नोंसोर जाय थुनफावथाइखौ फरायबाय बेनि मुङा ‘सोलायनाय’। थुनफावथाइखौ फरायनानै ख’रसा मुंखौ थि जादों बादि मोनदों ना? नों जुदि थुनफावथाइनि गुबुन मुं मोनसे होनो गोनां जायो, अब्ला मा मुं होगोन?

फिननाय : औ, थुनफावथाइनि ‘सोलायनाय’ मुङा जोबोद थि आरो गोरोबथाव जादों। मानोना बे थुनफावथाइयाव लाइमोन बैसोनि देहायारि सोलायनाय आरो समाजजों हमथाबना लाखिनाय जुक्ति गैयै गोजाम नेम-खानथिखौ सोलायनानै गोदान सानस्रिनि फारसे दावगानायखौ दिन्थिदों।   गुबुन मुं होनो गोनां जायोब्ला बेनि मुं “लाइमोन बैसोनि सांग्रांथि” एबा “लाइमोननि सावस्रि” होनो हागोन।

(ग) थुनफावथाइनि जोबथा नुथाइयाव जयस्रि ब्रहमआ बुंनाय आलाबनि बाथ्राफोरखौ बुजायनानै लिर।

फिननाय : डाः जयस्रि ब्रह्मआ बुंदोंमोन दि लाइमोन बैसोआव देहा आरो गोसोनि सोलायनाय जानाया सरासनस्रा मिथिंगायारि बाथ्रा। बेनि थाखाय उसु-खुथु जानानै लाजिना थानो नाङा, बिमा-बिफा एबा फोरोंगिरिफोरजों उदाङै सावरायनांगौ। उदाङै सावरायनाया खोमसि फोथायनाय आरो खैफोदफोरनिफ्राय जानगारहोयो। अन्दै बैसोनि बे सोलायनायाव साखोन-सिखोन जानानै थिनाय समाव फाहामथाइ आरो जोथोन लानाया देहाखौ गोग्गो खालामो, बेखायनो जुक्ति गैयै दोरोङारि नेम-खानथिफोरखौ नेवसिनानै बिगियानारि सानस्रिजों सावस्रिनि जोथोन लानांगौ।

(घ) थुनफावथाइया समाजनो मा खौरां होदों?

फिननाय : थुनफावथाइया समाजनो बे खौरांखौ होदों दि लाइमोन बैसोआव हिनजावसाफोरनि सोलेरारि सोलायनाया मोनसे सरासनस्रा मिथिंगायारि दाथाइ। बेनि सायाव गोदो-गोदायनि जुक्ति गैयै नेम-खानथि बायदि खोमसि फोथायनायफोरखौ नागारना गोग्गो सावस्रि, साखोन-सिखोन आरो बिगियानारि जोथोन लानायासो गोनांथार। सुबुं समाजनि गाज्रि सानस्रिखौ सोलायनानै लाइमोनफोरनि इयुन आरो फरायनाय-सोलोंनायनि फारसे मोजां आबहावा सोमजिहोनांगौ।

4. गाहायाव होनाय आलाबफोरजों लोगोसे थि आखुथाइफोरजों गोरोब हो-

फिननाय :