फरा-3 बिजाब फरायनाय Class 6 MIL-Bodo Question Answer Chapter 3
फरा-3
बिजाब फरायनाय
मावफारि
फरागुदियारि
1. गाहायनि सोंलुफोरनि थार फिननायखौ सायख नानै आव गाबजों आबुं खालाम-
• गियान आरजिनायनि मोनसेल’ राहाया मा?
(क) गाहाम आखु (ख) बिजाब फरायनाय
(ग) लोरबां गोसो। (ग) गाहाम लोगो
फिननाय:- (ख) बिजाब फरायनाय
• बुहुमाव जौगानो थाखाय मा नांगौ?
(क) उरां-फारां गोसो (ख) गोसो जायै
(ग) लोरबां गोसो। (घ) गोसो नांथाबनाय
फिननाय:- (घ) गोसो नांथाबनाय
2. गाहायाव होनाय हांखो जेआव माखासे ओंथिगोनां सोदोबफोर दं। बै सोदोबनि ओंथिखौ बर्डआव लिरना होनाय दं। ओंथि बादियै बैफोर सोदोबफोरखौ सायख’नानै बेंखन सिन हो आरो लांदां बागसुआव लिरनायनि थाखाय गोनांथि जायोब्ला सोदोब बिहुं एबा फोरोंगिरिनि हेफाजाब ला।
फिननाय:-
3. बुं आरो लिर-
(क) गोजाननि मानिकखौ आखाइयाव माबोरै मोननो हायो?
फिननाय:- फरायोब्ला गोजाननि मानिकखौ आखाइयाव मोननो हायो ।
(ख) गांसे बिजाबनि थार मोन्दांथिखौ माबोरै मोनफिननो हायो?
फिननाय:- गोसोहोना फराययोब्ला ।
(ग) नोंसोर बुहुमनि गियानखौ माजों रुजुदों?
फिननाय:- बुहुमनि गियानखौ बिजाब फरायनायजों रुजुदों।
(घ) उननि फरायसंगिरिफोरनि गियान-बांनायखौ माबोरै मोननो हायो?
फिननाय:- बिजाब फरायोब्ला।
4. गाहायाव होनाय बाथ्रासारिखौ फरायनि आरो बेखेवना लिरनि फै-
फरायनायनिफ्राय गोजाननि मानिकनि आखाइयाव मोननो हायो।
मानिकआ जादों सना, रुफा, हिरानि बादि रोखोमसे बेसेनगोसा मुवा। बेखौ जों सरासनस्रायै मोननो हाया। फरायाव मानिक होनना हादर-गुबुन हादरनि सानसुमैफोरनि बेसेनगोसा लिरनायफोरखौ बुंनाय जादों। गुबुन-गुबुन हादरनि सानसुमैफोरनि गियान-बिदैनि बाथ्राफोरखौ जों बिथांमोननि बिजाबफोरनिफ्रायनो मिथिनो हायो। बिजाब फरायनायनि सर’ खालामनो हायोब्ला गोजानसिम थांनायनि गोनांथि जाया। गुबुनफारसे खरसाबो जाया आरो दुखुबो सैनाङा। नआव थानानैनो बिथांमोननि गियान-गोथौ बाथ्राफोरखौ मिथिनो हायो। बेखायनो गोजाननि मानिकबादि गियानफोरखौ फरायनानै आखाइयावनो मोननाय जायो होनना बाथ्रा सारिनि गेजेरजों फोरमायनाय जादों।
गाहायनि बाथ्रा सारिफोरखौ बेखेव (गोजौनि बाथ्रानि सायाव)-
(क) बिजाबनि गियाना आरजिना दोनथुमनाय दोहोन बादि।
फिननाय:- लिरगिया गावनि मोननाय गियानखौ बिजाबाव लिरथुमना दोनो, बै लिरथुमनाय गियानखौनो आरजिना दोनथुमनाय दोहोन बादि होनना बुंदों। गुबुना थुबुर खालामना दोननाय गियानखौ आखाइयाव मोनोब्ला दुखु जारला सहायालासिनो दोहोननि फिथाइखौ मोननो हायो। गांफ्रोमबो बिजाबानो साफा साफा सुबुंनि थुबुर खालामनानै दोननाय गियाननि बाख्रि। सासे लिरगिरिआ गोबां जोथोन आरो नाजानायजों बे बाख्रिखौ बोनथुमनानै दोनो, जों बे बिजाबखौ फरायब्लानो बिद्या आरजिनायनि गासैबो सोलोंथाइखौ मोननो हायो। गुबुननि आरजिनाय सोलोंथाइखौ बेफोरबादि बुथुमनाय जायामोनब्ला, सुबुंआ गासै बाथ्राखौनो गोदानै सोलोंनो गोनां जायोमोनब्ला, मानसिआ जेब्लाबो दावगानो हानाय नङामोन। खफ’नि बोलो आरो मोब्लिबनि गोहोखौ गिबिसिनै दिहुनजेननायाव गोबां साननाय, गोबां सम आरो गोबां दोहोन खरसा जादोंमोन नाथाय दायो बिजाब फरायब्लानो मानसिआ बेखौ मोजाङै सोलोंनो हायो।
(ख) गियान आरजिनाय आदबआ दोहोन आरजिनाय आदब बादि।
फिननाय:- दोहोन गियान आरजिनायाव जेरै गोबां दुखु खस्थ सहायनाङो बेबायदिनो आरजिनायावबो सहायनाङो । आसोल गैयाब्ला दोहोन आरजिनाया गोब्राब, बे बादिनो गुदि सोलोंथाइ गैयाब्ला सोलोंथाइ(गियान) आरजिनायाबो गोब्राब। आरोबाव जायहा गोबां आसोल दं, बिहा गोबाङै दोहोन आरजिनो हायो; बे बादिनो जायहा गुदि सोलोंथाइया गोबां, बियो गोबांसिन सोलोंथाइ(गियान) आरजिनो हायो। थार बाथ्राखौ सुंथाबै बुङोब्ला, फरायनायनिफ्राय सुबुंनि गोसोआव सोलोंथाइ (गियान)नि जागायनाया फैजेनो, बै जागायनाया जायनिआव गोख्रों बियो सोलोंथाइ (गियान)नि फालांगिआव जौगाखांनो हायो, जायनिया लोरबां बियो हाया।
(ग) गाहाम लोगोनिफ्राय मानसिया गाहाम आखु मोनो।
फिननाय:- जायफोर मानसिनि लोगोआव सानफ्रोमबो थाफानाय जायो, जोंनि आखल-आखुआव बैफोर मानसिनि आखल-आखुआनो सोमजियो। मानसिआ मोजां लोगोफोरजों थायोब्ला मोजां जायो आरो गाजिजों थायोब्ला गाज्रि जायो। मानसिनि लोगो बादिनो बिजाबनि लोगोआबो जोंनि आखल-आखुनि सायाव गोहोम खोख्लैयो। गासैबो बिजाबानो लिरगिरिनि आखल आखुनि सायखंबादि। बिजाब फरायोब्ला बै बिजाबनि लिरगिरिजों सावरायनायबादि जायो, आरो सानफ्रोमबो एखे बिजाबखौनो फरायोब्ला बिथांनि लोगोआव थानाय बादिनो गुन सोमजियो। बेखायनो मोजां बिजाब फरायोब्ला मोजां लोगोफोरजों थानायबादि आरो गाज्रि बिजाब फरायोब्ला गाज्रि लोगोफोरजों थानायबादि फिथाइ मोनो।
5. ‘मोजां बिजाब फरायोब्ला मोजां लोगोफोरजों थानायबादि आरो गाज्रि बिजाब फरायोब्ला गाजि
लोगोफोरजों थानायबादि फिथाइ मोनो।’ – फराखौ बिथा खालामनानै बाथ्रा सिरिखौ बेखेवना लिर।
फिननाय:- मोजां लोगोनिफ्रायदि मानसिआ मोजां आखल सोमजियो बे बाथ्राखौ सुबुंआ अरायबो मानियो। जायफोर मानसिनि लोगोआव सानफ्रोमबो थाफानाय जायो, जोंनि आखल-आखुआव बैफोर मानसिनि आखल-आखुआनो सोमजियो। मानसिआ मोजां लोगोफोरजों थायोब्ला मोजां जायो आरो गाजिजों थायोब्ला गाजि जायो। मानसिनि लोगो बादिनो बिजाबनि लोगोआबो जोंनि आखल-आखुनि सायाव गोहोम खोख्लैयो। गासैबो बिजाबानो लिरगिरिनि आखल आखुनि सायखंबादि। बिजाब फरायोब्ला बै बिजाबनि लिरगिरिजों सावरायनायबादि जायो, आरो सानफ्रोमबो एखे बिजाबखौनो फरायोब्ला बिथांनि लोगोआव थानाय बादिनो गुन सोमजियो। बेखायनो मोजां बिजाब फरायोब्ला मोजां लोगोफोरजों थानायबादि आरो गाज्रि बिजाब फरायोब्ला गाज्रि लोगोफोरजों थानायबादि फिथाइ मोनो।
राव फरायसंनाय
6. गोजौनि सायाव बिथा खालामनानै गाहायनि सोदोबफोरखौ सिफायना लिर-
खामायनाय =>
नाजायै =>
थांबाय =>
मुंदांखा =>
खालामनाय =>
फिननाय:- खामायनाय = खामाय+नाय
नाजायै= नाजा+ यै
थांबाय = थां+बाय
मुंदांखा = मुं+ दांखा
खालामनाय = खालाम+नाय
7. गाहायाव होनाय सोदोबफोरजों मोनसेयै बाथ्रा दा-
दोनथुमनाय : ……………………………………………………..
आखा-फाखा : ……………………………………………………..
साबजानाय : ……………………………………………………..
नाजानाय : ……………………………………………………..
आखु : ……………………………………………………..
फिननाय:-
दोनथुमनाय : बिजाबाव लिरगिरिनि दोनथुमनाय गियान मोननो हायो ।
आखा-फाखा : बियो सावगारि आखिनायाव आखा-फाखा।
साबजानाय : बिथाङा साबजानाय खामानि मावदों।
नाजानाय : नाजानाय थायोब्ला जाफुंसारो।
आखु : मोजां आखुनि मानसिखौ बयबो अनसायो।
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 6 Other Subjects: थाखो 6 नि गुबुन आयदाफोर
MIL-Bodo :
FAQs:
Q1. Where can I get फरा-3 बिजाब फरायनाय Class 6 MIL-Bodo Question Answer Chapter 3?
You can get complete फरा-3 बिजाब फरायनाय Class 6 MIL-Bodo Question Answer Chapter 3 on Bodoland Library.
Q2. Are the answers based on the latest syllabus?
Yes, all answers for फरा-3 बिजाब फरायनाय are prepared according to the latest approved syllabus and textbook.
Q3. Is this chapter important for exams?
Yes, Chapter 3 is very important as it forms the base of the MIL (Bodo) subject and may include questions in unit tests and final exams.