SEBA Class 8 Social Science Chapter-9
फरा- 9
सुबुं सम्पद जौगाथाइ, सुबुं सम्पद जौगाथाइनि दिन्थिथि आरो सुबुं
सम्पद जौगाथायाव जिउ राहायारि सोलोंथाइनि बिफाव
उनसोलों
1. सुंद’यै फिननाय हो-
(क) सुबुं सम्पद माखौ बुङो?
फिन:- गोगो सावस्रिनि मानसिया सोलोंथाइ आरो फोरोंथाइनि दारै रोंखा-राखा जानानै दिहुनथायारि हाबायाव गावखौ थिसनहायो अब्ला बे मानसिखौ सुबुं सम्पद होनना बुंनाय जायो।
(ख) हादरनि दिहुनथाइ हाबायाव सोर बाहागो लानो हायो ?
फिन:- जायफोर गोगो सावस्रि गोनां लोगोसे सोलोंथाइ फोरोंथाइ आव रोंखा-राखा बैसोर मानसिया हादरनि दिहुनथाइ हाबायाव बाहागो लानो हायो ।
(ग) सुबुं सम्पद जौगाथाइनि दिन्थिथिया माखौ बुङो?
फिन:- जायफोर बिथिंखौ नोजोर होयोब्ला दरसे हादरनि सुबुं सम्पद जौगानायनि बाथ्राखौ हमदांनो हायो बेफोरखौ सुबुं सम्पद जौगाथाइनि दिन्थिथि होनना बुंनाय जायो।
(घ) जिउ राहायारि सोलोंथाया माखौ बुङो?
फिन:- फसंथानारि सोलोंथाइनि जाय सोलोंथाइजों खामायनायनि राहा मोननो हायो बेखौनो जिउ राहायारि सोलोंथाइ बुंनाय जायो।
(ड) सुबुं सम्पदनि गुबै सामलायग्रा गोहोआ मा ?
फिन:- सुबुं सम्पदनि गुबै सामलायग्रा गोहोआ जादों-सावस्नि, थार सोलोंथाइ आरो फोरोंथाइ।
2. फोरमायना लिर-
(क) सुबुं सम्पद जौगाथाइनि थाखाय माबादि राहा लानांगौ?
फिन:- सुबुं सम्पद जौगाथाइ नि ओंथिया सुबुंफोरनि गुन, रोंग’थि, आखा-फाखा आरो दिहुनथाइखौ जौगाहोनाय जाहाथे हादरआरि जौगानायाव गोहोम गोनां बिहोमा होनो हायो। थि सुबुं सम्पद जौगाथायनि थाखाय गाहायाव होनाय राहाफोरा गोनांथारः
(i) गोदान आरो बिगियानारि सोलोंथाइ़ राहा : मोनसे गोदान आरो बिगियानारि सोलोंथाय राहाया सोलोंसाफोरखौ जुक्तिगोनां सान्नाय, सोरजिलु, गोदानथि आरो बाहायजाथाव रोंग’थिफोरखौ जौगाहोनायाव हेफाजाब होयो।
(ii) सावस्रि खान्थि : खामानिनि थाखाय मोजां देहानि गोनांथि जायो। मोजां आदार, गोगो दै लोंनाय, साखोन-सिखोन, देहा फाहामसालि आरो सावस्रि सांग्रांथि हाबाफारिफोरखौ जौगाहोनांगौ।
(iii) गुबुन गुबुन बिथांखि : सरखारा सुबुं सम्पदखौ जौगाहोनायनि थाखाय बायदि बायदि बिथांखिफोर जागायनो हायो। बेफोर बिथांखिफोरा रांखान्थियारि हेफाजाब, फोरोंनाय, फरायसा स्कलारसिप, सावस्रि जोथोन खाबुफोर आरो मावसोमनायनि खाबुफोर जगायो।
(iv) जौगा माननि फोरोंथाइ : मानसिफोरखौ खामानियाव थियारि आरो गावखौ सोनारनो थाखाय फालांगियारि सोलोंथाय, बिरोंदामिनारि फोरोंनाय, आई. टी. फोरोंनाय आरो रोंगथि गोनां हाबाफारिफोरखौ जौगाहोनांगौ।
(ख) सुबुं सम्पद जौगाथाइनि दिन्थिथिफोर।
फिन:- सुबुं सम्पद जौगाथाइनि दिन्थिथिफोरा जादों-
(i) सोलोथाइनि हार : मान थाखो गोनां सोलोंथाया सुबुं सम्पद जौगानायनि गुदि सिमां। सोलोंथाइ राहाया गेबें जायोब्लासो जौगाखां सुबुं सम्पद दानाया जानो हागौ। थार सोलोंथाया गियान आरो रोंमोनथाइखौ बांहोयो। बेनिखायनो सोलोंथाइनि गोजौ हारा सुबुं सम्पदनि जौगाखांनायखौ फोरमायो। जाय हादराव सोलोंथाइनि हारा गोजौ बे हादरनि सुबुं सम्पदनि हाराबो जौगा माननि। बिदिन्थि महरै, जापान, इंलेण्ड, आमेरिका आरि हादराव सोलोंथाइनि हारा गोबां आरो बेफोर हादरनि सुबुं सम्पदाबो जौगाखां।
(ii) जिउनि मिजिंथि: सुबुं सम्पद जौगानायनि गुबुन मोनसे दिन्थिथिया जादों जिउनि मिजिंथि। सासे खुदियाया जोनोमनि उननिफ्राय बेसेबां बैसोसिम गोगो आरो गोख्रोङै थांना थायो बेखौ जिउनि मिजिंथिया थि खालामना होयो। बे मिजिंथिया जेसेनो बांगोन एसेनो मानसिखौ सम्पदाव सोलायहोनो हानाय जौखोन्दोयाबो बांगोन। जौगा माननि जिउनि मिजिंथिया जौगाखां सुबुं सम्पदनि दिन्थिथि।
(iii) जोनोम समाव खुदियानि थैनाय जौखोन्दो : दरसे हादराव खुदियानि थैनायनि जौखोन्दोआ हायलांनाया बे हादरनि सुबुं सम्पद जौगानायनि गुबुन मोनसे गाहाइ दिन्थिथि महरै गनायजायो। सुबुं सम्पदा जौगानोब्ला बेबादि थैनायनि बिसाना खमायलांनांगोन।
(iv) सुबुं खर’सा आय : हादर दरसेनि गासै हादरारि आयखौ हादरनि गासै सुबुं अनजिमाजों रानोब्ला जेसेबां आय मोनो बेखौनो सुबुं खर’सा आय बुंनाय जायो। सुबुं खर’सा आय बांनाया सुबुं सम्पद जौगानायखौ फोरमायो। जौगाखां सुबुं खर’सा आया जौगाखां सुबुं सम्पदनि दिन्थिथि।
(v) फरायसालियाव मुं थिसननाय आरो फरायसालि नागारनायनि जौखोन्दो: गुदि खलबनिफ्राय गोजौ सोलोंथाइनि खलबसिम जौमा फरायसालिफोराव फरायसाफोरनि मुं थिसननायनि जौखोन्दोआ बांनाय आरो फरायसालि एबा जौमा फरायसालि नागारनायनि जौखोन्दोआ खम जालांनाया सुबुं सम्पद जौगाथाइनि गुबुन मोनसे मख’जाथाव दिन्थिथि।
(vi) बेराम होबथाग्रा टिका होनायनि जौखोन्दो : दरसे हादरनि बेराम होबथाग्रा टिका होनाय जौखोन्दोआबो हादरनि सुबुं सम्पद जौगानायनि फोरमान होयो। मानोना बेयो खुदियानि गोगो सावस्रि आरो जिउ गोलाउ जानायाव रैखाथि होयो। बेनिखायनो बेराम होबथाग्रा टिका होनाय जौखोन्दोआबो सुबुं सम्पदनि दिन्थिथि महरै गनायजाथाव।
(ग) सुबुं सम्पद जौगाथाइ आरो जिउ राहायारि सोलोंथाइनि गेजेराव थानाय सोमोन्दो।
फिन:- सुबुं सम्पद जौगाथाय आरो जिउ राहायारि सोलोंथायफोरा गावजों गाव खाथि सोमोन्दो दं। सुबुं सम्पद जौगाथायनि थांखिया सुबुंफोरनि गुन, रोंग ‘थि, आखा-फाखा आरो दिहुनथाइखौ जौगाहोनाय, जेराव जिउ राहायारि सोलोंथायआ थि जिउ राहानि थाखाय गोनां जानाय बाहायजाथाव रोंग’थि आरो खामानि गोनां फोरोंथायखौ होयो।
जिउ राहायारि सोलोंथायआ सुबुंफोरखौ बिरोंदामिनारि रोंग’थि, आखायजों रोंमोनदांथि आरो जिउराहायारि रोंग’थिजों साजायनायजों सुबुं सम्पद जौगानायाव मोनसे गोनां बिफाव लायो। बेयो मानसिफोरखौ गावनोगाव सोनारनायाव मदद खालामो, खामानि गैयैखौ खम खालामो आरो दारिमिन, आबाद आरो मावमिनफोरनि सुबुं गोहोनि गोनांथिखौ आबुं खालामो।
जिउ राहायारि सोलोंथायनि गेजेरजों, सुबुं सम्पदफोरा रोंग ‘थिगोनां आरो दिहुनथायगोनां जायो, जाय रांखान्थियारि जौगानाय आरो हायुंआरि जौगानायखौ दैदेनो। बेनिखायनो, जिउ राहायारि सोलोंथायानो सुबुं सम्पदखौ जौगाहोनायनि मोनसे गोनांथार बाहागो, मानोना बेयो सुबुं अनजिमाखौ हादोरनि जौगानायाव गोहोम गोनां बिहोमा होनो हानाय रोंग’थिगोनां खामानि मावग्राफोरनि महराव सोलायो।
(घ) जिउ राहायारि सोलोंथाया माबादि थिसनथाइ गैयि जेंनाखौ सुस्रांनायाव मदद होयो।
फिन:- थिसनथाइ गैयि जेंनाया सासे सुबुंनि खामानि गैयि अबस्थाखौ फोरमायो । सासे सुबुंहा खामानि मावनो गोसो आरो गोहो थायो नाथाय थिसनथाइनि आंखालनि थाखाय थिसनथाइ गैयि जेंना सोमजिहोयो। बेनिखायनो, साफ्रोमनिबो थाखाय समाजनिफ्राय थिसनथाइ गैयि जेंनाखौ बोखारनायाव जिउ राहायारि सोलोंथाया गाहाय बिफाव लायो।
फसंथानारि सोलोंथाइनि जाय सोलोंथाइजों खामायनायनि राहा मोननो हायो बेखौनो जिउ राहायारि सोलोंथाइ बुंनाय जायो। जिउ राहायारि सोलोंथाया मानसिखौ खामायनो हाग्राल’ खालामा लोगोसेनो हादरनि थिसनजायि जेंनाखौ खमायहोना गाव थिसनथाइनि राहा खालामनायाव मदद होयो। मानसिखौ रांखान्थियारियै गावनि आथिङाव गसंहोनायाव जिउ राहायारि सोलोंथाया मखजाथाव बिफाव लायो।
3. थार/गोरोन्थि सायख’-
(क) मिथिंगायारि सम्पदा बांब्लानो हादरनि दिहुनथाया बाङो।
फिन:- गोरोन्थि
(ख) गासै मानसियानो सुबुं सम्पद जानो हाया।
फिन:- थार
(ग) सुबुं अनजिमा बांनाया सुबुं सम्पद जौगानायखौ फोरमाया।
फिन:- थार
(घ) जौगा माननि जिउ मिजिंथिया गोलैसोनाय सुबुं सम्पदखौ फोरमायो।
फिन:- गोरोन्थि
(ङ) हादरारि आयनि बांनाया हादर दरसेखौ गावनो गाव सोलिहानाय खालामनायाव मदद होयो।
फिन:- थार
(च) जोनोम समनि खुदियानि थैनाय हार सुबुं सम्पदनि जौगा नायाव हेंथा होयो।
फिन:- थार
4. लांदां जायगा आबुं खालाम –
(क) दरसे हादरनि दिहुनथाइ हाबानि मोनसे मख ‘जाथाव जाहोग्राया जादों ________ जेराव बाहागो लानो हायो _____________ आल’।
फिन:- दरसे हादरनि दिहुनथाइ हाबानि मोनसे मख’जाथाव जाहोग्राया जादों खामानि मावनाय जेराव बाहागो लानो हायो मानसि आल’।
(ख)_____________ आय बांनाया हादर दरसेखौ _____________ जानायाव मदद खालामो।
फिन:- हादरारि आय बांनाया हादर दरसेखौ गावनो गाव सोलिनोहानाय जानायाव मदद खालामो।
(ग) गोजौ सोलोंथाइ लाखांनायनि उनाव ____________ गासै लेखागोरों सुबुंनो _________ जगायनो हाया।
फिन:- गोजौ सोलोंथाइ लाखांनायनि उनाव सरखारा गासै लेखागोरों सुबुंनो साख्रि जगायनो हाया।
(घ) ___________ सोलोंथाया सुबुं सम्पद जौगानायनि ____________ ।
फिन:- मान थाखो गोनां सोलोंथाया सुबुं सम्पद जौगानायनि गुदि सिमां।
(ङ) जिउराहा गोनां सोलोंथाया मानसिखौ ___________ खालामा बेजों लोगोसे हादरनि साखिगैयि जेंनाखौ खम खालामनानै __________ नि लामा बोस्नांनायाव मदद खालामो।
फिन:- जिउराहा गोनां सोलोंथाया मानसिखौ खामायनो हाग्राल’ खालामा बेजों लोगोसे हादरनि साख्रि गैयि जेंनाखौ खम खालामनानै गाव थिसनथाइ नि लामा बोस्नांनायाव मदद खालामो।
5. लिरसुंथाइ लिर-
(क) सुबुं सम्पद
(ख) सुबुं सम्पद जौगाथाइ
(ग) सुबुं सम्पद जौगथाइनि दिन्थिथि
(घ) जिउ राहायारि सोलोंथाइ
फिन:-
(क) सुबुं सम्पद : सुबुं सम्पदआ मोनसे हादरनि सुबुं अनजिमाखौ बुंनाय जायो जाय रांखान्थियारि मावफारिफोराव खामानि मावनो आरो बिहोमा होनो हायो। सुबुं सम्पद जानोब्ला मानसिया खायसे गुननि बिगोमा जानांगोन। सम्पद महरै गनायजानो थखाय मानसिया जौगा थाखोनि जिउ खांनायनि थाखाय नांगौ जानाय सोलोंथाइ आरो फोरोंथाइ मोननाय जानायजों लोगोसे गोगो देहानि बिगोमा जानांगोन।
(ख) सुबुं सम्पद जौगाथाइ: सुबुं सम्पद जौगाथाइया सुबुंफोरनि सावस्रि, थार सोलोंथाइ आरो फोरोंथाइखौ जौगाहोनायनि फारिखान्थिखौ फोरमायो जाय हायुंआरि जौगानायाव बिहोमा होनो हायो। मानोना सोलोंथाइ आरो फोरोंथाया मानसिनि साननाय गोहोखौ फोजाखाङो आरो रोंमोनथाइखौ बांहोयो। गोगो सावस्रिया मानसिनि खामानि मावनाय गोहोखौ बांहोयो। बेबायदिनो सुबुं सम्पद जौगाथाया दिहुनथाइखौ बांहोनो, थिसनथाइ गैयिखौ बाङाइ खालामनो आरो रांखान्थियारि जौगानायखौ बांहोनो हेफाजाब होयो।
(ग) सुबुं सम्पद जौगथाइनि दिन्थिथि : जायफोर बिथिंखौ नोजोर होयोब्ला दरसे हादरनि सुबुं सम्पद जौगानायनि बाथ्राखौ हमदांनो हायो बेफोरखौ सुबुं सम्पद जौगाथाइनि दिन्थिथि होनना बुंनाय जायो। सुबुं सम्पद जौगाथाइनि दिन्थिथिफोरनि माखासे मख ‘जाथाव दिन्थिथिफोरा जादों –
(i) सोलोथाइनि हार :- मान थाखो गोना सोलोंथाया सुबुं सम्पद जौगानायनि गुदि सिमां। सोलोंथाइ राहाया गेबें जायोब्लासो जौगाखां सुबुं सम्पद दानाया जानो हागौ। थार सोलोंथाया गियान आरो रोंमोनथाइखौ बांहोयो। बेनिखायनो सोलोंथाइनि गोजौ हारा सुबुं सम्पदनि जौगाखांनायखौ फोरमायो। जाय हादराव सोलोंथाइनि हारा गोजौ बे हादरनि सुबुं सम्पदनि हाराबो जौगा माननि।
(ii) जिउनि मिजिंथि: सुबुं सम्पद जौगानायनि गुबुन मोनसे दिन्थिथिया जादों जिउनि मिजिंथि। सासे खुदियाया जोनोमनि उननिफ्राय बेसेबां बैसोसिम गोगो आरो गोख्रोङै थांना थायो बेखौ जिउनि मिजिंथिया थि खालामना होयो। बे मिजिंथिया जेसेनो बांगोन एसेनो मानसिखौ सम्पदाव सोलायहोनो हानाय जौखोन्दोयाबो बांगोन।
Class 8 Other Subjects: थाखो 8 नि गुबुन आयदाफोर
Social Science समाज बिगियान :
1. Class 6 Social Science
2. Class 7 Social Science
4. Class 9 Social Science
5. Class 10 Social Science
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Social Science Chapter-9 Question Answer ?
You can get complete SEBA Class 8 Social Science Chapter-9 on Bodoland Library.
2. Is this Class 8 Social Science content based on the SEBA syllabus?
Yes, all the Class 8 Social Science questions and answers are prepared strictly according to the latest SEBA (Assam Board) syllabus.