फरा-11 गोदोखौ दाबावगार | Class 8 MIL-Bodo Chapter-11 Question Answer
फरा 11
गोदोखौ दाबावगार
1. फिन हो
(क) माबे सम्फदफोरखौ आरिमु सम्फद बुंनाय जायो?
फिनः- गोदोनि दारिमिन आरिमु, लंथाइ, हांखो, खाउरि, जारिमिनारि मुंदांखा थावनि, दलिल आरि जायफोर सम्फदआ, बै मुगानि जारिमिनारि नेर्सोन, जारिमिन, बिगियान, दोहोरोम, सानथौ बिगियान आरिनि गुमुर होयो, बै सम्फदफोरानो जादों आरिमु सम्फद।
(ख) बे (आरिमु ) सम्फदफोरा गोदोनि मानि बागै बुङो?
फिनः- बे (आरिमु)सम्फदफोरा गोदोनि हारिमुवारि जारिमिनारि नेर्सोननि बागै बुङो ।
(ग) माबे सम्फदफोरखौ गोदोमिनारि सम्फद बुंनाय जायो?
फिनः- गोजाम थानसालि, हांखो, दो-दोखला, गहेना आरि सम्फदफोरखौनो गोदोमिनारि सम्फद बुंनाय जायो
(घ) गोदोमिन बुङोब्ला मा बुजियो? गोदोनि आरिमु सम्फदफोरनि फरायसंनायनि गेजेरजों जों
मानि सोमोन्दै मिथिनो हायो?
फिनः- जाउखांनाय खामानिनि गेजेरजों गोबां सम्फद हा सिंनिफ्राय बुरखांनाय सम्फदफोरनि बिगियानारि आदबजों फरायसंनायखौनो गोदोमिन बुङो।
गोदोनि आरिमु सम्फदफोरनि फरायसंनायनि गेजेरजों बै समनि मानसिनि जिउ खांनाय आदब, थाग्रा थावनि (थाखुलि), आरिमु-हारिमु, दोहोरोम, सानथौ बिगियान आरिनि बागै मिथिनो हायो।'
(ङ) गोजाम द्वारका नोगोरनि बायखोन्दाखौ माबेनिफ्राय बुरखांना मोनदोंमोन?
फिनः- गोजाम द्वारका नोगोरनि बायखोन्दाखौ लैथोनि सिंनिफ्राय बुरखांना मोनदोंमोन।
(च) श्रीश्री सूर्य हाजोआ माबे जिलायाव दङ?
फिनः- श्रीश्री सूर्य हाजोआ ग'वालपारा जिल्लायाव दङ।
(छ) तेजपुर खाथिनि बराचुबुरी गामियाव मा बुरखांजादोंमोन?
फिनः- तेजपुर खाथिनि बराचुबुरी गामियाव सावनाय हाजों बानायनाय दैख'रनि बायखोन्दा बुरखांजादोंमोन ।
(ज) श्रीश्री सूर्य हाजोनि जाउखांनाय हाबायाव मा मा बुरखांजादोंमोन?
फिनः- श्रीश्री सूर्य हाजोनि जाउखांनाय हाबायाव - अन्थाइजों बानायनाय बौद्धस्तुप, जैन दोहोरोमनि आगु गुरु नेमिनाथ आरो ऋसमनाथनि लंथाइ, शिवलिंग, गणेश आरि मुसुखाफोरा बुरखांजादोंमोन ।
(झ) ग'वालपारा जिलानि पागलाटेकआव मा बुरखांजादोंमोन?
फिनः- ग'वालपारा जिलानि पागलाटेकआव सावनाय हानि बौद्ध मुसुखानि लंथाइ बुरखांजादोंमोन ।
(ञ) ग'लाघाट जिलानि बरपथार ओन्सोलनि 'डुबरणि 'खौ गोजाम आसाम जारिमिननि मुंख 'नां थावनि होननानै बुंनाय जादों फोरमायना लिर।
फिनः- ग'लाघाट जिलानि बरपथार ओन्सोलनि 'डुबरणि' खौ गोजाम आसाम जारिमिननि मुंख'नां थावनि होननानै बुंनाय जादों । मानोना बे ओन्सोलनि खाथि-खाला बुरखां जानाय गोजाम हांखोफोरनिफ्राय जों समाज, दोहोरोम, थुनलाइ, राजखान्थियारि बिथिं आरिनि गोबां खारि मोननो हायो। हांखोल' नङा, डुबरणि ओन्सोलाव गोदोमिनारि जाउखांनाय हाबानि गेजेरजों बुरखांनाय गोजाम इथाजों लुनाय थानसालिनि बिथा, शिवलिंग आरिया गोदो डुबरणि ओन्सोलाव जौगासारनाय आरिमु आरो लंथाइ आरिमुनि इसारा होदों।
(ट) गुवाहाटी नोगोरमानि आमबारी ओन्सोलाव जाउखांनाय हाबानि गेजेरजों मानि मुसुखा बुरखांजादोंमोन?
फिनः- गुवाहाटी नोगोरमानि आमबारी ओन्सोलाव जाउखांनाय हाबानि गेजेरजों नटराजनि मुसुखा बुरखांजादोंमोन ।
(ठ) शिवसागर जिलानि चराइदेउआव आह 'म राजानि मांखरसालि मैदामफोरा बुरखां जादों- मैदामफोराव बुरखांजानाय मुवाफोरा मा मा मोन? बे मैदामफोरनि रुजुनायाव माबे हादरनि मैदामहा गोरोबनाय दङ लिर।
फिनः- मैदामफोराव बुरखांजानाय मुवाफोरा जादों- गोथैजों हरफानाय शराइ, सफुरा, मैदेर हाथाइनि मुवा, सनानि गहेनानि बायखोन्दा आरि गोबां सम्फदफोर। मैदामफोरनि रुजुनायाव चीन हादरनि राजायारि मांखरसालिनि लोगोआव बे मैदाम हारिमुनि गोरोबनाय दङ ।
2. रेबसुं लिर
(क) श्रीश्री सूर्य हाजो (ख) मैदाम (ग) डुबरणि (घ) नटराज
फिनः- (क) श्रीश्री सूर्य हाजो :- श्रीश्री सूर्य हाजोआ ग'वालपारा जिल्लायाव दङ। बेयो आसामनि मोनसे मखजाथाव गोदोमिनारि जायगा। बेयाव जाउखां हाबानि गेजेरजों बुरखांजानाय अन्थाइजों बानायनाय बौद्धस्तुप, जैन दोहोरोमनि आगु गुरु नेमिनाथ आरो ऋसमनाथनि लंथाइ, शिवलिंग, गणेश आरि मुसुखानि थाफबनाया श्रीश्री सूर्य हाजोखौ बायदि दोहोरोमारि समाजनि गोरोबथिलि महरै सिनाय होदों।
(ख) मैदाम :- मैदाम आ जादों शिवसागर जिल्लानि चराइदेउआव बुरखांजानाय आह'म राजानि राजायारि मांखरसालि । बेयाव थानाय गेदेर महरनि खावबेंखनारि मैदामफोरनि लंथाइ आरिमुखौ भारतनाङैनो मोननो थांबाङा। चीन हादरनि राजायारि मांखरसालिनि लोगोआव बे मैदाम हारिमुनि गोरोबनाय नुनो मोनो। भारतारि गोदोमिनारि बिफानआ बेयाव जाउखांनानै गोथैजों हरफानाय शराइ, सफुरा, मैदेर हाथाइनि मुवा, सनानि गहेनानि बायखोन्दा आरि गोबां सम्फद बुथुमनो हादों।
(ग) डुबरणि :- डुबरणि आ ग'लाघाट जिल्लानि बरपथार ओन्सोलआव थानाय आसामनि जारिमिननि मुंख'नां थावनि। बे ओन्सोलनि खाथि-खाला बुरखां जानाय गोजाम हांखोफोरनिफ्राय जों समाज, दोहोरोम, थुनलाइ, राजखान्थियारि बिथिं आरिनि गोबां खारि मोननो हायो। हांखोल' नङा, डुबरणि ओन्सोलाव गोदोमिनारि जाउखांनाय हाबानि गेजेरजों बुरखांनाय गोजाम इथाजों लुनाय थानसालिनि बिथा, शिवलिंग आरिया मखजाथाव। बेफोरो गोदोनि डुबरणि ओन्सोलाव जौगासारनाय आरिमु आरो लंथाइ आरिमुनि इसारा होयो।
(घ) नटराज :- नटराज आ जादों शिवनि गाखोग्रा नन्दीनि बिखुं सायाव मोसाबाय थानाय मुसुखा। दिनैनिफ्राय माखासे बोसोर सिगां गुवाहाटी आमबारी ओन्सोलाव जाउखांनाय हाबानि गेजेरजों नटराजखौ बुरखांनाय जादों। बे मुसुखाया भारतनाङैनो मोननो गोब्राब एबा मोननो थांबाङा।
3. गाहायाव होनाय सोदोबफोरनि ओंथि लिर (सोदोब बाख़िनि मदद लानानै)
फिनः-
4. बेखेवना लिर
(क) गोदोआ जेसेबांनो गोगो, गोखों, इयुनआ एसेबांनो साग्लोबसार जायो।
फिनः- गोजौनि रायथाइ सारिखौ ड० हेमेन्द्र नाथ दत्तआ लिरनाय भजेन चन्द्र बर'आ राव सोलायनाय “गोदोखौ दाबावगार” रायथाइनिफ्राय लानाय जादों। बेनि गेजेरजों लिरगिरिया गोदोआ जेसेबांनो गोगो, गोखों, इयुनआ एसेबांनो साग्लोबसार जायो होनना बुंदों।
गोदोनि गोगो, गोखों सानथौ-सानस्रिखौ जों जोंनि समाज जिउआव जेसेबांनो बाहायो, एसेबांनो गोजोंसिन जायो जोंनि इयुनआ। गोदोमिननि बिथायावनो आथिखालनि सिमां रनसायनाया गोरलै जाना फैयो। जोंनि गोदोनि बिगियान, जारिमिन, जारिमिनारि नेरसोन, आरिमु-हारिमु आरिनि बिगियानारि बिजिरनाय आरो संरैखा खालामनाया जोबोर गोनांथार, जायफोरखौ लानानै जों गोगगानो हायो आरो हारिमुवारि गोदोमिननि फारसे मान दिन्थिनायनि बाहागोगिरि जानो हायो।
(ख) सा भारतनि गंगा दैमानि सेरफां आरो आसामनि बुरलुंबुथुर सेरफाङाव एखे समावनो सोदोमस्रि हारिमुनि जौगासारनाय जादोंमोन।
फिनः- गोजौनि रायथाइ सारिखौ ड० हेमेन्द्र नाथ दत्तआ लिरनाय भजेन चन्द्र बर'आ राव सोलायनाय “गोदोखौ दाबावगार” रायथाइनिफ्राय लानाय जादों। बेयाव लिरगिरिया सा भारतनि गंगा दैमानि सेरफां आरो आसामनि बुरलुंबुथुर सेरफाङाव एखे समावनो सोदोमस्रि हारिमुनि जौगासारनाय जादोंमोन होनना बुंदों।
आसामनि गोबां गुबुन गुबुन थावनिफाराव गोदोमिनारि सम्फदफोरा बुरखांजादों। बेनफोरनि गेजेरावनो दं- तेजपुर खाथिनि बराचुबुरी गामियाव बुरखांजानाय सावनाय हाजों बानायनाय दैख 'रनि बायखोन्दा। बिदि सावनाय दैख 'रनि बायखोन्दा गंगा दैमानि गोजाम गोदोमिनारि थावनियावबो मोननो हादों। बेनि गेजेरजों फोरमान जादोंदि सा भारतनि गंगा दैमानि सेरफां आरो आसामनि बुरलुंबुथुर सेरफाङाव एखे समावनो सोदोमस्रि आरो हारिमुनि जौगासारनाय जादोंमोन।
5. गाहायनि सोदोबफोरनि उल्था ओंथि फोरमायग्रा सोदोब फरानिफ्राय नागिरनानै लिर-
फिनः-
नुजाथिनाय – हाबलंनाय
सिनायनाय – सिनायै
गोजाम – गोदान
थांखिजानाय / सानखाथाइ– थांखिजायि
जोबस्रांनाय – सोरजिनाय
बेसेनगैयि – बेसेन गोनां
गोदान – गोजाम
लोरबां – गोख्रों
गोरोबि – गोरोबनाय
6. बाथ्रा दा -
बायखोन्दा जारिमिन दिहुन बुरखां गोदोमिन मोनदां फरायसं आरिमु
फिनः-
बायखोन्दा – आसामाव गोबां बायखोन्दा नेरसोन दं।
जारिमिन – आं जारिमिननि सोमोन्दै मिथिनो मोजां मोनो।
दिहुन – बियो बाकसुनिफ्राय बिजाब दिहुनना हरदोंमोन।
बुरखां – आसामनि गोबां जायगायाव गोदोमिनारि सम्पद बुरखांजादोंमोन।
गोदोमिन – फोरोंगिरया दिनै जोंनो गोदोमिननि सोमोन्दै फोरोंदों।
मोनदां – गुबुननि गोसोखौ मोनदां हाया।
फरायसं – गोदोमिननि सोमोन्दै फरायसंनानै गोदोनि जिउ खांनायखौ मिथिनो हायो।
आरिमु – गोजाम मुगानि आरिमुआ जोबोद गोमोथाव।
7. गाहायनि बाथ्राफोरनि ओंथिखौ मोनसे सोदोबाव फोरमाय
(क) माबेबा मुवानि बायनाय-जिनाय बाहागोफोर।
फिनः- गोदोमिनारि सम्पद।
(ख) गोजाम मुगानि सम्फदफोरनि बागै फरायसंनाय।
फिनः- गोदोमिन।
(ग) गोजाम मुगानि सम्फदफोरनि संरैखा खालामनाय थावनि।
फिनः- गोदोमिनारि दोनथुमसालि।
(घ) अन्थाइयाव दाननाय आरिमु।
फिनः- लंथाइ आरिमु।
8. गाहायाव होनाय सोंथिफोरनि फिन लिर -
(क) अ'भार हेड प्रजेक्टर होनोब्ला मा बुजियो?
फिनः- अ'भार हेड प्रजेक्टरआ मोनसे दिन्थिफुंग्रा जुन्थि।
(ख) अ'भार हेड प्रजेक्टरनि हेफाजाबाव मा खालामनो हायो?
फिनः- बेनि हेफाजाबजों नुसारग्रा लेखायाव लिरना लानाय बाथ्रा एबा सावगारि बायदि रिफिग्रा फर्दायाव गिदिरै दिन्थिनो हायो। बेनि हेफाजाबाव बाथ्रा बुजिनो एबा बुजायनो खाबु जायो।
(ग) गोदोमिन सम्फदफोरनि सम संग्रा/ थि खालामग्रा आदबखौ मा बुङो?
फिनः- कार्बन फरटिन मेथद (Carbon Fourteen Method) बुंङो।
(घ) गोदोमिन जाउखांनाय दाबनैसो जायगानि मुं लिर।
फिनः- गोदोमिन जाउखांनाय दाबनैसो जायगानि मुंफोरा जादों-
आसामनि आमबारी, मदद कामदेब, श्रीश्री सूर्य हाजो, द-पर्बतीया, न-नाथ, डुबरणि आरि ।
(ङ) हांखोफोरनि बागै फरायसंनाया मा मा खारि मिथि होयो ?
फिनः- हांखोफोरनि बागै फरायसंनाया राजखान्थियारि, समाजारि, रांखान्थियारि आरि गुबुन गुबुन खारि मिथि होयो ।