SEBA Class 8 Social Science Chapter-1
फरा- 1
मिथिंगायारि सम्पद
उनसोलों:-
1. सुंद’ फिननाय लिर :
(क) हानि साहिदाया सानफा एफा बांलांनायनि जायखिजाया मोननै जाहोन मख’।
फिन:- हानि साहिदाया सानफा एफा बांलांनायनि मोननै जाहोनफोरा-
i) सुबुं अनजिमा बांनाय
ii) रांखान्थियारि बादायज्लायनाय
iii) दारिमिन बांनाय ।
(ख) बबेबा दाबसे जायगानि सुबुं थाथिलिया गुबुं जानायनि जाहोना मा होननानै सानो? (मोननै जाहोन लिर)
फिन:- बबेबा दाबसे जायगानि सुबुं थाथिलिया गुबुं जानायनि जाहोना जादों मानोना-
i) बै जायगायाव आबाद मावनाय आरो थानायनि थाखाय साबजाथाव। आरो
ii) बै जायगायाव हान्था-मेला आरिनि खाबुआ बारा।
(ग) हा जामख’नायनि मोननै जाहोन दिन्थि।
फिन:- हा जामख’नायनि मोननै जाहोनफोरा जादों-
(i) बिथांखि गैयि आबाद मावनाय, दारिमिन गायसंनाय ।
(ii) हाग्रामा आरो गांसोबारिफोरखौ बांद्राय बाहायनाय ।
(iii) आबाद बिथिडाव रासायनारि हासार, एम्फौ फोथैग्रा मुलि आरिखौ बांसिनै बाहायनाय।
(घ) गुबुन गुबुन जायगायाव आथिखालाव दैनि जेंना नुजाथिनायनि मोननै जाहोन लिर।
फिन:- गुबुन गुबुन जायगायाव आथिखालाव दैनि जेंना नुजाथिनायनि मोननै जाहोन-
i) सुबुं अनजिमा बांनाय ।
ii) मोब्लिब शक्ति दिहुननाय ।
iii) दाखोर-दाला आरो बायदिसिना मुलि गलायनाय दैखौ दैमा-दैसायाव गारनाय ।
2. गेबें फिननायाव 
सिन हो-
(क) गाहायनि बबे मोनसेया दै सरैखा खालामनायाव हेफाजाब होयो?
1. नाङा फाङा दैनि टेपखौ खेवना दोनोब्ला,
2. हा-सिंनि दैखौ बांद्राय बाहायब्ला,
3. अखानि दैखौ दोनथुमब्ला
फिन:- 3. अखानि दैखौ दोनथुमब्ला
(ख) गोगो दै मोननोब्ला-
1. दाखोर-दालाफोरखौ दैसायाव गारनांगौ,
2. दैयाव रासायनारि हासार गलायदेरनांगौ,
3. दैनि फुंखाखौ गुबुंहोआजासे लाखिनांगौ।
फिन:- 3. दैनि फुंखाखौ गुबुंहोआजासे लाखिनांगौ।
(ग) गाहायनि बबे मोनसेया गोहो संरैखा खालामनायाव हेफाजाब खालामा?
1. जिबारि सेवनाय खाममोननि बाहायनाया बाङोब्ला,
2. दोरोङारि नङि गोहोखौ मोजाङै बाहायोब्ला,
3. गोहो सम्पद बाहायनायनि बेलायाव आखाइ हमथायोब्ला।
फिन:- 1. जिबारि सेवनाय खाममोननि बाहायनाया बाङोब्ला,
3. हा सम्पदनि गोनांथि आरो बाहायथिनि सोमोन्दै लिर। (80 सोदोबनि गेजेराव)
फिन:- हा सम्पदनि गोनांथि – बुहुमनि सा बाहागोनि 29 जौखोन्दोआ जादों हा। बे हायानो जिब मुलुगनि बिथा। मानसिनि गाननाय-जोमनाय,सि-जोम, थाग्रा जायगा आरो खाममोननि गुदियानो जादों हा सम्पद। बेबादिनो लाइफां आरो जिउआरिनि थामोनथा आरो जौगानायाबो हा सम्पदनि सायावनो सोनारो। हानि सायाव बिथा खालामनानैनो जोंनि आबाद, दारिमिन, हान्था-मेला, फोनांजाब आरिया सोमजिखांदों। थामहिनबा मानसिनि सोदोमस्रिनि, हारिमु, रांखान्थि आरिनि बिथिङाव हानि बिफावा बांसिन।
हा सम्पदनि बाहायथि- सरासनस्रायै आबाद मावनाय, दारिमिन, खनियारि सम्पद बुथुमनाय, बिफां गायनाय, न’-बां लामा-सामा आरि बानायनायनि बेलायाव हाखौ बाहायनाय जायो। हाखौ बाहायनायाव मानसिया जायगानि थाथाइ, बारहावानि रोखोम, हानि थाखो, दैनि गुन, हाग्रायारि सम्पद, खनियारि सम्पद आरिनि थामोनथा आरो गुबुन गुबुन मिथिंगायारि जाहोग्रानि सायाव सोनारो।
4. नों थानाय जायगानि हा सम्पदनि बिथिङाव मा सोलायनाय फैदों? न खरनि देरसिन मानसि एबा खाथिनि गोरों मानसिनिफ्राय मिथिना लानानै बेनि सोमोन्दै मोनसे रेबसुं लिर।
फिन:- गावनो नाजा।
5. हाग्रायारि सम्पद आरो दै सम्पद बाहायनायनि बिथिङाव माबादि बिफाव लानाया मोजां ?
फिन:-
हाग्रायारि सम्पद बाहायनायनि बिथिङाव लानो गोनां बिफाव-
1. हाग्राबारि ओनसोलखौ लांदां खालामनायखौ होबथानाय ।
2. नखराव बांद्राय हाग्रायारि सम्पद बाहायनायखौ होबथानाय।
3. हाग्राबारि ओनसोलखौ फोजोबस्रांनायनि सोलाय लांदां जायगाफोराव बिफां-लायफां गायना हाग्राबारि बांहोनाय।
दै सम्पद बाहायनायनि बिथिङाव लानो गोनां बिफाव-
1. नाङा फाङा दै बाहायनायखौ होबथानाय।
2. दारिमिन आरिफोराव बांद्राय दै बाहायनायखौ सांग्रां खालामनाय।
3. दैखौ नांगौ रोखोमनि बाहायनायजों लोगोसे अखानि दैखौ संरैखा खालामनाय।
6. गोहो सम्पद संरैखा खालामनायनि थाखाय मा मा बिथांखि लानांगौ?
फिन:-
1. खैला, पेट्र’लियाम आरो मिथिंगायारि गेसआरि फोरनि बाहायनायखौ खम खालामनाय ।
2. गोहो सम्पद फोरखौ आखाइ हमथाना बाहायनाय ।
3. इयुननि थाखाय सरैखा खालामनायनि सुबुरन होनाय।
4. फोदानफिनजाथाव गोहोनि बांसिन बाहायनाय।
7. लिरसुंथाइ लिर-
(क) हाग्रायारि जिब,
(ख) जिबारि सेवनाय खाममोन,
(ग) बालाहामा जानाय,
(घ) सानदुङारि गोहो,
(ङ) हा गिसिखानाय।
फिन:-
(क) हाग्रायारि जिब : मिथिंगायारि आबहावायाव थानाय गासैबो जिब-जुनार, दावसिन-दावला, एम्फौ-एनला, आरिफोरानो हाग्रायारि जिब । आबहावायारि समानथिखौ लाखिनो थाखाय हाग्रानि जिबफोरा जोबोद गोनांथार। मानसिनि गोनां जानाय गोबां मुवाफोरखौ हाग्रायारि जिबनि फ्रायनो सुफुंनो हायो। गोमालांनो हमनाय जिब-जुनारफोरखौ रैखाथि होनाय, जिब रोखोमथायखौ संरैखा खालामनाय आरो इयुन जोलैफोरनि थाखाय आबहावा दिदोमथि थि खालामनो थाखाय हाग्रानि जिब-जुनारफोरखौ संरैखा खालामनाया गोनांथार।
(ख) जिबारि सेवनाय खाममोन: जिब-जुनारनि, सेवनायनिफ्राय सोमजिनाय जनजाग्राखौनो जिबारि सेवनाय खाममोन बुङो। खैला, पेट्र’लियाम आरो मिथिंगायारि गेस आरिया जिबारि खाममोन। बेफोर खाममोनखौ गोदानै सोरजिनो हाया। मानसिया जेसेबां गोबाङै बे खाममोन शक्तिखौ बाहायगोन एसेबां थाबसिनै बैफोर जोबलांगोन।
(ग) बालाहामा जानाय: मिथिंगायारि एबा मानसिनि जाहोनाव बालाहामा बांनाय एबा गोदानै बालाहामा सोमजिनायखौनो बालाहामा जानाय होननानै बुंनाय जायो। गोबां दिहुनथाइ मोननो थाखाय दखरसे हायावनो बांद्राय हासार, रासायनारि मुलि, दै सारनाय आरि बाहायनानै खनले खनले आबाद मावबाय थायोब्ला हानि फुलुंथिया खहा जायो, दै हमथाना लाखिनाय गोहोआ खम जालाङो आरो हानि दैया हायलाङो। जाउनाव ओनसोला रानस्राव आरो बालाबारिबादि जानो हागौ। बालाहामानि सेराव थानाय ओनसोलाव हाग्रा, बिफां-लाइफां फोजोबस्रांनाय आरो बांद्राय जिब जुनार हगारनायाबो बालाहामाखौ फुवारनो हागौ।
(घ) सानदुङारि गोहो : साना जोबनो गैयि गोहोनि बाख्रि। जों सानफ्रोमबो साननि बिदुं आरो स्रां मोनबाय थायो। साननि बे गोहोखौ बेटारिनि हेफाजाबाव मोब्लिब गोहो दिहुननो बाहायनाय जायो। बे मोब्लिब गोहोनि हेफाजाबाव सान्दुङारि अरदाब (Solar Cooker), सान्दुङारि ‘हिटार’ (Solar Cooker) आरि सालायनाय जायो। बेटारीजों सान्दुङारि मोब्लिब दिहुननाय जायो। घड़ी, केलकुलेटर आरि सालायनाय आरो मोब्लिब गैयि गामियाव मोब्लिब बाथि फोजोंनायनि अनगायैबो अख्रांमा जान, ग्रहसा आरियावबो सान्दुङारि गोहोखौ बाहायनाय जायो।
(ङ) हा गिसिखानाय: हा गिसिखानाया मिथिंगायारि जाहोनाव आरो मानसिनि हाबा मावनायनि जाउनाव जानाय मोनसे जाब्रथाइ। जुब जुब अखा हानाय, बांग्रिं मावनाय आरिनि जाउनाव गोजौ जायगानि हा बाहागोआ गाहायाव गुगाना गोलैबोनायखौनो हा गिसिखानाय बुङो। हाजोआरि ओनसोलाव मानसिया हा जावनाय एबा बिफां-लाइफां दानस्रांनायनि जाउनावबो हा गिसिखानो हागौ।
8. फाराग दिन्थि-
(क) गामि ओनसोलनि हानि बाहायथि आरो नोगोर ओनसोलनि हानि बाहायथि।
फिन:- गामि ओनसोल आरो नोगोर ओनसोलनि हानि बाहायथिनि फारागथिखौ गाहायाव दिन्थिनाय जाबाय-
(ख) दोरोङारि आरो दोरोङारि नङि गोहो।
फिन:- दोरोङारि आरो दोरोङारि नङि गोहोनि फारागथिखौ गाहायाव दिन्थिनाय जाबाय-
9. नोंसोरनि खाथि-खाला थानाय हाग्रायारि सम्मदफोरखौ सरैखा खालामनो आरो बांहोनो थाखाय आखायाव लानोहाथाव राहाफोरखौ फोरमाय।
फिन:- हाग्रायारि सम्मदफोरखौ संरैखा खालामनो आरो बांहोनो थाखाय आखायाव लानोहाथाव राहाफोरा जादों-
(i) लांदां थानाय होफोराव गोबां बिफां-लाइफां गायनाय।
(ii) बांद्राय बिफां-लाइफां दानफायनायखौ होबथानाय।
(iii) हाग्रायारि सम्मदफोरखौ गोनांथि बायदियै बाहायनाय ।
(iv) जनग्रा हिसाबै बननि सोलाय LPG, मिथिंगायारि गेस, जिबारि गेस, सानदुङारि गोहोखौ बांसिनै बाहायनाय।
(v) सुबुंफोरनि गेजेराव हाग्रायारि सम्फदनि गोनांथिनि सायाव सांग्रांथि होनाय।
10. दोरोडारि नङि गोहो सम्पदआ मा मा? बेफोरखौ माबोरै मोननाय जायो एबा दोनथुमनाय जायो बेनि मोनसे फारिलाइ जथाइ।
फिन:– गोदानै फोदानफिनजाथाव गोहोफोरानो दोरोडारि नङि गोहो सम्पद । बेफोर जादों- (1) सान गोहो, (2) बार गोहो, (3) परमाणुवारि गोहो, (4) हा-बिदुङारि गोहो, (5) फैलासेम गोहो, (6) जिबारि गेस, (7) दै मोब्लिब गोहो आरि ।
1. सान गोहो : साना जोबनो गैयि गोहोनि बाखि। जों सानफ्रोमबो साननि बिदुं आरो स्रां मोनबाय थायो। साननि बे गोहोखौ बेटारिनि हेफाजाबाव मोब्लिब गोहो दिहुननो बाहायनाय जायो। बे मोब्लिब गोहोनि हेफाजाबाव सान्दुडरि अरदाब, सान्दुझरि ‘हिटार’ आरि सालायनाय जायो। बेटारीजों सान्दुङारि मोब्लिब दिहुननाय जायो। घड़ी, केलकुलेटर आरि सालायनाय आरो मोब्लिब गैयि गामियाव मोब्लिब बाथि फोजोंनायनि अनगायैबो अख्रांमा जान, ग्रहसा आरियावबो सान्दुङारि गोहोखौ बाहायनाय जायो।
2. बार गोहो : बारा मोनसे जामनो रोङि गोहो सम्पद। बारनि गोबारथि थानाय बोरिमायारि ओनसोल, हाजोमानि हाजोलामा आरियाव बार कल फसंनानै मोब्लिब गोहो दिहुननाय जायो। बे गोहोनि गेजेरजों दै दिखांनाय पाम्प, आटा-मैदानि मिल, मोब्लिबारि जेनेरेटर आरि सालायनो हायो। नेदारलेण्ड, डेनमार्क, जार्मानी, आमेरिका जथाइ हादर आरिया गाहाइ बार गोहो दिहुनग्रा हादर। भारतनि गुजराटनि कच्च बोरिमा, तामिलनाडुनि टुटिकरिणाव थानाय बेफोरबादि मावथांखिया मख’जाथाव। जेइचालमेरआव थानाय 1,600 मेगावाटगोनां बार पार्कआ भारतनि मादावनो बयनिखुइबो देरसिन।
3. परमाणुवारि गोहो : इउरेनियाम, थरियाम आरि बादि सान रोदायारि रिफिनाय मुवाफोरनि गुनद्रासा-गुनद्रामायाव थाफादेरनाय गोहोनिफ्राय परमाणुवारि गोहो बुथुमनाय जायो। सा आमेरिका आरो इउर’पनि जौगानाय हादरफोराव बेफोरबादि गोहोनि मावथांखि दं। भारतनि कालपक्कम (तामिलनाडु), नार’वा (उत्तर प्रदेश), तारापुर (महाराष्ट्र), राणाप्रताप नगर (राजस्थान) आरिया बे बिथिडाव मख’जाथाव।
4. हा-बिदुङारि गोहो : हा सिङाव थानाय अन्थाइ आरिजों थाफानाय सान रोदायारि रिफिनाय मुवानिफ्राय ओंखारनाय गोहोआनो हा-बिदुङारि गोहो। बेखौ मोब्लिबारि गोहोआव सोलायनो हायो। बिदुं ओंखारनाय फुंखा, गलिनाय लाथा एबा खफ’नि दुंथाइनिफ्राय मोब्लिब गोहो दिहुननाय जायो।
5. फैलासेम गोहो : लैथोमानि फैलासेमनिफ्राय मोब्लिब गोहो दिहुननो हायो। फैलासेम जाखांनाय समाव बोहैबोनाय दैखौ होथेनानै सेमनाय समाव ओखारख्लायनो होनानै ‘टारबाइन’ नि हेफाजाबाव मोब्लिब दिहुननाय जायो।
6. जिबारि गेस : थैनाय जिब-जुनार आरो लाइफांनि थालांनाय बाहागो, आबाद हारिनि दाखोर-दाला, गोबोरखि आरिखौ जरखा बिखान्थिजों गेसारि खाममोननि महराव सोलायनो हायो। गेस जोन्थोराव दोनथुमनाय दाखोर दालानिफ्राय सोमजिनाय गेसनि जोहै मोब्लिब बाथि फोजोंनाय आरो संनाय-खुरनायनि खामानि मावनो हायो।
7. दै मोब्लिब गोहो : दैमा एबा अखानि दैखौ बान्दो थेनायनि हेफाजाबाव हमथानानै जोन्थोरारि आदबजों मोब्लिब गोहोआव महर सोलायनाय जायो। बुहुमनि ब्रै बाहागोनि से बाहागो मोब्लिबखौ बेबादिनो दिहुननाय जायो।
Class 8 Other Subjects: थाखो 8 नि गुबुन आयदाफोर
Social Science समाज बिगियान :
1. Class 6 Social Science
2. Class 7 Social Science
4. Class 9 Social Science
5. Class 10 Social Science
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Social Science Chapter-1 Question Answer ?
You can get complete SEBA Class 8 Social Science Chapter-1 on Bodoland Library.
2. Is this Class 8 Social Science content based on the SEBA syllabus?
Yes, all the Class 8 Social Science questions and answers are prepared strictly according to the latest SEBA (Assam Board) syllabus.