Class 8 Science (Bodo Medium) Chapter 1: फसल दिहुनथाइ आरो सामलायथाइ – Question & Answer
खोन्दो-7
हुथ्रोदनाय
सोनाय बिदां:
1. लांदां थावनिखौ आबुं खालाम :
(a) हुथ्रोदनाया गावजोंगाव नांजाबनाय मोननै बिखुंनि गेजेरनि ............. खौ हैंथा होयो।
फिनः- रुजुथाइयारि दोरोदनाय
(b) हुथ्रोदनाया बिखुंनि, ............ सायाव सोनारो।
फिनः- आखुथाइनि
(c) हुथ्रोदनाया .................. सोमजिहोयो।
फिनः- बिदुं
(d) केरमबर्डआव पाउदार सारब्ला हुथ्रोदनाया ................ ।
फिनः- खमायो
(e) दुद्रुनाय हुथ्रोदनाया थादोम हुथ्रोदनायनिखुइ .................... ।
फिनः- खम
2. साब्रै फरायसाफोरखौ बाबेननाय थादोमनाय आरो दुद्रुनाय हुथ्रोदनायखौ जौगाफारियाव साजायनो थिननाय जाबाय। बेफोरनि साजायनाया गाहायाव होनाय बादि। थार साजायनायखौ सायख'-
(a) बाबेननाय, थादोमनाय, दुद्रुनाय।
(b) बाबेननाय, दुद्गुनाय, थादोमनाय।
(c) थादोमनाय, दुद्रुनाय, बाबेननाय।
(d) दद्रुनाय, थादोमनाय, बाबेननाय।
फिनः-(c) थादोमनाय, दुद्रुनाय, बाबेननाय।
3. राबियाया गावनि फुथुला गारिखौ गोरान मार्बलनि मैजायाव, गिसि मार्बलनि मैजायाव, रादाब बिलाइयाव आरो मैजायाव बनाय टावेलाव खारहोयो। गारिनि सायाव गुबुन गुबुन बिखुङाव जाथाइ खालामनाय हुथ्रोदनाय बोलोआ जागोन जौगा फारियाव -
(a) गिसि मार्बल मैजा, गोरान मार्बल मैजा, रादाब बिलाइ आरो टावेल।
(b) रादाब बिलाइ, टावेल, गोरान मार्बल मैजा, गिसि मार्बल मैजा।
(c) टावेल, रादाब बिलाइ, गोरान मार्बल मैजा, गिसि मार्बल मैजा।
(d) गिसि मार्बल मैजा, गोरान मार्बल मैजा, टावेल, रादाब बिलाइ।
फिनः- (a) गिसि मार्बल मैजा, गोरान मार्बल मैजा, रादाब बिलाइ आरो टावेल।
4. हमना लादो नोंनि फरायग्रा आरांगाया एसे खेंस्ला जानाय। गांसे बिजाबखौ बेव दोनब्ला बिजाबा दुद्रुलांनो हमो। बेनि सायाव हाबा मावनाय हुथ्रोदनाय बोलोनि दिगखौ दिन्थि।
फिनः- जेब्ला मोनसे फरायग्रा आरांगानि खेंख्रा जानायाव गांसे बिजाब दोननाय जायो अब्ला बोगथाबमानि थाखाय गाहायथिं दुद्रुलाङो । बे दुद्रुनायखौ होबथानो थाखाय आरांगा आरो बिजाबनि गेजेराव मोनसे हुथ्रोदनाय गोहोआ खामानि मावो। बे हुथ्रोदनाय गोहोआ जेब्लाबो दुद्रुनायनि उल्था फारसे खामानि मावो। बेनिखायनो, जेब्लानो बिजाबा खेंस्ला जानाय आरांगानि गाहाय फारसे दुद्रुयो, हुथ्रोदनाय गोहोआ आरांगानि बिखंजों गोजौथिं खामानि मावो, बिजाबनि दुद्रुनायखौ होबथानो एबा लासै खालामनो नाजायो।
5. साबोन गलायनाय दै गोनां बाल्थिंखौ हरखाब नों मार्बल मैजायाव खोलैना लाबाय। बे मैजायाव नोंहा थाबायनो गोरलैसिन ना गोब्राबसिन जागोन आरो मानो?
फिनः- बे मैजायाव थाबायनो गोब्राबसिन जागोन । मानोना साबोननि दैआ थाला आरो जोंनि आथिंनि गेजेराव हुथ्रोदनायखौ खम खालामो। खम हुथ्रोदनायजों, जोंनि आथिंआ मैजाखौ मोजाङै हमनो हाया, जायनि थाखाय सा बाहागोआ फिस्लायना गोग्लैनो हागौ ।
6. खेला गेलेग्राफोरा मानो सु थानाय जुथाखौ बाहायो बेखेव।
फिनः- खेला गेलेग्राफोरा गावनि आथिं आरो हानि गेजेराव हुथ्रोदनायखौ बांहोनो थाखाय सु थानाय जुथाखौ गानो। जुथानि सुफोरा हाजों हमथानो हानाय खालामो आरो खारनाय, बारनाय एबा गोख्रै खारनाय समाव फिस्लायनायखौ होबथायो। बे उफ्रा हुथ्रोदनाया गेलेग्राफोरखौ समान्थि थानाय, गोख्रै दावगानाय आरो गेलेमुफोराव साबसिन दिन्थिफुंनायाव मदद खालामो।
7. इकबालआ गंसे रेजेंसिन बागसु नारनांगौ आरो सीमाया बे मैजायावनो बिदि गिलिरसिन बागसु गंसे नारनांगौ। सोरहा बांसिन बोलो बाहायनांगोन आरो मानो?
फिनः- सीमाया गिलिरसिन बागसुखौ नारनो थाखाय बांसिन बोलो बाहायनो नांगोन। मानोना बागसु आरो थालानि गेजेराव हुथ्रोदनायआ बागसुनि लिरथाइनि सायाव सोनारो। मोनसे गिलिर बाक्सुआ मैलायाव बांसिन नारसिनो, जाय हुथ्रोदनायखौ बांहोयो। बेनिखायनो रेजेंसिन बागसुनिख्रुइ गिलिरसिन बागसुखौ नारनायाव बांसिन बोलो बाहायनांगौ जायो।
8. दुद्रुनाय हुथ्रोदनाया मानो थादोमनाय हुथ्रोदनायनिखुइ एसेल'जायो बेखेव।
फिनः- दुद्रुनाय हुथ्रोदनाया जेब्लाबो थादोमनाय हुथ्रोदनायनिखुइ एसेल'जायो मानोना मोननै दुद्रुनाय बेसादफोरा गावजों गाव नांजाबलायनो थाखाय खम सम मोनो, सा बाहागोफोरनि समानथि नङि नांजाबनायनि थाखाय बियो खम हुथ्रोदनाय मोनो।
9. बिदिन्थि होनानै दिन्थिना होदि हुथ्रोदनाया लोगो आरो सुथुर मोननैबो जायो।
फिनः- हुथ्रोदनाया लोगो:
1. बेयो जोंखौ हायाव आरामै थाबायनो खाबु होयो।
2. बेयो जोंनो गुबुन गुबुन मुवाफोरखौ हमनो खाबु होयो।
3. बेनि थाखाय रेबगनजों एबा पेनसिलजों गोरलैयै लिरनो हायो ।
4. हुथ्रोदनायजों मटर- गारिफोरा मोजाङै खारनो हायो।
हुथ्रोदनाया सुथुर:
1. हुथ्रोदनाया मुवाफोरनि सा बाहागोखौ जामख’होयो।
2. बेयो बिदुं सोमजिहोना अर जोंखांहोनो हायो।
3. बेयो बोलोनि खहा जाहोयो।
4. बेयो मुवाफोरनि दोरोदनायखौ गोब्राब खालामो।
10. बिलावआव खारग्रा बेसादहा मानो जुनिया दाथाइ थानांगौ जायो बेखेवना लिर।
फिनः- बेसादआ जेब्ला बिलावनि गेजेरजों दोरोदो बेयो गावनि सायाव जाथाइ खालामनाय हुथ्रोदनायखौ सोरखिनांगौ जायो। बे फारिखान्थियाव बेसादआ शक्ति ख'हा जायो। बेनिखायनो, हुथ्रोदनायखौ एसेल' खालामनो नाजानाय जायो। बेनिखायनो, बेसादफोरखौ जुनिया दाथाइ होनाय जायो।
Note:
If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।