SEBA Class 8 Social Science Chapter-6
फरा- 6
भारतनि दारिमिन आरो रोगाथाइ राहा
उनसोलों :
1. सुंद’यै फिननाय हो-
(क) आकरिक सोरखौ गोथां मुवा हिसाबै बाहायजानाय रोखोमसे दारिमिननि मुं लिर।
फिन :- सोर-तीखा दारिमिननि।
(ख) रोखोमसे खाममोन खनियारि मुवानि मुं लिर।
फिन :- खैला ।
(ग) भारतनि दरसे खुन दिहुनग्रा राज्योनि मुं लिर।
फिन :- महाराष्ट्र ।
(घ) भारताव बयनिख्रुइ बांसिन बिबाङै बाहायजानाय रोगाथाइ मावमिननि मुं लिर।
फिन :- रेल रोगाथाइ ।
(ङ) आसामाव थानाय हादर गेजेरारि बिरखं बन्दरनि मुं लिर।
फिन :- ल’कप्रिय गोपीनाथ बरदल’ई हादोर गेजेरारि बिरखं गाथोन (Lokpriya Gopinath Bordoloi International Airport)
2. गेबें फिननायखौ लिर-
(क) अभ्र दिहुननायाव भारतनि जायगाया बुहुमनि मादाव-
(क) थामधि, (ख) नैथि, (ग) सेथि।
फिन :- (ग) सेथि।
(ख) भारताव गिबिसिन रेल सोलिजेनदोंमोन-
(क) 1835 मायथाइयाव,
(ख) 1935 मायथाइयाव,
(ग) 1853 मायथाइयाव
फिन :- (ग) 1853 मायथाइयाव
(ग) भारतनि लाउसिन हादरारि राजालामाया जादों-
(क) 44 नं हादरारि राजालामा,
(ख) 2 नं हादरारि राजालामा,
(ग) 7 नं हादरारि राजालामा
फिन :- (क) 44 नं हादरारि राजालामा
(घ) भारताव बयनिखुइ बांसिन लामा थानाय राज्योआ जादों-
(क) आसाम,
(ख) केराला,
(ग) अन्ध्रप्रदेश
फिन :- (ख) केराला
3. सुंद’ यै फिननाय हो-
(क) भारत हादरनि गाहाइ खनियारि मण्डलफोरा मा मा? आसामा बबेबा खनियारि मण्डलनि सिङाव नंगौना नङा लिर।
फिन :- भारत हादरनि गाहाइ खनियारि मण्डलफोरा जादों-
(i) सा-सानजा द्वीपसायारि मण्डल,
(ii) गेजेर मण्डल,
(iii) खोला मण्डल,
(iv) खोला सोनाब मण्डल,
(v) सा-सोनाब मण्डल,
(vi) सा-सानजा थावनि मण्डल ।
आसामा सा-सानजा थावनि मण्डलनि सिङाव नंगौ ।
(ख) भारतनि गंबा गाहाइ सोर-तीखा दारिमिननि मुं लिर।
फिन :- भारतनि गंबा गाहाइ सोर-तीखा दारिमिननि मुंफोरा जादों-
(i) जामछेदपुरनि टाटा सोर-तीखा दारिमिन,
(ii) बार्णपुर सोर आरो तीखा दारिमिन,
(iii) रुरकेल्ला तीखा दारिमिन,
(iv) भिलाइ तीखा दारिमिन,
(v) दुर्गापुर तीखा दारिमिन ।
(ग) मुम्बाइ-आहमेदाबाद ओनसोलाव सि दारिमिनफोरा मानो जाखांबोदों?
फिन :- सि दारिमिननि थाखाय गोनां जानाय जोन्थोर, गाब, रासायनारि मुवा, खुन आरि लाबोनो आरो दिहुनजानाय मुवाफोरखौ दैथायहरनो बन्दरनि खाबु थानायखाय मुम्बाइ-आहमेदाबाद ओनसोलाव सि दारिमिनफोरा जाखांदों।
4. बिगियान आरो आरोंदा बिद्यानि बाहायनाया हा, दै आरो बारनि रोगाथाइ बिथिङाव मा रोखोमनि सोलायनाय लाबोदों लिर।
फिन :- गोदो-गोदाय मानसिया दाबसे जायगानिफ्राय गुबुन दाबसे जायगासिम थाबायनानै एबा मैदेर, गराइ, गाध, मैसो आरि जुनारनि हेफाजाबाव थांलाय-फैलाय खालामदोंमोन। दै बाहागोआव नावजों मानसि आरो बेसाद-मुवाफोरखौ रोगादोंमोन। बिगियान आरो आरोंदानि गेजेरजों मोननाय जाफुंसारनायनि थाखाय हा-दै आरो अख़ां मोनथामबो बिथिङाव जौगा रोगाथाइनि राहाया जाफुंनो हादों। हा बाहागोआव गोदान गोदान खाबु गोनां गारि-मथर, रेलगारि, दै लामाजों गुबुन गुबुन खाबु गोनां जाहाज, जोन्थोरजों सोलिनाय दिङा आरो अख्रांनि लामाजों अख्रां जाहाज आरि बाहायनो लानाय जादों।
5. “रोगाथाइ राहाया हादर दरसेनि रोदा-रोदासा महरनि” बाथ्रानि गनायथियाव मोनथाम बानबुंथाइ हो।
फिन :-
1. रोगाथाइ राहाया मुवाफोरनि गोसारथाइखौ हेफाजाब होयो आरो हादरनि रांखान्थियारि जौगानायखौ हेफाजाब होयो।
2. बेयो गुबुन गुबुन ओनसोलफोरखौ फोनांजाबो आरो मानसिफोरनि गेजेराव जान्थाइखौ खम खालामो।
3. बेयो दारिमिनफोरखौ गोथां मुवाफोर मोन्नो आरो दिहुनजानाय मुवाफोरखौ हाथायाव दैथायहरनायाव मदद खालामो।
6. बुहुम सावगारिनि हेफाजाबाव गाहायाव होनायफोरखौ लिर –
(क) आसामाव हादरारि राजालामा नांलांनाय जिला सदरफोरनि मुं।
फिन :- गुवाहाटी (कामरूप मेट्र ‘), नागाव, ज ‘राट, शिवसागर, डिब्रूगढ़, तिनसुकिया, क’ क ‘राझाड़, ब’ङाइगांव, धुबरी, ग ‘लपारा, तेजपुर (स’नितपुर), लखीमपुर (सा लखीमपुर), धेमाजी, सिलचर (कछार), करीमगंज, हाफलं (दीमा हसाओ)
(ख) रेल लामा फोनांजाबि भारतनि सा-सानजा राज्यो दरनैसोनि मुं।
फिन :- मनिपुर आरो मेघालय ।
(ग) बुरलुंबुथुरनि साहाथिं धेमाजि जिलायाव थानाय रेल लामानि थुंगेनाय रेल ष्टेसननि मुं।
फिन :- मुर्कंसेलेक रेलवे स्टेशन (Murkongselek Railway Station) ।
7. हादर गेजेरारि बिरखं गाथोनफोरनि बिफावा मानो गोनां? लिर
फिन :- हादर गेजेरारि बिरखं गाथोनफोरनि गोनांथिफोरखौ गाहायाव होनाय जाबाय-
1. बुहुमनां फालांगिखौ जौगाहोनायः हादर गेजेरारि बिरखं गाथोनफोरा हादरफोरनि गेजेराव बेसादफोरनि गोख्रै रानसारनाआव हेफाजाब होयो, लाबोजानाय आरो दैथायहरनायखौ हेफाजाब होयो।
2. दावबायनायखौ बांहोनायः बेयो गुबुन हादोरारि दावबायारिफोरनि थाखाय दावबायनायखौ गोरलै खालामो, लोगोसे मोनसे हादोरनि आयखौ बांहोयो।
3. बुहुमनां फोनांजाबनायखौ गोख्रों खालामनायः बेयो फालांगि, सोलोंथाय आरो हारिमुनि थाखाय मोनसे हादोरखौ बुहुमनि गुबुन बाहागोफोरजों फोनांजाबो।
4. साख्रिनि थिसन्थाइ बांहोयोः बिरखं गाथोना रोगानाय, रैखाथि, आलासि सिबिनाय आरो मावमिनफोराव गोबां खामानि सोमजिहोयो।
Class 8 Other Subjects: थाखो 8 नि गुबुन आयदाफोर
Social Science समाज बिगियान :
1. Class 6 Social Science
2. Class 7 Social Science
4. Class 9 Social Science
5. Class 10 Social Science
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Social Science Chapter-6 Question Answer ?
You can get complete SEBA Class 8 Social Science Chapter-6 on Bodoland Library.
2. Is this Class 8 Social Science content based on the SEBA syllabus?
Yes, all the Class 8 Social Science questions and answers are prepared strictly according to the latest SEBA (Assam Board) syllabus.