SEBA Class 8 Social Science Chapter-2
फरा- 2
सुबुं अनजिमा बांनाय आरो रानसारनाय
उनसोलों।
1. गेबें फिननायखौ लिर-
(क) बबे ओनसोलाव सुबुं अनजिमाया बयनिखुइ बांसिन-
1. बिषुब ओनसोल,
2. सा मेरु,
3. सानजा एछिया,
4. आफ्रिकानि साहारा बालाहामा
फिन:- 3. सानजा एछिया
(ख) बबे हादरमानि सुबुं अनजिमाया बयनिखुइ बांसिन-
1. इउर’प. 2. आफ्रिका,
3. एछिया, 4. अष्ट्रेलिया
फिन:- 3. एछिया
(ग) 2011 मायथाइयाव आसामनि सुबुं अनजिमाया दंमोन-
1. 2.24 कौटि, 2. 3.12 कौटि,
3. 2.35 कौटि, 4. 2.46 कौटि
फिन:- 2. 3.12 कौटि
(घ) गाहायाव मख’नाय बबे हादरमायाव मानसिनि थाजोर थाथिलि गैया-
1. एछिया,
2. खोला आमेरिका,
3. कुमेरु एबा एन्टार्कटिका,
4. इउर’प
फिन:- 3. कुमेरु एबा एन्टार्कटिका
(ङ) बुहुमनि मादाव बयनिखुइ बांसिन सुबुं अनजिमा थानाय हादरा जाबाय-
1. भारत, 2. पाकिस्तान,
3. राछिया, 4. चीन
फिन:- 4. चीन
2. लांदां जायगा आबुं खालाम-
(क) सुबुं अनजिमा बांनाय सोदोबा सुबुं अनजिमानि ……………….बांनायखौ बुंजायो।
फिन:- अनजिमायारि
(ख) बुहुमनि बांसिन मानसिया …………… दुलुरखावाव थायो।
फिन:- सा
(ग) मोनफ्रोम बर्ग किल’मिटार हालामाव जेसेबां अनजिमानि मानसि थायो बेनो बै जायगानि सुबुं अनजिमानि ………… ।
फिन:- रोजोबथि
(घ) दाबसे जायगा नागारनानै बबेबा दाबसे गोदान जायगासिम थांनानै थानो लायोब्ला गोदान जायगाखौ दावबायखननायनि ………………………….. बुङो।
फिन:- थांखिथाइ जायगा
3. लिरसुंथाइ लिर-
(क) सुबुं सम्पदनि जौगानाय,
(ख) सुबुं अनजिमानि थुबुरथायारि,
(ग) सुबुं अनजिमा बेरफ्रुसारनाय।
फिन:-
(क) सुबुं सम्पदनि जौगानाय : हादर दरसेनि गासैबो मानसिया सोलोंथाइ, हाबा मावनाय गोहो, आरोंदायारि सोलो, बुद्धि आरि बिथिङाव समान थाखोनि नङा। हाबा मावथाइ, दिहुनथाइ सोलो, गियान बुद्धि आरिया सुबुं सम्पदनि माखासे गुनगोनां आखु। सुबुं सम्पदा समाज आरो हादर जौगानायनि बिथा बादि। बेबादि सुबुं सम्पदखौ थियै जाखांहोनायखौनो सुबुं सम्पदनि जौगानाय होननानै बुंनो हायो। बेखायनो सुबुं सम्पद जौगानायनि ओंथिया जादों सम्पद महरै मानसिनि गुनखौ फोजौनाय। बेनि थाखाय सरखारनि थि बिथांखि थानाया गोनां। समाजनि गासै थाखोनि मानसिनि थाखाय सम्पद, सोलोंथाइ, गोगो सावस्रि, थि थिसनथाइ आरिनि राहाखौ नांगौबादियै थिरां खालामनायानो जादों सुबुं सम्पद जौगानायनि गाहाइ रादाइ। सुबुं अनजिमानि गुनारि जौगानायखौ सुबुं सम्पदनि जौगानाय होननानै बुंनो हायो।
(ख) सुबुं अनजिमानि थुबुरथायारि: जायगा लानानै जायगा सुबुं अनजिमानि रानसारनाया गुबुं, गेजेर थाखोनि आरो गेसें जानाय नुनो मोनो। गोदो बुहुमनि गोबां ओनसोलाव दैमा सेरफां मिरुआरि सोदोमस्रिया जौगाखांदोंमोन। बेफोरबादि ओनसोलफोराव सुबुं थाथिलिया मिरुथायारि जादोंमोन। सरासनस्ना दैमा सेरफां आरो बोरिमानि समान हा ओनसोलनि हाया आबाद मावनायनि थाखाय साबजाथाव। बेनि अनगायौबो बेबादि ओनसोलफोराव दारिमिन, जुनार फिसिनाय आरिनि थाखाय नांगौ जानाय दैनि खाबुबो थायो। ना हमनाय जिउ राहा आरो खम खरसानि हान्था मेलानि खाबु थानायनि थाखायनो दिनैसिमबो बेफोर ओनसोलफोराव सुबुं थाथिलिया गुबुं आरो नोगोरनि अनजिमायाबो गोबां। सरासनस्रायै जायफोर जायगायाव मिथिंगायारि एबा सुबुंआ सोरजिनाय खाबुनि बिथायाव थाथिलिया जोबोर गुबुं, बैखौनो सुबुं अनजिमानि मिरुथाइ एबा सुबुं अनजिमानि थुबुरथायारि जानाय होननानै बुंनाय जायो।
(ग) सुबुं अनजिमा बेरफ्रुसारनाय: बुहुमाव मानसिया सोमजिजेननाय समनिफ्रायनो सुबुं अनजिमाया फारियै बांबोनानै आथिखालनि थाथाइखौं मोनफैदों। गुबुन गुबुन समाव जानाय मिथिंगायारि खैफोद, बारदेरग्रा बेराम आरिनि जाउनाव गोबां मानसिनि जिउआ खहा जादोंब्लाबो मानसिनि बांनाया थाबथायाखै। मोनसे समनि लांदां जायगाफोरा दा मानसिजों बुंफबबाय। जिस्निजौ जौथाइनि गेजेर बाहागोसिम बुहुमाव मानसिनि अनजिमाया 50 कौटिफ्रामनि खाथि सफैदोंमोन। नाथाय उननि समफारियाव फाहामथाइ राहानि जौगानायाव बारदेरग्रा बेरामफोरखौ होबथानायजों लोगोसे बेराम-आजारफोरखौ जौगाखां फाहामथाइजों सोखानो हानायाव मानसिनि थैनायनि हारा खम जाबोयो। बेनि जाउनाव जिगुजौ जौथाइनि जागायजेननायनिफ्राय सुबुं अनजिमाया गोख्रै बांलांनो हमो। सुबुं अनजिमानि बेफोरबादि गिख्रंथाव सोलायनायखौ सुबुं अनजिमानि बेरफ्रुसारनाय बुंनाय जादों।
4. फोरमायनानै लिर (मोन 80 सोदोबनि गेजेराव)
सुबुं दावबायखननाया माखौ बुङो? बेनि जाहोनफोरा मा मा? सुबुं दावबायखननायनि फिथाइफोरा मा रोखोमनि ?
फिन:- मानसिया खामानिनि थाखाय एबा गुबुन माबाफोर जाहोनाव गुबुन दाबसे जायगासिम थांनानै थाजोरै थाहैनाय एबा थाथ’ हैनाय खामानिखौ सुबुं दावबायखननाय बुङो।
बेनि जाहोनफोरा जादों सरासनस्रायै बारदेरग्रा बेराम दावहा, मिथिंगायारि खैफोद, (महामारि), दैबाना, हा-खुरखानाय, जामुंनि खैफोद, राजखान्थियारि खैफोद । बेफोरनि जाहोनाव मानसिया बबेबा जायगाखौ नागारनानै गुबुन दाबसे जायगायाव दावबायखनो।
सुबुं दावबायखननायनि फिथाइफोरा जादों थांखिथाइ जायगायाव जिउ खांनाया खाबु गोनांसिन जायो, जेरै- जौगाखां सोलोंथाइ लानाय, हाबा थिसनथाइ, खैफोदगैयि जिउ खांनाय। लोगोसे बै जायगायाव दारिमिन, कारखाना, बानायनाय एबा लुनाय हाबा आरियाव खामानि मोननो हायो।
5. मावथांखि :
क) नोनि गामि एबा नोगोराव मा मा खाबुनि थाखाय सुबुं अनजिमाया बांदों फोरमाय।
ख) बुहुमनि सुबुं अनजिमा रानसारनाय आरो बांसिन सुबुं अनजिमा थानाय हादरफोरखौ नायना हादरमा बादियै लिर।
Social Science समाज बिगियान :
1. Class 6 Social Science
2. Class 7 Social Science
4. Class 9 Social Science
5. Class 10 Social Science
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Social Science Chapter-2 Question Answer ?
You can get complete SEBA Class 8 Social Science Chapter-2 on Bodoland Library.
2. Is this Class 8 Social Science content based on the SEBA syllabus?
Yes, all the Class 8 Social Science questions and answers are prepared strictly according to the latest SEBA (Assam Board) syllabus.