Class 8 Science Chapter-12 Question Answer
खोन्दो-12
जिउआरिनि आजायनाय
सोंनाय बिदां
1. जिउआरि आजायनायनि गोनांथिखौ बेखेव।
फिनः- आजायनाया जोबोद गोनांथार मानोना बेयो रोखोमसे जिउआरिनि फोलेरनि उनाव फोलेर सोलिलांनायखौ थि लाखियो। हारिसानि फारि सोलिलांनायनि थाखायनो आजायनाया गोनां। बेयो मोनसे जोलैनिफ्राय गुबुन जोलैसिम आखुथायफोरखौ दैथायहरनायाव हेफाजाब होयो। आजायनाया फोलेरनि अनजिमाखौ बांहोनो, आबहावायारि सोलायनायजों गोरोबहोनो आरो आबहावायारि समानथिखौ लाखिनो हानाय खालामो। जिउआरि आजायनाय गैयाब्ला मोनसे फोलेरनि गोमालांनाय आरो बुहुमाव जिउआ जोबस्रांनाय जागोन।
2. मानसिनि गोगोजानाय फारिखान्थिखौ फोरमाय।
फिनः- आजायनायनि फारिबिखान्थिनि गिबि बाहागोआ जाबाय लादि आरो बिदैनि नांजाबनाय। जेब्ला लादिफोरा बिदैजों नांदेरफैयो अब्ला लादिफोरनि मोनसेजों बिदैआ नांजाबो। बिदै आरो लादिनि बिदि नांजाबनायखौ गोगोजानाय बुङो । गोगो जानाय समाव लादि आरो बिदैनि जिबख्रि मिरुफोरा नांजाबनानै मोनसेल’ जिबख्रि मिरु सोमजियो। बे जाथाइजों गोगोजानाय बिदै एबा गोरबो जिबख्रि सोमजियो।
गोगोजानाय फारिबिखान्थिया जाबाय बिमानिफ्राय मोनसे बिदै जिबख्रि आरो बिफानिफ्राय
मोनसे लादि जिबख्रि लोगो मोनलायनाय। बेनिखायनो बे गोदान जिउआरिया बिमानिफ्राय माखासे आरो बिफानिफ्राय माखासे आखुथाइफोर मोनबोफायो। नोंसोरनियाव नोंनि बिमा एबा बिफाजों गोरोबनाय माखासे आखुथाइफोर सिनायनो हागोन नामा नायनायसाय। जों सोलेरनि सिडाव गोगोजानायखौ सिङारि गोगोजानाय बुङो। बिदि सिङारि गोगोजानाया गोबां जिउआरिफोर जेरै मानसि, मोसौ, सैमा आरो दाउबिमा फोरनाव जायो।
3. थार फिननायखौ सायख’
(a) सिङारि गोगोजानाया जायो
(i) जोनि सोलेराव
(ii) जो सोलेरनि बाहेराव
(iii) जोलानि सोलेराव
(iv) जोला सोलेरनि बाहेराव
फिनः- (i) जोनि सोलेराव
(b) मासे एमब्लुरआ मासे बैसो गोरा एम्बुसिम जौगानायनि फारिखान्थिया
(i) गोगोजानाय
(ii) महरगुस्लायनाय
(iii) फिसा मादानि नांथाबनाय
(iv) खिलि ओंखारनाय
फिनः- (ii) महरगुस्लायनाय
(c) गोरबो जिबख्रियाव थानाय जिबख्रि मिरुनि अनजिमाया
(i) लाथिख’ (ii) से
(iii) मोननै (iv) मोनब्रै
फिनः- (ii) से
4. गाहायाव होनाय बाथ्राफोरा थारब्ला (थ) एबा नडाब्ला (न) जों दिन्थिना हो।
फिनः-
(a) बिदै दैग्रा जिउआरिफोरा गोरलै फिसा जोनोम होयो। (न)
(b) मोनफ्रोमबो लादिया मोनफा जिबख्रि। (थ)
(c) एम्बुनियाव बायजोआरि गोगो जानाय जायो। (थ)
(d) आजाय जिबख्रिनिफ्राय सासे गोदान सुबुं गावआरिया सोमजिखाङो। (न)
(e) गोगो जानायनि उनाव दैनाय बिदैया मोनसे हारसिं जिबख्रिजों दाजानाय। (थ)
(f) एमिबाया खिलि ओंखारनायजों आजायो। (न)
(g) आथोननाङि आजायनायावबो गोगो जानाया गोनां। (न)
(h) खावनै गावस्रानाया आथोननाङि आजायनायनि मोनसे आदब। (थ)
(i) गोगोजानायनि जाउनाव गोरबो जिबख्रि सोमजियो। (थ)
(i) फिसामादाया मोनसेल’ जिबखिजों दाजानाय। (न)
5. गोरबो जिबख्रि आरो गोरबो फिसानि गेजेराव मोननै फाराग हो।
फिनः-
6. आथोननाङि आजायनायनि बुंफोरथि हो। जिउआरिनि आथोननाङि आजायनायनि मोननै आदबखौ फोरमाय।
फिनः- जिउआरिया आथोन बाहायालासे आजायनायखौनो आथोननाङि आजायनाय बुङो।
जिउआरिनि आथोननाङि आजायनायनि मोननै आदबा जादों-
(i) खिलि ओंखारनाय- जाय जिउआरिनि आजायनाया खिलिनायनिफ्राय जौगाबोयो, बे रोखोम आथोननाङि आजायनायखौ खिलि ओंखारनाय बुङो। जेरै-हाइड्रा ।
(ii) खावनै गावस्रानाय- जाय जिउआरिनि आजायनायाव जिबख्रि मिरुआ गावस्रानानै मोननै जिउआरि बाहागोयाव सोमजिहोयो बेखौनो खावनै गावस्रानाय बुङो । जेरै- एमिबा ।
7. जोंनि बबे आजायग्रा आंगोआव फिसामादाया नांथाबना थायो?
फिनः- फिसाख’ आव (Uterus) ।
8. महरगुस्लायनाया मा? बिदिन्थि हो।
फिनः- गोब्राब सोलायनायनि गेजेरजों गोरलै एम्फौआ महरसोलायनानै बैसो गोरा जानायखौनो महरगुस्लायनाय बुङो। बिदिन्थि – रेशम एम्फौ, एम्बु बायदि बायदि।
9. सिङारि गोगोजानाय आरो बायजोनि गोगोजानायनि गेजेराव फाराग दिन्थि।
फिनः-
उफेरा सोंनाय फिननाय।
1. जिउआरिफोरनि आजायनाय हुदाफोरा मोनबेसे आरो मा मा?
फिनः- जिउआरिफोरनि आजायनाय हुदाफोरा मोननै, बेफोर जादों-
(i) आथोनारि आजायनाय (Sexual Preproduction) आरो
(ii) आथोन नाङि आजायनाय (Asexual Preproduction) ।
2. आथोनारि आजायनाया माखौ बुङो ?
फिनः- जो आरो जोला आजाय जिबख्रिफोरनि नांजाबनायनिफ्राय सोमजिनाय रोखोमनि आजायनायखौ आथोनारि आजायनाय बुङो ।
3. जोला आजायग्रा आंगोफोरखौ लिर।
फिनः- जोला आजायग्रा आंगोफोरा जादों- जरासे लादिख’, मोननै लादिनाला आरो मोनसे जोलाआथोन।
4. जोआजायग्रा आंगोफोरखौ लिर।
फिनः- जो आजायग्रा आंगोफोरा जादों- जरासे बिदैख’, जरासे बिदै नाला आरो फिसाख’।
5. गोगोजानाय माखौ बुङो? बेयो मोनबेसे रोखोमनि आरो मा मा?
फिनः- बिदै आरो लादिनि नांजाबनायखौनो गोगोजानाय बुङो। बेयो मोननै रोखोमनि, बेफोर जादों-
(i) सिङारि गोगोजानाय आरो
(ii) बायजोयारि गोगो जानाय।
6. सिङारि गोगोजानाय आरो बायजोयारि गोगो जानाय नि मोननैयै बिदिन्थि हो।
फिनः- सिङारि गोगोजानाय- मानसि आरो मोसौ
बायजोयारि गोगो जानाय- ना आरो एम्बु ।
7 गोरबो जिबख्रिया माब्रै सोमजियो?
फिनः- गोगो जानाय समाव लादि आरो बिदैनि जिबख्रि मिरुफोरा नांजाबनानै मोनसेल’ जिबख्रि मिरु सोमजियो। बे जाथाइजोंनो गोगोजानाय बिदै एबा गोरबो जिबख्रि सोमजियो ।
8. I.V.F नि आबुं महरखौ लिर।
फिनः- In Vitro Fertilization .
About this Chapter:
Chapter 12 of Class 8 Science, Reproduction in Animals, explains how animals produce young ones to continue their species. This chapter helps students understand the importance of reproduction for the survival of living organisms.
Students learn about different modes of reproduction such as asexual and sexual reproduction in animals. The chapter explains fertilisation, development of embryos, and different methods of birth like oviparous and viviparous animals.
This chapter also introduces topics like cloning and in vitro fertilisation in a simple and age-appropriate manner. It helps students understand basic biological processes related to growth and development.
Science बिगियान :
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Science Chapter-12 REPRODUCTION IN ANIMALS Question Answer ?
You can get complete SEBA Class 8 Science Chapter-12 REPRODUCTION IN ANIMALS on Bodoland Library with easy explanations in Bodo .
2. What is reproduction?
Reproduction is the process by which living organisms produce new individuals of their own kind.
3. Why is reproduction important?
Reproduction is important for the continuation and survival of a species.
4. What are the types of reproduction in animals?
The two main types of reproduction are:
- Asexual reproduction
- Sexual reproduction