Class 9 Science Chapter 4 Bodo Medium Question Answer "गुन्द्रासानि दाथाइ"
Here you can find SEBA/ASSEB Class 9 Science Chapter 4 Bodo Medium खोन्दो-4 “गुन्द्रासानि दाथाइ“. Prepared according to the latest SEBA/ASSEB syllabus. This chapter’s answers are written in simple to help students understand the lesson easily and prepare better for exams.
खोन्दो-4
गुन्द्रासानि दाथाइ
STRUCTURE OF THE ATOM
सोंनाय-1 Page: 47
1. केनेल रोदाफोरा (Canal rays) मा?
फिननाय: केनेल रोदाफोरा जाबाय दाजाबथाइ (positive) चार्ज गोनां गोसारनाय रोदाफोर जायखौ 1886 मायथाइयाव इ. गल्डस्टेइन (E. Goldstein) बिथाङा मोनसे गेस एंगारनाय आनजादआव संखांनानै होदोंमोन । बेफोर रोदाफोरानो थाङै थुङै गुबुन मोनसे दाजाबसा गुन्द्रासायारि सेरेब प्रटन (Proton) खौ संखांनायाव दैदेन लांदोंमोन ।
2. जुदि मोनसे गुन्दासायाव से इलेक्ट्रन आरो से प्रटन थायो अब्ला बेयो जायखिजाया चार्ज लानो हागोन ना हाया?
फिननाय: जुदि मोनसे गुन्द्रासायाव मोनसे इलेक्ट्रन आरो मोनसे प्रटन थायो, अब्ला बेयो मोनबो चार्ज लानो हाया (बेयो दद्र’ एबा neutral जागोन) ।
सोंनाय-2 Page: 49
1. धमसननि मोनसे गुन्द्रासानि दिन्थिथिनि (Model) सायाव बिथा खालामनानै माबोरै गुन्द्रासानि गासै बाहागोआ दद्र’ बेखेव।
फिननाय: थमसननि गुन्द्रासा दिन्थिथिनि बादिब्ला, मोनसे गुन्द्रासाया दाजाबथा (positive) चार्ज गोनां मोनसे दुलुर । बे दिन्थिथियाव बुंनाय जादोंमोन दि: दानख’था (negative) चार्ज गोनां इलेक्ट्रनफोरा बे दुलुरनि सिङाव मोजाङै सिथाबनानै थायो । दानख’था आरो दाजाबथा चार्जफोरनि अन्जिमायारि मानआ समान । बेनिखायनो, गुन्द्रासानि गासै बाहागोआ मोब्लिबआरि बिथिङै दद्र’ एबा neutral जायो ।
2. राडारफ’र्डनि मोनसे गुन्द्रासानि दिन्थिथिनि सायाव बिथा खालामनानै बबे उफेरा गुन्दरासायारि सेरेबआ गुन्द्रासा मोनसेनि गुन्द्रासा मिरुआव थायो?
फिननाय: राडारफ’र्डनि गुन्द्रासा दिन्थिथिनि सायाव बिथा खालामनानै मिथिनो मोननाय जायो दि: गुन्द्रासा मोनसेनि गेजेराव दाजाबथा चार्ज गोनां मोनसे मिरु थायो, जायखौ गुन्द्रासा मिरु (Nucleus) होनना बुंनाय जायो । बे गुन्द्रासा मिरुआवनो गुन्द्रासानि प्रटन (Proton) सेरेबफोरा थायो ।
3. ब’रनि मोनसे गुन्द्रासानि दिन्थिथिखौ सोनथाम खोलोबफोरजों मोनसे हांखो बोसावगारि (sketech) आखि।
फिननाय:
4. जदि α-सेरेब जानगारहोनाय आनजादखौ स’ना बिलाइनि अनगायै गुबुन धातुनि गोबा बिलाइखौ लानानै खालामनाय जायोमोनब्ला मा नायबिजिरनाय मोननो हागौमोन होननानै नों सानो ?
फिननाय: जुदि α सेरेब जानगारहोनाय आनजादखौ स’ना बिलाइनि अनगायै गुबुन धातुनि गोबा बिलाइ (जेरै एलुमिनियाम एबा मेगनेसियाम) बाहायोब्ला, गाहायाव होनाय फिथाइफोरखौ नुनो मोननायनि सान्स थागोन:
1. α सेरेबफोरनि जानगारनाया गुबुन जागोन मानोना गुबुन धातुनि गुन्द्रासा मिरुआव थानाय प्रटननि अन्जिमाया स’नानि प्रटननि अन्जिमानिफ्राय जुदा ।
2. जुदि धातुनि गुन्द्रासाया स’नानि गुन्द्रासानिख्रुइ रेजें (light) जायो, अब्ला α -सेरेबफोरा एसेल’ जानगारनानै बांसिनै बारलांनो हागौ।
3. α सेरेबफोरा प्रटननिख्रुइ गिलिरसिन, बेनिखायनो मिरुनि दाजाबथा चार्जआ एसे खम जायोब्ला जानगारनायनि ख’नाया एसे उन्दै जानो हागौ ।
अदेबानि, गुन्द्रासानि सिङाव लांदां जायगा थानाय आरो मिरु थानायनि गाहाय आखुथाइया रोखोमसेयै नुनो मोनजागोन ।
2. जायखिजाया जरासे समानथावनियारि आरो जरासे समानथामोदोमफोरनि इलेक्ट्रननि रानसारनाय (Electronic configuration) लिर।
फिननाय:
(i) जरासे समानथावनियारि (Isotopes) : जरासे समानथावनियारि (Isotopes)आ कार्बन-12 आरो कार्बन-14 । समानथावनियारिफोरा जाबाय रोखोमसे गुदिमुवानि समान गुन्द्रासायारि अन्जिमा (Atomic Number) थानाय नाथाय गुबुन गुबुन मोदोमबां अन्जिमा (Mass Number) थानाय गुन्द्रासा । बेनिखायनो बेसोरनि इलेक्ट्रन रानसारनाया (Electronic configuration) रोखोमसेयै थायो ।
सोंनाय बिदां
1. इलेक्ट्रन, प्रटन आरो निउट्रनफोरनि धोरोमफोरखौ रुजु।
फिननाय:
2. जे. जे. थमसननि गुन्द्रासा दिन्थिथिनि बुंथिनाय सिमाफोरा (Limitations) मा मा ?
फिननाय: थमसननि दिन्थिथिया गुन्द्रासानि दद्र’ (neutral) आखुखौ बेखेवनो हादोंमोनब्लाबो, बेनि माखासे सिमाफोर दंमोन:
(i) थमसननि दिन्थिथिया गुबुन बिगियानगिरिफोर (जेरै राडारफ’र्ड) बानायनाय आनजादफोरनि फिथाइखौ बेखेवनानै होनो हायाखैमोन ।
(ii) बे दिन्थिथिया गुन्द्रासा मिरु (nucleus) नि सोमोन्दै जेबो बुंथिनाय होआखैमोन; बेयो इलेक्ट्रनफोरखौ दाजाबथा चार्ज गोनां दुलुरनि सिडाव मोजाडै सिथाबनानै थानाय होननासो बुंदोंमोन ।
(iii) राडारफ’र्डनि α-सेरेब जानगारहोनाय आनजादआव माखासे सेरेबफोरा मानो गोजौ ख’नायाव जानगारदोंमोन, बेखौ थमसननि दिन्थिथिया बुजिनो हायाखैमोन ।
3. राडारफ ‘र्डनि गुन्द्रासा दिन्थिथिनि बुंथिनाय सिमाफोरा मा मा?
फिननाय: राडारफ ‘र्डनि गुन्द्रासा दिन्थिथिनि गाहाय बुंथिनाय सिमाफोरा गाहायाव होनाय बादि:
(i) मोनसे बेंखन महरनि खारदिं लामायाव इलेक्ट्रननि गिर्दिबाय थानाया दिदोम जागोन होनना आसा खालामनो हाया।
(ii) मोब्लिबआरि विगियाननि नेम बादिब्ला, मोनसे बेंखन महरनि खारदिं लामायाव खारनाय जायखिजाया चार्ज गोनां सेरेबआ (इलेक्ट्रन) गोख्रैनाय (accelerate) जालाङो। बेबादि गोख्रैनाय जानाय समाव इलेक्ट्रनआ शक्ति एंगारबाय थागोन।
(iii) शक्तिया एंगारबाय थानायनि जाहोनाव गिदिंबाय थानाय इलेक्ट्रनफोरनि शक्तिया लासै-लासै जोबनो हागौ। जोबथानायाव बेयो लामा सोलायनानै गुन्द्रासा मिरुआवनो (Nucleus) गोग्लैनांगौ।
(iv) जुदि बेबादि इलेक्ट्रनआ मिरुवाव गोग्लैथारोमोन, अब्ला गुन्द्रासाया जोबोद दिदोम नङि (unstable) जागौमोन आरो मुवाफोरा जों नुनो मोननाय महराव थानो हानाय नङामोन। नाथाय जों मिथिगौ दि गुन्द्रासाफोरा जोबोरैनो दिदोम (stable) । बे गाहाय गोरोन्थिखौ राडारफ ‘र्डनि दिन्थिथिया बेखेवनो हायाखैमोन।
4. बे खोन्दोआव होनाय मोनसे गुन्द्रासानि गासैबो बुंथिनाय दिन्थिथिफोरखौ रुजु।
फिननाय: बे खोन्दोआव होनाय मोनसे गुन्द्रासानि गासैबो बुंथिनाय दिन्थिथिफोरनि (Thomson, Rutherford, आरो Bohr नि Atomic Models) गाहाय रुजुथाइखौ गाहायाव होनाय जाबाय:
आखुथाइ |
थमसननि दिन्थिथि (Thomson's Model) |
राडारफ’र्डनि दिन्थिथि (Rutherford's Model) |
ब’रनि दिन्थिथि (Bohr's Model) |
|---|---|---|---|
गाहाय साननाय |
गुन्द्रासाया दाजाबथा चार्ज गोनां मोनसे दुलुर । |
गुन्द्रासानि गेजेराव मोनसे जोबोद उन्दै, दाजाबथा चार्ज गोनां मिरु थायो । | इलेक्ट्रनफोरा गुन्द्रासा मिरुनि सोरगिदिं थिखानाय जर’खा खारदिं लामाफोरल’ गिदिङो । |
इलेक्ट्रननि थाथाइ |
इलेक्ट्रनफोरा दाजाबथा दुलुरनि सिङाव ख्रीष्टमास आंखामनि गोरान आंगुर एबा दैथाइबेंनि बेगर बादि सिथाबनानै थायो । |
इलेक्ट्रनफोरा मोजाङै फोरमायजानायबेंखन महरनि खारदिं लामाफोरनि गेजेरजों मिरुनि सोरगिदिं गिदिङो । | इलेक्ट्रनफोरा गावबागाव रोखा बेंखन महरनि खारदिं लामाफोराव थायो । |
शक्ति |
शक्तनि सोमोन्दै जेबो जर’खा बुंथिनाय होआकैल’ । |
बेंखन महराव गिदिंबाय थानाय इलेक्ट्रनफोरा शक्ति एंगारनो हागौ । |
खारदिं लामाफोराव इलेक्ट्रनफोरा गिर्दिबाय थानाय समाव शक्ति बेरस्राङा (डूङा) । बेफोरखौ शक्ति खोलोब बुङो । |
| दिदोम थाथाइ | गासै बाहागोआ मोब्लिबआरि बिथिङै दद्र’ (Neutral) । नाथाय दिदोम थाथाइखौ पुरा बुजायनो हायाखैमोन । |
इलेक्ट्रनआ शक्ति जोबना जोबथानायाव मिरुआव गोग्लैनांगौ जानाय गना दंमोन, बेनिखायनो दिदोम थाथाइखौ बेखेवनो हायाखैमोन । | इलेक्ट्रनआ शक्ति एंगाराब्ला मिरुआव गोग्लैया, बेनिखायनो गुन्द्रासाया जोबोरैनो दिदोम बेखौ मोजाङै बेखेवदोंमोन । |
5. ब’रनि गुन्द्रासानि दिन्थिथिखौ फोरमाय।
फिननाय: नीलस ब’रआ राडारफ ‘र्डनि गुन्द्रासानि दिन्थिथिनि हेंथायै नुजानाय गेना गोरोन्थिफोरखौ बोस्रांनायनि असिलायै मोनसे गुन्द्रासानि दिन्थिथि सोमोन्दै गाहायाव होनाय मानिबोथाइफोरखौ होदोंमोन:
(i) इलेक्ट्रनफोरनि गावबागाव रोखा बेंखन महरनि खारदिं लामाफोर होननानै मिथिजानाय थिखानाय जर ‘खा खारदिं लामाफोरखौल’ गुन्द्रासानि सिङाव दोननाय जायो।
(ii) गावबागाव रोखा बेंखन महरनि खारदिं लामाफोराव इलेक्ट्रनफोरा गिदिंबाय थानाय समाव शक्ति बेरस्राङा। बेफोर बेंखन महरनि खारदिं लामाफोर एबा खोलोबफोरखौ शक्ति खोलोब होननानै बुंनाय जायो।
(iii) बेफोर खारदिं लामा एबा खोलोबफोरखौ K, L, M, N… हांखोफोरजों एबा n = 1, 2, 3, 4… अन्जिमाफोरजों दिन्थिनाय जायो। जेराव n=1 आ गुन्द्रासा मिरुनि बयनिख्रुइ खाथिसिन खोलोब (K) ।
6. गिबि मोन जिदाइन (18) गुदिमुवाफोरनि थाखाय बायदि खोलोबफोराव इलेक्ट्रनफोरनि रानसारनायनि लिरनाय नेमखान्थिफोरखौ सुंद यै लिर।
फिननाय:
(i) मोनसे खोलोबआव बांसिनै थानो हानाय इलेक्ट्रनफोरनि अन्जिमाखौ 2n² फरमुलाजों होनाय जादों। बेयाव n आ जादों खारदिं लामानि अन्जिमा एबा शक्ति खोलोबनि दिन्थिसिन (1, 2, 3…)।
K खोलोब (n=1): बांसिनथार इलेक्ट्रन = 2 x 1² = 2
L खोलोब (n=2): बांसिनथार इलेक्ट्रन = 2 x 2² = 8
M खोलोब (n=3): बांसिनथार इलेक्ट्रन = 2 x 3² = 18
10. जुदि ब्र‘मिन गुन्द्रासाखौ मोननै समानथावनियारि 7935Br (49.7%) आरो 8135Br(50.3%) नि महराव एग्रे बाग्रे मोननाय जायो अब्ला ब्र’मिन गुन्द्रासानि गड़ गुन्द्रासायारि मोदोमबां दिहुन।
फिननाय: होनाय दं,
गिबि समानथावनियारि (7935Br) नि मोदोमबां = 79 u
बेनि जौखोन्दो हार = 49.7%
नैथि समानथावनियारि (8135Br) नि मोदोमबां = 81 u
बेनि जौखोन्दो हार = 50.3%
∴ ब्र’मिन गुन्द्रासानि गड़ गुन्द्रासायारि मोदोमबाङा जाबाय 80.006 u (एबा सरासनस्रायै बेखौ 80 u लिरनाय जायो)।
11. मोनसे गुदिमुवा X नि होखानाय नमुनानि (sample) गड़ गुन्द्रासायारि मोदोमबाङा 16.2ul होखानाय नमुनायाव 168X आरो 188X समानथावनियारिफोरनि जौखोन्दोफोरा मा मा?
फिननाय: होखानाय दं:
गुदिमुवा X नि गड़
गुन्द्रासायारि मोदोमबां = 16.2 u
गिबि समानथावनियारि (168 X) नि मोदोमबां = 16 u
नैथि समानथावनियारि (188 X) नि मोदोमबां = 18 u
हमबाय,
168 X नि जौखोन्दोआ = x%
188 X नि जौखोन्दोआ = (100 – x)%
12. जुदि Z = 3 जायो, अब्ला गुदिमुवानि अरजाबग्राथिया बेसेबां जागोन? लोगोसे गुदिमुवानि मुंखौबो लिर।
फिननाय:
गुदिमुवानि मुं: लिथियाम (Lithium – Li)
इलेक्ट्रन रानसारनाय: Z = 3 जानायनाव बेनि इलेक्ट्रन रानसारनाया जागोन 2, 1 (जेराव K= 2 आरो L= 1).
अरजाबग्राथि: बेनि बयनिख्रुइ बायजोसिन खोलोब (L) आव मोनसे (1) ल’ इलेक्ट्रन दं। बे दिदोम थाथाइ मोननो थाखाय बे मोनसे इलेक्ट्रनखौ गोरलैयै एंगारनो हायो। बेनिखायनो, बेनि अरजाबग्राथिया जागोन 1।
14.गाहायाव होनाय बाथ्राफोरनि थाखाय, थारनि थाखाय T आरो थारनडिनि थाखाय F लिर।
(a) जे. जे. थमसनआ फोरमायदोंमोन दि गोनसे गुन्द्रासानि गुन्दासा-मिरुआव निउक्लियनफोरल‘ दं।
फिननाय: F
(b) मोनसे निउट्रनआ मोनसे इलेक्ट्रन आरे मोनसे प्रटननि खौसेयै अरजाबलायनायजों सोमजियो, बेनिखायनो बेयो दद्र‘।
फिननाय: F
(c) इलेक्ट्रन मोनसेनि मोदोमबाङा मोनसे प्रटननि 1/2000 बाहागोफ्राम।
फिननाय: T
(d) आय डिननि मोनसे समानथावनियारिखौ टिंसार आय ‘डिन बानायनायनि थाखाय बाहायनाय जायो; जायखौ मोनसे मुलि हिसाबै बाहायनाय जायो।
फिननाय: F
सोंथि 15, 16, आरो 17 आव होनायफोरनि नंगौखौ (✔ ) आरो नडिखौ (X) सिन हो।
15. राडारफ ‘ईनि आलफा-सेरेब जानगारनाय आनजादआ संखांनायनि थाखाय गोहोम गोनां
(a) गुन्द्रासायारि मिरु ✔ (b) इलेक्ट्रन
(c) प्रटन (d) निउट्रन
फिननाय: (a) गुन्द्रासायारि मिरु
16. मोनसे गुदिमुवानि समानथावनियारिफोरहा थायो
(a) रोखोमसे महरारि धोरोसफोर
(b) गुबुन गुबुन रासायनारि धोरोमफोर ✔
(c) गुबुन गुबुन निउट्रनफोरनि अन्जिमा
(d) गुबुन गुबुन गुन्द्रासायारि अन्जिमाफोर
फिननाय: (b) गुबुन गुबुन रासायनारि धोरोमफोर
17. Cl-आयनआव थानाय अरजाबग्रा इलेक्ट्रनफोरनि अन्जिमाया
(a) 16 (b) 8✔ (c) 17 (d) 18
फिननाय: (b) 8
18. गाहायनि बबे मोनसेया सडियाम गुन्द्रासानि थार इलेक्ट्रनआरि रानसारनाय (Electronic Confeguration)
(a) 2, 8 (b) 8, 2, 1
(c) 2, 1, 8 (d) 2, 8, 1
फिननाय: (d) 2, 8, 1
19. गाहायनि फारिलाइखौ आबुं खालाम
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 9 Other Subjects: थाखो 9 नि गुबुन आयदाफोर
Science :
FAQs:
1. Where can I get the question answers of ASSEB/SEBA Class 9 Science Chapter 4 Bodo Medium “गुन्द्रासानि दाथाइ” ?
You can get the complete question answers, explanation, and notes of Class 9 Science Chapter 4 Bodo Medium “गुन्द्रासानि दाथाइ” ?” on Bodoland Library.
2. Is this Class 9 Science Chapter 4 “गुन्द्रासानि दाथाइ” solution useful for exam preparation?
Yes, these question answers and notes are helpful for students to prepare for school exams and understand the chapter easily.
3. Is this question answer based on the latest SEBA/ASSEB syllabus?
Yes, the questions and answers are prepared according to the latest SEBA/ASSEB Class 9 syllabus.