SEBA Class 8 Social Science Chapter-6 Questions Answers
फरा- 6
भारताव बृटिछ खुंथाइनि गायसननाय,
फेहेरनाय आरो फोगोमनाय
उनसोलों :
1. फिननाय हो-
(क) बृटिछ आरो फराचीनि गेजेराव मानि थाखाय बादायलायनाय जादोंमोन?
फिन:- राजखान्थियारि खुंथाइ मोननो थाखाय बृटिछ आरो फराचीनि गेजेराव बादायलायनाय जादोंमोन ।
(ख) गिबि आरो नैथि कर्णाटक दावहानि समाव फराचीफोरनि गबर्णरा सोरमोन?
फिन:- जचेफ फ्रान्सिच डुप्लेया ।
(ग) चिराजउद्दौलानि सान्थ्रिगाहाया सोरमोन?
फिन:- मिरजाफर ।
(घ) बंगनि गिबि गबर्णर जेनेरेला सोरमोन?
फिन:- वारेन हेस्टिंस ।
(ङ) सोर मोनथाइ गोमानाय खान्थिखौ बाहायजेनदोंमोन?
फिन:- लर्ड डेलहाउछिय।
2.थार फिननायखौ सायख’ना दिहुन-
(क) पण्डिचेरीया बूटिछफोरनि फालांगिनि मिरूमोन।
फिन:- गोरोन्थि
(ख) फराचीफोरा चालाबत जंखौ हायदराबादनि निजाम खालामदोंमोन।
फिन:- थार
(ग) चिराजउद्दौलाया आलिबर्दि खाँनि देरसिन फिसाजोनि फिसालामोन।
फिन:- गोरोन्थि
(घ) पलाशी मुंनि जायगाया भागिरथी दैमानि रूगुडाव दंमोन।
फिन:- थार
(ङ) रेगुलेटिं एक्टा बंगनि गबर्णरखौ गबर्णर जेनेरेलनि मासियाव दावथ्रोदहोयो ?
फिन:- थार
(च) लर्ड वेलेचलिया मोनथाइ गोमानाय खान्थिखौ जागायजेनदोंमोन।
फिन:- गोरोन्थि
3.फारि बादियै साजाय-
चिराजउद्दौला, मिरजाफर, आलिबर्दि खाँ, मीरकाछिम
फिन:- आलिबर्दि खाँ, चिराजउद्दौला, मिरजाफर, मीरकाछिम
4. गुसुङै फिननाय हो
(क) गिबि कर्णाटक दावहा
(ख) डुप्ले
(ग) पलाशी दावहा
(घ) रेगुलेटिं एक्ट
(ङ) पिटनि भारत खुंथाइ आइन
(च) अरायथा बन्दबस्त
फिन:-
(क) गिबि कर्णाटक दावहा : 1740 आव अस्ट्रियायाव जागायजेन्नाय उनमोनथायनि दावहायाव ब्रिटिश आरो फराचीफोरा गावजों गाव जुजिदोंमोन, जाय भारताव ब्रिटिश आरो फराचीनि सोमोन्दोखौबो गोहोम खोख्लैदोंमोन। खाबु लानानै बृटिछनि दै-सान्थ्रि हानजाया 1745 खीष्टाब्दआव भारतनि खोला-सानजा बोरिमायाव फराची जाहाजखौ होबथानानै पण्डिचेरीनि खैफोद लाबोदोंमोन। बे समावनो जचेफ फ्रान्सिच डुप्लेया पण्डिचेरीनि गबर्णरमोन। सियान, साननो गोरों आरो सोलो गोनां गबर्णर डुप्लेया इंराजनि सिङाव थानाय माद्राजखौ दखल खालामदोंमोन। बृटिछफोरा राहागोथे जानानै कर्णाटकनि नबाबनि हेफाजाब नागिरनायसै कर्णाटकनि नबाबा बृटिछनि मददनि थाखाय हगारहरनाय बेसेबा बुरजा सानथ्रि हानजायाबो फराचीनि आखाइयाव जेननायसै। नाथाय हरखाबनो इउर ‘पाव मोननै हारिनि गेजेराव गोरोबथा जानाय लोगो लोगो भारतावबो बुटिछ आरो फराचीनि गेजेराव गोरोबथा जायो। बे गोरोबथा बादियै फराचीफोरा बृटिछफोरनिफ्राय दखल खालामना लानाय जायगाफोरखौ हगारना होफिनो। बेखौनो जारिमिनाव कर्णाटकनि गिबि दावहा होननानै मिथिनाय जायो।
(ख) डुप्ले : डुप्लेया पण्डिचेरीनि गबर्णरमोन। सियान, साननो गोरों आरो सोलो गोनां गबर्णर डुप्लेया इंराजनि सिङाव थानाय माद्राजखौ दखल खालामदोंमोन। डुप्लेजों दैदेनजानाय फ्रान्सनि सान्थ्रिफोरा कर्णाटकनि गिबि दावहायाव बृटिछनि बेसेबा बुरजा सानथ्रि हानजाखौ फेजेन्दोंमोन।
(ग) पलाशी दावहा : 1757 मायथाइयाव, इंराजफोरा मुर्शिदाबादनिफ्राय 23 माइल खोलाहा भागीरथी दैमानि रुगुङाव पलाशीआव बेंगलनि नवाब चिराजुद्दौलानि सान्थ्रिफोरनि बेरेखायै दावहा नांदोंमोन। बे दावहाखौ पलाशीनि दावहा बुंनाय जायो। बे दावहायाव, चिराजुद्दौलानि रौनिया हान जाया सान्थ्रिगाहाइ मिरजाफरनि फोथायखेबस’थिनि थाखाय जेननांगौ जादोंमोन। दावहायाव फेजेनजानाय, चिराजुद्दौलाया मिरजाफरनि फिसाज्ला मिराणजों बुथारजादोंमोन आरो इंराजफोरा मिरजाफरखौ बेंगलनि नवाब बानायदोंमोन। बे दावहाया भारतारि राजखान्थियारि जारिमिनाव मोनसे गोनां जायगा आवग्रिना दं। बे दावहानि देरहासारनायजों, इंराजफोरा भारतनि सिङारि राजखान्थिआव हाबनो हमो। बे दावहाया गेजेर मुगानि भारतनि जोबनाय आरो गोदान मुगानि भारतनि जागायजेन्नायखौ दिन्थियो।
(घ) रेगुलेटिं एक्ट : भारताव इष्ट इण्डिया क’म्पानीनि खुंथाइखौ दबथायनो आरो फोगोमनो थाखाय बृटिछ संसदा रेगुलेटिं एक्ट मुंनि मोनसे आइन रनसायना बाहायनो होदोंमोन। बे आइननि दारै बंग हादरनि गबर्णरनि मासिखौ गबर्णर जेनेरेलसिम दावखोहोनाय जादोंमोन। बिनि हाबा-हुखायाव मदद होनो थाखाय साब्रै सोद्रोमा थानाय मोनसे कमिटि दानाय जायो। बम्बाइ आरो माद्राजनि गबर्णर सानैखौ बंगनि गबर्णर जेनेरेलनि सिङाव लाबोनाय जायो।
रेगुलेटिं एक्टनि संबिजिरारि गोनांथिया गोबां। बे आइन बादियै इष्ट इण्डिया कम्पानीनि राजखान्थियारि हाबाखौ भारताव गनायथि होनाय जादोंमोन। बेनि दारै भारताव बृटिछ सरखारनि अरायथा खुंथाइखौ जागायजेननाय जादोंमोन। नाथाय रेगुलेटिं एक्टाव बंगनि गबर्णर जेनेरेलनि गोहोखौ थि खालामना होयिनि थाखाय उनाव बे आइना फेलें जानांगौ जादोंमोन।
(ङ) पिटनि भारत खुंथाइ आइन : रेगुलेटिंग एक्टआ फेलें जानायनि उनाव बेंगलनि गवर्नर जेनेरेलनि गोहोखौ रोखा खालामनो हायाखैमोन। बेबादि गेना-गोरोन्थिखौ होखारनो थाखाय इंलेण्डनि संसदा मोनसे आइन दाना होनानै भारताव बृटिछनि खुंथाइखौ बांसिन गोगोम खालामदोंमोन। बे आइनानो जादोंमोन 1784 खीष्टाब्दनि आगष्ट दानाव बाहायजानाय पिटनि भारत खुंथाइ आइन (Pitt’s India Act)। बे आइनखौ इंलेण्डनि गाहाइ मन्थ्रि उइलियाम पिट (दुइसिन) नि मुङै दोननाय जादोंमोन।
(च) अरायथा बन्दबस्त : ‘अरायथा बन्दबस्त’ खौ गवर्नर जेनेरेल लर्ड कर्नवालिसनि खुंथायनि समाव सिनायथि होनाय जादोंमोन। बिथाङा कम्पानिनि खाजोना बिफानखौ गोख्रों खालामनो नाजादोंमोन। आबाद मावग्रा हानि बेलायाव अरायथा बन्दबस्त खालामनाय जायोमोन आरो बे हाफोरखौ बोखावनाय जायोमोन आरो साफा जमिदारनि सामलायथियाव होनाय जादोंमोन। जमिदारफोरा मोनसे थिखानाय खाजोना इष्ट इण्डिया क म्पानीनो बोसोरारि खाजोना महरै होनांगौमोन। बे खाजोनाखौ होनो हायाब्ला जमिदारीया सरखारनि आखाइयाव थांनायमोन। बे राहाखान्थिनि दारै लर्ड कर्णवालिछा बिनि स्नि बोसोरारि खुंथाइ समाव गोबां बिबांनि खाजोना बुथुमना क’म्पानीनि राजबाख्रिखौ दोहोनि खालामदोंमोन।
अरायथा बन्दबस्तनि गुबुन मोनसे मख’जाथाव बिथिङा जादों मोनसे गोदान थाखोनि जमिदार जाखांबोनाय। अरायथा बन्दबस्तनि जाउनाव गोजाम जमिदारफोरा क’म्पानीनो खाजोना होनो हायाब्ला बिसोरनि हाया निलामाव फानजादोंमोन। बे निलामनि हाखौ बै समनि दोहोनि थाखोनि मानसिया बायदोंमोन। बे दोहोनि थाखोनि बांसिनानो आबादनि खामानिजों जेबो थोंजों सोमोन्दो गैयामोन। बेनिखायनो बे दोहोनि थाखोनि मानसिफोरा आबादारिफोरनि सायाव खाजोनानि बिबांखौ बारायना जाबसिनना होदोंमोन। जाउनाव आबादारिफोरा सुखहायि दाहारखौ रूजुननांगौ जादोंमोन। बे गोदान दोहोनि थाखोआ बृटिछनि आइन बादि हानि बिगोमामोन। बेनिखायनो बे थाखोनि मानसिफोरा सानफ्रोमबो बृटिछनि उनसंग्रामोन आरो 1857 मायथाइनि बिग्रायनायाव इंराजखौ मददसो खालामदोंमोन।
5. बंगनि न ‘खरारि दावराव-दावसियानो बुटिछनि बंग दखल खालामनायनि गाहाइ जाहोन-बाथ्रानि थारथिखौ बिजिर।
फिन:- दाक्षिणात्यआव कर्णाटक दावहाया सोलिबाय थानाय समाव बंगहादरनि राजखान्थियारि थासारिया लोरबां जालांदोंमोन। बे लोरबांथिनि खाबुखौ बृटिछ क’म्पानीया लानो नाजादोंमोन। इं 1756 ख्रीष्टाब्दआव बंगनि नबाब आलिबर्दि खाँया थैयो। नबाबा थैनायनि उनाव बिहा रावबो फिसाला गैजायिनि थाखाय नबाबनि मासिखौ लानानै दावराव-दावसि जायो। नबाब आलिबर्दि खाँनि थैनायनि सिगांनो बिनि साथाम फिसाजोफोरनि मादाव दुइसिन फिसाजोनि फिसाला चिराजउद्दौलाखौ बंगनि नबाब महरै उनमोनगिरि खालामना दोनलांदोंमोन। बेबादिनो आलिबर्दि खाँया थैनायनि उनाव चिराजउद्दौलाया बंगनि नबाब जायो। नाथाय देरसिन फिसाजो घाचिति बेगम आरो फिसाजो गेजेरनि फिसाला छौकत जङाबो बंगनि राजउलाफादनि दाबिदारमोन। बै समाव घाचिति बेगमा ढाकानि खुंगिरिमोन। बंगनि देवान राजबल्लभा घाचिति बेगमनि मददगिरिमोन। राजउलाफादनिफ्राय नाथ्रोदजानानै बिसोर चिराजउद्दौलानि बेरेखायै फावफान्दायनो हमो। बे न’खरारि दावराव-दावसिनि खाबु लाना बृटिछफोरा गावसोरखौनो गोहोगोरा आरो रैखागोनां खालामनो बंग हादराव सान्थ्रिनि खरं लुनो दावगाबोयो। चिराजउद्दौलाया खरं लुनाय खामानिखौ बन्द खालामनो बिथोन होनायसै। बृटिछ चिराजउद्दौलानि बिथोनखौ खोमा होयाखिसै। गुबुन फारसेथिं बृटिछफोरनो बंगहादराव बेफार-फालांगि खालामनो जाय खाबुखौ होदोंमोन बेखौबो बिसोर मोजाङै बाहायाखैमोन। बृटिछ फालांगिरिया क म्पानीनि मुङै गावबा गाव फालांगिखौ खालामजेननो हमनायाव नबाबा मोननांगौ खाजनाखौ मोनाखैमोन।
6. इष्ट इण्डिया क’म्पानीनि बबे हाबाफोरा चिराजउद्दौलाखौ गोजोननाय गैयि खालामदोंमोन?
फिन:- ईस्ट इन्डिया कम्पानिनि गाहायाव होनाय हाबाफोरा चिराजउद्दौलाखौ गोजोननाय गैयि खालामदोंमोन :
1. बंग ‘नि राजउलाफादखौ लानानै नखरारि नांलाय-खमलायनि मुलाम्फाखौ लानानै, ब्रिटिश आरो फ्रेन्सफोरा बंग’ आव गावखौ गोख्रों खालामनो आरो रैखा खालामनो थाखाय रौनिया खरंफोर लुदोंमोन। चिराजुद्दौलाया फारनैबोखौ खरंनि लुनायखौ होबथानो बिथोन होदोंमोन। फ्रेन्सफोरा नवाबनि बिथोनफोरखौ मानिदोंमोन नाथाय इंराजफोरा चिराजउद्दौलानि बिथोनफोरखौ नेवसिदोंमोन।
2. बृटिछफोरनो बंगहादराव बेफार-फालांगि खालामनो जाय खाबुखौ होदोंमोन बेखौबो बिसोर मोजाङै बाहायाखैमोन।
3. चिराजुद्दौलाया बृटिछ फालांगिरिनि कम्पानीनि मुङै फालांगि खालामनायाव मोननांगौ खाजनाखौ मोनाखैमोन।
4. चिराजउद्दौलाया लुबैयैयावबो नबाबनि बिबानगिरि देवान राजबल्लभनि फिसाला कृष्णदासनो बूटिछफोरा कलिकतायाव थानो जायगा होदोंमोन।
Class 8 Other Subjects: थाखो 8 नि गुबुन आयदाफोर
Social Science समाज बिगियान :
1. Class 6 Social Science
2. Class 7 Social Science
4. Class 9 Social Science
5. Class 10 Social Science
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।