फरा-12 मानसिया मानसिनि थाखाय Class 6 MIL-Bodo Question Answer Chapter 12
फरा-12
मानसिया मानसिनि थाखाय
मावफारि
फरागुदियारि
1. गाहायनि सोंलुफोरनि गेबें फिननायखौ सायख नानै आव गाबजों आबुं खालाम।
• गाहायाव होनाय बबे बाथ्राया खन्थाइनि गुबै खोथा फोरमायदों ?
(क) मानसिया मानसिखौ फाननो बायनो नांगौ।
(ख) मानसिया मानसिनि खोथाखौ अननायजों साननांगौ।
(ग) मानसिया गोजाम जारिमिनखौ गोसो खांफिन नांगौ।
(घ) मानसिया दानबखौ उनसंनांगौ।
फिननाय:- (ख) मानसिया मानसिनि खोथाखौ अननायजों साननांगौ।
• ‘जुदि दानबा माब्लाबा जायो मानसि लाजिमोनगोन सोरथो बुंलाय- लोगोफोर -‘ मेथाइ लिरगिरिया मा खोथानि थाखाय लाजिमोननायनि बाथ्रा बुंदों?
(क) जुदि लोगोआ माब्लाबा दानब बादि जायो।
(ख) जुदि दानबा माब्लाबा मानसि बादि जह्यायो।
(ग) जुदि मानसिया माब्लाबा लोरबां जायो।
(घ) जुदि मानसिया माब्लाबा दानब जायो।
फिननाय:- (ख) जुदि दानबा माब्लाबा मानसि बादि जह्यायो।
2. नों गोजौनि फिननायफोरखौ मानो गेबें होनना सायख ‘ना लाखो? नोंनि लोगोफोरजों सावरायना खिन्था।
3. गाहायाव होनाय सोदोबफोरनि ओंथिखौ सोदोब बिहुं नायना लिर।
फिननाय:-
अनखांनाय : अननाय
जारिमिन : सिगांनि जाथायफोरनि लिरबिदां
रायखांनाय : बुंथिनाय
दाहार : बोहैथि
साहज : गोहो
राइखस : दानब
4. गाहायाव होनाय सोंलुफोरनि फिननायखौ बुं आरो लिर।
(क) मेथाइ लिरगिरिया मानसिया मानसिनि थाखाय माबादि साननांगौ होनना बुंदों?
फिननाय:- मेथाइ लिरगिरिया मानसिया मानसिनि थाखाय इसेबाबो अनखांनाय आरो मदद खालामनायनि साननायगौ होनना बुंदों ।
(ख) मेथाइ लिरगिरिया माबादि मानसिफोरखौ साहसजों आवगायलांनायनि बाथ्रा बुंदों?
फिननाय:- मेथाइ लिरगिरिया लोरबां मानसिफोरखौ साहसजों आवगायलांनायनि बाथ्रा बुंदों।
(ग) मेथाइ लिरगिरिया दानबा मानसि जायोब्ला सोरखौ लाजिमोननायनि बाथ्रा बुंदों ?
फिननाय:- मेथाइ लिरगिरिया बुंदों दि जुदि सासे दानबा माब्लाबा मानसि बादि मोजां आखुनि जायो, अब्ला मानसिया लाजिमोननांगोन।
5. गाहायाव होनाय सोंलुफोरनि फिननायखौ सावरायना लिर।
(क) मेथाइ लिरगिरिया मानसिया मानसिनि थाखाय अनखांनायजों साननांगौ होनना मानो बुंदों?
फिननाय:- मानसिया सानफ्रोमबो सुखु-गोजोन्नै थांना थानो नागिरो। बेनि थाखाय अननाय, हेफाजाब आरो अनसोमनाय, बायदि सुबुं मानसियारि गुनफोरनि गोनांथि जायो। जुदि सासे मानसिया गुबुन सासे मानसिनि थाखाय इसेबाबो अनखांनाय साननाय गैया, अब्ला बुहुम आव गोजोन आरो खौसेथि थानाय नङा। मानसिया मानसिनि अननाय मोननाय एबा मदद मोननायनि जोहैसो गोजोनै थानो हायो, बेखायनो लिरगिरिया अनखांनायजों साननांगौ होनना बुंदों।
(ख) मेथाइ लिरगिरिया मा मा बाथ्रायाव गोसोनि रागा आरो दुखु फोरमायदों?
फिननाय:- मेथाइ लिरगिरिया गाहायाव होनाय बाथ्राफोरनि थाखाय रागा आरो दुखु फोरमायदों:
(i) मानसि फाननाय-बायनाय: मानसिया मानसिखौ फाननो एबा बायनो नागिरनायनि सायाव।
(ii) लोरबां सुबुंखौ मदद होयै: जुदि सासे लोरबां मानसिया जिउनि दाहार बारलांनो नाजादों आरो सोरबा साहस एबा हेफाजाब होया, अब्ला लिरगिरिया दुखु मोनदों।
(iii) मानसि जायै: मानसि महर लानानैबो जुदि सासे सुबुङा मानसि बादि गुन दिन्थिया, अब्ला लिरगिरिया रागा आरो दुखु फोरमायदों।
(ग) दानबा माब्लाबा मानसि जानो हायोना? जुदि हायोब्ला मानो आरो जुदि हायाब्ला मानो?
फिननाय:- खन्थाइनि साननाय बादिब्ला, ‘दानब’ एबा ‘राइखस’ सोदोबा सुबुंनि गाज्रि आखुखौसो फोरमायदों। सासे दानब बादि गाज्रि आखुनि सुबुङाबो मानसि जानो हायो, जुदि बिथाङा गाज्रि आखु खामानिफोरखौ गारनानै गुबुननि थाखाय अननाय, सहाय आरो हेफाजाब खालामनायनि आखु सोलोंयो। जुदि बिथाङा सासे लोरबां मानसिखौ जिउनि खैफोदाव आव मदद खालामो, अब्ला बिथाङा मानसिनि महर जागोन।
(घ) मेथाइ लिरगिरिनि माबे बाथ्राफोरखौ नों गनायथाव सानो आरो मानो सानो?
फिननाय:- आं मेथाइ लिरगिरिनि “मानसिया मानसिनि थाखाय” आरो “लोरबां सुबुंखौ मदद खालामनाय” नि बाथ्राखौ एखेबारे गनायथाव सानो।
मानोना बुहुमनि गासैबो मानसिफोरा अननाय आरो मददनि जोहैसो गोजोनै थानो हायो। जुदि जों लोरबां सुबुंफोरखौ मदद खालामो, अब्लासो समाज एबा हारिया जौगागोन। लिरगिरिनि साननाया जोंखौ सासे मोजां सुबुं जानो थुलुंगा होयो।
6. गाहायाव होनाय मेथाइ खोन्दोखौ खन्थाइ महराव लिर।
‘लोरबां मानसिया जुदि
जिउनि दाहार दैमायाव
बारलाडे नोंनिनो साहसाव
नोंलाय खोमानो माखौ?’
फिननाय:-
लोरबां मानसिया जुदि
जिउनि दाहार दैमायाव,
बारलाडो नोंनिनो साहसाव
नोंलाय खोमानो माखौ?
7. मेथाइनि गुबै सानस्रिखौ लिर।
फिननाय:- “मानसिया मानसिनि थाखाय” मेथाइनि गुबै सानस्रिया जाबाय सुबुं अननाय आरो सुबुंथिनि बेसेनखौ फोरमायनाय। ड° भुपेन हाजरिका बिथाङा बे मेथाइनि गेजेरजों सुबुं समाजनि सायाव मोनसे गोथौ सोंलु दिहुनदों—जुदि सासे मानसिया गुबुन सासे मानसिनि दुखुआव इसेबाबो अनखांनाय दिन्थिया, अब्ला बे बुहुमनि मानसिफोरखौ सोर सानगोन? बिथाङा मानसि फाननाय-बायनायखौ रागाजों बिजिरदों आरो जारिमिननि बिदिन्थि होनानै बेखौ गोरोन्थि होनना बुंदों। मेथाइगिरिया सासे गोहो थानाय सुबुंखौ खावलायदों दि बिथाङा जेन लोरबां सुबुंफोरखौ जिउनि जेंनानि दैमानिफ्राय बारलांनो साहस आरो हेफाजाब होयो, मानोना सोरबाखौ मदद खालामनायाव गावनि जेबो खहा जाया। जोबथारनायाव, बिथाङा बेखौनो बुंदों दि सासे मानसिया मानसि महर लानानैबो जुदि दानब बादि गाज्रि आखु दिन्थियो, अब्ला बेयो सासे मानसिनि थाखाय लाजिनांथाव बाथ्रा। बे मेथाइनि गुबै थांखिया जाबाय मानसिजों मानसिनि अननाय, हेफाजाब आरो खौसेथिखौ गायसननानै बुहुमखौ गोजोन खालामनाय।
राव फरायसंनाय
8. गाहायाव होनाय थाइजाफोरखौ नङैओंथि महराव लिर।
फिननाय:-
मावनि : मावा
थांबाय : थाङाखै
दोनबाय : दोनाखै
सुनि : सुवा
फरायनि: फराया
उन्दुबाय: उन्दुआखै
गेलेयो: गेलेया
होनि: होआ
9. गाहायाव होनाय सोदोबफोरनि उल्था ओंथि फोरमायनाय सोदोबफोरखौ फरानिफ्राय सायख’ना दिहुननानै लिर।
फिननाय:-
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 6 Other Subjects: थाखो 6 नि गुबुन आयदाफोर
MIL-Bodo :
FAQs:
Q1. Where can I get फरा-12 मानसिया मानसिनि थाखाय Class 6 MIL-Bodo Question Answer Chapter 12?
You can get complete फरा-12 मानसिया मानसिनि थाखाय Class 6 MIL-Bodo Question Answer Chapter 12 on Bodoland Library.
Q2. Are the answers based on the latest syllabus?
Yes, all answers for फरा-12 मानसिया मानसिनि थाखाय are prepared according to the latest approved syllabus and textbook.
Q3. Is this chapter important for exams?
Yes, Chapter 12 is very important as it forms the base of the MIL (Bodo) subject and may include questions in unit tests and final exams.