Class 9 Social Science Bodo Medium Part-I Chapter-1 Question Answer
1. Establishment of Trade and Bases
The chapter begins with the British efforts to secure trading rights.
• 1613: The first permanent factory was established in Surat after receiving a royal ‘Farman’ from Mughal Emperor Jahangir.
- Madras (1639): Built Fort St. George.
- Bombay (1661): Received as a wedding gift (dowry) from the Portuguese to King Charles II.
- Calcutta (1698): Developed around Fort William after purchasing the zamindari of three villages.
- Military Conquest: Led by Robert Clive, the British won the Battle of Plassey (1757), which laid the foundation of their rule.
- The Doctrine of Lapse: Introduced by Lord Dalhousie, this policy allowed the British to annex any princely state if the ruler died without a natural male heir (e.g., Jhansi, Nagpur).
- Annexation on Misgovernment: The state of Awadh (Oudh) was taken over in 1856 on the pretext that it was being governed poorly.
- Causes: Political grievances, heavy land taxes, social interference (like banning Sati), and the immediate spark—the use of greased cartridges in Enfield rifles.
- Nature: Though it started as a mutiny by sepoys, it quickly spread to peasants and royalty.
- Government of India Act 1858: The rule of the East India Company ended. Power was transferred directly to the British Crown (Queen Victoria).
- New Offices: The “Governor-General” title was changed to Viceroy (the Crown’s representative). Lord Canning became the first Viceroy.
- Indian Councils Act 1861: This introduced the Portfolio System (dividing government work into departments like Finance, Home, etc.), which is the basis of India’s modern Cabinet system.
Part-I
खोन्दो-1
भारत हादराव इउर'पारिफोरनि हाबफैनाय
उ न सो लों थि
जोबोद सुंद’/ सुंद’ फिन्नायनि सोंथि :
1. भारत आरो सोनाबारि हादरनि गेजेराव लैथोआरि लामा संजेनग्रा गिबि पर्टुगीज नाबिकआ सोर? बिथाङा माब्ला आरो भारतनि बबेयाव गिबिखेब आगान होफैदोंमोन?
फिननाय: भारत आरो सोनाबारि हादरनि गेजेराव लैथोआरि लामा संजेनग्रा गिबि पर्टुगीज नाबिकआ भास्क’-डा-गामा मोन।
बिथाङा 1498 खृष्टाब्दआव खोला भारतनि कालिकट बन्दराव गिबिखेब आगान होफैदोंमोन।
2. दै लामाजों भुमखौ गिदिंखन्नो हानाय इंराज नाबिकआ सोरमोन?
फिननाय: फ्रान्सिस ड्रेक मोन ।
3. भारत हादराव गिबि खेबनि थाखाय माब्ला आरो सोर इंराज नाबिकआ हाबफैदोंमोन?
फिननाय: भारत हादराव गिबि खेबनि थाखाय 1599 खृष्टाब्दआव इंराज नाबिक जेमस मिलडेन हलआ हाबफैदोंमोन ।
4. इंलिस इष्ट इण्डिया कम्पानिया माब्ला आरो बबेयाव दाजादोंमोन?
फिननाय: इंलिस इष्ट इण्डिया कम्पानिया 1600 खृष्टाब्दआव लण्डनाव दाजादोंमोन।
5. इष्ट इण्डिया कम्पानिया भारतआव जायगा लाफैनायनि मोन्नै थांखि लिर।
फिननाय: इष्ट इण्डिया कम्पानिया भारतआव जायगा लाफैनायनि मोन्नै थांखि फोरा जादों-
1. भारताव बेफार फालांगियारि जौगाथाइ गायसननाय।
2. भारताव इंराज खुंथाइ गायसननाय।
6. इंराजनि गिबि फालांगि मिरुवा भारतनि बहा आरो माब्ला गायसनजादोंमोन?
फिननाय: इंराजनि गिबि फालांगि मिरुवा भारतनि मसलिपट्टमआव 1611 खृष्टाब्दआव गायसनजादोंमोन ।
7. फर्ट उइलियामआ मा?
फिननाय: फर्ट उइलियामआ भारतनि कलकाता आव थानाय मोनसे फालांगि मिरु। दाबथाम गामि लानानै बे फालांगि मिरुखौ गायसनदोंमोन आरो उनाव बेयो कलिकता नोगोरनि महर मोनदोंमोन। इंलेण्डनि राजा थामथि उइलियामनो मान बाउनायनि मुङाव कलिकतानि फालांगि मिरुनि मुंखौ ‘फर्ट उइलियाम’ दोन्नाय जादोंमोन।
8. उदांस्रिनङि भारतनि बृटिछ खुंथाइ समखौ मबे मोननै गाहाइ बाहागोआव राननो हायो सम मख ‘नानै लिर।
फिननाय: उदांस्रिनङि भारतनि बृटिछ खुंथाइ समनि मोननै गाहाइ बाहागो आ जादों-
1. कम्पानिनि खुंथाइ सम ( 1757-1858)
2. बृटिस खुंथाइ सम (1858-1947)
9. ‘भारत सरकार आयेन’खौ सोर माब्ला मा थांखियाव सुजुदोंमोन?
फिननाय: ‘भारत सरकार आयेन’खौ बृटिछ संसदा 1858 खृष्टाब्दनि 2 आगष्ट खालाराव सुजुदोंमोन।
बे आयेनखौ सुजुनायनि गाहाय थांखिया जाबाय बे आयेननि गेजेरजों भारतनि खुंथाइ बिबानखौ इंलेण्ड सरकारनो थोंजोडै खुंनायनि गोहो होनाय।
10. ‘भारत गुथुम आयेन’खौ माब्ला आरो मा थांखियाव सुजुनाय जादोंमोन?
फिननाय: ‘भारत गुथुम आयेन’खौ 1861 खृष्टाब्दआव सुजुनाय जादोंमोन । बे आयेननि थांखियानो जादों भारतारिफोखौ गोदान खुंथाइ राहाजों सिनायथि होनायमोन।
सुंद’/ गोलाउ फिन्नायनि सोंथि
1. इंराजआ भारतजों फालांगिनि गोरोबथा खालामनो नाजानाया माब्ला जाफुंदोंमोन, बेनि थामथिमथिखौ सुंथाबै लिर।
फिननाय: इंराजफोरनि भारतजों फालांगिनि गोरोबथा खालामनो नाजानाया 1608 मायथाइयाव जागायजेनदोंमोन। 1608 खृष्टाब्दआव इंलेण्डनि राजा गिबि जेमसआ भारतजों बेफार-फालांगि खालामनायनि थांखियै केप्टेइन उइलियाम हकिन्स (Hawkins) मुंनि सासे बृटिछ सदागरनि दारै म’गल सम्राट जाहांगीरनिसिम (1605-1627) गांसे आर’ज बिलाइ दैथायदोंमोन। हकिन्सआ ताप्ती दैमानि गेजेरजों चुराट बन्दराव आगान हैदोंमोन।
केप्टेइन हकिन्सआ बोसोरनैसो म’गल साम्राज्योआव थानानै सम्राटनिफ्राय बेफार-फालांगिनि खाबु लानो नाजादोंमोन। केप्टेइन हकिन्सआ होनाय फालांगियारि गोरोबथानि आर’ ज बिलाइखौ सम्राट जाहांगीरआ गनायथि होआखैमोन। 1615 खृष्टाब्दआव इंलेण्डनि राजा गिबि जेमसआ सार थमास र’ (Sir Thomas Roe) मुंनि गुबुन सासे इंराजखौ जाहांगीरनि खाथियाव थिनहरबावदोंमोन। थमास र’आ आजमीरआव नुजाफैनानै सम्राटखौ लोगो हमदोंमोन। थमास र’आ जेबो रोखोमनि फालांगियारि गोरोबथा खालामनो हायाखैमोनब्लाबो सम्राट जाहांगीरआ इंराज सदागरफोरखौ चुराटआव फालांगियारि बादा गायसननो बिथोन होदोंमोन।
1715 खृष्टाब्दाआव जन सारमननि (John Surman) दैदेन्नायाव इंराज सुबुंनि मोनसे थान्दै हानजाया म ‘गल सम्राट फारुखसियारखौ (1713-1719) लोगो हमनानै फालांगियारि गोरोबथानि थांखि दैखांबावदोंमोन। बै समाव सम्राट फारुखसियारआ गोब्राब बेरामाव गोलैनानै दंमोन। बेरामाव गोग्लैनाय सम्राट फारुखसियारखौ इंराज थान्दै हानजानि फाहामगिरि डाः हेमिलटनआ (Hamilton) फाहामथाइ होनानै बिथांनि बेरामखौ सोखादोंमोन। थान्दै हानजानि फारसे सम्राटआ अन्नायनि नोजोरजों नायदोंमोन। बे खाबुआवनो सम्राटनिफ्राय इंराज सदागरफोरा गांथाम फरमान बिख ‘नानै लायो आरो इष्ट इण्डिया कम्पानिया दुलाराय भारतआव जेबो हेंथा गैयाजासे बेफार-फालांगि खालामनायनि राजानिफ्राय बिथोन मोननो हायो। बेजों लोगोसे भारतनि हायाव कम्पानिया गावसोरनि इयुनखौ गोजोर खालामनायनि फारसे आवगायलांदोंमोन। बेबादिनो इंराजआ भारतजों फालांगिनि गोरोबथा खालामनो नाजानायाव जाफुंसार जादोंमोन।
2. इष्ट इण्डिया कम्पानिया माब्रै भारतनि दाबथाम गाहाइ थावनियाव फालांगि मिरु गायसनदोंमोन बेनि मोनथाम गाहाइ सोलोनि सोमोन्दै लिर।
फिननाय: इष्ट इण्डिया कम्पानिया भारतनि दाबथाम गाहाइ थावनियाव फालांगि मिरु गायसननायाव मोनथाम गाहाइ सोलोफोरा जाबाय:
1. 1611 खृष्टाब्दआव गल कुण्डा राज्योनि सुलताननिफ्राय बिथोन लानानै कम्पानिया मसलिपट्टमआव मोनसे फालांगि मिरु गायसनदोंमोन।
2. 1636 खृष्टाब्दआव कम्पानिया आरमागावआव नैथि फालांगि मिरु बेखेवदोंमोन। 1639 खृष्टाब्दआव चन्द्रगिरिनि राजाजों गोरोबथा खालामनानै माद्राजनि खाथिनि दखरसे थावनियाव आमरागावनि फालांगि मिरुखौ लांस्लायनानै बे मिरुनि मुंखौ फर्ट सेन्ट जर्ज मुङै गोदान मुं होनाय जादोंमोन।
3. 1690 खृष्टाब्दआव जब चार्नक (Job Charnock) मुंनि सासे बिबानगिरिया बंगनि नबाबजों खालामनाय मोनसे गोरोबथानि गेजेरजों बोसोरफ्रोमबो जिनैजौ रांनि खाजोनानि सोलायै काली घाटा (कलिकता), सुतानुटि आरो गबिन्दपुर मुंनि दाबथाम गामिनि जमिदारी मोनथाइ मोन्नानै कम्पानिया बेव मोनसे फालांगियारि मिरु जागायदोंमोन।
3. भारतआव बृटिछ साम्राज्योबाद गायसन्नायनि लामाखौ गोरलै खालामना होनाय इष्ट इण्डिया कम्पानिनि बयनिखुइ मख ‘जाथावसिन सुबुङा सोर? बिथाङा मा मा सोलोजों बृटिछ साम्राज्योनि खुन्थियाखौ गायसनदोंमोन मोनब्रै बानबुंथाइ होनानै लिर।
फिननाय: भारतआव बृटिछ साम्राज्योबाद गायसन्नायनि लामाखौ गोरलै खालामना होनाय इष्ट इण्डिया कम्पानिनि बयनिखुइ मख ‘जाथावसिन सुबुङा रबार्ट क्लाइभ बिथाङा माबोरै बृटिछ साम्राज्योनि खुन्थियाखौ गायसनदोंमोन बेनि सायाव मोनब्रै बानबुंथिफोरा गाहायाव होनाय जाबाय-
क) रबार्ट क्लाइभआ गावनि कम्पानिनि मोजांनि थाखाय भारतनिफ्राय गुबुन गुबुन हादोरारि इउरपियान कम्पानिफोरखौ होखारनो थांखि लादोंमोन।
ख) बियो दावहा एबा गोरोबथानि गेजेरजों जायगानि राजाफोरखौ कम्पानिनि सिङाव लाबोनो नाजादोंमोन।
ग) बंग’नि नवाब, हायद्राबादनि निजाम, अवधनि नवाब आरो राजपुतानानि राजाफोरा कम्पानिजों गोरोबथा खालामनानै गावबा-गावनि गोहोखौ गथायनो गोनां जादोंमोन।
घ) 1757 खृष्टाब्दाआव पलाचीनि दावहायाव रबार्ट क्लाइभ आ नवाब सिराज उद्दौलाखौ फेजेन्दोंमोन आरो भारताव ब्रिटिसफोरनि गोख्रों खुंथाय गायसनदोंमोन।
4. सिपाइ बिग्रायखांनायनि मोनब्रै जाहोन लिर।
फिननाय: सिपाइ बिग्रायखांनायनि मोनब्रै जाहोनफोरखौ गाहायाव मख’नाय जाबाय-
1) राजाफोलेरनि थाखो आरो सुबुंहारिनि गोजोन्नाय गैयैआ बिग्रायखांनाय थासारि सोरजिदोंमोन।
2) 1835 खृष्टाब्दआव कम्पानिनि खाउरिनिफ्राय म’गल सम्राटनि मुंखौ बोखारना होनाय जादोंमोन।
3) मोनसे समावनो राजाफोलेरनि पार्ची रावखौ बोखारनानै खुंथाइ जोन्थोराव इंराजी राव बाहायनायनि बिजाथाय महरै भारतारिफोरनि गोसोआव बिग्रायखांनाया बांसिनदोंमोन।
4) लर्ड डेलहाउसिनि खुंथाइया गासैबो दोहोरोमारिनि भारतारिफोरनि गोसोआव गोजोन्नाय गैयि थासारि सोमजिहोदोंमोन।
5. सिपाइ बिग्रायखांनायनि मोनब्रै मख ‘जाथाव जाउनखौ फोरमाय।
फिननाय: सिपाइ बिग्रायखांनायनि मोनब्रै मख ‘जाथाव जाउनफोरा जादों-
1. भारतआव इष्ट इण्डिया कम्पानिनि सासननि गोहोआ 1858 मायथाइयाव जोबदोंमोन, आरो भारतआ बृटिछ खुंथाइनि थोंजों सामलायनायनि सिङाव फैयो।
2. सिपाइ बिग्रायखांनायनि उनाव, बृटिछ सरकारनि थोंजों खुंथाइया भारतारिफोरनि गोसोआव फारियै खौसेथिनि गोसोखौ फोजाखांदोंमोन।
3. बिग्रायखांनायनि फिथाइ महरै भारतारि समाजाव थानाय सामन्त मुगायारि दिदोमथिया जोबलांदोंमोन आरो सोनाबारि गोदान हारिमुनि फारसे भारतारिफोरनि गोसोआ बोथाबदोंमोन।
4. इयुनाव जाहाथे बेबादि गिलुबालु बिग्रायखांनाय थासारि सोमजिफिना बेनि फारसे नोजोर लाखिनानै बृटिछ सरकारा भारतनि खुंथाइ राहानि सायाव गोनांथि होनो गोनां जादोंमोन।
6. ‘भारत सरकार आयेन’ नि गेजेरजों मोनब्रै खुंथाइयारि सोलायनायनि सोमोन्दै फोरमाय।
फिननाय: ‘भारत सरकार आयेन’ नि गेजेरजों मोनब्रै खुंथाइयारि सोलायनायफोरखौ गाहायाव होनाय जाबाय-
1. ‘भारत सरकार आयेन’ आ इंलेण्ड सरकारनो थोंजोङै भारतखौ खुंनायनि गोहो होदोंमोन।
2. भारत खुंथाइनि गासिबो बिबानखौ इंलेण्ड सरकारनि आखायाव गथायनायनि फिथाइ महरै कम्पानिनि आमोलाव भारतजों लोबबा जानानै थानाय सामलायथाइ आफाद (Board of Control) आरो बिथोनगिरि आफाद (Courts of Directors) नि गोहोआ थुंगिदोंमोन।
3. बे आयेन बादियै भारत खुंथाइनि गासैबो बिबान आरो गोहोखौ बृटिछ मन्थ्रि आफादनि सासे सोद्रोमानि आखाइयाव गथायनाय जायो। भारत खुंथाइजों थोंजोडै लोबबा थानाय मन्थ्रिखौ ‘भारतनि गाहाइ नेहाथारि’ (Secretary of State for India) बुंनाय जाबाय।
4. बे आयेना भाइचरय आरो हादरसायारि गाहाइ (गवर्णर) खौ थिसननायनि गोहो इंराज सरकारनि आखाइयाव होनायजों लोगोसे कम्पानिनि फाइखि हानजाखौ बृटिछ सरकारनि सिङाव दोनदोंमोन।
7. लर्ड केनिंनि मोननै गाहाइ फोसाबथाइनि सोमोन्दै लिर।
फिननाय: लर्ड केनिंनि मोननै गाहाइ फोसाबथाइफोरा जादों-
1. लर्ड केनिङा सोलोंथाइ राहानि जौगाथाइनि थाखाय ‘उडनि सोलोंथाइ मावबिथांखि’ (Wood Despatch) खौ भारतआव बाहायनानै मोनफ्रोमबो हादरसायावनो सासे गाहाइ नेहाथारिनि सिङाव सोलोंथाइ बिफान मोनसे बेखेवदोंमोन।
2. लर्ड केनिडा फाइखि- हानजानि दाथाइखौ इसे सोलायदोंमोन। गुबुन गुबुन हारि आरो दोहोरोमारि फाइखिफोरखौ ज’ खालामनानै मोनसे गलायमोनदेर भारतारि फाइखि हानजा दादोंमोन। गोदानै दानाय दोलोआव गोबां इउर पारि फाइखिखौ थिसनदोंमोन।
8. ‘भारतारि गुथुम आयेन’ नि मोन्नै मोजां गुन आरो मोननै गोरोन्थि लिर।
फिननाय: ‘भारतारि गुथुम आयेन’ नि मोन्नै मोजां गुन आरो मोननै गोरोन्थि फोरा जादों-
मोजां गुन-
1. बे आयेना भाइचरयखौ बिथांनि मिरुवारि आयेन आफादनि सोद्रोमानि अनजिमाखौ खमैबो सा द’निफ्राय सा
जिनैसिम सायख’नो मोनथाइ होदोंमोन।
2. बे आयेना मिरुवारि आयेन आफादनो खाजोना, राडरि, रैखाथि फाइखिनि सरैखा, हादरनि राज्यो आरो बृटिछ-भारत आवग्रिनाय राज्योनि सिमा सरैखाथि बायदि आयदायाव बिथोन आरो आयेन दानायनि गोहो होदोंमोन।
मोननै गोरोन्थि-
1. बे आयेना गोदानै दाजानाय हादरसायारि आयेन आफादफोरखौ गावबा गावै माखासे आयेनारि गोहो होदोंमोनब्लाबो, गुबैयै बे गोहोआ मुवल’मोन बबेखानि मोनसे आयेनानो बंगनि गवर्णर जेनेरेलखौ सिमागैयि गोहोनि बिगुमा खालामदोंमोन।
2. गवर्णर जेनेरेलनि आखाइयाव जर’खा आयेन जारि खालामनो हानाय गोहो होनाय जादोंमोन। बिथाडा गुथुमजों मोनबो सोमोन्दो लाखिया लासिनो जायखिजाया रोखोमनि गोहो बाहायनो हायोमोन।
9. इंराजनि समाव जायगानि गावखुंथाइनि गेजेरजों सोलायनायफोरखौ सावराय।
फिननाय: 1870 खृष्टाब्दनि 14 डिसेम्बर खालारनिफ्राय मावफुंजानाय राङारि बोखावनाय थांखिनि गेजेरजों सोलोंथाइ, सावस्रि, रेबथुमनाय (रेजिस्ट्रेसन), जेल, पुलिस बायदि बिफाननि बिबान हादरसाफोरनो होनाय जादोंमोन। बै बिफानफोरनि इसिङारि हादरसायारि खामानिनि थाखाय मिरुनिफ्राय मोनसे थि बिबांनि रांखान्थि जगायनायनि नेम खालामनाय जायो। मिरुनि बिथोन बादियै हादरसायारि सरकाराबो बिफान सामलायनायनि मुङाव जायगानि खाजोना मासुलनि गेजेरजों थुबिल बुथुमनो गोनां जायो।
लर्ड रिपनआ मोन्नैसो जर’खा थांखि लानानै गावखुंथाइ राहाखौ गनायथि होदोंमोन। बिथांनि बादिब्ला, जायगानि खुंथाइ राहायाव खुंथायारि रोंग’थिया बांनायजों लोगोसे जायगानि खुंथायाव राजखान्थि सोलोंथाइनि मोनसे बिजों हिसाबैबो आजावनायनि खाबु थायो। बिथाङा भारतारिफोरनि गेजेराव सोलोंथाइ फेहेरनाय आरो भारतारिफोरखौ गोदान खुंथाइजों सिनायथि खालामना होनायजों लोगोसे समाजनि सोलोगोनां सुबुंफोरखौ बिसोरनि गुदि खामानिफोरखौ बिसोरनि गेजेरजोंनो मावफुंनायनि सायाव गोनांथि होदोंमोन।
लर्ड रिपनआ 1882 खृष्टाब्दआव जारिमिनारि थांखि बादियै गंफ्रोमबो महकुमायाव गंफा लकेल बर्ड (ओन्सोलारि गुथुम) दायो। नांगौ बादियै गंफ्रोमबो लकेल बर्डनि सिङाव थानाय गामि ओनसोलनि लाट (मण्डलनि खाजोना-ओनसोल) फोराव गंफायै गुदि बर्ड दानायनि राहा लादोंमोन।
लर्ड रिपनआ गावखुंथाइनि थांखिफोरखौ दुलाराय भारतआवनो मावफुंनो बिथोन होदोंमोन। बिथांनि बे बिथोनफोरखौ हादरसाफोरनि गाहाइ खुंगिरिफोरा मोन्नै रोखोमै मावफुंदोंमोन। खायसे हादरसानि जिला खोलोबाव आरो खायसे हादरसायाव महकुमा खोलोबाव लकेल बर्डफोरखौ दादोंमोन। मख’नो गोनांदि, आसामाव महकुमा खोलोबाव लकेल बर्डफोरखौ दानाय जादोंमोन।
गामि ओन्सोल बादिनो नोगोर ओनसोलफोराबो जायगानि गावखुंथाइनि थांखि बादियै नोगोर ओनसोलफोराव नोगोर खुंथाइ आरो नोगोर आफाद दानाय जादोंमोन। नोगोर आफाद आरो नोगोर खुंथाइनि बर्डफोरनि सा 75 जौखोन्दो सोद्रोमाखौ बिसायख’थिनि गेजेरजों सायख’नानै लानायनि राहा खालामदोंमोन। बबेखानि नोगोर ओनसोलनि बे बर्डफोरनि आफादगिरिखौ नांगौबादियै सायख’नो हायोमोन।
10. सुबुं मावमिनाव भारतारिफोरा माब्रै थिसनजादोंमोन? बे मावमिननि जौगाथाइनि सोमोन्दै सावराय।
फिननाय: 1833 खृष्टाब्दआव चनदआ भारतारि सुबुंखौ खुंथाइनि गोजौ मासियाव थिसन्नायनि बेलायाव सोलोंथाइ थि खालामनायनि राहा लानो बिथोन होदोंमोन। कम्पानिनि बिथोनगिरिफोरनि हेंथानि थाखायनो बेयो जाफुङाखैमोन। अदेबानि, बे आयेना भारतारिफोरनि फारसे उदां नोजोरै नायनायनि खोथाखौ इंराज खुंगिरिफोरा नेवसिनो हायाखैमोन। 1833 खृष्टाब्दआव डेपुटि मेजिस्ट्रेट आरो 1843 खृष्टाब्दआव डेपुटि कालेक्टर मुंनि मोन्नै मासि सोरजिनानै मोननैबो मासिनि थाखाय भारतारि सुबुङा बानजागोन होनना मिथिनो होदोंमोन।
1853 खृष्टाब्दनि चनदआ सुबुं मावमिननि थाखाय बादायारि आनजाद खुंनो थाखाय बिथोन होदोंमोन। भारतारि सुबुंखौबो बे आनजादाव जिरायनो थाखाय बिथोन होदोंमोन। नाथाय बे आनजादखौ इंलेण्डआव खुंनायनि थाखाय जोबोद खम अनजिमानि भारतारिफोरा जिरायनो हादोंमोन। 1858 खृष्टाब्दनि महारानीनि फोसावबिलाइया हादरनि सुबुंखौबो गेजेर बिफाव लानानै सुबुं मावमिननि मासियाव थिसननायनि बाथ्रा होदोंमोन। बे बाथ्रानि बिथायाव भारतनि गाहाइ नेहाथारिया मोनसे आफाद दानानै होदोंमोन। आफादआ भारतारि सुबुं मावमिननि बादायारि आनजादखौ भारतआव खुंनो बोसोन होदोंमोन। नाथाय 1862 खृष्टाब्दनि सुबुं मावमिन आयेनाव दाजाबदेरनाय दफा बादियै सुबुं मावमिननि मासिया इंराज सुबुंनि थाखाय सरैखाथि जानानै थानायनि थाखाय आफादनि बे बिथोनखौ मावफुङाखैमोन।
भाइचरय लर्ड लिटननि मावबिबान समाव (1876-80) भारतारि सुबुं मावमिननि बिजाथिनि बैसोआ 21 बोसोरनिफ्राय 19 बोसोरसिम बाडाइ खालामदोंमोन। बे समावनो समाजनि हाबायाव गावखौ बावसोमनाय सुरेन्द्र नाथ बन्दपाध्याया बेनि हेंथायै गोखों सुबुं जावरिखांनाय लाबोदोंमोन। सुबुं मावमिननि बिजाथिनि बैसोनि सिमानि सोमोन्दै भारतारिनि बिबुंथिखौ फोरमायनो बन्दपाध्याया लालमहन घोष मुंनि सासे आयेन रोंग’साखौ इंलेण्डआव थिनहरदोंमोन। इंलेण्ड सरकारा घोषनि बानबुंथाइखौ गनायनानै भारतारि सुबुं मावमिनाव बिजाथिनि बैसोखौ फिन 22 बोसोर खालामनो गोनां जादोंमोन।
11. बृटिछनि सिङाव थानाय भारत आरो उदांस्रि भारतनि सुबुं मावमिन सोमोन्दै मोनथाम फाराग फोरमाय।
फिननाय: बृटिछनि सिङाव थानाय भारत आरो उदांस्रि भारतनि सुबुं मावमिन सोमोन्दै मोनथाम फारागफोरा जादों-
1) बृटिछ सिङाव थानाय भारतआव आन्जादाव जिरायनो हानाय बिजाथिफोरनि बैसोनि सिमाया 22 बोसोरमोन। नाथाय उदांस्रि भारतआव आन्जादाव बाहागो लाहैनाय बिजाथिफोरनि थाखाय खमसिन बैसो सिमाया 21 बोसोर।
2) भारत उदांस्रिनि सिगां सुबुं मावमिन थिसननाया गोजौ थाखोनि फोलेरनि सायाव सोनारनानै जायोमोन। नाथाय भारतनि उदांस्रिनि उनाव, गासै भारतारि थाखोनि बादायारिफोरा उदाङै आनजादफोर होनो हानाय बायदियै खुंफुंनायनि लाहार फाहार खालामनाय जादोंमोन।
3) भारत हादोरा उदांस्रि मोननायनि सिगां सुबुं मावमिन थिसन्थाइ आयग गायसनाखैमोन आरो भारतारिफोरा सुबुं मावमिन आन्जादाव जिरायनो थाखाय इंलेण्डआव थांनो गोनां जायोमोन। नाथाय भारतआ उदांस्रि मोननायनि उनाव, गासै भारतारि सुबुं मावमिन आय’ग आरो रायजो-थाखोनि नोगोरारि मावमिन आय’गखौ गायसननाय जादोंमोन, जायनि फिथाइ महरै भारतारिफोरा भारताव थानानै सिविल मावमिननि आन्जादफोराव जिरायनो हायोमोन।
उफेरा सोंनाय-फिननाय
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Social Science :
FAQs:
1. Where can I get ASSEB/SEBA Class 9 Social Science Bodo Medium Part-I Chapter-1 “भारत हादराव इउर’पारिफोरनि हाबफैनाय” question answer ?
You can get complete Class 9 Social Science Bodo Medium Part-I Chapter-1 “भारत हादराव इउर’पारिफोरनि हाबफैनाय” question answer on Bodoland Library.
2. Is this chapter 1 Part-I important for exams?
Yes, this chapter 1 Part-I is very important for exams.
3. Are the answers based on the latest ASSEB/SEBA syllabus?
Yes, all answers are prepared according to the latest ASSEB/SEBA syllabus.