फरा-7 तपननि बाथ्रा Class 6 MIL-Bodo Question Answer Chapter 7

4. गाहायाव होनाय सोंथिफोरनि फिननाय बुं आरो लिर –

(क) तपननि बिमादैनि नआ बबेआवमोन?

फिननाय:- तपननि बिमादैनि नआ धुबुरिआवमोन ।

(ख) तपननि बिमादैनि फिसाज्लानि मुङा मा?

फिननाय:- रितुराज ।

(ग) सोद्रोम सुबुंनि बिदिन्थिखौ तपननो सोर होदोंमोन?

फिननाय:- जसेब सारआ।

(घ) रितुराजआ तपननिखुइ बैसोआव बेसेबां उन्दै?

फिननाय:- रितुराजआ तपननिखुइ बैसोआव नै दान उन्दै।

(ङ) ‘तपननि बाथ्रा’ फरानि लिरगिरिया सोर ?

फिननाय:- ड॰ भबेन्द्र नाथ सइकिया ।

5. गाहायाव होनाय सोंथिफोरनि फिननायखौ सावरायनानै बुं-

(क) तपन आरो रितुराजनि गेजेराव सोरनि आखुखौ नों साबसिन मोनदोंमोन आरो मानो?

फिननाय:- तपन आरो रितुराजनि गेजेराव तपननि आखुखौ आं साबसिन मोनदोंमोन । मानोना मोजां मोननाय मुवाखौ मोननो बयबो हास्थायो। नाथाय गुबुननि गोसोआव दुखु होआलासेनो बेखौ मोनफुंनायासो सोलोनि खामानि। सानसेखालि बिमाया तपनखौ बुंदोंमोनदि- “बेयावहाय थुख्रानै केक दं। दान्दिसे समनि उनाव दिहुनना लाना रितु आरो नों जा। गिदिर थुखाखौ रितुनो हो” होनना।  नाथाय तपना गाव गिदिर केकनि थुख्राखौ जानो लुबैदोंमोनब्लाबो बियो उदाङै जानो हया । बे लुबैनायखौ मोनफुंनो बियो मोनसे सोलो बाहायदोंमोन, जाय रावनिबो गोसोखौ दुखु मोनहोया।  बेनि उनाव तपना गाव लुबैनाय गिदिर केकनि थुख्राखौ मोनजादोंमोन। बेबायदिनो तपनआ गाव हास्थायनाय मुवाखौ मोननो थाखाय बियो रावनिबो गोसोयाव दुखु होयालाबानो सोलोजों मोनफुंनो हादोंमोन। 

(ख) तपनआ रितुराजनो सुबुंनि सोद्रोम आखुनि मोननै बिदिन्थि होदोंमोन। बे मोननै बिदिन्थिखौ नों गनायोना? जुदि गनायो, मानो गनायो आरो जुदि गनाया, मानो गनाया ?

फिननाय:- तपनआ रितुराजनो सुबुंनि सोद्रोम आखुनि मोननै बिदिन्थि होनायखौ आं गनायो। मानोना गुबुननि मोजां हास्थायग्रायासो सोद्रोम आखुनि मानसिनि सिनायथि। 

          गिबियाव तपनआ रितुराजनो सुबुंनि सोद्रोम आखुनि बिदिन्थि होदोंमोनदि- गावसोर सानैजों बासआव गाखोनानै धुबुरिसिम बेरायनो थांनायाव बेयाव सानै जिरायनो हानाय बेन्स गंसे दं। नायब्लांनि साखाथिआव जिरायनो सानैबो मोजां मोनो। अब्ला सोद्रोम मानसिनि आखुनि सिनायथिया जादों तपनआ रितुराजखौ जिरायनो बुंगोन आरो रितुराजआबो तपनखौ नायब्लांनि सेराव जिरायनो थाखाय नारसिनगोन। जुदि सानौबो बै जायगाखौ बोलोजों एबा जुजिलायना सेलायोब्ला बेयाव सानैनिबो खहा जागोन आरो थारैनो बेयो सासे सोद्रोम आखुनि मानसिनि सिनायथि नङा।

           आरो नैथियाव गंनै पेनसिलखौ बिदिन्थि महरै लादोंमोन, जाय गंसे गोलाव आरो गंसेया गुसुं। थारैनो जाय सोद्रोम आखुनि बेयो गोलावसिनखौ सेखना लानायनि सोलाय गुबुननो होना गाव गुसुंखौ लानो नाजागोन। 

(ग) तपनआ गावनो केकनि गिदिर थुख्रा जानानै मोजां खालामखो ना गाज्रि खालामखो?

फिननाय:- तपनआ गावनो केकनि गिदिर थुख्रा जानानै मोजां खालामदों। मानोना तपना गुबुननि गोसोआव दुखु होआलासेनो केकनि गिदिर थुख्राखौ सोलोजों मोनफुंदोंमोन। सानसे मोनाबिलि समाव तपननि बिमाया बेरायनो ओंखारलांदोंमोन। थांनाय समाव बियो तपनखौ इसिं नसिम लिंना लांना बुंदोंमोन- “बेयावहाय थुख्रानै केक दं। दान्दिसे समनि उनाव दिहुनना लाना रितु आरो नों जा। गिदिर थुखाखौ रितुनो हो” होनना। बिमाया ओंखारलांनाय उनाव तपनआ खोबना दोननायखौ बोखांना नायदोंमोन आरो नुदोंमोन थुख्रासे केकआ फिसा,गुबुन थुख्रासेआ गिदिरथार।  “नायनिसै”- होनना तपनआ सानदोंमोन। अब्ला तपनाबो बै केकनि गिदिर थुख्राखौ जानो हास्थायो। नाथाय बियो उदाङै जानो हाया, मानोना बिमाया गावखौ फिसा केकनि थुख्राखौसो जानो थिन्दों। बेनिखायनो तपना गावनि हास्थायनाय मुवाखौ मोनफुंनो सोलो बाहायदोंमोन, जाय गुबुननि गोसोआव दुखु होआलासेनो बेखौ मोनफुंनो हायो। बेबायदिनो गावनि सोलोजों तपना गुबुननि गोसोआव दुखु होआलासेनो केकनि गिदिर थुख्राखौ गोरलैयैनो मोनजादोंमोन। 

(घ) रितुराजआ जुदि फिसा केक थुख्रा जानो गोसो गोयै जानायमोनब्ला, सल’आ माबोरै जोबहैगौमोन?

6. सोर, सोरखौ आरो मानो बुंदोंमोन –

(क) ‘बेयाव थुखानै केक दं। दसे समनि उनाव दिहुननानै रितु आरो नोङो जा। गिदिर थुख़ाखौरितुनो हो।’

फिननाय:- तपननि बिमाया तपनखौ बुंदों । मानोना तपननि बिमाया सानसे मोनाबिलि समाव बेरायनो ओंखारलांनो नागिरदोंमोन।  थांनाय समाव बिमाया तपनखौ इसिं नसिम लिंना लांना बे बाथ्राखौ बुंदोंमोन जाहाथे बिसोर सानैनि गेजेराव गिदिर एबा फिसा केकनि थाखाय नांलाय खमलाय जाया।

(ख) ‘नों थारैनो जोबोद सोद्रोम हौवासा। नों बादि गथ ‘खौ जोंनि जसेब सारआ जोबोद मोजां मोनगोन।’

फिननाय:- तपना रितुखौ बुंदोंमोन। मानोना तपना गाव गिदिर केकनि थुख्राखौ जानो थाखाय सोलो खालामना रितुनिफ्राय गोरलैयैनो मोनजानो हादोंमोन। बेनिखायनो बे बाथ्राखौ बुंदोंमोन।

7. रितुराजनि नसिम फैब्ला मा मा जाहोनाव तपनहा मोजां मोनो आरो गाज्रि मोनो – जाहोनफोरखौ गाहायाव होनाय फारिलाइयाव लिर।