फरा-9 गिनाय | Class 8 MIL-Bodo Chapter-9 Question Answer

फरा-9

गिनाय

1. 'गिनाय' सल'नि गुबै बाथ्राखौ गावनि रावजों बुं।

2. फिननाय हो-

(क) जायख्लंनि नैजिब्रै घन्टानि लोगोआ सोर?

फिनः- जायख्लंनि नैजिब्रै घन्टानि लोगोआ गिनाय ।

(ख) जायख्लंनि बिसिनि मुङा मा?

फिनः- जायख्लंनि बिसिनि मुङा रथ 'मालि ।

(ग) फुटबल गेलेबाय थानायाव सोर थैदोंमोन?

फिनः- जायख्लंनि बिबथैनि फिसाज्लाया फुटबल गेलेबाय थानायाव थैदोंमोन।

(घ) जायख्लङा साबेसे गथ 'नि बिफा?

फिनः- जायख्लङा साथाम गथ'नि बिफा ।

(ङ) रामोन्दाया मा मावो ?

फिनः- रामोन्दाया उकिल हाबा मावो।

(च) थाबायना थाङोब्ला जायख्लङा सोरजों नांज्लायो?

फिनः- थाबायना थाङोब्ला जायख्लङा बिसि रथ’मालिजों नांज्लायो ।

(छ) अफिसनि खामानियाव जायख्लङा मानो गोसो होनो हाया?

फिनः- उन्दैफोरनि फरायसालि मोखांनि फिसा लामायाव आन्थोर जयै मथर गारि फैनायनि थाखाय गिनानै जायख्लङा अफिसनि खामानियाव गोसो होनो हाया ।

3. सुंद' फिन हो-

(क) माबादि बाथ्राया जायख्लंनि गोसोआव गिनाय सोमजिहोयो?

फिनः- जायख्लङा खामानि मावना गावनि गथ'फोरखौ मानसि खालामनो गोसो। बियो गथफोरनि फारसे सानना जोबोद गियोमोनदि माब्लाबा गाव हरखाब थैना थांब्ला गथ’ गथाइफोरखौ सोर नायगोन सानना। बेनिखायनो इयुनाव माबाफोर खैफोद फैजानो गिनानै बिनि गोसोयाव गिनाय सोमजिहोयो।

(ख) सानसे बेलासियाव अफिसनिफ्राय फैनानै जायख्लङा मानो रागा जोंदोंमोन?

फिनः- सानसे बेलासियाव अफिसनिफ्राय फैनानै जायख्लङा नुफैबाय न'नि मोखांनि दर्जाया गेंनाय। उन्दै फिसाजोआ बारान्दायाव हारसिङै दंगासिनो। बे समाव बिसि रथमालिया सिन्था गैयि दुगैगासिनो दंमोन। बेफोरखौ नुफैनानै जायख्लङा गिनायजों रागा जोंदोंमोन।

एबा

न'नि मोखांनि दर्जा खेंनानै उन्दै हिन्जावसाखौ बारान्दायाव दोनना बाथरुमाव हाबना दुगैनायखौ सानसे बेलासियाव अफिसनिफ्राय फैनानै जायख्लङा नुफैनायाव रागा जोंदोंमोन ।

(ग) हरगेजेराव जायख्लङा उन्दुनायनिफ्राय सिखारनानै ब 'हा-थांनो ओंखारदोंमोन? बियो

ओंखारलांनायनि जाहोना मामोन?

फिनः- हरगेजेराव जायख्लङा उन्दुनायनिफ्राय सिखारनानै रामोन्दानि न’फारसे थांनो ओंखारदोंमोन ।

रामोन्दानि न’थिंनिफ्राय मानिबा दावराव दावसि सोदोब खोनादोंमोन। बिनि नखरखौ सोरबा दुथांफोरा गाग्लोबफैदों सानना बिनि गथ गथायखौ रैखा खालामनो थाखाय जायख्लङा ओंखारलांदोंमोन।

(घ) सल 'खौ फरायनानै जायख्लंनि साननाय आरो रथ'मालिनि साननायनि गेजेराव बबेयाव फाराग नुनो मोन्दों?

फिनः- जायख्लंनि साननाय आरो रथ'मालिनि साननायनि गेजेराव ओरैबायदि फाराग नुनो मोनोदि, जायख्लङा इयुन जिउखौ साननानै जोबोर गियो। इयुनाव बियो माबाफोर खैफोद जाजानो गियो मानोना बियो गथ साथामखौ गाव थांना थानायजों लोगोसे मानसि खालामलांनो गोसो । नाथाय रथ'मालिया बाथ्राफोरखौ गोथौवै साननो रोङा, इयुननि फारसे जेबो साननो रोङा बेनिखायनो बिहा गिनाय गैया, गथ’ गथायनि फारसेबो सांग्रांथि गैया।

4. सोर, सोरखौ, माब्ला बुंदोंमोन लिर-

(क) 'एफाग्राब गिख' मानसि आं जोनोमावबो नुफेराखै।

फिनः- रथ’मालिया जायख्लंखौ बुंदोंमोन, जेब्ला जायख्लङा उन्दैफोरखौ क्रिकेट गेलेनो लाजेननायाव नांजानो गिदोंमोन।

(ख) 'नै, खोनादोंना? सोरबा गाबखावनाय बादि मोनदों?'

फिनः- जायख्लङा रथ’मालिखौ बुंदोंमोन, जेब्ला हरनि समाव सोरनिबा दावराव दावसि हसिख्रावनायबादि खोनादोंमोन।

(ग) 'दिनै आं बिनि गथ'गथायखौ रैखा खालामनो थाङाब्ला गाबोन आंनि गथ 'गथायखौ रैखा

खालामनो सोर फैनो?'

फिनः- जायख्लङा रथ’मालिखौ बुंदोंमोन जेब्ला रामोन्दानि गथ’ गथायखौ रैखा खालामनो ओंखारलांनो नागिरो ।

5. खोन्दोखौ फराय आरो खोन्दोनि बाथ्राजों सोमोन्दो लाखिना सोंथि सुजु।

'रामोन्दानि न'थिंनिफ्राय फैयाखै होमब्ला? रामोन्दाया बे गामियाव न'भारा लानानै थायो, उकिल हाबामावो। सोद्रोमगोनां आरो गुरै आखुनि सेंग्रा। गामिनि मानसिफोरजों बयजोंबो मोजां। गुबुन जायगानि मानसिफोरा न'खौ गाग्लोबनो फैदों नामा?'

फिनः- दावराव दावसिया बबेथिंनिफ्राय फैदों ? रामोन्दाया बबेयाव थायो , मा मावो ? आरो माबादि आखुनि सेंग्रा ? गुबुन जायगानि मानसिफोरा रामोन्दानि न’खौ मा खालामनो फैदों ?

6. गाहायनि बाथ्राफोरनि ओंथिखौ बुजायना लिर -

(क) 'आब्रुथि गैयि मानसिफोरनि हस्रिखावनाय बादि।'

फिनः- बे बाथ्राजों- गाज्रि आखुनि साननाय, बिजिरनाय, अनखांनाय गैयि मानसिफोरनि हस्रिखावनायखौ फोरमायदों।

(ख) 'अर सोमजिहोनो थाखाय थरसे अरखियानो थोजासे जायो।'

फिनः- बे बाथ्राजों- मोनसे फिसा जाथाइ एबा खैफोदा मोनसे गिदिर जाथायाव महर सोलायनो हायो होननानै फोरमायदों।

(ग) 'गुबुन गुबुन धोरोम, गुबुन गुबुन राव, गुबुन गुबुन रावआरि, गोबां हारि-हारिसा। गोबां बाहागोआव

गावस्रानायनि बेनो सोलायरोङि फिथाइ।'

फिनः- बे बाथ्राजों बेखौनो फोरमायदोंदि- जोंनि गेजेराव गोबां धोरोम, राव हारि-हारिसा दं। बेफोर बाहागोआव गावस्रानायनि थाखायनो हारिनि गेजेराव गोबां दावराव दावसि जायो।

7. 'गिनाय' सल निफ्राय नोंनि जिउनि थाखाय गोनां जानाय मा मा बाथ्रा सोलोंखो लिर।

8. गाहायनि सोदोबफोरजों मोनफायै बाथ्रा दा-

दावराव दाउसि            आब्रुथि गैयि

सेवहांगार खालाम          गोहो बुथुम

आन्थोर जयि                   खोमा हो

फिनः-

दावराव दाउसि : दावराव दाउसि खालामनो नाङा।
आब्रुथि गैयि : आब्रुथि गैयि मानसिफोरा दावराव दावसि खालामदों।

सेवहांगार खालाम : बिथांनि नखरखौ सेवहांगार खालामनो नाजादोंमोन।

गोहो बुथुम : सुथुरखौ फेजेननो गोहो बुथुम ।

आन्थोर जयि : लामायाव आन्थोर जयि मथर गारि फैदों।

खोमा हो : फोरोंगिरिनि फोरोंनाखौ बयबो खोमा होनांगौ।

       ख- राव फरायसंनाय (बाहायारि रावखान्थि)

9. गाहायाव होनाय खोन्दोखौ थाद 'सिन बाहायना बाथ्राखौ लिरफिन-

मानसिनि सुखु गोजोननि मोनसे गाहाइ हेंथाया जादों रागाजोंनाय हारिमुनि फारसे गोसो गुदुं जानाया बै रागाखौ फोजोबस्रांनानै मानसिनि गोसोनि सिरि थाखोमानायफोरखौ फोजाखाङो बेनिखायनो गंसे न 'खराव गेलेनाय मोसानाय रोजाबनाय आरिनि फारसे थानाय गोसो सिबिनाय आरो आबहावानिफ्राय बै न'खराव थानाय सुखु गोजोनखौ मिथिनो हायो। मागो दमासियाव बेलागुर बानायनाय लावखार ओंखाम जानाय है हुदु गेलेनाय खाम-सिफुं दामनाय आरो देवाली आरि फोरबो फालिनायाव मानसिया ज'ज'यै गोसोनि रंजानायखौ फोरमायो।

फिनः- मानसिनि सुखु गोजोननि मोनसे गाहाइ हेंथाया जादों रागाजोंनाय । हारिमुनि फारसे गोसो गुदुं जानाया बै रागाखौ फोजोबस्रांनानै मानसिनि गोसोनि सिरि थाखोमानायफोरखौ फोजाखाङो । बेनिखायनो गंसे न'खराव गेलेनाय, मोसानाय, रोजाबनाय आरिनि फारसे थानाय गोसो सिबिनाय आरो आबहावानिफ्राय बै न'खराव थानाय सुखु गोजोनखौ मिथिनो हायो। मागो दमासियाव बेलागुर बानायनाय, लावखार ओंखाम जानाय, है हुदु गेलेनाय, खाम-सिफुं दामनाय आरो देवाली आरि फोरबो फालिनायाव मानसिया ज'ज'यै गोसोनि रंजानायखौ फोरमायो।

10. गाहायनि सिन बोनाय सोदोबफोराव मा मा बेखेवफा दाजाबदेरदों लिर-

(क) नर्दमायाव गोग्लैहैबासो जागोन।

फिनः- बेखेवगास्नि- याव

(ख) साननैसो सिगांनिफ्रायसो उन्दैफोराबो क्रिकेट गेलेनो हमदों।

फिनः- बेखेवगाबा- निफ्राय

(ग) अफिसाव खामानि मावबाय थानानैबो जायख्लंनि बिखाया हरखाब दुब दुब मोनखाडे।

फिनः- बेखेवगास्नि- आव/याव

(घ) आं दिनै बिनि गथ' गथायखौ रैखा खालामनो थाडाब्ला गाबोन आंनि गथ 'गथायखौ रौखा खालामनो सोर फैनो?

फिनः- बेखेवगानै- खौ

11. बाथ्रा फान्दाय बेखेवना लिर-

(क) थुरि नुब्ला बाथि गारो।

फिनः- जायनो जाय मुवाखौ नांगौ बे मुवाखौ बबेयाव मोनगोन बेखौ नागिरनानै जेराव दं, बेयाव थांनानै बेखौ मोननायनि एबा लाबोनायनि थाखाय लाहार -फाहार खालामो । जेरै- जाय जायगायाव थुरि दं बेयावसो थुरिखौ हानानै लायनो थाङो आरो लोगोसे बाननानै लाबोनो बाथिबो लांफायो। थिख बेबायदिनो नखराव हाबा जानो गोनां सेंग्रा दंब्ला बै सेंग्रानि जरा खालामनो थाखाय जायनि नआव सिख्ला दं बेखौ सोंहैनो बे बाथ्रा फावखौ बाहायनाय जायो।

(ख) हास्राव हाया हाब्रु जाया।

फिनः- हास्राव हाया स्राव-स्रावखायनो दै लुनानै गाग्लिबाबो मिस-मिस हाब्रु जाया एबा मोजाङै गलिया। बे बायदिनो गाज्रि हाबा मावनानै, मावै-मावै जायनि आखुया बाराद्राय गाज्रि जालांबाय बे बादि मानसिनि आखुखौ मोजांआव लाबोफिननो गोब्राब जायो, बे बाथ्राखौ फोरमायनौ थाखाय बे बाथ्रा फावखौ बाहायनाय जायो।

12. गाहायाव होनाय दाजाबदाफोरखौ सिफाय आरो दाफिन।

(क) बिथ'राइ गुबुनथि दानस' दानस्रां आबादारि

(ख) फराय +सालि, फोजोब+स्रां, बि+मोन+थाइ, गोरोब +थि, आइन +आरि

फिनः-

(क) बिथ'राइ : बिथ' + राइ

गुबुनथि : गुबुन + थि

दानस' : दान + स'

दानस्रां : दान + स्रां

आबादारि : आबाद + आरि

(ख) फराय +सालि : फरायसालि

फोजोब+स्रां : फोजोबस्रां

बि+मोन+थाइ : बिमोनथाइ

गोरोब +थि : गोरोबथि

आइन +आरि : आइनारि

13. (क) सल'बाथा आरो सुंद' सल'नि गेजेराव थानाय फारागथिखौ लिर।

फिनः- सल 'बाथा मुलुगआ बानायनाय मुलुग, जेराव बिफां-लाइफां, जिब-जुनार, दाउमा-दाउसा आरिया मानसिनि बादि बाथ्रा बुंनानै रंजानाय होयो। सल'बाथाया बानायनाय आरो नेम खान्थि गैयि। सल 'बाथानि सिमाया गेवनां। सानखांनायनि हेफाजाबाव बेनि सल 'खौ फेहेरनो हायो। बेनि रावआ गोरलै गुरै, सुबुरन मोनदांनाय। सल'बाथायाव मोखथां जिउनि सावगारि बेरखाङा।

सुंद' सल'आ आथिखाल मुगानि सोरजि। सुंद' सल 'आ मोखथां जिउनि सावगारि। बेनि सोरगिदिं सिमाखौ समनि ज 'खा सुनानै लाखिनो हाया। सुद' सल 'नि बुंथिनाया मेहेरगोनां आरो जोबनाया इसारा गोनां जायो। सुंद' खालामना लिरनायानो सुंद' सल'नि गाहाइ आखु। खम समावनो आरो खम नाजानायजों सानखांना लिरनो हानाया सुंद' सल 'नि मोनसे आखु। सुंद' सल 'नि आयदाफारिया जोबनो गैयि। जोबनानैबो जोबनो रोङि बेखेवथिनायजों सुंद' सल'आ जोंनो गोजोन्नाय होयो।

(ख) सल 'बाथानि आखुथाइफोरखौ लिर।

फिनः- सल'बाथानि आखुथाइफोरा जादों-

(i) मुवा बेसाद, बिफां-लाइफां, जिब-जुनार, दाउमा-दाउसा आरिया मानसिनि बादि बाथ्रा बुङो।
(ii) सल'बाथाया बानायनाय आरो नेम खान्थि गैयि।

(iii) सल' बाथानि सिमाया गेवनां।

(iv) सानखांनायनि हेफाजाबाव बेनि सल'खौ फेहेरनो हायो।

(v) बेनि रावआ गोरलै गुरै, सुबुरन मोनदांनाय।

(vi) सल'बाथायाव मोखथां जिउनि सावगारि बेरखाङा।

(vii) बेयो खान्थि बोसोन, बिथोन, बोसोन होनानै खान्थिनां दिग दानायाव मदद खालामो।

(viii) सल'बाथाया मानसिनि बुंनो थाङोब्ला गथ 'फोरनि सानखांनाय गोहो बांहोनानै राव सोलोंनायाव मदद खालामो।

(ग) सुंद 'सल 'नि आखुथाइफोरखौ लिर।

फिनः- सुंद' सल'नि आखुथाइफोरा जादों-

(i) सुद' सल'नि बुंथिनाया मेहेरगोनां आरो जोबनाया इसारा गोनां जायो।

(ii) सुंद' खालामना लिरनायानो सुंद' सल'नि गाहाइ आखु।

(iii) खम समावनो आरो खम नाजानायजों सानखांना लिरनो हानाया सुंद' सल 'नि मोनसे आखु।

(iv) सुंद' सल 'नि आयदाफारिया जोबनो गैयि।

(v) जोबनानैबो जोबनो रोङि बेखेवथिनायजों सुंद' सल'आ जोंनो गोजोन्नाय होयो।

(घ) असमीया सुंद 'सल'नि बिफाया सोर?

फिनः- लक्षीनाथ बेजबरुवाया ।

(ङ) शीलभद्रनि गुबै मुङा मा ?

फिनः- शीलभद्रनि गुबै मुङा रेवतीम'हन दत्त चौधुरी।

(च) बिथांनि जोनोमा बबेयाव जादोंमोन?

फिनः- बिथांनि जोनोमा 1924 मायथाइयाव बोखावजायि ग'वालपारा जिलानि गौरीपुरआव जादोंमोन ।

(छ) शीलभद्रआ बबे सल 'बिजाबखौ दिहुननानै साहित्य अकाडेमी बान्था मोनो?

फिनः-1994 मायथाइयाव 'मधुपुर बहु दूर' सल' फोसावना दिहुननायनि थाखाय बिथाङा साहित्य अकाडेमी बान्था मोनो।

(ज) शीलभद्रआ बबे मायथाइयाव रुंसारि जादोंमोन?

फिनः- शीलभद्रआ 2008 मायथाइनि 29 फेब्रुवारीयाव रंसारि जादोंमोन ।