Class 8 Science Chapter-17 Question Answer
खोन्दो-17
बिजिरख’ दानाय बेजे आरो प्लाष्टिक
सोंनाय बिदां :
1. बेजे एबा मिजिफोरखौ मानो बिजिरख ‘दानाय बुंनाय जायो बेखेव।
फिनः- खुन, उल, सिल्क एबा मुगा बायदि मिथिंगायारि बेजेफोरखौ लाइफां आरो जिउआरिफोरनिफ्राय मोननाय जायो। गुबुन फारसे बिजिरख’दानाय बेजेफोरखौ मानसिया बानायो। बेनिखायनो जाय बेजेफोरखौ मानसिया बानायो बेफोरखौ बिजिरख’ दानाय एबा मानसि बानायनाय बेजे होननानै बुंनाय जायो।
2. थार फिननायखौ (ü) सिन हो।
रेयनआ बिजिरख’दानाय बेजेफोरनिखुइ गुबुन जायो मानोना
(a) बेहा सिल्क एबा रेशम बादि नुजाथि दं।
(b) बेखौ दंफां मोदोमनिफ्राय मोननाय जायो।
(c) बेनि बेजेफोरखौबो मिथिंगायारि बेजेफोर बादि जि दानो हायो।
फिनः- (b) बेखौ दंफां मोदोमनिफ्राय मोननाय जायो।
3. थार सोदोबफोरजों लांदां थावनि सुफुं-
(a) बिजिरख ‘दानाय बेजेफोरखौबो …………… एबा……….बो बुङो।
फिनः- मानससि बानायनाय एबा बानायनाय (Man-made or artificial) ।
(b) बिजिरख ‘दानाय बेजेफोरखौ …….. मुंनि गोथां मुवानिफ्राय बिजिरखनाय जायो।
फिनः- पेट्र’केमिकेल (Petrochemical)।
(c) बिजिरख ‘दानाय बेजेफोर बादि प्लाष्टिकआबो मोनसे …………… ।
फिनः- बांदाजाबारि एबा पलिमार।
4. नाइलन बेजेआदि जोबोद गोरा बेखौ दिन्थिनाय बिदिन्थिफोर हो।
फिनः- नायलनखौ पेरासुट बानायनो आरो हाजोनि अन्थाइ गाखोग्रा दुरुं बानायनो थाखायबो बाहायनाय जायो । दोंसे नायलन खुन्दुङा थारैनो दोंसे ष्टील तारनिखुइबो गोरासिन। नायलनखौ टमबु, उन्दुग्रा जलंगा आरिफोर बानायनायावबो बाहायो।
5. आदार मुवाफोर दोनथुमनायनि थाखाय प्लाष्टिकनि आइजेंफोरखौ मानो सायख ‘नाय जायो बेखेव।
फिनः- जों आदार मुवा, दै, गाइखेर, आसार, गोरान आदार बायदि दोनथुमनो प्लाष्टिकनि आइजेंफोरखौनो आरजाथावसिन एबा साबसिन मोनो। मानोना बेयो रेजें, खम बेसेन, मोजां गोख्रोंथि आरो गोरलैयैं बाहायजानाय । लोगोसे प्लाष्टिकआ दै आरो बारजों जाथाइ जाया। बेफोर गोरलैयै जाथाइ जाग्रा एबा गाज्रि जाग्रा नङा। बेनिखायनो आदार मुवाफोर दोनथुमनायनि थाखाय प्लाष्टिकनि आइजेंफोरखौ सायख ‘नाय जायो ।
6. थारम ‘प्लाष्टिक आरो थारम ‘सेटिं प्लाष्टिकनि गेजेराव थानाय फारागखौ बेखेव।
फिनः- थारम ‘प्लाष्टिक आरो थारम ‘सेटिं प्लाष्टिकनि गेजेराव थानाय फाराग-
7. गाहायाव होनाय मुवाफोरखौ मानो थारम ‘सेटिं प्लाष्टिकजों बानायनाय जायो बेखेव।
(a) ससपेननि हमग्राफोर
फिनः- ससपेन हमग्राफोरखौ थार्मसेटिं प्लाष्टिक जेरै बेकेलाइट जों बानायनाय जायो । मानोना बेफोर प्लाष्टिकफोरा संनायाव गुदुं जायोब्ला गुरै जाया एबा गलिया। बेकेलाइटआ बिदुंनि गाज्रि दैदेनग्रा।
(b) मोब्लिब प्लागफोर/सुइसफोर/प्लागनि बर्डफोर
फिनः- मोब्लिब प्लागफोर/सुइसफोर/प्लागनि बर्डफोर थार्मसेटिं प्लाष्टिकजों बानायनाय जायो । मानोना बेफोर प्लाष्टिकफोरा मोब्लिबनि गाजि दैदेनग्रा। मोब्लिब दाहारा बेफोर प्लाष्टिकनि गेजेरजों थांलाय फैलाय खालामनो हाया।
8. गाहायनि बेसादफोरखौ फारिफिननो हानाय आरो फारिफिननो हायिआव थाखो खालामः
टेलिफननि आइजें आइला, प्लाष्टिकनि फुथलाफोर, कुकारनि हमग्राफोर, बेसाद लाग्रा
जलंगाफोर, बल पइन्ट रेबगनफोर, प्लाष्टिकनि खुरैफोर, मोब्लिब तारफोरनि सायाव खोबथेनाय प्लाष्टिक, प्लाष्टिक सियारफोर, मोब्लिबनि सुइसफोर।
फिनः-
9. रानाया गोलोम बोथोरनि थाखाय गस्ला बायनो लुबैदों। बियो खुननि गस्ला एबा बिजिरख ‘दानाय बेसादनिफ्राय बानायनाय गस्ला, बबेखौ बायनांगौ? नोंनि जाहोनखौ होनानै रानानो सुबुरुन हो।
फिनः- रानाया गोलोम बोथोरनि थाखाय खुननि गस्ला बायनो बायनांगौ, मानोना खुनआ बिदुंनि गाज्रि दैदेनग्रा। बेयो बायजोआरि बिदुंखौ जोंनि मोदोमाव हाबनो होआ, बेनिखायनो देहाखौ बिदुंनिफ्राय रैखा खालामो। खुननि गस्लाया बिजिरख’दानाय गस्लाफोरनि रुजुनायाव दैखौ सोबखांना लानो हानाय गोहोयाबो बांसिन। बेनिखायनो, बेयो देहानि गोलोमदैखौ सोबखांना लाखियो आरो मोदोमखौ गुसु दोनो। बेनिखायनो रानाया गोलोम बोथोरनि थाखाय खुनजों बानायनाय गस्लाखौ बायनो नांगौ।
10. प्लाष्टिकफोरा जामख’नाय गैयि आखुथाइ गोनां बेखौ दिन्थिनाय बिदिन्थिफोर हो।
फिनः- प्लाष्टिकफोरा जामख’नाय गैयि आखुथाइ गोनां, बेखौ दिन्थिनाय बिदिन्थिफोर :
1. बेयो जेबो मुवाजों फिनजाथाय जाया।
2. प्लाष्टिकआ दै आरो बारजों जाथाइ जाया। जायनि थाखाय माराम खाया।
3. बेयो जेबो रासायनारि फिनजाथाय खालामा।
11. हाथाइ मानजिग्रा ब्रासनि हमग्रा आरो मिजिफोरखौ रोखोमसे बेसादजोंनो बानायनो हागौ ना? नोंनि फिननायखौ बेखेव।
फिनः- हाथाइ मानजिग्रा ब्रासनि हमग्रा आरो मिजिफोरखौ रोखोमसे बेसादजोंनो बानायनो हाया । मानोना ब्रासनि हमग्राया गोरा जानांगौ, जाहाथे ब्रासनि हमग्राया गोरलैयैनो बाया। बेबायदिनो मिजिफोरा गुरै जानांगौ, जाहाथे हाथाय मानजिनायाव जेबो खहा जाया।
12. प्लाष्टिकफोरखौ जेसेबां हागौ एसेबां एंगार। बे सुबुरुननि सायाव बानबुंथाइ हो।
फिनः- प्लाष्टिकआ सेवलांनो गोबां बोसोर नागौ जायो, बेखायनो बेयो आबहावानि लोगो नङा, सुथुरसो। बेयो आबहावा गेब्रेंहोयो। बेनि अनगायै बिजिरख’ दानाय बेसादफोरनि खामनाय खान्थिया जोबोद लासै आरो बेयो गोरलैयै खामजोबा। बे फारिखान्थियाव (सावनायाव) बेयो गोबां ज’खानि बिस गोनां उखुन्दैफोर बारमण्डलाव हगारनानै बारखौ गेब्रेंहोयो।
13. A फारसे थानाय सोदोबफोरखौ B फारसे होनाय बाथ्रा खोन्दोफोरजों गेबेङै साजाय।
फिनः-
14. “बिजिरख’दानाय बेजेफोर बानायनानै दिहुननाया थारैनो हाग्राबारिफोरखौ बेंथुमनायाव हेफाजाब होदों” बानबुंथाइ होनानै लिर।
फिनः- बिजिरख’दानाय बेजेफोर बानायनानै दिहुननाया थारैनो हाग्राबारिफोरखौ बेंथुमनायाव हेफाजाब होदों, मानोना बिजिरख’दानाय बेजे मोननो थाखाय लाइफांफोरखौ दाननाय आरो जुनारफोरखौ मैहुर खालामनायनि गोनांथि जाया। बिजिरख’ दानाय बेजेफोरा रासायनारि मुवाफोरजों बानायजानाय, जायखौ हाग्राफोराव मोननो हाया।
15. थारम’प्लाष्टिकआदि मोब्लिबनि मोनसे गाज्रि दैदेनग्रा बेखौ दिन्थिनाय मोनसे मावफारिखौ फोरमाय।
उफेरा सोंनाय फिननाय
1. बेजेआ मोनबेसे रोखोमनि आरो मा मा?
फिनः- बेजेया मोननै रोखोमनि, बेफोर जादों-
(i) मिथिंगायारि बेजे आरो (ii) बिजिरख’ दानाय बेजे (बानायनाय बेजे) ।
2. मिथिंगायारि बेजे माखौ बुङो ? बेनि माखासे बिदिन्थिफोर हो।
फिनः- बिफां-लाइफां आरो जिउआरिफोरनिफ्राय मोननाय बेजेखौनो मिथिंगायारि बेजे होननानै बुङो। बेनि माखासे बिदिन्थिफोरा- खुन, उल, सिल्क बायदि।
3. बिजिरख’ दानाय बेजे (बानायनाय बेजे) माखौ बुङो? बेनि माखासे बिदिन्थिफोर हो।
फिनः- जाय बेजेफोरखौ मानसिया बानायना दिहुनो बेखौनो बिजिरख’ दानाय बेजे होननानै बुङो । बेनि माखासे बिदिन्थिफोरा- रेयन, नायलन, पलिष्टार, एक्राइलिक बायदि ।
4. पलिमार नि ओंथिया मा ? बेयो बबे रावनि सोदोबनिफ्राय फैदों ?
फिनः- पलिमार नि ओंथिया जादों- बांदाजाबारि । पलिमार सोदोबा मोननै ग्रीक सोदाबनिफ्राय फैनाय पलि नि सोदोबथिया गोबां आरो मार नि सोदोबथिया बाहागो/सानगुदि।
5. नायलन बेजेजों बानायनाय मोननै मुवा लिर।
फिनः- मुजा, दुरुं आरो टमबु।
6. पेरासुट आरो हाजोनि अन्थाइ गाखोनायाव बाहायनाय दुरुंआ मा बेजेजों बानायनाय?
फिनः- नायलन बेजेजों बानायनाय।
7. प्लाष्टिकआ मोनफे रोखोमनि आरो मा मा।
फिनः- प्लाष्टिकआ मोननै रोखोमनि, बेफोर जादों- (i) थारम ‘प्लाष्टिक आरो (ii) थारम’ सेटिं प्लाष्टिक ।
8. थारम ‘प्लाष्टिक माखौ बुङो? बेनि मोननै बिदिन्थि हो ।
फिनः- जाय प्लाष्टिकआ फुदुंनायाव गोरलैयै गाज्रि महर मोनो आरो गोरलैयै फेदेम जायो बेबादि प्लाष्टिकखौ थारम ‘प्लाष्टिक बुङो । बेनि मोननै बिदिन्थिया – पलिथिन आरो PVC आ ।
9. थारम’ सेटिं प्लाष्टिक माखौ बुङो? बेनि मोननै बिदिन्थि हो ।
फिनः- जायफोरखौ खनसे बानायखांनाय एबा महर होखांनायनि उनाव बेफोरखौ फुदुंनानै गुरै जाहोफिननो हाया। बेखौनो थारम’ सेटिं प्लाष्टिक बुङो । बेनि मोननै बिदिन्थिया – बेकेलाइट आरो मेलामाइन।
About this Chapter:
Chapter 17 of Class 8 Science, Synthetic Fibres and Plastics, explains man-made fibres and plastics that are widely used in our daily life. This chapter helps students understand how synthetic fibres are different from natural fibres.
Students learn about different types of synthetic fibres such as rayon, nylon, polyester, and acrylic, along with their properties and uses. The chapter also explains plastics, their types (thermoplastics and thermosetting plastics), and their advantages.
This chapter highlights the harmful effects of plastic pollution and the importance of using plastics responsibly. It encourages students to follow the principles of reduce, reuse, and recycle to protect the environment.
Science बिगियान :
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Science Chapter-17 SYNTHETIC FIBRES AND PLASTICS Question Answer ?
You can get complete SEBA Class 8 Science Chapter-17 SYNTHETIC FIBRES AND PLASTICS on Bodoland Library with easy explanations in Bodo .
2. What are synthetic fibres?
Synthetic fibres are man-made fibres prepared from chemical substances.
3. Name some synthetic fibres.
Rayon, nylon, polyester, and acrylic are common synthetic fibres.
4. What is rayon?
Rayon is a semi-synthetic fibre made from wood pulp and is also called artificial silk.
5. Why are plastics harmful to the environment?
Plastics are non-biodegradable and cause pollution when not disposed of properly.