Class 8 Science (Bodo Medium) Chapter 4: खैला आरो पेट्र लियाम – Question & Answer
खोन्दो-4
खैला आरो पेट्र लियाम
सोंनाय बिदां
1. नारसेबनाय मिथिंगायारि गेस (CNG) आरो लाव लाव पेट्र'लियाम गेस (LPG) फोरखौ जनजाग्रा हिसाबै बाहायनायनि खाबुफोरा मा मा ?
फिन:- नारसेबनाय मिथिंगायारि गेस (CNG) आरो लाव लाव पेट्र'लियाम गेस (LPG) फोरखौ जनजाग्रा हिसाबै बाहायनायनि खाबुफोरा जादों-
(i) बेफोर बाङाइ गेब्रें होग्रा।
(ii) बेफोर साखोन सिखोन लाखिग्रा जनजाग्रा।
(iii) बेफोरखौ नालाफोरनि गेजेरजों रानसारहरनो हायो ।
(iv) नख'रफोर आरो दारिमिनफोराव थोंजोङै सावनायनि थाखाय बाहायनो हायो।
2. लामानि सायाव लुनायनि थाखाय बाहायनाय पेट्र'लियाम दिहुनथाइनि मुंआ मा ?
फिन:- बिटुमेन ।
3. थैनानै थालांनाय बिफां लाइफांफोरनिफ्राय खैलाया माबोरै सोमजिदोंमोन फोरमाय। बे फारिखान्थिखौ मा बुङो?
फिन:- 300 मिलियन बोसोरफ्रामसो सिगां गाहाय दै थानाय ओनसोलफोराव बुहुमआ रोजा हाग्रा बारिफोर दंमोन। दै बाना बादि मिथिंगायारि फारिखान्थिफोरनि थाखाय बैफोर हाग्रा बारिफोरा हानि सिङाव फबजादोंमोन। बेफोरनि सायाव बांसिननिफ्राय बांसिन हा जमा जानायलाय बेफोरो नारसेब जादोंमोन। बेफोर गोथौनिफ्राय गोथौसिनाव गोदोलांनायाव दुंथाइयाबो बांदोंमोन। गोजौ नारथाइ आरो गोबां दुंथाइनि सिङाव थैनाय बिफां लाइफांफोरा लासैयै खैला सोमजिदोंमोन । बे फारिखान्थिखौ कार्बन दानाय बुंनाय जायो।
4. लांदां थावनि सुफुं
(a) बेगेंथाइ जनजाग्राफोरा ________, _______ आरो _____________ ।
फिन:- खैला, पेट्र'लियाम आरो मिथिंगायारि गेस
(b) पेट्र'लियामनिफ्राय गुबुन गुबुन थादेरसाफोरखौ जुदा खालामनाय फारिखान्थिखौ ________ बुङो।
फिन:- सोदांनाय
(c) ___________ खौ मटर गारिनि थाखाय खमसिन गेब्रेंनाय जनजाग्रा बुङो।
फिन:- CNG (Compressed Natural Gas)
5. गाहायनि बाथ्राफोरखौ थार/ गोरोन्थि सिन हो।
(a) बेगेंथाइ जनजाग्राफोरखौ आनजाद सालियाव बानायनो हायो। (थार/गोरोन्थि)
फिन:- गोरोन्थि
(b) CNG आ पेट्र'लनिखुइ बांसिन गेब्रेंहोग्रा जनजाग्रा। (थार/गोरोन्थि)
फिन:- गोरोन्थि
(c) ककआ कार्बननि गोथारसिन महर। (थार/गोरोन्थि)
फिन:- थार
(d) आलखाश्राया बायदि बायदि बेसादफोरनि मोनसे जथाइ। (थार/गोरोन्थि)
फिन:- थार
(e) केरासिनआ मोनसे बेगेंथाइ जनजाग्रा नडा। (थार/गोरोन्थि)
फिन:- गोरोन्थि
6. बेगेंथाइ जनजाग्राफोरा मानो जोबलांग्रा मिथिंगायारि सम्पद, बेखेव।
फिन:- बेगेंथाइ जनजाग्राफोरखौ जोबलांनो हाथाव मिथिंगायारि फुंखा बुंनाय जायो मानोना बेफोर मिथिंगायाव एसेल' बिबाङाव थायो । बेफोरखौ खनसे बाहायखांनायनि उनाव थाबैनो सोमजिहोनो हाया। बेफोर मुवाया सोमजिनो थाखाय गोबां बोसोर नांगौ जायो।
7. ककनि आखुथाइ आरो बाहायनायफोरखौ फोरमाय।
फिन:- ककनि आखुथाइफोरा जादों-
(i) बेयो मोनसे गोरा,
(ii) बेयो गुदुंगोनां
(iii) बेयो गोसोम बेसाद।
(iv) बेयो कार्बननि मोनसे गोथारसिन (almost pure) महर।
ककनि बाहायनायफोरा जादों-
(i) ककखौ तीखा (steel) बानायनाय
(ii) गोबां धातुफोरनि बिजिरख'नायाव बाहायनाय जायो।
8. पेट्र 'लियाम सोमजिनायनि फारिखान्थिखौ बेखेव।
फिन:- पेट्र'लियामआ सोमजिदोंमोन लैथोआव थांनानै थानाय जिबफोरनिफ्राय। बैफोर जिबफोरा थैखांनायनि उनाव बेसोरनि मोदोमफोरा लैथोनि थालायाव थाहैदोंमोन आरो बाला आरो हाब्रुनि थोरफोफोरजों खोबजादोंमोन। निजुत बोसोर बारलांनायनि उनाव बार गैयियाव गोजौ नारथाइ आरो गोबां बिदुङाव थैनाय जिबफोरा पेट्र'लियाम आरो मिथिंगायारि गेसआव सोलायबोदोंमोन।
9. गाहायनि संलाइआ 1991-1997 सिमनि गासै गोहोनि थोजोबिखौ दिन्थिदों। बे खारिखौ ग्राफजों दिन्थि बेफोरनि थोजोबै जौखोन्दो (%) खौ Y बिथ'आव (Axis) आरो बोसोरफोरखौ X बिथ'आव (Axis) बो।
फिन:-
Note:
If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।