Class 8 Science (Bodo Medium) Chapter 9: बार आरो दैनि गेब्रेंनाय – Question & Answer
खोन्दो-10
जिबख्रि- दाथाइ आरो खामान
(CELL-STRUCTURE AND FUNCTIONS)
सोंथि –
1. गाहायनि बाथ्राफोरा थारब्ला (था) आरो नंखायब्ला (नं)जों दिन्थि-
(a) सेजिबख्रियारि जिबफोरा मोनसेल' जिबखि थायो।
फिनः- था
(b) मोदोम गेहेन जिबख्रिफोरा दालाइ गोनां।
फिनः- नं
(c) जिबनि गुदि गोथां सानगुदिया जाबाय आंगो।
फिनः- नं
(d) एमिबाया थिगैयि महरनि जायो।
फिनः- था
2. मानसिनि बिसोम जिबख्रिनि मोनसे हांखो सावगारि बो। बिसोम जिबख्रिया मा हाबा मावो ।
फिनः-
बिसोम जिबख्रिनि हाबा-
1. बिसोम जिबख्रिया खौरां आजावो आरो दैथाय हरो।
2. मोदोमनि गुबुन गुबुन बाहागोनि हाबाफोरखौ सामलायनाय आरो सोमोन्दो लानायाव मदद खालामो।
3. गाहायाव होनायफोरनि रेबसुं लिर-
(a) जिबख्रि रन्दै
(b) जिबख्रि मिरु
फिनः- (a) जिबखि रन्दै : बेयो जिबख्रि बिदलाब आरो जिबख्रि मिरुनि गेजेराव थानाय आमथा रोखोमनि बेसाद। गुबुन गुबुन रोखोमनि बाहागोफोर दाफुंग्रा एबा आंगो सेरेफफोरा, जिबख्रिफोरनि जिबख्रि रन्दैआव थायो। बेफोर जाबाय माइट’कन्द्रिया, गलगि मुवा, राइबजमफोर, बायदि बायदि।
(b) जिबख्रि मिरु : बेयो जिउगोनां जिबख्रिनि मोनसे गोनांथार दाफुंग्रा सरासनस्रायै बेयो दुलुर आरो जिबखिनि गेजेराव थायो। बेखौ गाब गानो हायो आरो माइक्रस्क’पनि हेफाजाबै गोरलैयैनो नुनो मोनो। जिबख्रि मिरुआ जिबख्रि रन्दैजों जिबख्रि मिरुआरि बिदलाब मुंनि गोबा बिदलाबजों आलादा खालाम जायो। बे गोबा बिदलाबआबो गुदुं गोनां आरो जिबख्रि रन्दै आरो जिबख्रि मिरुनि गेजेराव मुवाफोरनि थांलाय फैलायखौ जाहोयो।
4. जिबख्रिनि बबे बाहागोआव आंगो सेरेफ थायो?
फिनः- जिबख्रिनि जिबख्रि रन्दैआव आंगो सेरेफ थायो ।
5. जिउआरि आरो लाइफां जिबख्रिनि हांखोसावगारि बो। बेसोरनि मोनथाम फाराग लिर।
फिनः-
बेसोरनि मोनथाम फाराग :
6. रोखानङि मिरुआरि जिब (प्रकेरियट) आरो रोखा मिरुआरि जिब (इउकेरियट)नि फाराग लिर।
फिनः-
7. जिबख्रनि बबेयाव क्रम'ज'मखौ मोनो बेसोरनि हाबाखौ मख'।
फिनः- जिबख्रि मिरुआव क्रम'ज'मखौ मोनो ।
क्रम'ज'मनि हाबा : बेफोराव जिन थायो आरो बेफोर बिमा- बिफाफोरनिफ्राय उनजोलैसिम आखुफोरखौ बारस्लाय हरनायाव हेफाजाब होयो।
8. जिबख्रिफोरा गोथां जिबनि गुदि दाथाइयारि सानगुदि। बेखेव।
फिनः- जिबख्रिफोरखौ जिबफोरनि गुदि दाग्रा खोन्दो होननानै गनायनाय जायो मानोना मोनफ्रोमबो जिबफोरा जिबख्रिफोरजों दाजानाय। जेरै मोनसे न'मायाव गोबां इटाफोर थायो, बे बायदिनो मोनफ्रोमबो जिबनि देहाया गोबां जिबख्रिफोरजों दाजानाय।
मोनफ्रोमबो जिबख्रिया जिउनि थाखाय गोनांथि जानाय आदार, हां लानाय, जौगानाय आरो आजायनाय बायदि गोनांथार हाबाफोरखौ मावो। गोबां जिबख्रि गोनां जिबफोराव गुबुन गुबुन जिबख्रि हानजाफोरा जिबख्रि सोमजिहोयो, जिबख्रिफोरा ज'जानानै अंगफोर सोमजिहोयो आरो अंगफोरा ज' जानानै अंग बिखान्थि दायो।
9. क्लर'प्लाष्टखौ लाइफां जिबख्रिआवल' मानो मोनो बेखेव।
फिनः- क्ल'रप्लास्टआ खालि लाइफां जिबख्रिफोरावल' थायो मानोना लाइफांफोरा सोरां बिजिरख’ दानायनि गेजेरजों गावबा गावनि आदारखौ दिहुननो गोनां जायो। क्ल'रप्लास्टआव मोनसे गोथां गाब थायो जायखौ क्ल'रफिल होन्नानै मिथिनाय जायो, जाय साननि सोरांखौ बोना लायो आरो कार्बन डाइ अक्साइड आरो दैखौ बिफांनि आदार ग्लुक'जआव सोलायनायाव हेफाजाब होयो। जिब-जुनारफोरा गावनो आदार बानाया, बिसोर जानो थाखाय बिफां-लाइफां एबा गुबुन जिबफोरनि सायाव सोनारो। बेखायनो जिब-जुनारनि जिबख्रिफोराव क्ल'रप्लास्टखौ मोननाय जाया।
उफेरा सोंनाय-फिननाय
1. जिबख्रिआ मा?
फिनः- जिबख्रिआ जादों जिबनि गुदि दाथाइयारि सानगुदि (बयनिख्रुइ फिसासिन दाथाय) ।
2. जिबनि दुइसिनथार गुदि दाथाइ बाहागोआ मा?
फिनः- जिबख्रि।
3. जिबख्रिखौ सोर गिबियै नुजेन्दोंमोन?
फिनः- रबार्ट हुकआ 1665 मायथाइयाव जिबख्रिखौ गिबियै नुजेन्दोंमोन ।
4. दाउनि बिदैआ से जिबख्रियारि ना बां जिबख्रियारि?
फिनः- से जिबख्रियारि ।
5. जिबख्रिखौ मानि हेफाजाबजों नुनो हायो?
फिनः- माइक्रस्क'पनि हेफाजाबजों जिबख्रिखौ नुनो हायो ।
6. से बिलियनआ बेसेबां?
फिनः- से बिलियनआ जाबाय- 1000 निजुत एबा 100 कौटि।
7. से ट्रिलियनआ बेसेबां?
फिनः- से ट्रिलियनआ जाबाय 1000 बिलियन।
8. बांजिबख्रियारि जिब माखौ बुङो? मोननै बिदिन्थि हो।
फिनः- मोनसेनि बारा जिबख्रिफोरजों दाजानाय जिबफोरखौ बांजिबख्रियारि जिब बुंनाय जायो। बिदिन्थि- मैदेर आरो बिफां।
9. से जिबखियारि जिब माखौ बुङो? बेनि मोननै बिदिन्थि हो।
फिनः- मोनसेल' जिबख्रिजों दाजानाय जिबफोरखौ से जिबखियारि जिब बुङो। बिदिन्थि- एमिबा आरो पेरामेसियाम ।
10. गाहायनि बबे मोनसे जिउआरिहा मोनसे थि एबा गावनि असे दाथाइ गैया?
i) पेरामेसियाम ii) एमिबा iii) इउग्लेना iv) हाइद्रा
फिनः- ii) एमिबा।
11. सिउड'पदिया माखौ बुङो?
फिनः- एमिबानि मोदोमनिफ्राय बारायगाबोनाय गुबुन गुबुन लाउथाइनि लाउननायफोरखौनो सिउड'पदिया बुङो ।
13. “सिउड'पदिया” सोदोबाव “सिउड" आरो “पदिया” नि ओंथिया मा ?
फिनः- सिउद' नि ओंथिया नंखाय आरो पदिया नि ओंथिया आफा ।
14. बेक्टेरियानि फिसासिन जिबख्रिया बेसेबां जखानि?
फिनः- 0.1 निफ्राय 0.5 माइक्र ‘मिटार जखानि ।
15. बेक्टेरियानि देरसिन जिबख्रिया बेसेबां जखानि?
फिनः- 170 मिलिमिटार x 130 मिलिमिटार जखानि ।
16. गाहायनि बबेया देरसिन जिबख्रि ?
i) मैदेर ii) एम्बु iii) उट दाउनि बिदै iv) मानसि
फिनः- iii) उट दाउनि बिदै
17. दावदैनि गुफुर आरो गोमो बाहागोखौ मा बुङो?
फिनः- दावदैनि गुफुर बाहागोखौ एल्बुमिन आरो गोमो बाहागोखौ य'क बुङो ।
18. बिदामा मा?
फिनः- बिदामआ जाबाय गोरोबनाय जिबख्रिफोरनि हान्जा, जायफोर रोखोमसे खामानि मावो ।
19. जिबख्रिनि गाहाइ बाहागोफोरा मोनबेसे आरो मा मा?
एबा
जिबख्रिनि गुदि दाफुंग्राफोरा मा मा?
फिनः- जिबख्रिनि गाहाइ बाहागोफोरा मोनथाम, बेफोर जाबाय- (i) जिबख्रि बिदलाब, (ii)जिबख्रि रन्दै आरो (iii)जिबख्रि मिरु ।
20. क्रम'जम माखौ बुङो?
फिनः- जिबख्रि मिरुबिन्दोआव खुन्दुं बादि दाथाइफोर थायो बेखौनो क्रम'जम बुङो। बेफोराव जिन थायो आरो बेफोर बिमा- बिफाफोरनिफ्राय उनजोलैसिम आखुफोरखौ बारस्लाय हरनायाव हेफाजाब होयो। जेब्ला जिबख्रिफोरनि गावस्रानाय जायो अब्लाल' क्रम'जमफोरखौ नुनो मोनो।
21. जिन आ मा?
फिनः- जिनआ जिउगोनां जिबफोरनि मोनसे फोलेरारि सानगुदि। बेयो बिमा- बिफाफोरनिफ्राय उजिनाय जोलैनि फोलेर फारियारिआखुथाइफोरनि बारस्लाय हरनायखौ सामलायो।
22. प्रट'प्लाजमआ माखौ बुङो?
फिनः- मोनसे गोथां जिबख्रिनि गासै बाहागोफोरखौ प्रट'प्लाजम बुङो। बेयाव जिबख्रि रन्दै आरो जिबख्रि मिरु थायो। प्रट'प्लाजमखौ जिबख्रिनि गोथां मुवा बुङो।
23. क्लर 'फिल माखौ बुङो?
फिनः- क्ल'रफिलआ लाइफां जिबख्रिफोरनि क्ल'रप्लाष्टआव थानाय मोनसे गोथां मुवा। बेयो बिलाइफोरखौ गोथां गाब होयो आरो बेयो सोरां बिजिरख’ दानायनि थाखाय गोनांथार जायो, जाय बिखान्थिनि गेजेरजों बिफांफोरा गावनो आदार दिहुनो।
24. लाइफां जिबख्रि आरो जिउआरि जिबख्रिखौ रुजुना दिन्थि।
फिनः-
