Class 7 Science Bodo Medium Chapter 1 Question Answer
Part-I
खोन्दो-1
लाइफांनि सुफुंसारनाय
सोंनाय बिदां:
1. जिबआरिफोरनो आदार नांगौ जायो मानो ?
फिननाय:- गासैबो जिबआरिफोरनो थांना थानो, देहा दाफुंनो आरो देरनाय-दानायनि थाखाय आदारनि गोनांथि जायो। आदारनिफ्रायनो जिबआरिफोरा कार्बहाइड्रेट, प्रटिन, मेजेम, भिटामिन आरो खनि संख्रि बायदि सुफुंसार मुवाफोरखौ (Nutrients) मोनो। बे सुफुंसार मुवाफोरा जिबआरिफोरनि देहानि बाहागोफोरनि दाफुंनाय, बारायनाय, देहा सोलेरनि बायलांनाय आंगो बाहागोफोरखौ फाहामफिननाय आरो गासै जिउनि बिखान्थिफोरखौ (Life processes) सामलायनायाव गोहो (Energy) जगायो।
2. बियाद आरो गोथै जिबआरिनि गेजेराव फाराग लिर।
फिननाय:-
बियाद | गोथै जिबआरि |
1. बेयो गुबुन गोथां जिबफोरनि सायाव सोनारनानै थांना थायो। | 1. बेयो गुबुन गोथै मुवारनि सायाव सोनारनानै थांना थायो। |
2. बेयो गावनि फिसिग्रा जिबखौ खहा खालामो आरो बेनि सुफुंसार मुवाखौ सोबना लायो।। | 2. बेयो जिबफोरनि खहा खालामा आरो बेयो थैनाय मुवाखौ आदार महरै सोबना लायो। |
3. बिदिनथि: अमर बेन्दों, एम्फौ बायदि। | 3. बिदिनथि: मैखुन बायदि। |
3. बिलाइयाव फुरजामुवा (Starch) थाथाइनि आनजादखौ नोङो माबोरै मावफुंनो ?
फिननाय:- बिलाइयाव फुरजामुवा (Starch) थानायखौ मिथिनो थाखाय आय’दिन आनजाद मावनाय जायो। बेनि थाखाय गिबियाव बिलाइखौ एल्क’हलआव फुदुंनानै क्लर’फिलखौ बोखांना लानो नांगौ। बेनि उनाव बिलाइखौ दैजों सुनानै बेनि सायाव आय’दिननि थरथिं होब्लानो बिलाइनि गाबआ गोसोम-नील जालाङो। बे गाब सोलायनायानो बिलाइयाव फुरजामुवा थानायखौ रोखा खालामो।
4. सोमखोर लाइफांनि बेलायाव आदार बिजिरख’ दानाय बिखान्थिनि बागै गुसुङै बेखेव।
फिननाय:- सोमखोर लाइफांफोरा गावनि आदारखौ गावनो बानायना लानो हायो, बे बिखान्थिखौनो सोरां बिजिरख’ दानाय होनना बुंनाय जायो। लाइफांनि बिलाइयाव थानाय क्लर’फिल मुंनि सोमखोर सेरेफआ साननि सोरां शक्तिखौ बुथुमनायाव मदद खालामो। लाइफाङा रोदानि मददजों हायाव थानाय दै आरो खनि संख्रिफोरखौ सोबनानै बिलाइसिम दैथायो आरो बिलाइयाव थानाय फिसा फिसा गुदुंफोर एबा बिलाइ गुदुंनि मददजों बारमण्डलनिफ्राय कार्बन-डाइ-अक्साइड गेसखौ लाबोयो। साननि सोरां आरो क्लर’फिलनि हेफाजाबाव बे कार्बन-डाइ-अक्साइड आरो दैनि गेजेराव रासायनारि जाथाय जानानै कार्बहाइड्रेट (आदार) आरो अक्सिजेन सोमिजियो। बे बिखान्थियाव सोमिजिनाय अक्सिजेन गेसा बारमण्डलाव उदांयै एंगार हरजायो, जायखौ गासैबो जिबआरिफोरा बार लानायाव बाहायो।
एबा
सोमखोर लाइफांफोरा साननि सोरां, क्लर’फिल, बारमण्डलनि कार्बन-डाइ-अक्साइड आरो हायाव थानाय दै आरो खनि संख्रिखौ बाहायनानै गावनि आदारखौ गावनो बानायना लायो। बे बिखान्थिखौनो सोरां बिजिरख’ दानाय होनना बुंनाय जायो। बे बिखान्थियाव लाइफांनि बिलाइयाव कार्बहाइड्रेट (आदार) सोमिजियो आरो लोगोसे अक्सिजेन गेस बारमण्डलाव एंगारना हरजायो। बे अक्सिजेनखौनो गासैबो जिबआरिफोरा थांना थानो थाखाय बार लानायाव बाहायो।
5. लाइफांआदि आदारनि जोबथा गुदि फुंखा जानानै दङ बेखौ मोनसे सावगारिजों दिन्थि।
फिननाय:-
6. लांदां जायगा आबुं खालाम :
(a) गावनि आदारखौ गावनो बानायनो हानायखाय सोमखोर लाइफांफोरखौ …………….. होनना बुङो।
फिननाय:- गावनो मोननाय सुफुंसारग्रा
(b) लाइफां सोरजिनाय आदारआ ………….. महरै जमा जायो।
फिननाय:- फुरजामुवा
(c) सोरां बिजिरख’ दानाय जाथाइ जाफुंनाय समाव सान शक्तिआ जाय सेरेफजों हमथा जायो बेखौनो ……… बुङो।
फिननाय:- क्लर’फिल
(d) सोरां बिजिरख’ दानाय जाथाइ जायोब्ला लाइफांआ …………… आजावो आरो …………….. हगारो ।
फिननाय:- कार्बन-डाइ-अक्साइड, अक्सिजेन हगारो।
7. गाहायाव होनायफोरखौ मा होनो लिरः
(i) गोमो गाबगोनां, फिसा आरो मानद्लाग्रा बिथ’ थानाय फांसे बियादआरि लाइफां ।
फिननाय:- अमर बेन्दों
(ii) बिलाइनि जाय गुदुंजों गेस हाबलाय-ओंखारलाय खालामनो हायो।
फिननाय:- बिलाइ गुदुं
(iii) गावनो आरो गुबुनजों मोननाय सुफुंसारनाय मोनफुंनायनि राहा थानाय फांसे लाइफां ।
फिननाय:- दैहु लाइफां
8. थार फिन्नायखौ सायख’:
(a) अमर बेन्दों (amarbel)आ गाहायनि बबे मोनसेनि बिदिन्थिः
(i) गावनो जाग्रा (ii) बियाद
(iii) गोथै जाग्रा (iv) फिसिग्रा
फिननाय:- (ii) बियाद
(b) एम्फौ एनला बुथारना जाग्रा लाइफांनि मुङा जादों-
(i) अमर बेन्दों (ii) जबा बिबार
(iii) दैहु लाइफां (iv) गलाब
फिननाय:- (iii) दैहु लाइफां
9. आगसि Iआव होनाय बाथ्राखौ आगदा II जों गोरोब हो:
फिननाय:-
10. बाथ्राया थारब्ला T आरो थार नङाब्ला F जों लिर।
(i) सोरां बिजिरख’ दानाय जाथाइ जानाय समाव कार्बन-डाइ-अक्साइड ओंखारो। (T/F)
फिननाय:- F
(ii) गावनि आदारखौ सोरजिनानै लानो हाग्रा लाइफांखौ गोथै जाग्रा बुङो (T/F)
फिननाय:- F
(iii) सोरां बिजिरख’ दानाय जाथाइयाव प्रटिन सोमजिया (T/F)
फिननाय:- T
(iv) सोरां बिजिरख’ दानाय जाथाइनि समाव सान शक्तिआ रासायनारि शक्तिसिम सोलायो (T/F)
फिननाय:- T
11. गाहायाव होनायनिफ्राय थारखौल’ सायख ‘ना लिर : लाइफांनि बबे बाहागोआ सोरां बिजिरख’ दानाय जाथाइनि थाखाय बारमण्डलनिफ्राय कार्बनडाइ-अक्साइड मोनो।
(i) खानाइ रोदा (ii) बिलाइ गुदुं
(iii) बिलाइ रोदा (iv) बिबार बिसं
फिननाय:- (ii) बिलाइ गुदुं
12. गाहायाब होनायनिफ्राय थारखौल’ बासिना लिर:
(i) रोदा (ii) बिथ’
(iii) बिबार (iv) बिलाइ
फिननाय:- (iv) बिलाइ
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
Class 7 Other Subjects: थाखो 7 नि गुबुन आयदाफोर
Science बिगियान :
FAQs:
1. Where can I get SEBA/SCERT Class 7 Science Bodo Medium Chapter 1 “लाइफांनि सुफुंसारनाय” Question Answer ?
You can get complete Class 7 Science Bodo Medium Chapter 1 “लाइफांनि सुफुंसारनाय” Question Answer on Bodoland Library.
2. Is this chapter 1 important for exams?
Yes, this chapter 1 is very important for exams as it covers basic concepts of digestion and nutrition, which are frequently asked.
3. Are the answers based on the latest SEBA/SCERT syllabus?
Yes, all answers are prepared according to the latest SEBA/SCERT syllabus.
