Class 8 Science (Bodo Medium) Chapter 8: मोब्लिब दाहारनि रासायनारि बिजाउन – Question & Answer
खोन्दो-8
मोब्लिब दाहारनि रासायनारि बिजाउन
सोंथि :
1. लांदां थावनिखौ आबु खालाम-
(a) मोब्लिब दैदेनग्रा बांसिन लाव-लावफोरा ............... आरो ................... नि गलिलाव।
फिनः- एसिड, खारै आरो संख्रि
(b) गलिलावनि गेजेरजों मोब्लिब दाहार थांनायाव ...................... बिजाउन सोमजिहोयो।
फिनः- रासायनारि
(c) नों कपार सालफेटनि गलिलावजों मोब्लिब दाहार थांहोयोब्ला कपारआ बेटारिनि .................. मिरुजों ज 'रायनाय बिलाइयाव थुबुर जायो।
फिनः- दानखथाइ
(d) मोब्लिब दाहारनि राहाजों मोनसे धातुनि सायाव लुबैनाय धातुनि थोरोब खाहोनाय फारिमावखान्थिखौ ................ बुङो।
फिनः- मोब्लिब लिरलानाय
2. टेष्टारनि उदां खर'खौ गलिलाव आव सोमना दोनोब्ला सुम्बक बिजिया दोरोदनाय दिन्थियो। बेनि जाहोनखौ नों बेखेवनो हागोन ना ?
फिनः- जेब्ला टेष्टारनि उदां खर'खौ गलिलावआव सोमना दोनो अब्ला गलिलावआ मोब्लिबारि दाहारखौ बेनि गेजेरजों बारहोनो खाबु होयो। टेष्टारयाव मोब्लिबारि दाहार बोहैनायनि जाहोनाव तारनि सोरगिदिं मोनसे सुमबुकआरि बिजाउन सोमजियो। बे सुमबुकआरि बिजाउनआ टेष्टारनि खाथियाव दोननाय सुम्बक बिजिखौ गोहोम खोख्लैयो, जायनि जाहोनाव बेयो दोरोदो। बेखायनो सुम्बक बिजिनि दोरोदनाया फोरमायो दि गलिलावनि गेजेरजों मोब्लिबारि दाहारा बोहैगासिनो दं आरो गलिलावआ मोब्लिब दैदेनो।
3. साव-8.9 आव दिन्थिनाय बादियै आन्जाद खालामाब्ला सुम्बक बिजिखौ दोरोदहोग्रा मोनथाम लावलावनि मुं लिर।
फिनः- 1.नारें खारजि बिदै
2. भिनेगार
3. संख्रि
4. सावगारि 8.10 आव दिन्थिनाय सोंखननायाव बाल्बआ जोङा। जाथाव जाहोनफोरनि फारिलाइ बानाय। नोंनि फिननायखौ बेखेव।
फिनः- बाल्बआ जोङिनि जाथाव जाहोनफोरा-
1. तारफोरनि फोनांजाबनाया थोलौ जानो हागौ।
2. बाल्ब आ फिउज जानाय जानो हागौ।
3. बेटारि आ जोबनाय जानो हागौ ।
4. गलिलावा मोब्लिब दैदेननो रोङि जानो हागौ।
5. A आरो B मुं होनाय मोननै लाव-लावनि गेजेरजों मोब्लिब थांदों ना थाडाखै बेखौ नायफामनो मोनसे टेषार बाहाय। टेष्टारनि बाल्वआ A लाव-लाव जों जोडे, नााय B लाव-लावजों मोले जोड़ो। नों बुंगोन दि-
(i) लाव-लाव A आ लाव-लाव B निखुइ साबसिन दैदेनग्रा।
(ii) लाव-लाव B आ लाव लाव A निखुइ साबसिन दैदेनग्रा।
(iii) मोननैबो लाव-लावआ समान दैदेनग्रा।
(iv) लाव-लावनि दैदेननाय आखुखौ बिदिजों रुजुजाया।
6. गोगो दैया मोब्लिब दाहार दैदेनो ना? जुदि दैदेना, मा खालामनानैं बेखौ दैदेन होजायो?
7. अर खामनाय जाब्ला, अर खोमोरग्राफोरा दैखौ बाहायनाय सिगां बिसोर बे जायगानि गाहाइ मोब्लिब ज'गायग्राखौ बन्द खालामो। बिसोर बिदि मानो खालामो बेखेव।
8.लैथो सेराव थानाय सासे गथ'आ लैथोनि दै आरो लोंग्रा दैखौ गावनि टेष्टारजों आनजाद खालामो। बियो नुबाय दि लैथोनि दैया कम्पस बिजिखौ बांसिन दोरोदहोयो। बेनि जाहोनखौ नों बेखेवनो हागोन ना?
9. सासे मोब्लिब फाहामग्राया जोबोर अखा हाफुबाय थानाय समाव मोब्लिब फाहामनो आइजें लानानै ओंखारनाया आफोद गैयि नामा? बेखेव।
10. प्रहेलिकाया खोनादोंमोनदि अखानि दैया दुंसरनाय दै बादिनो गोगो। बेखायनो बियो गंसे गेदेर गिलास आव माखासे अखानि दै आजावनायसै आरो बेखौ टेष्टारजों आनजाद खालामनायसै। बियो गोमोबाय, बियो नुबाय दि कम्पास बिजिया दोरोददों। जाहोना मा जाथावगौ?
11. नोंनि सोरगिदिं नुनाय माखासे मोब्लिब लिरलानाय बेसादफोरनि मोनसे फारिलाइ बानाय।
12. मावफारि 8.7 आव नों नुनाय फारिमावखान्थिखौ कपारनि गोथार खालामनायाव बाहायनाय जायो। गोथार कपारनि गोबा बिलाइ मोनसे आरो गोथारनडि कपारनि रोजा मोनसे बिथ'खौ इलेकट्रड बाहायनाय जाबाय। गोथार नडि कपार बिथ 'निफ्राय गोथार कपार बिलाइयाव कपारखौ बारस्लायहोनो सानबाय। बबे इलेकट्रडखौ बेटारिनि दाजाब मिरुजों ज 'रायनांगोन आरो मानो ?