SEBA Class 8 Social Science Chapter-12 Questions Answers
फरा- 12
गुदि मोनथाइ
उनसोलों :
1. सुद’यै फिननाय लिर-
(क) गुदि मोनथाइ बुंब्ला माखौ बुजियो ?
फिन:- नोगोरारिफोरनि सोलो आरो गावारि गुनखौ जौगाहोनो थाखाय संबिजिरा जायफोर मोनथाइखौ होदों बे मोनथाइफोरखौनो गुदि मोनथाइ होनना बुंनाय जायो।
एबा
संबिजिरा गनायथि होनाय मोनथाइफोरखौनो गुदि मोनथाइ बुङो।
(ख) बबे हादराव गुदि मोनथाइनि सानखांथिया जोनोम लाग्रोदोंमोन?
फिन:- आमेरिका जथाइ हादराव गुदि मोनथाइनि सानखांथिया जोनोम लाग्रोदोंमोन।
(ग) संबिजिरनि बबे दफानि गेजेराव गुदि मोनथाइफोरखौ मख’नाय जादों ?
फिन:- संबिजिरनि 14 नं दफानिफ्राय 35 नं दफानि गेजेराव गुदि मोनथाइफोरखौ मख’नाय जादों ।
(घ) भारतनि संबिजिरनि दोहोननि मोनथाइखौ बेसेबां मायथाइयाव दैखांना लानाय जादोंमोन?
फिन:- 1978 मायथाइयाव ।
(ङ) बबे मायथाइयाव गथ’नि सोलोंथाइनि मोनथाइ आइनखौ रनसायनाय जायो ?
फिन:- 2009 मायथाइयाव ।
2. लांदां जायगा सुफुं-
(क) हारि बासिनाया मोनसे समाजारि …………… ।
फिन:- बेराम।
(ख) भारतबर्षआ दरसे दोहोरोम ……………… हादर।
फिन:- दोहोरोमसायखयि
(ग) गुदि मोनथाइफोरा संबिजिरनि मोनसे नागारहायि …………….. ।
फिन:- बाहागो
(घ) गुदि मोनथाया नोगोरारिनि …………….. जौगानायाव मदद होयो।
फिन:- गावारि गुन
3. थार फिननायखौ सायख’ना दिहुन-
(क) हादरनि जरुरी थासारियाव नोगोरारिया गासै गुदि मोनथाइखौ मोनफुंनो हायो/ हाया।
फिन:- हाया
(ख) नोगोरारिफोरनि गुदि मोनथाया सिख’जायोब्ला बिजिरसालिनि खाथियाव थांनो हायो / हाया।
फिन:- हायो
(ग) आइननि नोजोराव हादरगिरिनिफ्राय मावदांसा थाखोनि सुबुंसिम गासैबो समान / समान नङा।
फिन:- समान
(घ) सरखारि अनसुंथाइ मोननाय फरायसालियाव गासै फरायसायानो सोलोंथाइ लानो हायो / हाया।
फिन:- हायो
(ङ) गासै भारतारि नोगोरारिया गावबा गावनि राव-हारिमुखौ रैखा खालामनो हायो / हाया।
फिन:- हायो
4. संबिजिराव गुदि मोनथाइफोरखौ थिसननायनि जाहोना मा लिर?
फिन:- संबिजिराव गुदि मोनथाइफोरखौ थिसननायनि जाहोना जादों-
1. गुदि मोनथाइ गैयाब्ला नोगोरारिनि गावारि गुन जौगानायाव हेंथा गोलैयो।
2. सरखारनि अनागारि खुंथाइयाव हेंथा होना नौ-नारिनि उदांस्रिखौ रैखाथि होयो।
3. गुदि मोनथाइफोरखौ मोनफुंनायाव हारि, दोहोरोम, राव, बोरोन सायख’नाय गैयाजासे हौवा-हिनजाव बयबो
समानै बे मोनथाइफोरखौ मोनफुंनो हायो।
एबा
मानोना बे मोनथाइ गैयाब्ला नोगोरारिनि गावआरि जौगानो हाया। उदांस्त्रिनि मोनथाइ,समानथिनि मोनथाइ,सोबख’नायनि बेरेखायै मोनथाइ बायदि फोरखौ मोनफुंनो थाखाय संबिजिराव गुदि मोन्थाइफोरखौ थिसननाय जादों। बेयो नोगोरारिफोरखौ सोरकारजों गोहोनि गाज्रि बाहायनायनिफ्राय रैखा खालामो, बाङाइ सुबुं अनजिमा थानाय हारिफोरखौ रैखा खालामो आरो हायुंआरि जथाइखौ बांहोयो। बे मोन्थाइफोरा आयेनारि राहाफोरबो होयो जाहाथे नोगोरारिफोरा गावसोरनि मोन्थाइखौ सिफायनाय जायोब्ला बिजिरसालिनि खाथियाव थांनो हायो।
5.फोरोंगिरिनि हेफाजाबाव थाखोनि फरायसाफोरखौ मोनसे आयदानि सायाव दान्थे-बिदान्थे बादायलायनाय खुं- ‘गुदि मोनथाया नोगोरारिफोरनि रैखा थाबिस।’
फिन:- (नोंसोरनो थाखोयाव खुं)
6.’गथ’ मावदांसा होबथानाय, आइजोफोरनो समान मोनथाइ होनाय आरो समाजनिफ्राय खोमसि फोथायनायखौ होखारनाय’- बेबादि जेंनाफोरनि सायाव दोंफायै लामानि फावथिना लिरना जायगा जायगा दिन्थिफुं।
उफेरा सोंनाय फिननाय
1. मोनथाइ होनोब्ला माखौ बुजियो ?
फिन:- नोगोरारिनि जौगानायनि थाखाय हादरा होनाय खाबु-खालाखौनो मोनथाइ होनना बुजियो।
2. भारतनि संबिजिरनि मोन्थाम गुदि मोन्थाइफोरखौ लिर।
फिन:- (1). समानथिनि मोनथाइ, (2). उदांसिनि मोनथाइ आरो (3). सोलोंथाइ आरो हारिमुनि मोनथाइ ।
3. समानथिनि मोनथाइ (Right to Equality) खौ संबिजिरनि बबे दफानि गेजेराव होनाय जादों?
फिन:- संबिजिरनि 14 नं दफानिफ्राय 18 नं दफानि गेजेराव होनाय जादों ।
4. उदांस्रिनि मोनथाइ (Right to Freedom) खौ संबिजिरनि बबे दफानि गेजेराव होनाय जादों?
फिन:- संबिजिरनि 19 नं दफानिफ्राय 22 नं दफानि गेजेराव होनाय जादों ।
5. सोलोंथाइनि मोनथाइ (Right to Education) खौ संबिजिरनि बबे दफायाव होनाय जादों?
फिन:- दफा 21 (क) (Article 21A) ।
6. सोलोंथाइनि मोनथाइ आइन 2009 माइथाइनि गाहाइ थांखियानो मा?
फिन:- 6-14 बोसोरनि साफ्रोम गथ’नो 8 बोसोरनि बेसेननाङि आरो गोनांथार सोलोंथाइखौ लाहोथारनाय, 6 बोसोर बैसोसिम फरायसालियाव मुं थिसनालाबानो थानाय आरो गुदि सोलोंथाइखौ लाजोबि फरायसाखौ खाबजाथाव थाखोआव मुं थिसनहोनाय आरि।
7. गथ’ मावदांसा होबथानाय आइनखौ माब्ला दादोंमोन?
फिन:- 2006 मायथाइयाव ।
8. गथ’सानि सायाव आथोनारि हिंसा होबथानाय आइन खौ माब्ला दादोंमोन?
फिन:- 2012 मायथाइयाव । (Protection of Children from Sexual Offences Act,2012)
9. POCSO नि आबुं महरखौ लिर।
फिन:- POCSO नि आबुं महरा- Protection of Children from Sexual Offences ।
10. भारतनि संबिजिर आफादनि खचरा आफादनि आफादगिरिआ सोरमोन?
फिन:- ड० बि आर आम्बेदकार।
11. भारतबर्षआव हादरारि दोहोरोम दंना?
फिन:- गैया।
12. गुदि मोनथाइनि मोननै गाहाइ आखुथाइ लिर।
फिन:-
(i) गुदि मोनथाया संबिजिरनि मोनसे एंगारहायि बाहागो।
(ii) गुदि मोनथाइयाव हारि, बोरोन, राव, दोहोरोमनि, हौवा-हिनजाव सायख’नाय गैया।
Social Science समाज बिगियान :
Social Science समाज बिगियान :
1. Class 6 Social Science
2. Class 7 Social Science
4. Class 9 Social Science
5. Class 10 Social Science
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।