Class 8 Science Chapter-13 Question Answer
खोन्दो-13
लाइमोन बैसो मोननाय
सोंथि :
1. मोदोमआव सोलायनाय लाबोग्रा सिङारि बिथोबनि जिरिहोनाय मुवानि मुङा मा?
फिन:- हरम’न ।
2. लाइमोननि बुंफोरथाइ लिर।
फिन:- आजायनो हाफुंनाय महरै सोलेरनि सोलाबोनाय समफारिखौ लाइमोन बुंनाय जायो। लाइमोन बैसोआ 11 बोसोर बैसोनिफ्राय 18 एबा 19 बोसोर वैसोसिम थायो। बे समआ बैसो जालाइखौ फोरमायदों (13 निफ्राय 18 एबा 19 बोसोर) लाइमोनखौ बैसो जालियाबो बुङो। हिन्जावसाफोरनि थाखाय बे लाइमोन बैसोआ हौवासाफोरनिखुइ से एबा नै बोसोर सिगां जाग्रोनो हागौ। आरोबाव मानसिनायै मानसि लाइमोन बैसोनि समा सोलायनो हागौ।
3. साउगुसुआ मा ? बेखेव।
फिन:- हिन्जावफोरनि बेलायाव आजायनाय जिउनि खलबआ जौमोन सम 10 निफ्राय 12 बोसोर बैसो आव जाजेनो आरो 45-50 बोसोरफ्राम बैसोसिम थायो। बिदैया जौमोन मोननाय लोगो लोगोनो रानो हमो। मोनसे बिदैख’आव 28- 30 साननि गेजेराव मोनसे बिदैया रायो आरो बेखौ जायखिजाया मोनसे बिदैख’आ बे समाव खनसे हगारो वे समाव फिसाख’ नि इन्जुरा बिदैखौ लानो हानाय रोखोमै रोजा जायो, जिदु बेयो गोगो जाखानाय अब्ला बेयो जौगानो लायो। बेयो गोरबोआव थानायखौ (preganancy) जाहोयो। जिदु गोगो जाया बे हगारनाय बिदैया फिसाख ‘नि रोजा जानाय बिदलाबआ थैरोगाग्राजों लोगोसे गेब्रुसारो। बेयो थै गनाय जाहोयो आरो बेखौनो हिन्जावफोरनि साउगुसु बुङो। साउगुसुवा 28 निफ्राय 30 साननि गेजेराव खनसे जायो। जौमोन समाव सेथि सि-सुनाय जायो आरो बेखौ गिबि साउगुसु बुङो। साउगुसु बेंखनआ 45-50 बोसोर बैसोनि समाव जोबथाहैयो। साउगुसु जोबथानायखौ साउगुसुगानाय बुङो। गिबियाव, साउगुसु बेंखनआ थि नेमारि नङि जानो हागौ। नेमारि जानो थाखाय बेयो माखासे सम लायो।
साउगुसु बेंखनआ हरमनजों सामलाय जायो। बे बेंखनाव जानाय जाथाइफोरा जाबाय बिदै रानाय, बिदैखौ हगारनाय, फिसाख’नि इन्जुर रोजा जानाय आरो गोरबोथानाय जायाबा बेनि बायस्नानाय गोगो जानाय बिदैया गावस्रानो हमो आरो फिसाख’आव सिथाबनानै जौगालाङो।
4. जौमोन समाव जानाय मोदोमनि सोलायनायफोरनि फारिलाइ मोनसे बानाय।
फिन:- जौमोन समाव हौवासा आरो हिन्जावसाफोरनि मोदोमनि सोलायनायफोरा जायो।
जौमोन समाव हौवासाफोरनि मोदोमनि सोलायनायफोर-
1. जौमोन समाव मोनसे रोखा सोलायनाया जाबाय थाब जौनाय। बे समाव गोलाउ बेगेंफ्रा, थामहिनबा,
आखाइ आरो आथिंनि बेगेंफोरा लाउओ आरो मानसिखौ गोजौ खालामो।
2. बे समाव हौवासाफोरनियाव फाफ्लि आरो जेरबा देरबोयो। हौवासाफोरनि देहानि मोदोम गेहेनआ हिन्जावसाफोरनिखुइ रोखासिनै बारायो।
3. जौमोन बैसोआव गारां बिखब एबा गारां नालाया देरनो हमो। हौवासाफोरनि गारां बिखबा बांसिनै देरो। गोदोनानि गलथुथि आ लाउबोयो। हौवासाफोरा गोथौ गारां थायो।
4. जौमोन समाव गोलोमदै बिथोब आरो थाव बिथोबनि जिरिनाया बारायो। गोबां सेंग्राफोरा बे समाव बिखुङाव बे बिथोबफोरनि हाबा मावनाय बारायनायनि थाखाय माइसुं आरो सालमाइ जायो।
5. जौमोन समाव हौवानि आथोन जेरै लादिख’ आरो आथोनआ (लोदै) आबुङै जौगायो। लादिख’फ्रा लादि सोमजिहोनो हमो।
6. हौवासाफोरनियाव मोखांनि खोमोन, थामहिनबा, दारि आरो गफदारिफोर रजनो हमो। लोगोसे आफाख’ङाव आरो फेन्द्रानि सायाव एबा आजायग्रा जायगायाव खोमोन रज’यो।
जौमोन समाव हिनजावसाफोरनि मोदोमनि सोलायनायफोर-
1. जौमोन समाव हिनजावसाफोरा गोख्रै देरो। हिन्जावसाफोरा हौवासाफोरनिखुइ गोखैसिन देरलाङो।
2. बे समाव हिन्जावसाफोरनि फाफ्लिआ देरबोनायजों लोगोसे जान्जिनि गाहाय बाहागोआ गुवार जायो।
3. जौमोन बैसोआव गारां बिखब एबा गारां नालाया देरनो हमो। हिन्जावसाफोरनि गारामाखौ फिसा जानायनि थाखाय बाइजोनिफ्राय एफायै नुनाय जायो। सरासनस्रायै हिन्जावसाफोरा गोजौ रिंनाय गारां जायो।
4. जौमोन समाव गोलोमदै बिथोब आरो थाव बिथोबनि जिरिनाया बारायो। गोबां सिख्लासाफोरा बे समाव बिखुङाव बे बिथोबफोरनि हाबा मावनाय बारायनायनि थाखाय माइसुं आरो सालमाइ जायो।
5. हिन्जावसाफोरनियाव बिदैख’फ्रा देरनो हमो आरो बिदैया रानो हमो। बिदैख’फ्रा रानाय बिदैफोर हगारनोबो लायो।
6. हिन्जावसा फोरनियाव जौमोन समाव आहार बासाया जौगानो हमो । लोगोसे आफाख’ङाव आरो फेन्द्रानि सायाव एबा आजायग्रा जायगायाव खोमोन रज’यो।
5. सिङारि बिथोब आरो बेफोर जिरिहोनाय हरमननि मुंफोरखौ फारिनै थोंलारियाव दिन्थिनानै मोनसे संलाइ बानाय।
फिन:-
6. आथोन हरमनफोरा मा? बेफोरखौ मानो बिब्दि बुडे? बेफोरनि हाबाखौ मख’।
फिन:- आथोन हरमनफोरा हौवासाफोरनि लादिख’निफ्राय जिरियो आरो आरो हिन्जावफोरनि बिदैख’निफ्राय जिरियो। बेयो आलादा आलादायै हौवा आरो हिन्जावफोरनि आथोननिफ्राय जिरियो।
हौवा आथोन हरमन (टेस्ट ‘स्टेरन) नि हाबा: बेखौ लादिख’आ हगारो। बेयो हौवासानि सोलायनायफोरखौ जाहोयो जेरै- मोखांनि खोमोन सोमजिनाय आरो लोगोसे लादि जिबख्रिबो जिरिहोयो ।
जो आथोन हरमन (इस्ट्र’जेन) नि हाबा: बेखौ बिदैख’या जिरिहोयो। बेयो आहार बासाखौ जौगाखां होयो।
7. थार बाथ्राखौ सायख’-
(a) लाइमोनफोरा गावसोर जानाय मुवानि जोथोन लानांगौ, मानोना
(i) थारथि जामुंआ बिसोरनि मेलेमखौ जौगाहोयो।
(ii) थारथि जामुंखौ बिसोरनि मोदोमाव बारायनाया थाब जानांगौनि थाखाय नांगौ।
(iii) लाइमोनफोरा गासै समावनो उखैयो।
(iv) थावनाय बिथोबफोरा (taste buds) लाइमोनफोरनाव जोबोद सांग्रां।
फिन:- (ii) थारथि जामुंखौ बिसोरनि मोदोमाव बारायनाया थाब जानांगौनि थाखाय नांगौ।
(b) हिन्जावफोरनियाव आजायनाय बैसोआ जाजेनो, जेब्ला बिसोरनि-
(i) साउगुसु जानाया जाजेनो
(ii) आहारआ बारायनो हमो।
(iii) मोदोमनि लिरथाइया बाङो।
(iv) जौथाइया बाङो।
फिन:- (i) साउगुसु जानाया जाजेनो
(c) लाइमोनफोरनि मोजां आदारआव थायो-
(i) खुन्थिजाग्रा, सावमिन, क’क।
(ii) रुटि, दालि, मैंगं थाइगं।
(iii) ओंखाम, सावमिन, बारगार।
(iv) मैगंनि खाजिफोर, खुन्थिजाग्रा आरो नारें बिदै।
फिन:- (ii) रुटि, दालि, मैंगं थाइगं।
8. लिरसुंथाइ लिर-
फिन:-
(a) गलथुथि : सरासनस्रायै गलथुथिखौ हौवासाफोरनियाव मोननाय जायो। जौमोन बैसोआव गारां बिखब एबा गारां नालाया देरनो हमो। हौवासाफोरनि गारां बिखबा बांसिनै देरो। हौवासाफोरनि गारां बिखब देरनायखौ बिसोरनि गोदोनानि गलथुथि होननाय बाहागोनि लाउनायनिफ्राय मिथिनो मोनो। हिन्जावसाफोरनि गारामाखौ फिसा जानायनि थाखाय बाइजोनिफ्राय एफायै नुनाय जायो।
(b) उफेरा आथोनारि आखुथाइफोर : लादिख’ आरो बिदैख ‘फोरा आजायग्रा आंगो। बिसोर जाबाय जिबख्रि थामहिनबा, लादि आरो बिदै सोमजिहोयो। हिन्जावसा फोरनियावब्ला जौमोन समाव आहार बासाया जौगानो हमो आरो हौवासाफोरनियाव मोखांनि खोमोन, थामहिनबा, दारि आरो गफदारिफोर रजनो हमो। बेफोर महरथिफोरा हौवा आरो हिन्जावसा सायख ‘नायाव मदद होनायखाय बिसोरखौ उफेरा आथोनारि आखुथाइफोर बुङो। हौवासाफोरनियाव बिखायाव खोमोनबो रज नाय नुयो। हौवासा आरो हिन्जावसा गासैनावनो, आफाख’ङाव आरो फेन्द्रानि सायाव एबा आजायग्रा जायगायाव खोमोन रज’यो।
(c) जोनोम जायि गथ’नि आथोन थि खालामनाय: गोगो जानाय बिदै एबा गोरबो जिबखिनि सिडावनो गथ’नि आथोन थि जानायनि खिन्थासारनाया थाखायो। गोगो जानाय बिदैनि क्रम ‘ज’म बुंनाय खुन्दुं महरनि दाथाइयाव बे खिन्थासारनाया थायो। मोनफ्रोम जिबख़िनि जिबख़ि मिरु सिडाव क्रम ‘ज’म थायो। गासै मानसिहानो गावसिनि जिबखिनि जिबखि मिरुफ्राव 23 जरा क्रम ‘ज ‘म’ थायो। बे क्रम ‘ज ‘मफोरनि मोननै, X आरो Y आ आथोन क्रम ‘ज’म, हिन्जावब्ला मोननै X क्रम ‘ज ‘म आरो हौवाब्ला X आरो Y क्रम ‘ज’म थायो। आजाय जिबखिया (बिदै आरो लादि) क्रम ‘ज’म जरासेल’ थायो। गोगो जायि बिदैया जेब्लाबो मोनसे X क्रम ‘ज’म थायो। लादिफोरा नाथाय मोननै रोखोमनि मोनसेयाव X क्रम ‘ज ‘म गुबुन मोनसेयाव Y क्रम ‘ज’म थायो।
जेब्ला X क्रम ‘ज’म थानाय लादिया बिदैखौ गोगो खालामो अब्ला गोरबो जिबखिया मोननै X क्रम ‘ज’म थागोन आरो बेयो सासे हिन्जाव गथ’सा जागोन। जिदु लादिया बिदैयाव गोगो जानायाव Y क्रम ‘ज’म होयो अब्ला गोरबो जिबखिया हौवासा गथ’ जागोन।
उफ्रा सोंनाय फिननाय
1. लाइमोन बुङोब्ला मा बुजियो?
फिन:- आजायनो हाफुंनाय महरै सोलेरनि सोलाबोनाय समफारिखौ लाइमोन बुंनाय जायो।
2. लाइमोन बैसोआ बेसेबां सम खोन्दोखौ बुङो?
फिन:- 11 बोसोर बैसोनिफ्राय 18 एबा 19 बोसोर बैसोसिमखौ लाइमोन बैसो बुङो ।
3. लाइमोन बैसोखौ मा होननानैबो बुंबावो?
फिन:- बैसो जालियाबो बुङो।
4. जौमोन समाव मा मा सोलायनायफोर जायो?
फिन:- जौथाइ बारायनाय, मोदोम दाथाइनि सोलायनाय, गारां सोलायनाय, गोलोमदै आरो थावगोनां बिथोवनि बारायनाय, आथोन आंगोनि जौगानाय, गोसोआरि सोलोआरि आरो बोदोरारि रानाय आरिनिफोरनि सोलायनाय जायो।
5. लाइमोनाव जानाय सोलायनायफोरखौ माया सामलायो?
फिन:- हरमनआ सामलायो।
6. हिन्जावफोरनि आजायनाय जिउनि खलबआ बेसेबां बैसोनिफ्राय बैसोसिम थायो?
फिन:- 10 निफ्राय 12 बोसोर बैसो आव जाजेनो आरो 45-50 बोसोरफ्राम बैसोसिम थायो।
7. साउगुसु माखौ बुङो?
फिन:- गोगो जायै हगारनाय बिदैया फिसाख ‘नि रोजा जानाय बिदलाबआव थैरोगाग्राजों लोगोसे गेब्रुसारो। बेयो थै गनाय जाहोयो आरो बेखौनो हिन्जावफोरनि साउगुसु बुङो। साउगुसुवा 28 निफ्राय 30 साननि गेजेराव खनसे जायो।
8. मानसिनि इसिङारि बिथोबफोरखौ लिर?
फिन:- पिटुइटारि, लादिख’, विदैख’, थाइरयड, आमायथु आरो एड्रिनेल ।
9. गोलोन्दि बोरामा मानि थाखाय जायो?
फिन:- थाइरयद बिथोबआ थाइरक्सिन मुंनि हरमनखौ सोमजिहोयिनि थाखाय गोलोन्दि बोरामा जायो ।
10. डाइबेटिस बेरामआ मानि थाखाय जायो?
फिन:- आमायथु आ नांगौ ज’खानि इनसुलिन हरमनखौ सोमजिहोयिनि थाखाय डाइबेटिस बोरामा जायो ।
11. एड्रिनेल बिथोबनि खामानिया मा ? बेयो मा हरमनखौ जिरिहोयो?
फिन:- एड्रिनेल बिथोबफोरा माखासे हरमन जिरिहोयो जायफोर थैयाव संखिनि बिबांखौ थार ज ‘खानि लाखियो। एड्रिनेल बिथोबआ एड्रिनेलिन मुंनि हरमनबो जिरिहोयो।
12. खुन्थिजाग्रा आरो जुनाय एबा खौथानि बिस्कुटफोर जोबोद थावनायब्लाबो बेफोरजों सानफ्रोमबोनि गाहाइ आदारखौ सोलायजाया, मानो?
फिन:- मानोना बेफोराव नांगौ ज ‘खानि सुफुंसारारि मान थाया।
13. आथोनारि सोमोन्दो लानायाव सनदेरनो हाथाव मोननै बेरामनि मुं लिर।
फिन:- AIDS आरो HIV ।
About this Chapter:
Chapter 13 of Class 8 Science, Reaching the Age of Adolescence, explains the physical and emotional changes that occur during adolescence. This chapter helps students understand the stage of life between childhood and adulthood.
Students learn about puberty, secondary sexual characteristics, and the role of hormones in controlling growth and development. The chapter also discusses the importance of a balanced diet, personal hygiene, physical exercise, and emotional well-being during adolescence.
This chapter creates awareness about body changes, mental health, and responsible behavior. It helps students develop a positive attitude toward growing up and maintaining good health.
Science बिगियान :
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Science Chapter-13 REACHING THE AGE OF ADOLESCENCE Question Answer ?
You can get complete SEBA Class 8 Science Chapter-13 REACHING THE AGE OF ADOLESCENCE on Bodoland Library with easy explanations in Bodo .
2. What is adolescence?
Adolescence is the stage of life between childhood and adulthood, usually from 11 to 19 years of age.
3. What are hormones?
Hormones are chemical substances produced by glands that control growth, development, and other body functions.
4. What is the role of the pituitary gland?
The pituitary gland controls other glands and is known as the master gland.