फरा-7 सोमदोन | Class 8 MIL-Bodo Chapter-7 Question Answer

फरा-7

सोमदोन

1. फिननाय हो-

(क) सोमदोन थुन फावथाइयाव बाहागो लानाय आखुफोरनि मुं लिर।

फिन: सोमदोन थुन फावथाइयाव बाहागो लानाय आखुफोरनि मुंफोरा जादों- कुइन्टन, अर्दालि, थेलेब, डा: रबीन, नार्स, 1 नं पुलिस आरो 2 नं पुलिस ।

(ख) थुन फावथाइयाव सोरनि बाथ्रा बेरखांदों?

फिन: थुन फावथाइयाव सोमदोन जोहोलावनि बाथ्रा बेरखांदों ।

(ग) सोमदोननि बिमानि मुङा मामोन?

फिन: सोमदोननि बिमानि मुङा थेलेबमोन ।

(घ) कुइनटनआ सोमदोननि सायाव माबादि नोजोर लाखिदोंमोन?

फिन: कुइन्टनआ जखम जानाय सोमदोनखौ हस्पितालाव लांदोंमोन। जखम जानाय सोमदोनखौ मोजां खालामनो थाखाय कुइन्टनआ डाकटारनि सायाव गोख्रोङै नारसिनदोंमोन।

(ङ) गानजं हेड्कवार्टारनि सिफ कमिसनारनि मुङा मा ?

फिन: गानजं हेड्कवार्टारनि सिफ कमिसनारनि मुङा- मेजर कुइन्टन ग्रिनउदआ

(च) सोमदोनखौ बिमाया माबोरै फेदेरदोंमोन?

फिन: सोमदोनखौ बिमा थेलेबआ गाव मोनजायाखैब्लाबो, रसा नांदोंब्लाबो खब'सेब्लाबो दौना जाहोदोंमोन। बिमाया सोमदोनखौ मालायनियाव बिबाय मागिबाय खालामना फेदेरदोंमोन, फोलाउदोंमोन ।

(छ) थेलेबआ कुइन्टननि सेराव मानो थांदोंमोन आरो बिनि थांखिया जाफुंदोंमोनना बिजिरना लिर।

फिन: सोमदोना थेलेबनि नायल’ जाल’ सासेल’ फिसा हौवा। सोमदोना गुफुरसाफोरनि आखायाव गोब्राबै जखम जादोंमोन। बेखौ फाहामनो थाखाय कुइन्टनआ गानजं हेद क'वाटारनि हस्पितालाव लांदोंमोन। बेखौ मोनथिनानै बिमा थेलेबआ सोमदोननि मोखांखौ नायस्रानो कुइन्टननि सेराव थांदोंमोन ।

बिमाया बिखौ जोनोम होदों, खांदों-बादों, फेदेरदों फोलाउदों। गाव मोनजायाखैब्लाबो बिनो जाहोदों, रसा नांदोंब्लाबो बिनो खब'से दौना फोथांदों, मालायनियाव बिबाय मागिबाय फेदेरदोंमोन, फोलाउदोंमोन बेनिखायनो मोखां नायस्रानायनि थांखि लानानै थांदोंमोन । लोगोसे बिमाया फिसा सोमदोननि थाखाय गाव संनाय ओंखाम मुथासेखौ जाहोनो खावलायदोंमोन। नाथाय जाहोनो थाखाय गनायथि मोनाखैमोन। दसे उनाव हरखाबै सोमदोनखौ थैबाय होनना फोसावो। बेखौ खोनाना बिमाया फिसा सोमदोनखौ गाबज्रियै गाबज्रियै दुखुजों गाबो। बिमाया सोमदोननि गोथै सह‘खौ बिदोंमोन नाथाय गोथै सह’नि सोलायै बिनि गानग्रा सिखौसो मोनदोंमोन। बेबायदिनो थेलेबनि सोमदोनखौ नायस्रानायनि थांखिया जाफुङाखैमोन।

(ज) सोमदोनखौ ब्रिटिसफोरा मा दायनि थाखाय हमदोंमोन?

फिन: सोमदोनआ बर' माहारिनि गोहो बोलोगोरा जोहोलावमोन। कछारि हादरखौ रैखा खालामनो थाखाय सोमदोनआ

इंराजफोरनि हेंथायै जिउ थाजासिम जुजिदोंमोन। इंराजफोरनि गादबनाय, नासयनायनिफ्राय बर' हारिखौ उदां खालामनो सोमदोनआ थै-थां नाजादोंमोन। बिनि थुंग्रि सिबनायाव मेजर बयदआ जिउ खोमानो गोनां जादोंमोन। बे दायनि थाखायनो सोमदोनखौ ब्रिटिसफोरा हमदोंमोन ।

(झ)सोमदोननि बिमानि सिगाङाव डाक्टरआ मा बुंदोंमोन?

फिन: सोमदोननि बिमानि सिगाङाव डाक्टरआ - बेयो ब्रिटिस सरकारनि हादर आइ। बेयो ग 'लामनि हादर। आरो जों बिसोरनि ग'लाम। बिसोर जा थिनो जा बुङो बेखौ जों खोनासंनागौ आइ। नों थांदो। होननानै बुंदोंमोन।

2.

(क) बेयो ब्रिटिस सरकारनि हादर आइ। बेयो गलामनि हादर आरो जों बिसोरनि ग'लाम।

- बे बाथ्राखौ सोर बुंदोंमोन आरो सोरनि सिगाङाव माब्ला बुंदोंमोन ?

फिन: बे बाथ्राखौ डा: रबीनआ थेलेबनि सिगाङाव बुंदोंमोन जेब्ला थेलेबआ सोमदोननि गोथै सह’खौ मोनैयाव ब्रिटिस सरकारनि आइननि सायाव सोंखारिदोंमोन।

(ख) मानसिनि थैनाय थांनाया इसोरनि आखाइयावसो सार। मानसिहा बेयाव आखाइ गैया।

- बे बाथ्राखौ सोर बुंदोंमोन ? मानि थाखाय मानसिहा आखाइ गैया होन्ना बुंदों ?

फिन: बे बाथ्राखौ डा: रबीनआ बुंदोंमोन ।

मानोना डाक्टरा बेरामखौ सोखानो हागौब्लाबो गोदानै जिउ होफिननो हाया। मानसिनि थैनाय थांनाया इसोरनि आखाइयावसो । बेनिखायनो मानसिहा बेयाव आखाइ गैया होन्ना बुंदों ।

3. सुंद' फिन हो-

(क) सोमदोनआ सोरमोन? बियो बबे राज्योनिमोन?

फिन: सोमदोनआ बर' माहारिनि गोहो बोलोगोरा जोहोलावमोन। बियो थेलेबनि नायल’ जाल’ सासेल’ फिसा हौवामोन। बियो काछार राज्योनिमोन।

(ख) सोमदोनआ हस्पितालआव मानो जिउ खोमानो गोनां जादोंमोन?

फिन: सोमदोनआ इंराजफोरनि आखायाव गोब्राबै जखम जादोंमोन । बेनि उनाव सोमदोनखौ हस्पितालआव लादोंमोन । सोमदोननि जखम जानाया डाकटारनि गोब्राब नाजासेयावबो एसेबो मोजांआव फैयाखैमोन। जेराव सोमदोनआ हस्पितालआवनो जिउ खोमानो गोनां जादोंमोन।

(ग) कुइन्टनआ थेलेबनि सिगाङाव माबादि आखु दिन्थिदोंमोन?

फिन: कुइन्टनआ थेलेबनि सिगाङाव जोबोद गाज्रि आखु दिन्थिदोंमोन। थेलेबआ गावनि फिसा सोमदोननि मोखांखौ नायस्रानो होनना कुइन्टन निसिम थांदोंमोन आरो बिनाव गनायथि बिदोंमोन। नाथाय कुइन्टनआ थेलेबनो फिसालानि मोखांखौ एसेबो नायनो होयाखैमोन। सोमदोना थैखांनायनि उनाव बिमा थेलेबआ बिनि गोथै सह’खौ बिदोंमोन। नाथाय गोथै सह’खौ हरनायनि सोलाय सोमदोननि गानग्रा सिखौसो हरनानै गोख्रै थांनो थिनदोंमोन। बै जायगानिफ्राय थेलेबखौ फिलिसनो बिथोन होना थांनो गोनां खालामदोंमोन।

(घ) सोमदोननि थैनाय रादाबखौ सोर होदोंमोन?

फिन: सोमदोननि थैनाय रादाबखौ नार्सआ होदोंमोन ।

(ङ) थेलेबआ सोमदोननो मा लाना थांदोंमोन?

फिन: थेलेबआ सोमदोननो गाव संनाय ओंखाम लाना थांदोंमोन।

4. बेखेवना लिर -

बेयो ब्रिटिस सरकारनि हादर आइ। बेयो ग'लामनि हादर आरो जों बिसोरनि ग'लाम।

फिन: बेयो ब्रिटिस सरकारनि हादर आइ। बेयो ग'लामनि हादर आरो जों बिसोरनि ग'लाम।

गोजौनि बाथ्रा सिरिखौ ड० मंगलसिं हाज’वारी लिरनाय “सोमदोन” खिन्थिगासे फावथाइ निफ्राय लानाय जादों।

बे बाथ्राखौ बे फावथायाव थानाय सासे आखुथाइ डा: रबीन आ थेलेबनि सिगां आव बुंदोंमोन ।

थारैनो मोनसे समाव बर’ हारिनि राज्योआबो इंराजफोरनि आथिं सिङाव दंमोन । बर’आ बिसोरनि गलाम मोन, जा थिनो , जा बुङो बेखौनो मावनो गोनां जायोमोन। बर’ हारिया इंराजफोरजों जोबोर इनाय अनागार खालामजादोंमोन । बेबायदिनो “सोमदोन” मुंनि सासे गोहो बोलो गोनां बिर जोहोलावआ बर’ बिमानि गोरबोयाव जोनोम मोनदोंमोन । बियो बर’ हारि हादरनि सायाव इंराजनि इनाय अनागार खालामनायनिफ्राय उदां मोननो इंराजनि हेंथायै दावहा नांदोंमोन। नाथाय सोमदोना सानसे इंराजनि आखायाव गोब्राब जोखोम जादोंमोन। सोमदोनखौ बिमाया हस्पिटालाव नायनो थांदोंमोन । नाथाय मेजर कुइन्टन आ बिमानो सोमदोनखौ नायनो थाखाय गनायथि होयाखैमोन । उनाव सोमदोननि बिमाखौ हस्पिटालनिफ्राय थुज्रेद-थुज्राद खालामना थांनो थाखाय बुंदोंमोन । थेलेबा फिसालानि गोथै सहखौ मोनलाङैनि बुंदोंमोन, बेयो बबे हादरनि आइन, जेराव गावनि फिसानि गोथै सह'खौ मोना होननानै, ब्रिटिस सरकारनि बेफोरबायदि इनाय अनागार खालामनायफोरखौ नुनानै डा: रबीन आ थेलेबनि सिगां आव बुंदोंमोन- बेयो ब्रिटिस सरकारनि हादर आइ। बेयो ग'लामनि हादर आरो जों बिसोरनि ग'लाम।

5.

न' न'न' डाः रबीन। इउ फ्लिज, ट्राइ हार्ट एण्ड स'ल। समदनखाव थैहनो नाङा। नं

बिखाव थैहन' मना। बियो थांनांगाव आरो मजां जाब्ला जं बिखौ फासि हगन, फासि।

हा: हा: हाः।

- बे बाथ्राखौ सोर बुंदोंमोन आरो सोरखौ थांखिनानै बुंदोंमोन?

फिन: बे बाथ्राखौ कुइन्टन आ डा: रबीन नि सिगाङाव सोमदोनखौ थांखिनानै बुंदोंमोन।

6. मोनसे सोदोबाव फोरमायना लिर

(क) फाव दिन्थिग्रा मानसि –

(ख) मेथाइ रोजाबग्रा मानसि –

(ग) बिमा बिफा गैजायि गथ'-

(घ) हादरनि थाखाय जिउ बाउसोमग्रा-

(ङ) गोहो-बोलो गोरा सुबुं -

(च) हारि आरो हादर मोजां मोनग्रा सुबुं-

फिन: (क) फाव दिन्थिग्रा मानसि – फावगिरि

(ख) मेथाइ रोजाबग्रा मानसि – रोजाबगिरि

(ग) बिमा बिफा गैजायि गथ'- मावरिया

(घ) हादरनि थाखाय जिउ बाउसोमग्रा- मुंख्लं

(ङ) गोहो-बोलो गोरा सुबुं - बोलोगोरा

(च) हारि आरो हादर मोजां मोनग्रा सुबुं- हादर सिबिसुला

7. बाथ्रा दा -

सानहाब रसा नां गोदाव सोराव थुज्रेद थुज्राद हाखु दाखु नायगार नायगार

लोब लोब बिखा फोरदान

फिन: सानहाब – रिमि आ बाथ्राफोरखौ सानहाबनानै बुङो।

रसा नां – अलसिया जायोब्ला रसा नाङो।

गोदाव सोराव – गथ’ आ बिमा बिफा गैयिनि थाखाय गोदाव सोराव जादों।
थुज्रेद थुज्राद – थेलेबखौ थुज्रेद थुज्राद खालामना होखारहरदोंमोन।

हाखु दाखु – जलदबआ खामानिखौ हाखु दाखु मावनानै फेलें जाजादों।

नायगार नायगार – ब्रिटिसफोरा सोमदोनखौ नायगार नायगार बुग्लिना फोथैदोंमोन।

लोब लोब – मेल आव लोब लोब मानसिफोर फैदों।

बिखा फोरदान – सोमदोना बर’ हारि हादरनि थाखाय बिखा फोरदानना ब्रिटिसफोरनि हेंथायै दावहा नांदोंमोन।

8. सुंद' फिन हो -

(क) सोमदोननि बिमानि मुङा मा?

फिन: सोमदोननि बिमानि मुङा थेलेब ।

(ख) सोमदोनखौ सोर हमदोंमोन?

फिन: सोमदोनखौ ब्रिटिसफोरा हमदोंमोन ।

(ग) सोमदोननि आखाइयाव सोर जिउ गारनांदोंमोन?

फिन: सोमदोननि आखाइयाव मेजर बयद आ जिउ गारनांदोंमोन ।

(घ) ब्रिटिस कमिसनारनि मुङा मामोन?

फिन: मेजर कुइन्टन ग्रिनउद ।

(ङ) सोमदोनखौ बबेयाव दोनदोंमोन?

फिन: सोमदोनखौ गानजं हेद क'वाटारनि हस्पितालयाव दोनदोंमोन ।