Class 9 Science Chapter 5 Additional Question Answer Bodo Medium "जिउनि गुदि सानगुदि"
Here you can find SEBA/ASSEB Class 9 Science Chapter 5 Additional Question Answer Bodo Medium खोन्दो-5 “जिउनि गुदि सानगुदि“. Prepared according to the latest SEBA/ASSEB syllabus. This chapter’s answers are written in simple to help students understand the lesson easily and prepare better for exams.
खोन्दो-5
गुन्द्रासानि दाथाइ
STRUCTURE OF THE ATOM
उफेरा सोंनाय-फिननाय/Additional Question-Answer
1 नम्बरनि थाखाय / For 1 Marks :
1. जिबख्रिखौ सोर दिहुनदोंमोन?
फिननाय: रबार्ट हुकआ 1665 मायथाइयाव ।
2. “Cell” सोदोबआ बबे रावनिफ्राय फैदों?
फिननाय: लेटिन रावनिफ्राय ।
3. गोगो दैआव उदाङै गेलेनाय जिबख्रिखौ सोर दिहुनदोंमोन?
फिननाय: लिवेनहुकआ 1674 मायथाइयाव ।
4. जिबख्रि मिरु (Nucleus) खौ सोर दिहुनदोंमोन?
फिननाय: रबार्ट ब्राउनआ 1831 मायथाइयाव ।
5. प्रट’प्लाजम सोदोबखौ सोर बाहायजेनदोंमोन?
फिननाय: पार्किनजिया 1839 मायथाइयाव ।
6. जिबख्रिआरि थिरांथा (Cell Theory) खौ सोर गायसनदोंमोन?
फिननाय: स्लेइडेन आरो स्ववानआ ।
7. “गासै जिबख्रिआनो सिगांनि जिबख्रिनिफ्राय सोमजियो” – बे बाथ्राखौ सोर बुंदोंमोन?
फिननाय: भारस’आ 1855 मायथाइयाव ।
8. इलेक्ट्रन माइक्र’स्क’पआ बेसेबा मायथाइयाव दिहुनजायो?
फिननाय: 1940 मायथाइयाव ।
9. से-जिबख्रिआरि जिबनि मोनसे बिदिन्थि हो।
फिननाय: एमिबा ।
10. बां-जिबख्रिआरि जिबनि मोनसे बिदिन्थि हो।
फिननाय: मैखुन ।
11. सोलायसुला महर गोनां मोनसे जिबख्रिनि मुं लिर।
फिननाय: एमिबा ।
12. मानसिनि सोलेराव थानाय गोलाउथार जिबख्रिआ मा?
फिननाय: बिसोम जिबख्रि ।
13. जिबख्रिनि महर आरो देरथाइया बेनि मा सायाव सोनारो?
फिननाय: बेयो मावफुंनाय जुनिया खामानिजों लोब्बा दं ।
12. जिबख्रिनि बयनिख्रुइबो सा-बाहागोनि खोबग्राखौ मा बुङो?
फिननाय: जिबख्रि बिदलाव (Plasma membrane) ।
13. जिबख्रि बिदलावआ मा मुवाजों दाजानाय?
फिननाय: लिपिड आरो प्रटिनजों ।
14. कार्बन डाइअक्साइड (CO2) आ मा बिखान्थिजों जिबख्रिनिफ्राय ओंखारो?
फिननाय: गोसारनाय (Diffusion) बिखान्थिजों ।
15. खम-सेरमायारि (Hypotonic) गलिलावआव दोनब्ला जिबख्रिनि महरा मा जायो?
फिननाय: जिबख्रिआ बुगायो (swells) ।
16. बांद्राय-सेरमायारि (Hypertonic) गलिलावआव दोनब्ला जिबख्रिनि महरा मा जायो?
फिननाय: जिबख्रिआ सेमलाङो (shrinks) ।
17. इसिंजिबख्रियारि जानाय (Endocytosis) राहाजों आदार बुथुमग्रा जिबआ मा?
फिननाय: एमिबा ।
18. जिबख्रि इनजुरआ मा मोननै जिबआव थायो?
फिननाय: लाइफां आरो बेक्टेरिया (एबा मैखुन) ।
19. लाइफांनि जिबख्रि इनजुरआ मा मुवाजों दाजानाय?
फिननाय: सेलुलज (Cellulose) ।
20. जिबख्रि मिरुनि क्रम’जमहा मा महरनि?
फिननाय: दान्दा बादि गोलाउ महरनि ।
21. DNA नि आबुं मुङा मा?
फिननाय: Deoxyribo Nucleic Acid ।
22. DNA नि मावफुंग्रा खोन्दोखौ मा बुङो?
फिननाय: जिन (Genes) ।
23. क्रम’जमा मा मा मुवाजों दाजानाय?
फिननाय: DNA आरो प्रटिन ।
24. खुन्दुं बादि जेथो गोनां मुवा हिसाबै थानाय DNA नि बाहागोखौ मा बुङो?
फिननाय: क्रमेटिन (Chromatin) ।
25. रोखा नङि मिरुआरि जिबख्रिनि मिरु ओनसोलखौ मा बुङो?
फिननाय: निउक्लियड (Nucleoid) ।
26. ‘Prokaryote’ सोदोबनि ‘Pro’ आरो ‘Karyote’ नि अर्थआ मा?
फिननाय: Pro नि अर्थआ – सिगां समनि (Primary) आरो ‘Karyote’ नि अर्थआ- जिबखि मिरु (Nucleus)।
27. जिबख्रि बिदलावनि सिङाव थानाय बिलाव बेसादखौ मा बुङो?
फिननाय: जिबख्रि रन्दै (Cytoplasm) ।
28. RER नि आबुं मुङा मा?
फिननाय: Rough Endoplasmic Reticulum (खुथ्रा इसिंरन्दै रेटिकुलाम) ।
29. प्रटिन सोमजिग्रा दाबसे जायगाया मा?
फिननाय: राइब’जम ।
30. SER आ मा सोमजिहोनायाव हेफाजाब खालामो?
फिननाय: मेजेम मुवा एबा लिपिड ।
31. गलगि गौथुमखौ सोर बेखेवदोंमोन?
फिननाय: केमिल’ गलगि ।
32. गलगि गौथुमनि लिगै थाथुमनाय बिदलावखौ मा बुङो?
फिननाय: दोनथुमग्रा (Cisterns) ।
33. गावखौ सिथारग्रा जलंगा (Suicide Bag) माखौ बुंनाय जायो?
फिननाय: लाइस’जमखौ ।
34. लाइस’जमनि एनजाइमफोरा बबेयाव सोमजियो?
फिननाय: खुथ्रा इसिंरन्दै रेटिकुलाम (RER) आव ।
35. जिबख्रिनि गोहोनि बाख्रि (Powerhouse) आ जादों?
फिननाय: माइट’कन्द्रिया ।
36. ATP नि आबुं मुङा मा?
फिननाय: Adenosine Triphosphate ।
37. जिबख्रिनि गोहो दैथाइग्रा बिजोंआ मा?
फिननाय: ATP ।
38. माइट’कन्द्रियानि बायजोआरि बिदलावआ माबादि?
फिननाय: गोबां गुदुं (pores) गोनां ।
39. प्लाष्टिडआ बबे जिबख्रिआवल’ थायो?
फिननाय: लाइफां जिबख्रि ।
40. गाब गोनां प्लाष्टिडखौ मा बुङो?
फिननाय: क्रम’प्लाष्ट ।
41. सोमखोर गाब सेरेब गोनां प्लाष्टिडआ मा?
फिननाय: क्ल’र’प्लाष्ट ।
42. क्ल’र’प्लाष्टनि इसिंआरि थोरफोखौ मा बुङो?
फिननाय: स्ट्रमा (Stroma) ।
43. प्रटिन दाना आरो थाव दोनथुमग्रा प्लाष्टिडआ मा?
फिननाय: लिक’प्लाष्ट ।
44. भेकुवलआ मा मुवा दोनथुमग्रा जलंगा?
फिननाय: लावलाव एबा गथा मुवा ।
45. लाइफां जिबख्रिनि मिरुआरि भेकुवलआ बेसेबा जायगा आवग्रियो?
फिननाय: 50% निफ्राय 90% ।
46. एमिबानि आदार भेकुवलआ मा खामानि मावो?
फिननाय: आदार मुवाफोरखौ ज’मा खालामना दोनो ।
47. जिबख्रिनो गोरा जानो खाबु होग्रा आंगोआ मा?
फिननाय: भेकुवल (Vacuoles) ।
48. केमिल’ गलगिआ बेसेबा मायथाइयाव नबेल बान्था मोनदोंमोन?
फिननाय: 1906 मायथाइयाव ।
49. जिबख्रिनि मावफुंग्रा गुदि सानगुदिआ मा?
फिननाय: जिबख्रि (Cell) ।
2 एबा 3 नम्बरनि थाखाय / For 2 or 3 Marks :
1. रबार्ट हुकआ जिबख्रिखौ माबोरै दिहुनदोंमोन?
फिननाय: 1665 मायथाइयाव रबार्ट हुकआ थुख्रासे कर्क (cork) नि बागै आनजाद खालामना नायदोंमोन। बिथाङा गावनो बानायनाय माइक्र’स्क’पजों बेरे बाहानि दाथाइ बादि फिसा फिसा ख’था थानाय नुनो मोनदोंमोन आरो बेखौनो “जिबख्रि” मुं होदोंमोन।
2. जिबख्रिआरि थिरांथा (Cell Theory) खौ बेखेव।
फिननाय: सानै जिब बिगियानगिरि स्लेइडेन आरो स्ववानआ बे थिरांथाखौ गायसनदोंमोन। बे थिरांथा बादिब्ला, गासैबो लाइफां आरो जिबआरिफोरा जिबख्रिजों दाजानाय आरो जिबख्रिआनो जिउनि गुदि सानगुदि। भारस’आ बे आयदाखौ आरोबाव गुवारसिन खालामो दि गासै जिबख्रिआनो सिगांनि जिबख्रिनिफ्राय सोमजियो।
3. से-जिबख्रिआरि आरो बां-जिबख्रिआरि जिबनि फारागखौ लिर।
फिननाय: से-जिबख्रिआरि जिबफोराव मोनसेल’ जिबख्रिआनो आबुं जिउगोनां जिब सोमजियो (बिदिन्थि: एमिबा, बेक्टेरिया)। फारसेथिं, बां-जिबख्रिआरि जिबफोराव गोबां जिबख्रिआ लोगो जानानै बायदि हाबा मावो आरो सोलेर सोमजिहोयो (बिदिन्थि: लाइफां, जिउआरि) ।
4. जिबख्रिनि महर आरो देरथाइया मानो जुदा जुदा जायो?
फिननाय: जिबख्रिफोरनि महर आरो देरथाइया बिसोर मावफुंनाय जुनिया खामानिजों मोजां सोमोन्दो दङ। बिदिन्थि हिसाबै, एमिबा बादि माखासे जिबख्रिहा सोलायसुला महर थायो, नाथाय बिसोम जिबख्रि (nerve cell) बादि माखासे जिबख्रिनि महरआ दिदोमथार जायो।
5. सायख’जानाय सौसिहाग्रा बिदलाव (Selectively permeable membrane) माखौ बुङो?
फिननाय: जिबख्रि बिदलावखौ सायख’जानाय सौसिहाग्रा बिदलाव बुंनाय जायो मानोना बेयो जिबख्रिनि सिङाव एबा बायजोआव माखासे सायख’जानाय मुवाफोरखौल’ हाबलाय-ओंखारलाय खालामनो राहा होयो। बेयो गुबुन माखासे मुवाफोरनि खारथाइखौ सामलायो एबा हेंथा होयो।
6. गोसारनाय बिखान्थि (Diffusion) आ जिबख्रिआव माबोरै हाबा मावो?
फिन्नाय: कार्बन डाइअक्साइड एबा अक्सिजेन बादि मुवाफोरा गोसारनाय बिखान्थि जोहै जिबख्रि बिदलावनि सायाव थांनो हायो। मुवाफोरा जेब्लाबो रोजाथार ओनसोलनिफ्राय गोबाथार ओनसोलसिम सोलिबाय थायो।
7. सेरमायनाय (Osmosis) माखौ बुङो?
फिन्नाय: सायख’जानाय सौसिहाग्रा बिदलाबनि गेजेरजों दैनि गुन्द्रामानि खारथाइखौनो सेरमायनाय बुंनाय जायो। बेयो बांद्राय दै ओनसोलनिफ्राय खम दै ओनसोलसिम सोलिनाय मोनसे जुनिया बिखान्थि।
8. जिबख्रि इनजुर (Cell Wall) नि खामानिया मा?
फिन्नाय: जिबख्रि इनजुरआ लाइफां जिबख्रिनो दाथाइआरि गोहो जगायो जाहाथे बिसोरो दैव्रां थासारिआव गावस्रायाजासे थांना थानो हायो। बेयो जिबख्रि बिदलाब फारसे नारथाइ होयो जाहाथे जिबख्रिआ बायजोआरि सोलायसुला थासारिजों मोगामोगि जानो हायो।
9. प्रट’प्लाजमनि थन्द्रनाय (Plasmolysis) माखौ बुङो?
फिन्नाय: जेब्ला जिउआरि लाइफां जिबख्रिआ सेरमायनाय जोहै दैनि ज’खाखौ हगारहरो, अब्ला जिबख्रि इनजुरनिफ्राय जिबख्रिआरि थादेरसाफोरनि दाथाइया सेमलांना गोजानाव थाङो। बे जाथाइखौनो प्रट’प्लाजमनि थन्द्रनाय बुङो।
10. जिबख्रि मिरु (Nucleus) खौ मानो “दैदेनगिरि” बुंनाय जायो?
फिन्नाय: जिबख्रि मिरुआ जिबख्रिनि रासायनारि खामानिफोरखौ सामलायो आरो दैदेननायनि गोनां जानाय गोहोआ बेयावनो थायो। बेयो जिबख्रिआरि फोलेर बांहोनाय आरो जिबख्रि गावस्राहोनानै गोदान जिबख्रि सोमजिहोनायाव मख’जाथाव बिफाव लायो ।
11. DNA आरो क्रम’जमनि सोमोन्दोआ मा?
फिन्नाय: क्रम’जमआ DNA आरो प्रटिनजों दाजानाय। DNA गुन्द्रामाया बिमा-बिफानिफ्राय इयुन जोलैसिम फोलेरारि आखुथाइखौ दैथायहरो। DNA नि मावफुंग्रा खोन्दोखौनो ‘जिन’ (genes) बुंनाय जायो।
12. गलगि गौथुम (Golgi Apparatus) नि गाहाइ खामानिया मा?
फिन्नाय: बेनि गाहाइ खामानिआ जाबाय मुवाफोरखौ दोनथुमनाय, सोदांनाय आरो थोरायना लाखिनाय। बेयो मुवाफोरखौ जिबख्रिनि बायजो आरो इसिंफारसे दैथायहरनायाव हेफाजाब खालामो।
13. लाइस’जम (Lysosome) आ जिबख्रिखौ माबोरै साफा लाखियो?
फिन्नाय: थैनानै थांनाय जिबख्रि आंगो सेरेब एबा बायजोनिफ्राय फैनाय बेक्टेरिया आरो आदार मुवाफोरखौ लाइस’जमआ दोगोन खालामना जोबस्रांहोयो। बेनि सिङाव गोहोगोरा दोगोनारि एनजाइम थायो।
14. लाइस’जमखौ मानो “गावखौ सिथारग्रा जलंगा” (Suicide bag) बुङो?
फिन्नाय: जेब्ला जिबख्रिआ थैलांनो हमो एबा जोबस्राङो, अब्ला लाइस’जमआ गावस्रायो आरो बेवहाय थानाय एनजाइमआ गावनि जिबख्रिखौनो दोगोन खालामना फोजोबस्राङो।
15. ATP खौ मानो “गोहो दैथाइग्रा बिजों” (Energy currency) बुङो?
फिन्नाय: जिउ खुंनाय बेलायाव गोनां जानाय रासायनारि हाबाफारिनि थाखाय नांगौ गोहोफोरा ATP गुन्द्रामा महरै ओंखारबोयो। जिबख्रिआ गोदान मुवा सोमजिहोनाय आरो महरारि दाफुंनाय हाबानि थाखाय बे ATP आव थानाय गोहोखौ बाहायो।
16. माइट’कन्द्रियाया मानो सोमोनांथाव आंगो सेरेब?
फिन्नाय: माइट’कन्द्रियाफोरा सोमोनांथाव मानोना बिसोरहा गावनि DNA आरो राइब’जम थायो। बे हिसाबै माइट’कन्द्रियाया गावनि नांगौ जानाय प्रटिन मुवाखौ गावनो बानायना लानो हायो।
17. क्रम’प्लाष्ट आरो लिक’प्लाष्टनि फारागखौ लिर।
फिन्नाय: क्रम’प्लाष्टआ गाबगोनां प्लाष्टिड (बिदिन्थि: सोमखोर गाबनि क्ल’र’प्लाष्ट) जाय सोरां बिजिरख’दानाय हाबा मावो। फारसेथिं, लिक’प्लाष्टआ गुफुर एबा गावगैयि प्लाष्टिड जाय फुरजामुवा, थाव आरो प्रटिन दोनथुमो।
18. लाइफां जिबख्रिआव भेकुवल (Vacuoles) नि बिफावआ मा?
फिन्नाय: लाइफां जिबख्रिनि भेकुवलफोरा गेदेरथार जायो आरो बेयो जिबख्रिनो देरखांनायजों लोगोसे गोरा जानो खाबु होयो। बेयाव एमिन’ एसिद, शर्करा आरो प्रटिन मुवाफोरा थाथुमनानै थायो।
19. क्ल’र’प्लाष्ट (Chloroplast) आ लाइफांनि थाखाय मानो गोनांथार?
फिन्नाय: क्ल’र’प्लाष्टआ सोमखोर गाब सेरेब (chlorophyll) गोनां। बेयो लाइफां मुलुगआव सोरां बिजिरख’दानाय (photosynthesis) बिखान्थि जोहै आदार सोरजिनायाव जोबोर गोनांथार।
20. जिबख्रिखौ मानो जिउनि “दाथाइआरि आरो मावफुंग्रा” सानगुदि बुङो?
फिन्नाय: गासैबो जिउआरिफोरा जिबख्रिजोंनो दाजानाय आरो मोनफ्रोमबो जिबख्रिहा गावनि दाथाइ आरो हाबा (हांलानाय, सुफुंसार मुवा जगायनाय) मावफुंनो हानाय गोहो दं। बेनिखायनो बेखौ जिउनि मावफुंग्रा गुदि सानगुदि बुङो।
21. केमिल’ गलगिनि “Black Reaction” (गोसोम फिनजाथाइ) आदबआ मा?
फिन्नाय: केमिल’ गलगिया जिबख्रि आरो बिसोमनि दाथाइखौ नायगिरनायाव बे आदबखौ बाहायदोंमोन। बे आदबआव खम बिबांनि सिलभार नाइट्रेट बाहायनाय जायो जाय जिबख्रिनि बिखान्थि सामलायनायाव गोनांथार।
5 एबा 6 नम्बरनि थाखाय / For 5 or 6 Marks :
1. लाइफां जिबख्रि आरो जिउआरि जिबख्रिनि गेजेराव थानाय फारागफोरखौ लिर।
फिन्नाय: लाइफां आरो जिउआरि जिबख्रिनि गेजेराव गाहायनि फारागफोरखौ नुनो मोनो:
2. जिबख्रि बिदलाबनि दाथाइ आरो बेनि मावफुंनाय हाबाफोरखौ गुवारै सावराय।
फिन्नाय: जिबख्रि बिदलाबआ जिबख्रिनि बयनिख्रुइबो सा-बाहागोथाराव थानाय मोनसे खोबग्रा एबा बिदलाब जाय जिबख्रिनि थादेरसाफोरखौ बायजोनि बारहावानिफ्राय आलादा खालामना दोनो । बे बिदलाबआ लिपिड आरो प्रटिन गुन्द्रामानि जोहै दाजानाय आरो बेयो जोबोर लाउलाबायग्रा (flexible) ।
बेनि मावफुंनाय हाबाया जाबाय जिबख्रिनि सिङाव एबा बायजोआव माखासे मुवाफोर हाबलाय-ओंखारलाय खालामनो राहा होनाय, बेनिखायनो बेखौ सायख’जानाय सौसिहाग्रा बिदलाब बुंनाय जायो । कार्बन डाइअक्साइड आरो अक्सिजेन बादि मुवाफोरा गोसारनाय बिखान्थिनि जोहै बेनि सायाव थांनो हायो, अब्ला दैनि खारथाइया सेरमायनाय (osmosis) बिखान्थिनि जोहै जाफुङो । बेनि अनगायैबो, बिदलावनि लाउलाबायग्रा आखुथाइया एमिबा बादि जिबख्रिखौ बायजोनिफ्राय आदार एबा गुबुन मुवाफोर मैहुर खालामनायाव मदद खालामो, जायखौ इसिंजिबख्रियारि जानाय (endocytosis) बुंनाय जायो ।
3. जिबख्रि मिरु (Nucleus) नि दाथाइ आरो बिफावखौ बेखेव।
फिन्नाय: जिबख्रि मिरु (Nucleus) आ जिबख्रिनि बयनिख्रुइबो मख’जाथाव बाहागो, जायखौ जिबख्रिनि ‘दैदेनगिरि’ एबा ‘सामलायगिरि’ होनना बुंनाय जायो। बेनि दाथाइयाव ज’रासे थोरफो थानाय मिरु बिदलाव (nuclear membrane) थायो, जायनि गेजेराव थानाय गुदुंफोरजों मिरु आरो जिबख्रि रन्दैनि गेजेराव मुवाफोरनि हाबलाय-ओंखारलाय जायो। मिरुनि इसिंआव क्रमेटिन (chromatin) मुंनि खुन्दुं बादि दाथाइ थायो, जाय जिबख्रि गावस्रानाय समाव दान्दा बादि महर लायो आरो बेखौनो क्रम’जम बुंनाय जायो। क्रम’जमहा DNA आरो प्रटिनजों दाजानाय, जेराव DNA आ बिमा-बिफानिफ्राय फोलेरारि आखुथाइफोरखौ दैथायहरनायनि बिबान लायो।
जिबख्रि मिरुनि गाहाइ बिफावआ जाबाय जिबख्रिनि गासैबो रासायनारि हाबाफारिफोरखौ सामलायनाय आरो जिबख्रिआरि फोलेर बांहोनाय एबा गावस्राहोनानै गोदान जिबख्रि सोमजिहोनायाव दैदेननाय।
4. माइट’कन्द्रिया (Mitochondria) खौ मानो ‘गोहोनि बाख्रि’ बुंनाय जायो? बेनि दाथाइखौ सावराय।
फिन्नाय: माइट’कन्द्रिया (Mitochondria) खौ जिबख्रिनि ‘गोहोनि बाख्रि’ (Powerhouse of the cell) होनना मिथिनाय जायो मानोना जिउ खुंनाय बेलायाव गोनां जानाय बायदिमैया रासायनारि हाबाफारिनि थाखाय नांगौ गोहोफोरा माइट’कन्द्रियानि गेजेरजोंनो ATP (Adenosine Triphosphate) गुन्द्रामा महरै ओंखारबोयो । जिबख्रि मोदोमआ ATP आव थाथुमनाय बे गोहोखौ गोदान रासायनारि खौसे मुवा सोमजिहोनाय आरो महरारि दाफुंनाय हाबानि थाखाय बाहायो ।
दाथाइआरि फारसे नोजोर खालामोब्ला, माइट’कन्द्रियाया मोननै खोबग्रा बिदलावजों दाजानाय । बेनि बायजोथिं थानाय बिदलावआ गोबां गुदुं (pores) गोनां आरो इसिंथिं थानाय बिदलाबआ इनायनो फानफ्रेना थायो, जाहाथे ATP सोमजिहोग्रा रासायनारि फिनजाथाइनि थाखाय मोनसे गुवार बिखं थानाय दब्लाइ सोमजिहोनो हायो । मख’जाथावदि, माइट’कन्द्रियायाव गावनि DNA आरो राइब’जम थायो, जायनि थाखाय बेयो गावनि नांगौ जानाय प्रटिन मुवाखौ गावनो बानायना लानो हानाय गोहो दं ।
5. प्लाष्टिड (Plastids) नि रोखोमफोर आरो बेफोरनि खामानिखौ गुवारै लिर।
फिन्नाय: प्लाष्टिड (Plastids) फोरा सरासनस्रायै लाइफां जिबख्रिआवल’ थायो आरो बेसोर बायजोआरि दाथाइयाव माइट’कन्द्रियाजों एखेथार होनजायो । प्लाष्टिडफोरा सरासनस्रायै मोननै रोखोमनि जायो, जेरै— क्रम’प्लाष्ट (गाबगोनां प्लाष्टिड) आरो लिक’प्लाष्ट (गुफुर एबा गावगैयि प्लाष्टिड) ।
सोमखोर गाब सेरेब गोनां प्लाष्टिडखौ क्ल’र’प्लाष्ट बुंनाय जायो, जाय लाइफां मुलुगआव सोरां बिजिरख’दानाय (photosynthesis) जाथाइनि थाखाय जोबोद गोनांथार । क्ल’र’प्लाष्टआव सोमखोर सेरेबनि अनगायैबो गोमो एबा क’मला गाबनि सेरेबफोराबो थानो हाबावो ।
फारसेथिं, लिक’प्लाष्टआ जाबाय गुदि आंगो सेरेब बादि जेराव फुरजामुवा, थाव, आरो प्रटिन दाना (granules) आरि गुदिफोरखौ दोनथुमनाय जायो । प्लाष्टिडनि इसिंआरि दाथाइयाव मुवाजों सिथाबना थानाय गोबां बिदलाबनि थोरफो थायो जायखौ स्ट्रमा (stroma) बुङो । माइट’कन्द्रियानि बेलायाव थानाय बादिनो, प्लाष्टिडहाबो गावनि DNA आरो राइब’जम थायो, जायनि जोहै बेयो गावनि नांगौ जानाय प्रटिनफोरखौ बानायना लानो हायो
6. गलगि गौथुम (Golgi Apparatus) आरो लाइस’जम (Lysosome) नि सोमोन्दो आरो हाबाफोरखौ सावराय।
फिन्नाय: गलगि गौथुम आरो लाइस’जमनि गेजेराव मोनसे जोबोद गोनां सोमोन्दो दङ, मानोना लाइस’जम सोमजिनाय बेलायाव गलगि गौथुमआ मख’जाथाव बाहागो लायो । गलगि गौथुमआ इसिंरन्दै रेटिकुलामनि खाथिआव सोमजिनाय मुवाफोरखौ जलंगायाव (vesicles) दोनथुमनाय, सोदांनाय आरो थोरायनाय हाबा मावो । बेयो मुवाफोरखौ दोनथुमनानै जिबख्रिनि बायजो आरो इसिंफारसे दैथायहरो ।
लाइस’जमा जाबाय जिबख्रिनि साफा लाखिग्रा बिखान्थि, जाय थैनानै थांनाय जिबख्रि आंगो सेरेब एबा बायजोनिफ्राय फैनाय बेक्टेरियाफोरखौ दोगोन खालामना जोबस्रांहोयो । लाइस’जमनि सिङाव थानाय गोहोगोरा दोगोनारि एनजाइमफोरा खुथ्रा इसिंरन्दै रेटिकुलाम (RER) आव सोमजियो आरो गलगि गौथुमनि गेजेरजों बेफोरखौ थोरायनाय जायो । जेब्ला जिबख्रिआ जोबस्राङो एबा थैलांनो हमो, अब्ला लाइस’जमआ गावस्रायो आरो बेवहाय थानाय एनजाइमआ गावनि जिबख्रिखौनो दोगोन खालामना फोजोबस्राङो, बेनिखायनो बेखौ ‘गावखौ सिथारग्रा जलंगा’ (suicide bag) बुंनाय जायो ।
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 9 Other Subjects: थाखो 9 नि गुबुन आयदाफोर
Science :
FAQs:
1. Where can I get the question answers of ASSEB/SEBA Class 9 Science Chapter 5 Additional Question Answer Bodo Medium “जिउनि गुदि सानगुदि” ?
You can get the complete question answers, explanation, and notes of Class 9 Science Chapter 5 Additional Question Answer Bodo Medium “जिउनि गुदि सानगुदि” on Bodoland Library.
2. Is this Class 9 Science Chapter 5 “जिउनि गुदि सानगुदि” solution useful for exam preparation?
Yes, these question answers and notes are helpful for students to prepare for school exams and understand the chapter easily.
3. Is this question answer based on the latest SEBA/ASSEB syllabus?
Yes, the questions and answers are prepared according to the latest SEBA/ASSEB Class 9 syllabus.
