Class 8 Science (Bodo Medium) Chapter 2: जिबसाफोर: लोगो आरो सुथुर – Question & Answer
खोन्दो-2
जिबसाफोर: लोगो आरो सुथुर
सोंथि :
1. लांदां थावनि सुफुं :
(a) जिबसाफोरखौ ………………….. हेफाजाबजों नुनो मोनो।
फिन:- फेदेरखां ग्लास एबा माइक्र’स्कपनि
(b) सोमखोर नीला बादामालिया हानि फुलुं गोहोखौ बांहोनो थाखाय बारनिफ्राय थोंजोडै ………..... दाजाबो।
फिन:- नाइट्र'जेन
(c) एलकहलखौ …………………. नि हेफाजाबाव दिहुननाय जायो।
फिन:- इष्ट
(d) कलेरा बेरामआ ………………………. जोहै जायो।
फिन:- बेक्टेरिया
2. थार फिननायखौ (✔) सिन हो:
(a) इष्टखौ दिहुनथाइयाव बाहायनाय जायो।
(i) सिनि (ii) एलकहल ✔
(iii) हाइड्र क्लरिक एसिड (iv) अक्सिजेन।
फिन:- (ii) एलकहल
(b) गाहायनि माबे मोनसेया जिउसा हेंथा
(i) सडियाम बाइकार्बनेट (ii) स्ट्रेप्ट 'माइसिन✔ (iii) जौ (iv) इष्ट।
फिन:- (ii) स्ट्रेप्ट 'माइसिन
(c) मेलेरिया बेराम जाहोग्रा जिउसानि रोगाग्राया
(i) जो एन 'फिलिस थाम्फै ✔ (ii) खांखमा
(iii) थाम्फै गुबै (iv) सिखरि।
फिन:- (i) जो एन 'फिलिस थाम्फै
(d) बारस्लायग्रा बेरामफोरनि बयनिखुइ गोरलैसिन रोगाग्राया जाबाय
(i) मोस्रोम (ii) थामफै गुबै ✔
(iii) गानदौला (iv) बेमा
फिन:- (ii) थामफै गुबै
(e) पावरुटि एबा इडलि लादुराया जौखाङो मानोना-
(i) दुंनायनि थाखाय
(ii) हुखरेमनायनि थाखाय
(iii) इष्ट जिबखिफोर बारायनायनि थाखाय
(iv) नानायनि थाखाय
फिन:- (iii) इष्ट जिबखिफोर बारायनायनि थाखाय
(f) सिनिखौ एलकहलाव सोलायहोनाय फारिखान्थिखौ बुंनाय जायो-
(i) नाइट्रजेन दाजाबनाय
(ii) लादुरा बानायनाय
(iii) किन्बन
(iv) सनदेरनाय बेराम (Infection)
फिन:- (iii) किन्बन (fermentation)
3. A फारसे थानाय जिबफोरखौ B फारसे थानाय बिसोरनि हाबाजों फोनांजाब
फिन:-
4. जिबसाफोरखौ उदां मेगनजों नुनो मोनो ना? जुदि मोना, माबोरै बेसोरखौ नुनो मोनगोन?
फिन:- जिबसाफोरखौ उदां मेगनजों नुनो मोना । जिबसाफोरा महराव जोबोद उन्दैदि बेसोरखौ उदां मेगनजों नुनो मोना। बेसोरनि खायसे-जेरै रुटियाव बेरनाय मैखुनफोरखौ फेदेरखां ग्लासजों नुनो मोनो। नाथाय गुबुनफोरखौ माइक्र'स्कपनि हेफाजाब नङाब्ला नुनो मोना। बेनिखायनो बेसोरखौ जिबसा होननानै बुंनाय जायो।
5. जिबसाफोरनि गाहाइ बाहागोफोरा मा मा?
फिन:- जिबसाफोरनि गाहाइ बाहागोफोरा जादों-
(i) बेक्टेरिया, (ii) मैखुन, (iii) प्र'टजवा, (iv) बादामालि आरो (v) भाइरास
6. बारमण्डलनि नाइट्रजेनखौ हायाव दाजाबनो हाग्रा जिबसाफोरनि मुं लिर।
फिन:- बारमण्डलनि नाइट्रजेनखौ हायाव दाजाबनो हाग्रा जिबसाफोरनि मुंआ जादों- रायज बियाम, एज'ट' बेक्टर, सोमखोर गोथां बादामालिफोर जेरै न'स्ट'क आरो एनाबेना ।
7. जोंनि थांना थानायाव जिबसाफोरनि गोनांथि सोमोन्दै 10 (जि) सारि लिरसुंथाइ लिर।
फिन:- जोंनि थांनानै थानायाव जिबसाफोरा मोनसे गोनां बिफाव लायो ।
1. जिबसाफोरखौ गाइखेर दाखा, पावरुटि आरो केक बानायनायाव बाहायनाय जायो ।
2. जिबसाफोरखौ जौ दिहुनथाइनि थाखाय बाहायनाय जायो ।
3. आबहावाखौ साखोन सिखोन लाखिनाय हाबायावबो जिबसाफोरखौ बाहायनाय जायो।
4. बेक्टेरिया (जिबसा)फोरखौ मुलि बानायनायाव बाहायनाय जायो।
5. आबाद मावनायाव बेसोरखौ नाइट्र'जेन दाजाब होनानै हानि फुलुं गोहोखौ बांहोनो होनाय जायो।
6. माखासे जिबसाफोरखौ आसार आरो गोबां गुबुन जाग्रा मुवाफोर बानायनायावबो बाहायो।
7. जिबसाफोरखौ भिनेगार आरो गुबुन रासायनिकफोर दिहुन्थायनि थाखाय दारिमिनफोराव बाहाय जायो।
8. जिबसाफोरा खालामनाय खहानि सोमोन्दै मोनसे लिरसुंथाइ लिर।
फिन:- जिबसाफोरा गोबां बिथिङै खहा गोनां। खायसे जिबसाफोरा मानसि, लाइफां आरो जिउआरिफोरखौ बेरामफोर जाहोयो। बेबादि बेराम जाहोग्रा जिबसाफोरखौ पेथ’जेन होननानै बुंनाय जायो। खायसे जिबसाफोरा आदार मुवा, सि-जोम आरो सामराफोरखौ गाज्रि जाहोयो। पेथ'जेनफोरा जोंनि मोदोमाव जों हां लानाय बार, जों लोंनाय दै एबा जों जानाय आदारनि गेजेरजों हाबलाङो। बेनि जाहोनाव कलेरा, सरासनस्रा गगा मोननाय, लोन्थि आरो थै गोबानाय (T.B.) बेराम जायो।
एन्थ्राक्स (Anthrax) बेरामा बेक्टेरियाजों जानाय मानसि आरो मोसौ मैसोनि मोनसे गिख्रंथाव बेराम । मोसौ मैसोनि आथिं आरो खुगायाव जानाय बेरामा भाइरासनि जोहै जानाय बेराम ।
गोबां गुबुन गुबुन जिबसाफोरा गम, माइ, आलु, खुसेर नारेंखमला आपेल आरो गुबुन लाइफांफोराव बेरामफोर जाहोयो। बेरामफोरा फसलनि दिहुनथाइखौ बाङाइ जाहोयो।
9. जिउसा हेंथा मुलिफोरा मा? जिउसा हेंथा मुलि जानाय समाव मा मा सांग्रांथि लानांगौ?
फिन:- जाय मुलिफोरा जिबसाफोरजों जानाय बेरामखौ हामहोयो एबा बारायनायखौ होबथानानै दोनो। बेफोरबादि मुलिफोरखौ जिउसा हेंथा मुलि बुंनाय जायो।
जिउसा हेंथा मुलि जानाय समाव लानांगौ सांग्रांथिफोरा जादों-
1. गोसोआव लाखिनो गोनांदि जिउसा हेंथाफोरखौ गोरों डक्टरनि बोसोन लानानैसो जानांगौ। लोगोसे डक्टरा लिरनानै हरनाय फालाखौ आबुङै जाजोबनांगौ।
2. जिउसा हेंथाफोरखौ नाङियाव एबा गोरोन्थि जखायै जानो नाङा। नांथारियाव जिउसा हेंथा जानाया जोंनि मोदोम सिङाव थानाय मुलाम्फा खालामग्रा बेक्टेरियाफोरखौ बुथारनो हागौ।
Note:
If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथि आरो फिननायफोराव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।