SEBA Class 8 Social Science Chapter-11
फरा- 11
राङारि-समाजारि जौगाथाइयाव राङारि फसंथानफोरनि बिफाव
उनसोलोः-
1. गुसुङै फिननाय लिर-
(क) हादरनि राङारि-समाजारि जौगाथाइनि थाखाय सरखारा मा खालामो?
फिन:- राङारि-समाजारि जौगाथाइनि थाखाय सरखारा बायदि रोखोमनि हाबाफारि, बिथांखि आरि आजावो आरो बेखौ मावफुङो।
(ख) रांखान्थियारि जौगाथाइनि गुदि थादेरसा मोननैसोनि मुं मख’।
फिन:- लामा,दालां, न’,हान्थामेला, फोनांजाब, बायदि बायदि।
(ग) राङारि फसंथाना माखौ बुङो?
फिन:- रांखान्थियारि फसंथानफोरा बैफोर फसंथानफोर जाय गुसुं समफारि, गेजेर समफारि आरो गोलाव समफारिनि थाखाय दाहार होनानै मानसिफोरखौ दिहुनथायारि आरो गावखौ सोनारनायाव बिहोमा होयो ।
(घ) बेंका मावनाय मोननै मख’ जाथाव हाबानि बिदिन्थि हो।
फिन:- बेंका मावनाय मोननै मख’ जाथाव हाबानि बिदिन्थिया जादों-
(i) बेंकआ ग्राहकफोरनि रां दोन्थुमनायखौ आजावो।
(ii) ग्राहकफोरनो रां दाहार होयो।
(ङ) जोंनि हादरनि मिरूवारि बेंकखौ मा मुङै मिथिनाय जायो?
फिन:- जोंनि हादरनि मिरूवारि बेंकखौ रिजार्भ बेंक अब इण्डिया मुङै मिथिनाय जायो।
(च) नेडफिनि अनसुंथायाव दिहुनजानाय बेसादफोरखौ बबेयाव फाननाय जायो?
फिन:- नेडफिनि अनसुंथायाव दिहुनजानाय बेसादफोरखौ गुवाहाटीनि आमबारीनि नेडफिहाट फसंथानाव फाननाय जायो ।
2. गुवारै सावराय-
(क) राङारि-समाजारि जौगानायाव फालांगियारि बेंकफोरनि बिहोमा।
फिन:- नांगौ बादियै रादाइनि सायाव बिथा खालामना फालांगियारि बेंकआ ग्राहकफोरनो गोलावसमारि आरो गुसुंसमारि रां दाहार होयो। फालांगियारि बेंकफोरा दोनथुमग्राया जमा दोनथुमनायनि सायाव सोनारना समाजनि गुबुन गुबुन थाखोनि मानसिनो जेरै-दारिमिनगिरि,आबादारि, कारिकर,साख्रिआवला, फरायसा आरिनो दाहार होयो आरो हादरनि रांखान्थि-समाजारि जौगानायाव गोबां बिहोमा होयो।
Or
(i) फालांगियारि बेंकफोरा समाजनि गुबुन गुबुन बाहागोफोर जेरै- आबादारिफोर, दारिमिनारिफोर, महरगिरिफोर, बायदि बायदिफोरनो दोनथुमग्राफोरजों जमा खालामजानाय रां दोनथुमनायनि बिथायाव दाहार होनानै हादोरनि समाजारि-रांखान्थियारि जौगानायाव हेफाजाब होयो।
(ii) दिहुनगिरिफोरनो रांखान्थिनि गुबुन गुबुन खोन्दोफोरनि गुन गोनां जौगाथायनि थाखाय गोबां बिबांनि रां बाहायनायनि गोनांथि जायो। सरकारि हेफाजाब गैयाब्ला रावबो गाव हारसिङैनो गोबां बिबांनि रां बाहायनो हाया।
(iii) गोरिब आबादारिफोरा गावसोरनि रांखान्थियारि हाबा-हुखाफोरखौ मावनो थाखाय महाजनफोर एबा गावारि दाहार होग्राफोरजों मोगामोगि जायालाबानो फालांगियारि बेंकफोरनिफ्राय दाहार लानो हायो ।
(iv) फालांगियारि बेंका फरायसाफोरनो सोलोंथायारि रां दाहार होयो जाहाथे गोजौ सोलोंथाइनि फारसे बिसोर गोसो दुंखाङो। फरायनाया जोबागौमानि फरायसाफोरा बे दाहारखौ सुखनो नाङा। फरायनाया जोबखांनायनि उनावबो 18 दानसिम दाहार सुखनाय समसिमा होनाय जायो।
(ख) सा-सानजा भारतनि रांखान्थियारि जौगानायाव सा-सानजा गथुम आरो सा-सानजा जौगाथाइ राङारि निगमनि बिफाव।
फिन:- गेदेर ओनसोलनि जथाइ जौगाथाइनि थांखिखौ लानानै भारत सरखारा 1971 मायथाइयाव सा-सानजा गुथुम (NEC) मुंनि फसंथानखौ गायसन्दोंमोन। बेनि माखासे नोजोर आरो थांखिया सा-सानजा भारतनि रांखान्थियारि जौगानायाव गोबां बिहोमा होदोंमोन। बे फसंथाननि नोजोर आरो थांखिफोरा जादों-
1. जथाइ ओनसोलारि बिथांखिनि दारै दुलाराय सा-सानजा भारतनि राङारि-समाजारि जौगाथाइनि थाखाय हागौमानि नाजानाय।
2. सा-सानाजा भारतनि राज्योफोरनि गेजेराव मदद होलायनाय, जथाइ नाजानाय आरो खौसेथिखौ बांहोनाय।
3. बाहागिदार राज्योफोरनि इसिं दाथायारि राहाखान्थिफोरनि जौगाथाइनि थाखाय नाजानाय।
सा-सानजा भारतनि सिङाव थानाय राज्योफोराव राङारि अनसुंथाइ होनायनि थांखियै 1995 मायथाइयाव सा-सानजा जौगाथाइ राङारि निगम एबा नेडफि मुंनि फसंथानखौ गायसननाय जादोंमोन। फिसा दारिमिन, नंखर दारिमिन, आखाइनि साल आरो सि दारिमिन, गावखौ सुंथानाय हानजा आरियाव दिहुनजानाय बेसादखौ फाननो थाखाय बे निगमा खाबु होयो।
नेडफिया ओनसोलनि जायगायारि सम्पदफोरनि आरजाथाव बाहायथिनि थाखाय आबहावा आरो इसिङारि दाथाइनि मावथांखिफोरखौ सिनायथिनाय आरो फोजौलांनायाव मदद होयो। नेडफिनि गाहाइ खामानियानो जादों ओनसोलनि सम्पदखौ बांहोनाय आरो नौनारिनि रांखान्थियारि जौगाधाइ लाबोनाय।
सा-सानजा भारतनि राज्योफोरनि नौनारिनो बे फसंथाना बायदि बिथिङाव जेरै-आबाद, मुलिहारिनि बिफां गायनाय, रेचम शिल्प, नखर शिल्प, आखाइनि शिल्प आरो सि शिल्प, बागाननि फसल, दाव-हांसो फिनाय,अमा फिनाय, ना फिनाय आरि बिथिङाव राङारि अनसुंथाइ होबोदों। जरखायै जायफोर सुबुङा बेंकनिफ्राय रां दाहार मोननायनि थाखाय गुबुन गुबुन रादाइफोरखौ सुफुंनो हाया बिसोरनो बे फसंथाननि दारै खम सुदाव रां दाहार होनाय जायो।
(ग) गावखौ सुंथानाय हानजा दानायनि नोजोर आरो थांखिफोर।
फिन:- गावखौ सुंथानाय हानजा दानायनि नोजोर आरो थांखिफोरा जादों-
1. गावखौ सुंथानाय हानजा दानायनि गेजेरजों जयै खामानि मावनायन बोलो आरो गोसोथि सोमजिहोनाय।
2. जौगालुवारि बिथांखिनि दारै राङारि फसंथाननिफ्राय रां दाहार लानायनि खाबु लानाय।
3. हानजानि सोद्रोमाफोरा जयै रांखान्थियारि हाबाफारि लानाय।
4. हानजानि सोद्रोमाफोरनि गेजेराव दोनथुमनायनि हुदा दानाय।
5. गामियारि नौनारिनि गेजेराव सांग्रांथि लाबोनानै गावखौंनो गाव मदद होनायनि गोसोथिखौ फोजाखांनाय।
6. रां दाहार होनाय फसंथानजों सोमोन्दो गायसननाय आरो जथाइ रां दाहार मोननायाव मदद खालामनाय आरिया मख’जाथाव।
3. रेबसुं लिर-
(क) समबाय बैंक
(ख) नाबार्ड (NABARD)
(ग) मिरूवारि बेंक
(घ) गावखौ सुंथानाय हानजा
फिन:-
(क) समबाय बैंक : जोंनि हादराव गामि ओनसोलाव जिउखुंनाय गोरिब थाखोनि मानसिफोरखौ माहाजोन थाखोनि मानसिफोरनि सोबख’नायनिफ्राय बारग’होना आरो खम हारनि सुदाव बै थाखोनि मानसिफोरनो दाहार मोननायखौ गोरलै खालामनाय थांखियै समबाय बेंकनि राहा खालामनाय जादोंमोन। समबाय बेंक राहाया जोंनि हादराव मोनथाम थोरफोनि :-
(क) जौसिन थोरफोआव गंफोमबो राज्योआवनो राज्योयारि समबाय बेंक
(ख) जिला थोरफोआव गंफायै मिरुवारि समबाय बेंक आरो
(ग) गुदि थोरफोआव गामि ओनसोलाव आबाद सोनारथाइ समबाय समितिफोरा हाबा मावफुङो। समबाय बेंकआ खम सुदाव गोरिब आबादारि, सि दाग्रा, फिसा दारिमिनगिरिनो दिहुनथाइयारि खामानिनि थाखाय गुसुंसमारि दाहार होयो। भारतनि बांसिन अनजिमायानो आबादनि सावाव सोनारनांगौ जानायनि बिथिङाव हादरनि रंखान्थि जौगानायाव समबाय बेंकनि बिहोमाया मख’जाथाव।
(ख) नाबार्ड (NABARD) : हादरनि आबाद आरो गामियारि जौगाथाइनि थांखिखौ सिगाङाव दोननानै जोंनि सरखारा 1982 मायथाइयाव हादरारि आबाद आरो गामियारि जौगाथाइ बेंक (NABARD) मुंनि मोनसे राङारि फसंथान गायसनो। बे बेंका गासै रोखोमनि आबाद दाहारजों लोगोसे गामियारि जौगाथाइनि गुबुन गुबुन बिथांखि, मावथांखि आरिनि थाखाय दाहार होयो। बे दाहारफोरखौ गुसुं समारि (18 दाननि थाखाय) आरो गोलाव समारि (25 बोसोरनि थाखाय) हिसाबै होनाय जायो। समबाय बेंक, हा जौगाथाइ बेंक, ओनसोलारि गामियारि जौगाथाइ बेंक, फालांगियारि बेंकफोरनो नाबार्डा रां दाहार
होयो। गामियारि दाहार होनायाव नाबार्डा जोंनि हादराव मिरु सरखारनि थान्दै महरै हाबा मावो।
(ग) मिरूवारि बेंक : दरसे हादरनि गासै बेंक राहाखान्थिनि दिथागिरि एबा जौसिन मासियाव थानाय बेंकानो जादों मिरुवारि बेंक। रिजार्भ बेंकानो जादों जोंनि हादरनि मिरुवारि बेंक। 1935 मायथाइयाव बे बेंकखौ गायसननाय जादोंमोन। जों बाहायनाय लेखा बिलाइनि रांखौ साफायनायनि मोनथाया एखुथायै मिरुवारि बेंकआल’ थायो। मिरुवारि बेंकनि अनगा गुबुन बेंकफोरा लेखा बिलाइनि रांखौ साफायनो हाया। मिरुवारि बेंका हादरनि जौसिन मासियाव थानाय राङारि फसंथान। मिरुवारि बेंका जादों बेंकफोरनि बेंक। गुबुन गुबुन बेंकफोरनि हिसाबखौ मिरुवारि बेंका आनजाद खालामो।
(घ) गावखौ सुंथानाय हानजा : गावखौ सुंथानाय हान्जाया जादों दिहुनथायारि खामानि मावनायनि गेजेरजों राङारि बिथिङाव गावनि आथिङाव गसंनो नागिरनाय नौनारिनि मोनसे गथुम एबा हान्जा जायफोरा रांखान्थियारियै गोखों नङा। सरासनस्रायै सा 10 निफ्राय 20 सोद्रोमाखौ लानानै बेबादि हानजाखौ दानो हायो। बे हानजानि गाहाइ थांखिया जादों हानजानि सोद्रोमाफोरनि गोरिबथिखौ होखारनो थाखाय जथाइ थांखिखौ सिगाङाव लानानै जयै खामानि मावनो नाजानाय। राङारियै गोग्लैसोनाय आरो खामानि मोनि मानसिया बे रोखोमनि हानजा दानानै बेंक, नेडफि आरि राङारि फसंथाननिफ्राय रां दाहार मोनो। गावखौ सुंथानाय हानजाया खामानि मोनि सेंग्रा-सिख्लाफोरनो बायदि रोखोमनि आरजिथाइनि लामा दिहुनना होनायाव मदद होयो। बेनि अनगायैबो हानजानि गेजेरजों गामि ओनसोलनि गैजा रोङि सिमा हांखोनि सिङाव थानाय मानसिफोरा दाव-हांसो फिनाय, सि दानाय, सि सुथाबनाय, बिबारनि आबाद मावनाय आरि बिथांखि आजावना गाव थिसनथाइनि लामा नागिरना लानो हायो।
4. गेबें/गोरोन्थि सायख’-
(क) गोबां खर’सा आया (Per Capita Income) हादरनि जौगानायाव हैंथा होयो।
फिन:- गोरोन्थि
(ख) दारिमिनारि आरो रां थिसनथाइ बेंका दारिमिन खोन्दोआव गोलाव समारि रां दाहार होयो।
फिन:- गेबें
(ग) गावखौ सुंथानाय हानजाया मिरूवारि बेंकाव सेभिं बेंक एकाउन्ट खुलिनांगौ।
फिन:- गोरोन्थि
(घ) नेडफिनि गाहाइ मावखुलिया शिलङाव।
फिन:- गोरोन्थि
(ङ) राङारियै गोख्रों सुबुंफोरा गावखौ सुंथानाय हानजानि सोद्रोमा जानो हायो।
फिन:- गोरोन्थि
उफेरा सोंनाय फिननाय
1. दरसे हादरनि न’खरारि दिहुनथाइ बांनाया मा दिन्थियो ?
फिन :- राङारि जौगानायखौ दिन्थियो ।
2. हादरारि आयनि ओंथिया मा?
फिन :- हादर दरसेयाव माबेबा मोनसे थि बोसोराव गुबन गुबुन रांखान्थियारि खोन्दोफोराव दिहुन जानाय बेसद आरो मावमिननि खाउरियारि बेसेनखौ हादरारि आय बुङो।
3. दरसे हादराव खर’सा आया माब्ला बाङो ?
फिन :- हादरनि सुबुं अनजिमा बांनायनि हारनिखुइ हादरारि आया बाङोब्ला खर’सा आया बाङो।
4. दिहुनथाइया बांब्ला माया बाङो ?
फिन :- आया बाङो ।
Class 8 Other Subjects: थाखो 8 नि गुबुन आयदाफोर
Social Science समाज बिगियान :
1. Class 6 Social Science
2. Class 7 Social Science
4. Class 9 Social Science
5. Class 10 Social Science
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Social Science Chapter-11 Question Answer ?
You can get complete SEBA Class 8 Social Science Chapter-11 on Bodoland Library.
2. Is this Class 8 Social Science content based on the SEBA syllabus?
Yes, all the Class 8 Social Science questions and answers are prepared strictly according to the latest SEBA (Assam Board) syllabus.