Class 8 Science (Bodo Medium) Chapter 1: फसल दिहुनथाइ आरो सामलायथाइ – Question & Answer

सोंथि :

1. गाहायाव होनाय सोदोबनिफ्राय थारखौ सायख'नानै लांदां थावनि सुफुं-

गोजावो, दै, फसल, सुफुंग्रा मुवा, थाग-थियारि

(a) दाबसे जायगायाव रोखोमसे लाइफांखौ गोबां बिबाङाव गायनानै आबाद खालामनाय जायोब्ला बेखौ .......................... बुंनाय जायो।

फिन:- फसल

(B) फसल गायनायनि गिबि थाखोआ जाबाय हानि ……………………. खालामनाय।

फिन:- थाग-थियारि

(c) गाज्रि जानाय बेगरफोरा दैनि सायाव ……………….. ।

फिन:- गोजावो

(d) फसल गायनो थाखाय थोसारजासे स्रां आरो हानिफ्राय ...........आरो .......... मोननाया गोनां।

फिन:- दै आरो सुफुंग्रा मुवा

2.A थोंलारिनि लोगोआव B थोंलारिखौ गोरोब हो।

फिन:-

3.मोनफ्रोमनिबो मोननैयै बिदिन्थि हो

(a) खारिफ फसल

फिन:- माइ आरो जुखाम ।

(b) रबि फसल

फिन:- गम आरो बुद ।

4. नोंनि सोदोब बाहायनानै गाहायाव होनायफोरनि बागै गुसुङै लिर-

(a) हानि थाग-थियारि खालामनाय

फिन:- (a) हानि थाग-थियारि खालामनाय : हानि थाग थियारि खालामना लानाया मोनसे फसलखौ गायनायनि गिबिसिन थाखो। फसल मावनायनि बयनिखुइ गोनांथारसिन मोनसे हाबाया जाबाय हाखौ एवस्रांनानै गुरुं जाहोनाय। गुरुं हायाव लाइफांनि रोदाया गोरलैयै हा सिङाव हाबलांनो हायो। रोदाफोरा हानि गोथौथाराव हाबलांब्लाबो हां लानायाव गुरुं हाया गोरलै खालामनानै होयो। गुरुं हाया हायाव थानाय खानस्रि आरो जिबसाफोरखौ बारायनायाव मदद खालामो। बेफोर जिबफोरा आबादारिनि बिसुखे मानोना बेसोरो आरोबाव हाखौ बेलथायना सिं-सा जाहोनानै गुरुंसिन खालामो आरो हिउमासनि बिबांखौ बांहोयो।

(b) बेगर फोनाय

फिन:- (b) बेगर फोनाय : बेगर फोनाया फसल दिहुनथाइनि गोनांसिन बाहागो। फोनायनि गिबियावनो मोजां गुन थानाय जोलै बेगर सायख’ नांगौ। मोजां गुननि जोलै बेगरफोरा जाबाय मोजां जाथोनि गोगो बेगर। आबादारिफोरा गोबां फसल मोनग्रा जोलैनि बेगर बाहायनो लानांगौ। गाज्रि बेगरफोरा सनस्रा एबा गब्लं जायो आरो बेखायनो रेजेंसिन जायो। बेनिखायनो बेफोरो दैयाव गोजावो।

         जोलै बेगर फोनायनि सिगां मोनसे गोनां हाबाया जाबाय जोलै बेगर फोग्रा आइजेंफोर बाहायनायनि सोमोन्दै मिथिना लानाय । जोलै बेगर फोनायनि थाखाय बाहायनाय दोरोङारियै आइजेंआ जाबाय फानेल महरनि । जोलै बेगरखौ फानेलआव बुंहोनानै लानाय जायो आरो फानेलनिफ्राय मोननै एबा मोनथाम गोफार बिजौ गोनां फंफ्लाजों गलांहोनाय जायो। बे गोफार बिजौफोरा हानि सिङाव हाबलाङो आरो जोलै बेगरफोरखौ बेयावनो गारबोयो।

      आथिखालाव ट्रेक्टरनि हेफाजाबाव बेगर फोग्रा आगजुखौ बेगर फोनायाव बाहायनाय जायो। बे आगजुआ बेगरफोरखौ समान जानथाइआव आरो गोथौआव फोयो। फोनाय बेगरफोरा हाजों फबजानानै थानायखौ बेयो थि खालामो। बेयो फोनाय बेगरफोरा दाउफोरजों खहा खालामजानायनिफ्राय रैखा मोनो। बेगर फोग्रा आगजु बाहायनानै बेगर फोनाया सम आरो देहायारि हाबाखौ खम खालामो।

(c) माइसा दांनाय

फिन:- (c) माइसा दांनाय : मोनसे आबाद फोथाराव फसलजों लोगोसे मिथिंगायारि बादियै गोबां गुबुन नाङि लाइफांफोर रज'फायो। बे नाङि लाइफांफोरखौ नाङि हाग्रा होनना बुंनाय जायो। नाङि हाग्राफोरखौ फुनानै गारनायखौ माइसा दांनाय बुङो। माइसा दांनाया गोनांथार मानोना गाज्रि गांसोफोरा दै, सुफुंग्रा मुवा, जायगा आरो सोरांनि थाखाय फसल लाइफांजों जुजियो। बिबादिनो बेफोर फसलनि बारायनायखौ हेंथा होयो। माखासे नाङि गांसोफोरा फसल दैखांनायावबो हेंथा खालामो आरो जिउआरि आरो सुबुंनि थाखाय बिस गोनां जानोबो हागौ।

(d) मारा होनाय

फिन:- (d) मारा होनाय : दैखांनाय फसलनिफ्राय बेगर दानाखौ देन्था एबा लाइफां बिदांनिफ्राय जुदा खालामनाय बिखान्थिखौ मारा होनाय बुंनाय जायो। बेखौ कमबिन मुंनि जुन्थिनि हेफाजाबै मावनाय जायो। कमबिनआ थारैनो दैखांग्रा आरो मारा होग्रानि गंसे जथाइ जुन्थि ।

5. जिबआरि हासारनि लोगोआव रासायनारि हासारनि फारागा मा? बेखेव।

फिन:- जिबआरि हासारनि लोगोआव रासायनारि हासारनि फारागखौ गाहायाव होनाय जाबाय-

6. दै जगायनाय माखौ बुङो ? दै आद्रि जायालासिनो दै जगायनायनि मोननै आदबखौ बेखेव।

फिन:- फसल एबा आबादफोराव गुबुन गुबुन समनि फारागाव दै राननायखौ दै जगायनाय बुंनाय जायो। दै जगायनायनि सम आरो हार एबा बिबांआ फसल नायना फसल, हा नायना हा आरो बोथोर नायना बोथोर सोलायसोल' जायो।

दै आद्रि जायालासिनो दै जगायनायनि मोननै आदबफोरा जादों-

1. सारफ्रावग्रा बिखान्थि : गोबां दै गैयि आरो समान नङि हायाव बे बिखान्थिया जोबारै गोनां। थोंगोर पाइपफोरा (फंफ्ला) खर'आव गिदिंग्रा नज'ल गोनां आरो बेफोर थि थि जानथाइयाव गाहाइ पाइपजों फोनांजाबनाय। जेब्ला गंसे पाम्पनि हेफाजाबै दैखौ नारथाइ होनानै गाहाइ पाइपनि गेजेरजों थांनो होयो अब्ला दैया गिदिंग्रा नज’लफोरजों बारग'लाङो। बेयो फसलनि सायाव अखा हानाय बादि सारफ्राव (sprinkle)जायो। सारफ्रावग्रा बिखान्थिया बालासाहिया हानि थाखाय जोबोद गोनां।

2. थरथिं बिखान्थि : बे बिखान्थियाव दैया रोदाफोरनि थोंजों जायगायाव थरथिं थरथिं गोग्लैयो। बेनिखायनो बेखौ थरथिं बिखान्थि बुङो। फिथाइ बिफां, बिबार बारि आरो बिफांफोराव दै होनो थाखाय बेयो बयनिख्रुइबो साबसिन सोलो। बे बिखान्थिया लाइफांफोरनो थरथिं थरथिं दै जगायो। दैया एसेबो आद्रि जाया। जायफोर ओनसोलाव दै मोननो थाङा बेफोर आनसोलनि थाखाय बे बिखान्थिया बोरबादि ।

7. गमखौ खारिफ बोथोराव फोनाय जायोब्ला मा जानो हागौ? सावराय।

फिन:- जुदि गमखौ खारिफ बोथोराव फोनाय जायो, अब्ला फसला मोजाङै देरनाय नङा । मानोना गमआ मोनसे रबि फसल जायनि थाखाय गुसु आरो गोरान बारहावायारि थासारिनि गोनांथि जायो। खारिफ बोथोरनि समाव, गोजौ बिदुं आरो गोबां अखाया गाज्रि गाजा बेरनाय, दै जमा जानाया लायफांफोरखौ खहा खालामो। दुंब्रुद आरो सिदोब बारहावाया एम्फौ आरो मैखुन बेरामनि जाथावनाखौ बांहोयो, जायजों फसला आरोबाव लोरबां जायो। फिथाय महरै, गमनि लाइफाङा मोजां बेगरफोर दिहुन्थायाव फेलें जायो, जायनि जाउनाव जोबोद बाङाइ दिहुनथाइ मोनो एबा फसला आबुङै फेलें जायो। बेनिखायनो, खारिफ बोथोराव गम फोनाया खहा जागोन आरो बेनि थि जौगानायनि थाखाय आरजाथाव नङा।

8. दखरसे हायाव लानथ्रि ज'यै फसल मावबाय थायोब्ला हाया माबोरै खहा जायो बेखेव।

फिन:- फसलफोरा गोनां जानाय खनि संख्रिनि सुफुंग्रा मुवाफोरखौ हानिफ्राय मोनो। फसलफोरखौ गले गले मावनाया हाखौ गोबां खहा खालामग्रा रोखोमै गोहोम खोख्लैयो। जेब्ला फसलखौ मावनाय जायो, बेयो हानिफ्राय सुफुंग्रा मुवाफोरखौ सोबखाङो । समजों लोगोसे हाया नाइट्रजेन, फस्फरास आरो पटासियाम बायदि गोनांथार सफुंसार मुवाफोरखौ खोमाना लायो। बेनिखायनो दखरसे हायाव लानथ्रि ज'यै फसल मावबाय थायोब्ला हानि हासार आरो दिहुनथाइखौ बाङाइ खालामो, जाय हाखौ मोजां आबाद जौगाथायनि थाखाय एसेल 'आरजाथाव खालामो।

9. नाङि हाग्राफोरा मा मा? बेफोरखौ जों माबोरै होबथानो हायो।

फिन:- आबाद फोथाराव फसलजों लोगोसे मिथिंगायारि बादियै गोबां गुबुन नाङि लाइफांफोर रज'फायो। बे नाङि लाइफांफोरखौ नाङि हाग्रा होनना बुंनाय जायो।

नाङि हाग्राफोरा फसलनि बारायनायखौ हेंथा होयो। माखासे नाडिगांसोफोरा फसल दैखांनायावबो हेंथा खालामो आरो जिउआरि आरो सुबुंनि थाखाय बिस गोनां जानोबो हागौ।

नाङि हाग्राफोरखौ होबथानो जों माखासे राहा लानो हायो-

1. माइसा दांनायनि गेजेरजों जों नाङि हाग्राफोरखौ होबथानो हायो।

2. सम सम नाङि हाग्राफोरखौ हा गुदियाव खन्थिनि हेफाजाबै हासनानै गारनाय।

3. नाङि गांसोफोरखौ खायसे रासायनारि मुलि बाहायनानैबो होबथानो हायो।

10. गाहायाव होनाय बागसुफोरखौ खुसेर आबाद दिहुनथाइनि थाखाय फारियै साजायना फारिलाइ बानाय।

फिन:-

      Note:

      If you find any mistakes in these questions and answers, you can tell us or correct it yourself.

      जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो                हागोन।