Additional Questions and Answers
उफेरा सोंनाय आरो फिननाय
Advent of the Europeans into India
भारत हादराव इउर'पारिफोरनि हाबफैनाय
Advent of the Europeans into India: Class 9 Social Science Part-I Chapter-1 Additional Question Answer || Bodo Medium
This page provides a comprehensive set of study notes for Class 9 Social Science, Chapter 1: “Advent of the Europeans into India.” These notes are specifically designed to help students to make learning easier and more effective for exam preparation. The content is organized into three distinct categories:
- 1-Mark Questions (90+): A massive collection of short questions covering every key detail—from the discovery of sea routes by Portuguese sailors to the various administrative acts passed by the British Parliament.
- 2-3 Mark Short-Answer Questions (15+): Focused explanations on critical historical topics such as the Dual Government system, the significance of the Battle of Plassey, and the early settlements of the East India Company.
- 5-6 Mark Long-Answer Questions (5+): Detailed, paragraph-style answers for major exam topics, including the causes and consequences of the 1857 Sepoy Mutiny, the Government of India Act 1858, and Lord Ripon’s local self-government reforms.
A student under the ASSEB/SEBA board exams, these notes provide a clear, step-by-step breakdown of how European powers established their influence in India.
Key Topics Covered:
- The discovery of the sea route by Vasco da Gama.
- The formation and expansion of the English East India Company.
- Administrative reforms under the Regulating Act and Pitt’s India Act.
- The transition of power from the Company to the British Crown.
- The history and Indianization of the Civil Services.
Note: These notes are curated based on the latest Class 9 Social Science syllabus. Bookmark this page for quick revision before your exams!
1 नम्बरनि सोंनाय – फिननाय (90+)
1 Marks Questions – Answers
1. गोदोनिफ्रायनो भारतजों सोमोन्दो थानाय दरनै इउर’पारि हादरफोरनि मुं लिर।
फिननाय: ग्रीच आरो र’म ।
2. ग्रीक आरो र’मानबादि इउर’पारि हारिफोरा बबे हा-लामानि गेजेरजों भारतजों फालांगिनि सोमोन्दो खालामदोंमोन ?
फिननाय: ल’हित, पारस्य आरो आफगानिस्ताननि गेजेरजों ।
3. मानि थाखाय भारतजों सोनाबारि हादरफोरनि थोंजों सोमोन्दो लाखिनायाव हेंथा सोमजिदोंमोन ?
फिननाय: खृः जिनै जौथाइयाव नुजाथिनाय दोहोरोम दावहाखौ मिरु खालामनानै कनष्टान्तिनपलआ तुर्की फाइखिनि आखायाव (1453 खृष्टाब्द) थांनायाव भारतजों सोनाबारि हादरफोरनि थोंजों सोमोन्दो लाखिनायाव हेंथा सोमजिदोंमोन ।
4. 1487 खृष्टाब्दआव सोर पर्टुगीज नाबिकआ आफ्रिका हादरमानि खोला फारसे थानाय उत्तमाशा लैथो रुगुङाव आगान हैनो हादोंमोन?
फिननाय: बार्थल’ मिउ डियाजआ ।
5. 1498 खृष्टाब्दआव खोला भारतनि कालिकट बन्दराव आगान होफैनाय पर्टुगीज नाबिकआ सोरमोन?
फिननाय: भास्क’-डा-गामा ।
6. पर्टुगीजआ भारतआव माब्ला हाबफैजेनदोंमोन?
फिननाय: 1498 खृष्टाब्दआव ।
7. दै-लामाजों भुम गिदिंखननो हानाय इंराज नाबिकनि मुङा मा?
फिननाय: फ्रान्सिस ड्रेक (1580 खृष्टाब्दआव) ।
8. सोर इंराज नाबिकआ भारतआव गिबियै दावबायफैदोंमोन?
फिननाय: रालफ फिटच (Ralph Fitch) (1582 खृष्टाब्दआव) ।
9. फालांगियारिनि थाखाय सोर इंराज नाबिकआ इंलेण्डनि रानी एलिजाबेथनिफ्राय गांसे आर’ज बिलाइ लानानै गिबि खेबनि थाखाय भारत हादराव हाबफैदोंमोन?
फिननाय: जेमस मिलडेन हल (James Milden Hall) (1599 खृष्टाब्दआव) ।
10. इंलिस इष्ट इण्डिया कम्पानि खौ बबेयाव आरो माब्ला गायसनदोंमोन?
फिननाय: लण्डनाव 1600 खृष्टाब्दआव गायसनदोंमोन ।
11. केप्टेइन उइलियाम हकिन्सआ माब्ला भारताव आगान होफैदोंमोन?
फिननाय: 1609 खृष्टाब्दनि एप्रिल दानाव आग्रायाव आगान होफैदोंमोन।
12. गोब्राब बेरामाव गोग्लैनाय सम्राट फारुखसियारखौ सोर इंराजआ फाहामदोंमोन?
फिननाय: डाः हेमिलटनआ (Hamilton) ।
13. भारतआव दिदोम बादा लानाय इष्ट इण्डिया कम्पानिनि गिबि आरो गाहाइ थांखिया मामोन?
फिननाय: बेफार-फालांगि खालामनायमोन।
14. भास्क’-डा-गामाया सोरमोन ?
फिननाय: पर्टुगालनि सासे मुंदांखा पर्टुगीज नाबिक ।
15. भास्क’-डा-गामाया माब्ला थैदोंमोन ?
फिननाय: 24 डिसेम्बर, 1524 मायथाइयाव ।
16. भास्क’-डा-गामाया भारतनि बबेयाव थैदोंमोन?
फिननाय: कोचि (Cochi) आव ।
17. बार्थल’मिउ डियाजआ सोरमोन?
फिननाय: पर्तुगालनि सासे मुंदांखा पर्टुगीज नाबिक ।
18. बार्थल’मिउ डियाजआ माब्ला जोनोम मोनदोंमोन?
फिननाय: 1450 खृष्टाब्दआव ।
19. डियाजआ माब्ला थैदोंमोन?
फिननाय: 29 मे, 1500 खृष्टाब्दआव ।
20. डियाजआ बबेयाव थैदोंमोन?
फिननाय: केप अब गुद हप (Cape of Good Hope) आव ।
21. डियाजआ माब्ला ‘उत्तमाशा लैथो रुगुङाव’ (Cape of Good Hope) आगान होदोंमोन?
फिननाय: 1487 खृष्टाब्दआव ।
22. पर्तुगीज नाबिकफोरा मा मुङै मुंदांखा?
फिननाय: गोदान दै-लामा संजेनग्रा हिसाबै ।
23. भास्क’-डा-गामाया मा जाहाज हान्जा (Armada) दैदेनदोंमोन?
फिननाय: 4 थि आरमाडा (1502) ।
24. भास्क’-डा-गामाया कालिकट बन्दराव माब्ला आगान होदोंमोन?
फिननाय: 1498 खृष्टाब्दआव ।
25. फ्रान्सिस ड्रेकआ सोरमोन?
फिननाय: सासे इंराज नाबिक ।
26. फ्रान्सिस ड्रेकआ माब्ला भुमखौ दै-लामाजों गिदिंखनदोंमोन?
फिननाय: 1580 खृष्टाब्दआव ।
27. फ्रान्सिस ड्रेकआ बबेयाव जोनोम मोनदोंमोन?
फिननाय: डेवन, इंलेण्ड (Devon, England) ।
28. रालफ फिटचआ (Ralph Fitch) माब्ला भारत आरो म्यानमारआव दावबायदोंमोन?
फिननाय: 1582 खृष्टाब्दआव ।
29. जेमस मिलडेन हलआ (James Milden Hall) माब्ला भारतआव हाबफैदोंमोन?
फिननाय: 1599 खृष्टाब्दआव ।
30. जेमस मिलडेन हलआ सोरनि आरज बिलाइ लाबोदोंमोन?
फिननाय: रानी एलिजाबेथनि ।
31. कनष्टान्तिनपलआ माब्ला तुर्कीफोरनि आखायाव थांङो?
फिननाय: 1453 खृष्टाब्दआव ।
32. तुर्कीआ कनष्टान्तिनपलखौ जय खालामनायाव मा हेंथा जादोंमोन?
फिननाय: भारतजों सोनाबारि हादरनि थोंजों सोमोन्दोआ बन्द’ जादोंमोन ।
33. इंलिस इष्ट इण्डिया कम्पानिया माब्ला आरो बबेयाव दाजादोंमोन?
फिननाय: 1600 खृष्टाब्दआव लण्डनाव दाजादोंमोन ।
34. इंलिस इष्ट इण्डिया कम्पानिया भारतनि सिगां बबेयाव बेफार खालामदोंमोन?
फिननाय: सुमात्रा, जाभा आरो मालाक्कायाव ।
35. केप्टेइन उइलियाम हकिन्सआ सोरमोन?
फिननाय: सासे बृटिछ सदागर ।
36. हकिन्सआ माब्ला चुराट बन्दराव आगान होदोंमोन?
फिननाय: 1608 खृष्टाब्दआव ।
37. हकिन्सआ माब्ला आरो बबेयाव मगल सम्राट जाहांगीरखौ लोगो हमदोंमोन?
फिननाय: एप्रिल, 1609 खृष्टाब्दआव बबेयाव ।
38. मगल सम्राट जाहांगीरनि खुंथाइ समआ बेसेबां?
फिननाय: 1605-1627 मायथाइ ।
39. जाहांगीरआ बबेयाव थैदोंमोन?
फिननाय: काश्मीरआव ।
40. सार थमास र’ (Sir Thomas Roe) आ माब्ला भारतआव फैदोंमोन?
फिननाय: 1615 खृष्टाब्दआव ।
41. थमास र’आ सम्राटनिफ्राय मा खाबु मोनदोंमोन?
फिननाय: चुराटआव फालांगि बादा (Factory) गायसननो बिथोन ।
42. इंलिस इष्ट इण्डिया माब्ला मसलिपट्टमआव फालांगि मिरु गायसनदोंमोन?
फिननाय: 1611 खृष्टाब्दआव ।
43. इंलिस इष्ट इण्डिया माब्ला आरमागावआव फालांगि मिरु बेखेवदोंमोन?
फिननाय: 1636 खृष्टाब्दआव ।
44. ‘फर्ट सेन्ट जर्ज’ (Fort St. George) आ बबेयाव दं ?
फिननाय: माद्राज (Madras) आव ।
45. नैथि चार्लसआ (Charles II) बम्बाइ नोगोरखौ माबोरै मोनदोंमोन?
फिननाय: पर्तुगीज राजखुंग्रि केथरिनखौ हाबा खालामनानै जोथोब (Dowry) महरै ।
46. बम्बाइखौ इंलिस इष्ट इण्डिया कम्पानिनो बेसेबां रांनि सोलायै होनाय जादोंमोन?
फिननाय: 10 पाण्ड (बोसोरारि) ।
47. जब चारनक (Job Charnock) आ सोरमोन?
फिननाय: इंलिस इष्ट इण्डिया कम्पानिनि सासे बिबानगिरि ।
48. इंलिस इष्ट इण्डिया कम्पानिया बबे दाबथाम गामिनि जमिदारी मोनदोंमोन?
फिननाय: काली घाटा (कलिकता), सुतानुटि आरो गबिन्दपुर ।
49. कलिकतानि फालांगि मिरुखौ मा मुं दोननाय जादोंमोन?
फिननाय: ‘फर्ट उइलियाम’ (Fort William) ।
50. फर्ट उइलियामआ सोर राजानि मुङाव जादोंमोन?
फिननाय: राजा थामथि उइलियाम ।
51. रबार्ट क्लाइबआ माब्ला जोनोम मोनदोंमोन?
फिननाय: 25 सेप्टेम्बर, 1725 खृष्टाब्दआव ।
52. रबार्ट क्लाइबआ माब्ला थैदोंमोन?
फिननाय: 22 नबेम्बर, 1774 खृष्टाब्दआव ।
53. पलाची दावहाया माब्ला जादोंमोन?
फिननाय: 1757 खृष्टाब्दआव ।
54. पलाची दावहाया सोर सोरनि गेजेराव जादोंमोन?
फिननाय: रबार्ट क्लाइब आरो नबाब सिराज-उद-दौले ।
55. क्लाइबआ नबाब सिराज-उद-दौलेखौ सोरनि आखायाव फेजेनदोंमोन?
फिननाय: बंग, बिहार आरो उरिष्यानि ।
56. मगल सम्राट साह आलमआ कम्पानिनो मा मोनथाइ होदोंमोन?
फिननाय: देवानी मोनथाइ ।
57. ‘जावजा खुंथाइ’ (Dual Government) आ माब्ला जागायदोंमोन?
फिननाय: 1765 खृष्टाब्दआव ।
58. लर्ड डेलहाउसिआ माब्ला भारत खुंदोंमोन?
फिननाय: 1848-1856 खृष्टाब्द ।
59. लर्ड वारेन हेष्टिंसनि जोनोम मायथाइया बेसेबां?
फिननाय: 6 डिचेम्बर, 1732 खृष्टाब्द ।
60. सामलायगिरि आयेन (Regulating Act) आ माब्ला जादोंमोन?
फिननाय: 1773 मायथाइयाव ।
61. पिटनि भारत आयेन (Pitt’s India Act) आ माब्ला जादोंमोन?
फिननाय: 1784 मायथाइयाव ।
62. गिबि ‘गवर्णर जेनेरेल’ (Governor General) आ सोरमोन?
फिननाय: वारेन हेष्टिंस ।
63. बृटिछ खुंथाइ समखौ बेसेबां बाहागोआव राननो हायो आरो मा मा?
फिननाय: मोननै । 1757 निफ्राय 1857 सिपाइ बिग्रायखांनायसिम आरो 1858 निफ्राय 1947 मायथाइसिम ।
64. सिपाइ बिग्रायखांनाया माब्ला जागायदोंमोन?
फिननाय: 1857 मायथाइयाव ।
65. बिग्रायखांनायखौ सोर जागायजेनहोदोंमोन?
फिननाय: मंगल पाण्डे ।
66. मंगल पाण्डेया बबेयाव बिग्रायखांनाय जागायदोंमोन?
फिननाय: बेरेकपुर फाइखि बादायाव ।
67. मगल सम्राटनि मुंखौ माब्ला खाउरिनिफ्राय बोखारना होनाय जादोंमोन?
फिननाय: 1835 मायथाइयाव ।
68. खुंथाइ जोन्थोराव पार्ची रावनि सोलायै मा राव बाहायनाय जादोंमोन?
फिननाय: इंराजी राव ।
69. ‘भारत सरकार आयेन’ (Government of India Act) आ माब्ला पास जादोंमोन?
फिननाय: 2 आगष्ट, 1858 मायथाइयाव ।
70. 1858 नि आयेन बादियै भारतनि खुंथाइ बिबानआ सोरनि आखायाव थांङो?
फिननाय: इंलेण्ड सरकारनि (Crown) ।
71. गिबि भाइचरय (Viceroy) आ सोरमोन?
फिननाय: लर्ड केनिं ।
72. भाइचरय केनिंआ माब्ला एलाहाबादआव दरबार खुंदोंमोन?
फिननाय: 1 नबेम्बर, 1858 मायथाइयाव ।
73. महारानी भिक्ट’रियानि फोसाव बिलाइया माब्ला फरायथिनाय जादोंमोन?
फिननाय: 1 नबेम्बर, 1858 मायथाइयाव ।
74. ‘बंग खाजोना’ आयेनआ माब्ला दाजादोंमोन?
फिननाय: 1859 मायथाइयाव ।
75. ‘उडनि सोलोंथाइ मावबिथांखि’ (Wood Despatch) खौ सोर बाहायदोंमोन?
फिननाय: लर्ड केनिं ।
76. भारतारि गुथुम आयेन (Indian Council Act) आ माब्ला जादोंमोन?
फिननाय: 1861 मायथाइयाव ।
77. 1861 नि आयेन बादियै आयेन आफाद (Legislative Council) आव बेसेबां सोद्रोमा थिसननो हायोमोन?
फिननाय: सा 6 निफ्राय सा 12 सिम ।
78. आयेन आफादाव जायगा मोननाय गिबि भारतारिफोरा सोर सोर?
फिननाय: राजा बाहादुर दिनाकर राव, राजा बाहादुर नरिन्द्र सिं आरो राजा बाहादुर देउनारायन ।
79. भारतआव जायगानि गावखुंथाइनि (Local Self Government) बिथा गायसनग्राया सोर?
फिननाय: लर्ड रिपन (Lord Ripon) ।
80. गंफ्रोमबो महकुमायाव ‘लकेल बर्ड’ (Local Board) माब्ला दाजादोंमोन?
फिननाय: 1882 मायथाइयाव ।
81. आसामाव बबे खोलोबाव लकेल बर्ड दानाय जादोंमोन?
फिननाय: महकुमा खोलोबाव ।
82. नोगोर आफादनि बेसेबां सोद्रोमाखौ बिसायख’थिनि गेजेरजों सायख’नाय जादोंमोन?
फिननाय: 75 जौखोन्दो ।
83. भारतनि सुबुं मावमिन खुंथाइनि (Civil Service) मुगाया सोरनिफ्राय जागायदोंमोन?
फिननाय: लर्ड कर्नवालिस (1786-93) ।
84. डेपुटि मेजिस्ट्रेट मासिया माब्ला सोरजिनाय जादोंमोन?
फिननाय: 1833 मायथाइयाव ।
85. डेपुटि कालेक्टर मासिया माब्ला सोरजिनाय जादोंमोन?
फिननाय: 1843 मायथाइयाव ।
86. सुबुं मावमिन (साख्रि) नि थाखाय बादायारि आनजाद (Competitive Exam) खुंनो माब्ला बिथोन होदोंमोन?
फिननाय: 1853 मायथाइयाव ।
87. भारतनि गिबि भारतारि सुबुं मावमिन (ICS) मासि मोनग्राया सोर?
फिननाय: सत्यनाथ ठाकुर (1864) ।
89. आनन्दराम बरुवाया सोरमोन?
फिननाय: आसामनि गिबि आरो भारतनि द’थि ICS मासि मोनग्रा ।
90. आनन्दराम बरुवाया माब्ला ICS मासि मोनदोंमोन?
फिननाय: 1871 मायथाइयाव ।
91. सुरेन्द्र नाथ बन्दपाध्याया माब्ला सुबुं जावरिखांनाय लाबोदोंमोन?
फिननाय: लर्ड लिटननि समाव (1876-80) ।
92. पाब्लिक सार्भिस कमिसनआ (Public Service Commission) माब्ला दाजादोंमोन?
फिननाय: 1886 मायथाइयाव ।
93. सार सार्लस आइचिसनआ सोरमोन?
फिननाय: पाब्लिक सार्भिस कमिसननि मासिगिरि ।
94. ली आयग (Lee Commission) आ माब्ला दाजादोंमोन?
फिननाय: 1923 मायथाइयाव ।
95. ली आयगआ भारतारि सुबुं थिसननायनि बिबांखौ बेसेबां बांहोनो बिथोन होदोंमोन?
फिननाय: 50 जौखोन्दोसिम ।
96. जथाइ हादरारि पाब्लिक सार्भिस आयगआ (Federal Public Service Commission) माब्ला दानाय जादोंमोन?
फिननाय: 1935 मायथाइनि भारत सरकार आयेन बादियै ।
2 नम्बरनि सोंनाय – फिननाय (15+)
2 Marks Questions – Answers
1. तुर्कीआ कनष्टान्तिनपल जै खालामनायाव मा हेंथा सोमजिदोंमोन?
फिननाय: कनष्टान्तिनपलआ तुर्की फाइखिनि आखायाव थांनायाव भारतजों सोनाबारि हादरफोरनि थोंजों सोमोन्दो लाखिनायाव हेंथा सोमजिदोंमोन । बेनिखायनो इउर’पारिफोरा भारतजों सोमोन्दो लाखिनायनि गुबुन लामानि गोनांथिखौ सानदोंमोन ।
2. पर्तुगीज नाबिक बार्थल’मिउ डियाजआ माब्ला आरो बबेयाव आगान होदोंमोन?
फिननाय: 1487 सृष्टाब्दआव डियाजआ आफ्रिका हादरमानि खोला फारसे थानाय उत्तमाशा लैथो रुगुडाव (Cape of Good Hope) आगान हैनो हादोंमोन ।
3. भास्क’-डा-गामानि भारत फैनायनि जारिमिनारि गोनांथिया मा?
फिननाय: भास्क’-डा-गामाया 1498 मायथाइयाव कालिकट बन्दराव आगान होनायजों भारतजों सोनाबारि हादरनि थोंजों सोमोन्दो जागायजेनदोंमोन । बे फोनांजाबथाया भारत एबा दुलाराय बुहुमनि जारिमिनाव मोनसे गोदान मुगा जागायजेनदोंमोन ।
4. इंलिस इष्ट इण्डिया कम्पानिनि जागायजेननायनि सोमोन्दै लिर।
फिननाय: सानजानि हादरजों बेफार फालांगि खालामनायनि थांखियै 1600 खृष्टाब्दआव इंराज सदागरफोरा लण्डनाव बे कम्पानिखौ गायसनदोंमोन । रानी एलिजाबेथआ बे कम्पानिनो 15 बोसोरनि थाखाय बेफार फालांगि खालामनो बिथोन होदोंमोन ।
5. केप्टेइन उइलियाम हकिन्सआ भारतआव माब्ला आरो मा थांखियै फैदोंमोन?
फिननाय: 1608 खृष्टाब्दआव इंलेण्डनि राजा गिबि जेमसआ म’गल सम्राट जाहांगीरनिसिम बेफार-फालांगिनि थांखियै हकिन्सखौ दैथायदोंमोन । बिथाङा 1609 खृष्टाब्दनि एप्रिल दानाव आग्रायाव सम्राटखौ लोगो हमदोंमोन ।
6. सम्राट फारुखसियारनिफ्राय कम्पानिया माबादि खाबु मोनदोंमोन?
फिननाय: 1715 खृष्टाब्दआव डाः हेमिलटनआ सम्राट फारुखसियारनि गोब्राब बेरामखौ फाहामनानै सोखादोंमोन । बेनि अननाय नोजोर महरै सम्राटआ कम्पानिनो दुलाराय भारतआव जेबो हेंथा गैयाजासे बेफार-फालांगि खालामनायनि बिथोन होदोंमोन ।
7. फर्ट सेन्ट जर्ज (Fort St. George) आ माबोरै दाजादोंमोन?
फिननाय: 1639 खृष्टाब्दआव चन्द्रगिरिनि राजाजों गोरोबथा खालामनानै माद्राजनि खाथिनि दखरसे थावनियाव आमरागावनि फालांगि मिरुखौ लांस्लायनानै बे मिरुनि मुंखौ फर्ट सेन्ट जर्ज मुङै गोदान मुं होनाय जादोंमोन ।
8. बम्बाइ नोगोरा माबोरै इंराज कम्पानिनि आखायो फैदोंमोन?
फिननाय: 1661 खृष्टाब्दआव इंलेण्डनि राजा नैथि चार्लसआ पर्तुगीज राजखुंग्रि केथरिनखौ हाबा खालामनानै जोथोब महरै बम्बाइ नोगोरखौ मोनदोंमोन । राजा चार्लसआ 1668 खृष्टाब्दआव बम्बाइखौ इंराज कम्पानिनो गथायदोंमोन ।
9. कलिकता नोगोरनि जागायजेननायनि सोमोन्दै लिर।
फिननाय: 1690 खृष्टाब्दआव जब चारनकआ बंगनि नबाबजों खालामनाय गोरोबथानि गेजेरजों काली घाटा (कलिकता), सुतानुटि आरो गबिन्दपुर गामिनि जमिदारी मोननानै फालांगि मिरु जागायदोंमोन । बे दाबथाम जायगानि जथायानो उनाव कलिकता नोगोरनि महर मोनदोंमोन ।
10. सिपाइ बिग्रायखांनाय (1857) आ माबोरै जागायजेनदोंमोन?
फिननाय: 1857 खृष्टाब्दनि 29 मार्चखालि 34 नं हादरारि फाइखि हानजानि मंगल पाण्डेया बेरेकपुर फाइखि बादायाव इंराज बिबानगिरिनि मोदोमाव गुलि गावफुंनानै बिग्रायखांनायखौ जागायजेनहोदोंमोन ।
11. सिपाइ बिग्रायखांनायनि मोननैसो गाहाइ जाहोनफोर लिर।
फिननाय: राजखान्थियारि, रांखान्थियारि आरो समाजारि राहानि आगु गुमुराव जाहोनफोरा हाबना दं । 1835 आव खाउरिनिफ्राय म’गल सम्राटनि मुंखौ बोखारनाय आरो पार्ची रावनि सोलायै इंराजी राव बाहायनाया बिग्रायखांनायखौ बांसिनहोदोंमोन ।
12. भारत सरकार आयेन (1858) आ माबोरै खुंथाइ राहाखौ सोलायदोंमोन?
फिननाय: बे आयेना इंलेण्ड सरकारनो थोंजोंयै भारतखौ खुंनायनि गोहो होदोंमोन । भारत खुंथाइनि गासैबो बिबान आरो गोहोखौ बृटिछ मन्ध्रि आफादनि सासे सोद्रोमानि (Secretary of State) आखाइयाव गथायनाय जायो ।
13. सिपाइ बिग्रायखांनायनि उनाव भारतारि समाजाव मा सोलायनाय फैदोंमोन?
फिननाय: सामन्त मुगायारि दिदोमथिया जोबलांदोंमोन आरो सोनाबारि गोदान हारिमुनि फारसे भारतारिफोरनि गोसोआ बोगथाबदोंमोन । सुबुंफोरनि गोसोआव ‘जों भारतारि सुबुं’ बेबादि सांग्रांथिया सिरि मोनखांदोंमोन ।
14. लर्ड केनिङा रांखान्थि थासारिखौ गोखों खालामनो मा मा राहा लादोंमोन?
फिननाय: बिथाङा जेमस उइलसन आरो सेमुवेलनि बोसोन बादियै बोसोरारि 500 रां आर्जिग्रा सुबुंनि सायाव आयनि खाजोना जाबसिनदोंमोन । गुबुन हादरनिफ्राय लाबोनाय मुवानि सायाव 10 जौखोन्दो खाजोना थि खालामदोंमोन ।
15. भारतारि गुथुम आयेन (1861) नि गाहाइ थांखिया मा?
फिननाय: बे आयेननि थांखिया जादोंमोन गोदान खुंथाइ राहाजों सोलोंथाइ मोन्नाय भारतारिफोरखौ सिनायथि खालामना होनाय । बे आयेना मिरु आरो हादरसाफोरनि आयेन आफाद (परिषद) दानायनि बिथोन होदोंमोन ।
16. ली आयग (Lee Commission, 1923) नि बिथोनफोरा मा?
फिननाय: ली आयगआ 15 बोसोरनि गेजेराव सुबुं मावमिननि मासियाव भारतारि सुबुं थिसन्नायनि बिबांखौ 50 जौखोन्दोसिम बांहोनो बिथोन होदोंमोन ।
4/5 नम्बरनि सोंनाय – फिननाय (5+)
4/5 Mark’s Questions – Answers
1. भारत आरो सोनाबारि हादरनि गेजेराव दै-लामा संनायनि जारिमिनखौ सावराय।
फिननाय: 1453 खृष्टाब्दआव तुर्कीआ कनष्टान्तिनपल जय खालामनायाव भारतजों सोनाबारि हादरनि थोंजों हा-लामाआ बन्द’ जादोंमोन । बे हेंथानि थाखाय इउर’पारिफोरा भारतजों सोमोन्दो लाखिनायनि गुबुन लामानि गोनांथिखौ सानदोंमोन । बे बेलायाव पर्तुगीजफोरा लामा एवस्रांग्रानि बिफाव लादोंमोन । 1487 खृष्टाब्दआव पर्तुगीज नाबिक बार्थल’मिउ डियाजआ आफ्रिकानि खोला फारसे थानाय ‘उत्तमाशा लैथो रुगुडाव’ (Cape of Good Hope) आगान हैनो हादोंमोन । डियाजखौ उनसंनानै 1498 खृष्टाब्दआव गुबुन सासे पर्तुगीज नाबिक भास्क’-डा-गामाया खोला भारतनि कालिकट बन्दराव आगान होफैयो । बे दै-लामा दिहुन्नाया भारत आरो सोनाबारि हादरनि गेजेराव थोंजों सोमोन्दो लाबोदोंमोन, जाय जारिमिनाव मोनसे गोदान मुगा जागायजेनदोंमोन ।
2. इंलिस इष्ट इण्डिया कम्पानिनि जागायजेननाय आरो भारतआव बेनि बेफार फालांगि फेहेरनायनि सोमोन्दै लिर।
फिननाय: सानजानि हादरजों बेफार फालांगि खालामनायनि थांखियै 1600 खृष्टाब्दआव इंराज सदागरफोरा लण्डनाव इंलिस इष्ट इण्डिया कम्पानिखौ गायसनदोंमोन । रानी एलिजाबेथआ बे कम्पानिनो 15 बोसोरनि थाखाय बेफार फालांगि खालामनो बिथोन होदोंमोन । 1608 खृष्टाब्दआव इंलेण्डनि राजा गिबि जेमसआ म’गल सम्राट जाहांगीरनिसिम केप्टेइन उइलियाम हकिन्सखौ दैथायदोंमोन, जाय 1609 खृष्टाब्दआव सम्राटखौ लोगो हमनानै बेफारनि खाबु लानो नाजादोंमोन । बेनि उनाव 1615 खृष्टाब्दआव सार थमास र’आ जाहांगीरनि दरबार सिगां नुजाफैयो आरो सम्राटआ इंराज सदागरफोरखौ चुराटआव फालांगि बादा गायसननो बिथोन होयो । कम्पानिया लासै लासैनो मसलिपट्टम (1611), आरमागाव (1636), आरो माद्राज (1639) बायदि भारतनि गुबुन गुबुन थावनियाव फालांगि मिरुफोरखौ फेहेरलांदोंमोन ।
3. भारतआव बृटिछ साम्राज्योबाद गायसन्नायनि लामाखौ रबार्ट क्लाइबआ माबोरै गोरलै खालामदोंमोन?
फिननाय: रबार्ट क्लाइबआ भारतआव फामुवारि साम्राज्यो महर होनायनि सोलो आरो आदब खायदाखौ जोबोद खम समनि गेजेरावनो सोलोंना लानो हादोंमोन । बिथाङा गावनि कम्पानिनि स्वार्थआव गुबुन हादरारि इउर’पारि कम्पानिफोरखौ भारतनिफ्राय एरख’नायनि बिथांखि लादोंमोन । 1757 खृष्टाब्दनि पलाची दावहायाव बंग, बिहार आरो उरिष्यानि नबाब सिराज उददौलाखौ सोलोजों फेजेन्नानै क्लाइबआ भारतआव बृटिछ साम्राज्योबाद गायसन्नायनि लामाखौ गोरलै खालामदोंमोन । बिथाङा लोगोथि दौलेंजों हादरनि राजाफोरखौ कम्पानिनि फारसे गोसो बोनो नाजादोंमोन, जायनि जाउनाव नबाब आरो निजामफोरा गावनि गोहोखौ फोजोबना लानो गोनां जादोंमोन ।
4. 1765 नि एलाहाबाद गोरोबथानि फिथाइ महरै सोमजिनाय ‘जावजा खुंथाइ’ (Dual Government) खौ बेखेव।
फिननाय: रबार्ट क्लाइबनि नैथि खुंथाइयाव (1765-67) बृटिछ इष्ट इण्डिया कम्पानिया राजानि गोहो महरै आयेनारि गनायथि मोनदोंमोन । म’गल सम्राट साह आलमआ क्लाइबजों 1765 आव एलाहाबाद गोरोबथा खालामनानै कम्पानिनो बंग, बिहार आरो उरिष्यानि सायाव देवानी (खाजोना खांनाय) मोनथाइ होयो । सम्राटआ कम्पानिनो खाजोना खांनाय आरो सुबुं खुंथाइनि बिबान गथायनायनि गेजेरजों ‘जावजा खुंथाइ’ सोरजिदोंमोन । बे राहानि गेजेरजों कम्पानिनि गोहोआ नैगुन बांदोंमोन आरो गुबुन फारसे सम्राटनि सिङाव थानाय नबाबआ मुझवल’ फाइखि खुंगिरि जादोंमोन ।
5. 1857 नि सिपाइ बिग्रायखांनायनि गाहाइ जाहोनफोरखौ सावराय।
फिननाय: 1857 खृष्टाब्दनि 29 मार्च खालाराव मंगल पाण्डेया बेरेकपुर फाइखि बादायाव इंराज बिबानगिरिखौ गुलि गावफुंनानै बिग्रायखांनायखौ जागायजेनहोदोंमोन । बिग्रायखांनायनि जाहोनफोरा बेनि आगोलनि इंराज खुंथाइनि सिङाव जौसे बोसोरनि राजखान्थियारि, रांखान्थियारि आरो समाजारि राहानि आगु गुमुराव हाबनानै दं । 1835 खृष्टाब्दआव कम्पानिनि खाउरिनिफ्राय म’गल सम्राटनि मुंखौ बोखारनाय आरो पार्ची रावनि सोलायै इंराजी राव बाहायनाया भारतारिफोरनि गोसोआव बिग्रायखांनायखौ बांसिनहोदोंमोन । लर्ड डेलहाउसिनि खुंथाइया गासैबो दोहोरोमारि भारतारिफोरनि गोसोआव गोजोन्नाय गैयै थासारि सोमजिहोनानै बिग्रायखांनाय जागायहोदोंमोन ।
6. ‘भारतारि गुथुम आयेन 1861’ नि मोजां गुन आरो गोरोन्थि (Drawbacks) फोरखौ बिजिर।
फिननाय: 1861 खृष्टाब्दनि भारतारि गुथुम आयेना मिरु आरो हादरसाफोरनि आयेन आफाद (परिषद) दानायनि बिथोन होदोंमोन । बे आयेना भारतारिफोरनो गिबि खेबनि थाखाय आयेन आफादआव सोद्रोमानि मासि होनानै भारतआव थान्दैयारि सरकार दानायनि आदबखौ सोरजिदोंमोन । थेवबो, मख’नाय थान्दैफोरा गुबैयै भारतारि सुबुंनि थान्दै नङामोन; बिसोरो गोजौ फोलेरनि आरो दोहोनि मानसिफोरनि थान्दैसोमोन । गुबुन मोनसे गोरोन्थिआ जाबाय भाइचरयखौ नांगौ बादियै आयेन आफादआव थांखि आजावनाय आयेन नङाब्ला बिथोनफोरखौ फेलें खालामनायनिबो गोहो होदोंमोन । हादरसायारि आयेन आफादफोरा दानाय आयेनफोराव बंगनि गवर्णर जेनेरेलनि गनायथि नांथारगौमोन ।
7. भारतआव जायगानि गावखुंथाइ (Local Self Government) राहानि जौगानायनि बेलायाव लर्ड रिपननि बिफावखौ सावराय।
फिननाय: भाइचरय लर्ड रिपनआ (1880-84) भारतआव गावखुंथाइनि (Local Self Government) बिथाखौ गायसनदोंमोन । बिथांनि बादिब्ला, जायगानि खुंथाइ राहायाव राजखान्थि सोलोंथाइनि मोनसे बिजों हिसाबैबो आजावनायनि खाबु थायो । रिपनआ 1882 खृष्टाब्दआव गंफ्रोमबो महकुमायाव गंफायै ‘लकेल बर्ड’ (ओन्सोलारि गुथुम) दायो । बिथाङा लकेल बर्डनि बांसिन सोद्रोमाफोरखौ बिसायख’नानै लाबोनाय आरो सरकारिनङि सुबुंखौ आफादगिरि हिसाबै सायख’नायनि राहा लादोंमोन । नोगोर ओनसोलफोरावबो नोगोर खुंथाइ आरो नोगोर आफाद दानाय जादोंमोन, जायनि सा 75 जौखोन्दो सोद्रोमाखौ बिसायख’थिनि गेजेरजों सायख’नाय जादोंमोन ।
8. भारतआव सुबुं मावमिन (Civil Service) खौ भारतारि खालामनायनि जारिमिनारि फारिखौ बेखेव।
फिननाय: इष्ट इण्डिया कम्पानिनि खुंथाइ समाव सुबुं मावमिननि मासिफोरखौ इंराज सुबुंखौल’ लानानै सुफुंनाय जादोंमोन । 1853 खृष्टाब्दनि चनदआ सुबुं मावमिननि थाखाय बादायारि आनजाद खुंनो आरो भारतारि सुबुंखौबो बे आनजादाव जिरायनो थाखाय बिथोन होदोंमोन । सत्यनाथ ठाकुरआ 1864 सृष्टाब्दआव भारतनि गिबि भारतारि सुबुं मावमिन (ICS) मासि मोनग्रा जायो । 1886 आव पाब्लिक सार्भिस कमिसनआ सुबुं मावमिन बिफानखौ मोनथाम बाहागोआव (Imperial, Provincial, Subordinate) राननो गनायथि फोरमायदोंमोन । ली आयगआ (1923) 15 बोसोरनि गेजेराव सुबुं मावमिननि मासियाव भारतारि सुबुं थिसन्नायनि बिबांखौ 50 जौखोन्दोसिम बांहोनो बिथोन होदोंमोन ।
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Social Science :
FAQs:
1. Where can I get ASSEB/SEBA Class 9 Social Science Bodo Medium Part-I Chapter-1 “भारत हादराव इउर’पारिफोरनि हाबफैनाय” additional questions answers ?
You can get complete Class 9 Social Science Bodo Medium Part-I Chapter-1 “भारत हादराव इउर’पारिफोरनि हाबफैनाय” additional questions answers on Bodoland Library.
2. Are these additional questions answers important for exams?
Yes, these are very important for exams.
3. Are the answers based on the latest ASSEB/SEBA syllabus?
Yes, all answers are prepared according to the latest ASSEB/SEBA syllabus.
