SEBA Class 8 Social Science Chapter-1 Questions Answers
फरा- 1
गोजाम कामरुप राज्यो
उनसोलों :
1. सुंद’यै फिन हो-
(क) भगदत्तनि फिसाजोनि मुङ मामोन?
फिन:- भानुमती ।
(ख) सोर राजानि खुंथाइ समाव चीना दावबायारि हिउवेन चाङा कामरुप राज्यो दावबायदोंमोन?
फिन:- भास्कर बर्मन ।
(ग) कामरुपनि राजखुंग्री अमृतप्रभाखौ सोर राजाया हाबा खालामदोंमोन?
फिन:- काश्मीरनि राजा मेघबाहनआ कामरुपनि राजखुंग्री अमृतप्रभाखौ हाबा खालामदोंमोन।
(घ) शालस्तम्भ फोलेरनि साबसिन राजाय सोरमोन?
फिन:- श्री हर्षदेब ।
(ङ) सोर राजाया कामरुपआव जानाय बखतियार खिलिजिनि गाग्लोबनायखौ होबथादोंमोन?
फिन:- राजा पृथुआ।
2.गेबें फिननायखौ सायख ‘ना दिहुन-
(क) बर्मन फोलेरखौ पुष्य बर्मनआ/ भाष्कर बर्मनआ गायसंदोंमोन।
फिन:- बर्मन फोलेरखौ पुष्य बर्मनआ गायसंदोंमोन।
(ख) ‘चि-इउ-कि’ कौटिल्य / हिउवेन चांनि बिजाबमोन।
फिन:- ‘चि-इउ-कि’ हिउवेन चांनि बिजाबमोन।
(ग) कुमार भास्कर बर्मननि राज्यो खुंनाय समनिफ्राय जागायजेननाय मुगाया जाबाय शकाब्द/
भास्कराब्द।
फिन:- कुमार भास्कर बर्मननि राज्यो खुंनाय समनिफ्राय जागायजेननाय मुगाया जाबाय भास्कराब्द ।
(घ) गोजाम कामरुपआव राजाखान्थि / सुबुं खान्थि खुंथाइ राहा सोलियोमोन।
फिन:- गोजाम कामरुपआव राजाखान्थि राहा सोलियोमोन।
3. लानदां जायगा आबुं खालाम –
(क) गोजाम कामरुप राज्योनि गाहाइ जिउखुंराहाया जादोंमोन ………………… ।
फिन:- आबाद
(ख) बर्मन फोलेरखौ ………………… गायसंदोंमोन।
फिन:- पुष्य बर्मन
(ग) पाल फोलेरनि साबसिन राजाया जादोंमोन ……………….. ।
फिन:- रत्नपाल
(घ) कामरुप राज्योनि राजाया ………………. बिमुं नाजावदोंमोन।
फिन:- परमभट्टारक, महाराजाधिराज, परमपरमेश्वर आरि
(ङ) ……………….आ कामरुप राज्योनि आयनि गाहाइ फुंखामोन।
फिन:- हानि खाजना
4. रेबसुंथाइ लिर –
भास्कर बर्मन,
गोजाम कामरुपनि सोलोंथाइ राहा, भगदत्त,
गोजाम कामरुपनि धोरोम,
देबदासी खान्थि
फिन:-
भास्कर बर्मन : भास्कर वर्मनआ कामरूप राज्योनि वर्मन फोलेरनि बयनिख्रुइबो गोहोगोरा आरो मुंदांखा राजाफोरनि गेजेराव सासेमोन। मख’जाथाव दि भास्कर बर्मनआ हाबा जायाखैमोन आरो बिथांखौ कुमार राजा होनना बुंनाय जायोमोन। भास्कर बर्मनआ मोनसे गोलाव सम कामरुपआव राज्यो खुंदोंमोन। बिथांनि खुंथाइ समा गोजाम कामरुपनि खारिमिनआव मोनसे गोगगाथाव आयदा। 594 ख्रीष्टाब्दआव भास्कर बर्मनआ उलाफादाव गाखोनाय समनिफ्राय मोनसे गोदान समनि फारि जागायदोंमोन जायखौ भास्कराब्द एबा कामरुपी मायथाइ बुंनाय जायो। बिथांनि खुंथाइनि समाव गोबां गाहाइ जाथाइफोरनि मादाव सा भारतनि गोहो-गोरा राजा हर्षबर्धनजों लोगोसे जानाय गोथौ सोमोन्दो, लोगोसे चीना दावबायारि हिउवेन चांनि कामरुप दावबायनाया मख ‘जाथाव।
गोजाम कामरुपनि सोलोंथाइ राहा : गोजाम कामरुपआव गाहायै गुरुनि न’आव, संस्कृत ट’लफोर आरो गामिनि फरायसालि (पाठसाला) फोराव सोलोंथाइ होनाय जायोमोन। कामरुपनि खुंथाइगिरिफोरा सोलोंथाइ गोसारनायनि बिथिङाव राजाया अनसुंथाइ होयोमोन। राजा स्तितिता बर्मन, भास्कर बर्मन आरिया साफा साफा लेखा गोरों सुबुंमोन। सोलोंथाइ मिरुफोराव गांब्रै बेदनि लोगोसे आयुर्बेद, बोरला गावनाय, तन्त्र, बेदांग, जारिमिन, पुराण आरि आयदानि गियान होनाय जायोमोन बेनि अनगायैबो जोंलारि सोलोंथाइ, जुनार फाहामथाइ, मेथाइ, मोसानाय आरिनि सोमोन्दै सोलोंथाइ होनाय जायोमोन।
भगदत्त : फुंखाफोरनिफ्राय मिथिनाय जायोदि नरकनि उनाव बिनि फिसाज्ला भगदत्तआ कामरुपनि राजउलाफादाव गाखोदोंमोन। महाभारतनि गोबां आयदायाव भगदत्तनि गोहोनि सल’ फोरमायनाय नुनोमोनो। खौगान्थाइ बादिब्ला भगदत्तआ गावनि फिसाजो भानुमतीखौ दुर्यधननो हाबा हरदोंमोन। गुवाहाटीयाव थानाय दीघलीफख्रिखौ भगदत्त राजाया भानुमतीनि सयम्बरनि समाव जावहोदोंमोन होनना बुंनाय जायो। हाबानि मोनसे सोमोन्दो थानायनि थाखायनो पाण्डबजों लोगोनि सोमोन्दो थासेयावबो महाभारतनि दावहायाव कौरबनि जानानै दावहायाव जुजिदोंमोन। महाभारतआव गोनांथि होनायखौ नायना भगदत्तआ दि भारतनि गुबुन समब्रा-समब्रि राजानि मादाव सासे मुंदांखा आरो गोहोगेरा राजामोन बेखौ आन्दाज खालामनो हायो।
गोजाम कामरुपनि धोरोम : गोजाम कामरुपनि गोबां सुबुङानो बेदारि मुगानि बादि मिथिंगाखौ फुजा खालामनायजों लोगोसे बिफां, अन्थाइ, हाजो, दैमा आरिखौ मोदाय महरै गनायोमोन। समाजाव आबादा जिउखुंराहा जानायनि थाखाय आबादजों लोबबा थानाय धोरोमारि फोरबो फालिथाय खुंनाय जायोमोन। हानिफ्रायनो बिफां-लाइफां, फिथाइ-सामथाइ आरो जिउखुंराहानि संदान मोननायनि थाखाय बुहुमखौबो बिमा गियान खालामनाय जायोमोन।
गोदो-गोदाय समनिफ्रायनो कामरुपआव शैब (शिब) धोरोमनि सोलिथाइ दंमोन। कालिका पुराणाव गोजाम कामरुपआव शैब सिबिनाय (आर’ज गाबनाय) नि मोन जिबा मिरुनि मुं मख ‘नाय दं। गोजाम कामरुपआ गोहो (शक्ति) फुजानि मोनसे गाहाय मिरुमोन। दोरोङारि बादियै कामरुपखौ गोहो फुजानि गाहाइ मिरु हिसाबै गनायथि होनाय जादोंमोन। कामाख्या मोदायजोनि मन्दिरा बेनि मादाव गिबियावनो दंमोन। मुगानि उनाव मुगा आयजो समाजनि फार्से भारतारी हौवा समाजा दिन्थिबोनाय सिबिनाय आरो मानहोनायानो गोहोबाद (शक्तिबादनि) फुंखा। शाक्त धोरोमाव सिबिजानाय मोदायजोफोरा जादों-दुर्गा, कालि, कालिका, उमा, कामाख्या, तारा, चण्डी, चामुण्डा बायदि बायदि।
शिब आरो शक्ति (गोहो)नि बादिनो गोदोनि कामरुपआव बिष्णुखौ सिबिनाय जादोंमोन। बौद्ध धोरोमाबो
गोजाम कामरुपआव गोसारदोंमोन। गोजाम थुनलाइ आरो महर दाथाइ लंथाइख’लिफोरनि बायखोन्दाफोरनिफ्राय गोदोनि समाव कामरुपआव सान फुजा सोलिथाइ थानायनि फोरमान मोननाय जायो।
देबदासी खान्थि : देवदशी खान्थिया मोनसे गोदो गोदायनि धोरोमारि आसार-खान्थिमोन जेराव आयजोफोरा थानसालि एबा मोदाइजोनि सिबिथायाव बावनाय जायोमोन। बे आयजोफोरखौनो देवदासी बुंनाय जायो। रोजाबनाय, मोसानाय, मन्दिरखौ सामलायनाय आरो धोरोमारि आसार-खान्थिफोराव बाहागो लानाय बायदि बायदि बायदि हाबाफोरखौ बिसोर मावो। बिसोरखौ “इसोरनि सिबिग्रा” होननामानिनाय जायोमोन आरो मन्दिरनि रैखाथि सिङाव थायोमोन।
समजों लोगोसे, बे खान्थिया गोमालांनो हमो आरो समाजारि सावरायनायजों मोगा-मोगि जानो हमो। बे आसार-खान्थिया जोबनायाव नेवसिजादोंमोन आरो भारतनि गोबां बाहागोफोराव आयेनारि महरै होबथाजादोंमोन। दिनै बेखौ भारतनि जारिमिनारि आरो हारिमुआरि दोरोंफोरनि बाहागो महरै गोसोखांनाय जायो।
5. गोजाम कामरुप राज्योनि खुंथाइ राहानि सोमोन्दै बेखेवना लिर।
फिन:- खुंथाइनि खाबुनि थाखाय जेरैबादि जोंनि हादरखौ राज्यो, जिला, महकुमा, पन्सायत, गामि बायदि बायदि बाहागोआव राननाय जादों, एखे रोखोमै कामरुप राज्योखौबो मन्थ्रि, मण्डल, बिषय, पुर, ग्राम आरि बाहागोआव बाहागो खालामनाय जादोंमोन। बेराफासेथिं खायसे अन्थाइ लिरथिआव बुरलुंबुथुरनि साहा रुगंखौ साहा गथुम हादोर (कुलदेश) आरो खोला रुगुंखौ खोला गुथुम हादोर हिसाबै मुं होनायबो मोननाय जायो।गोजाम कामरुप राज्योआव राजाखुंथाइ खुंथाइ राहा सोलियोमोन। खुंथाइगिरिफोरा गावखौनो ग’साइनि बाहागो महरै दिन्थिफुङोमोन।
राजाफोरनि राजाफाथिनाय फोरबोखौ बेदारि दोरोंजों जोबोर गाजा-गोमजायै खुंनाय जायोमोन। बे फोरबोआव खाजना होग्रा राजा, पुर’हित, गोनां-गोथों सुबुं आरो गुबुन राज्योनि राजाफोरखौ हांखायनाय जायोमोन। तामानि लिरथिफोराव कामरुपनि राजाफोरोखौ हिन्दु मोदाइ इन्द्र, हर (महादेब), बिष्णु, बरुण (अखानि मोदाय), अग्नि (अरनि मोदाइ), कुबेर आरो राणीफोरखौ अदिति, लक्ष्मी आरिजों रुजुनाय नुनो मोनो। कामरुपनि खुंथाइ राहायाव मन्थ्री गथुम (परिषद)नि जुनिया बिफाव दंमोन। मन्थ्री आरो जौसिन मासिगिरि राजमावख ‘गिरिफोरखौ अर्मत्य, सचिब, मन्थ्री, महाप्रतिहार आरि मुंजों मिथिनाय जायोमोन। सान्थ्रि हान्जानि गाहाइखौ सान्थ्रि गोरायुं आरो बिथांनि सिंनि मावख’गोराफोरखौ सान्थ्रि गाहाइ, नायक, रनक आरि मुंजों बिमुं खालायनाय जायोमोन।
6. गोजाम कामरुपनि सोमोन्दै मिथिनो अन्थाइ लिरथिफोरा माबोरै हेफाजाब खालामो बरनायना लिर।
7. आथिखालाव आसामनि गांसे मानसावगारि आखिना बर्मन, शालस्तम्भ आरो पाल फोलेरनि राजथावनिआ बबेयाव दंमोन सिन हो (फोरोंगिरिनि हेफाजाब ला)
Class 8 Other Subjects: थाखो 8 नि गुबुन आयदाफोर
Social Science समाज बिगियान :
1. Class 6 Social Science
2. Class 7 Social Science
4. Class 9 Social Science
5. Class 10 Social Science
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।