SEBA Class 8 Social Science Chapter-10
फरा- 10
सुबुं सम्पद जौगाथाइनि हेंथाफोर आरो सुबुं
सम्पद जौगाथायाव सरखारनि बिफाव
उनसोलों –
1. सुंदयै फिननाय हो –
(क) सुबुं सम्पद जौगाथाइनि हेंथाफोरा मा मा ?
फिन:- सुबुं सम्पद जौगाथाइनि हेंथाफोरा जादों- गोबां सुबुंअनजिमा, गुबै दोहोननि आंखाल, लेखा रोङि, गोरिबथि, खोमसि फोथायथि, गाज्रि खान्थि आरि।
(ख) जायखिजाया मोनथाम रोखोमनि बेरेखाथिनि मुं मख’।
फिन:- जायखिजाया मोनथाम रोखोमनि बेरेखाथिनि मुंफोरा जादों-
(i) दोहोरोमारि बेरेखाथि,
(ii) रावारि बेरेखाथि आरो
(iii) हारि आरो फोलेर बिथायारि बेरेखाथि ।
(ग) आथिखालाव आसामाव गंबेसे देहा फाहामथाइ फरायसालिमा दं ?
फिन:- 13
( 1. आसाम मेडिकेल कलेज आरो हस्पिताल, डिब्रूगढ़,
2. गुवाहाटी मेडिकेल कलेज आरो हस्पिताल, गुवाहाटी,
3. सिलचर मेडिकेल कलेज आरो हस्पिताल, सिलचर
4. जोरहाट मेडिकेल कलेज आरो हस्पिताल, जोरहाट
5. तेजपुर मेडिकेल कलेज आरो हस्पिताल, तेजपुर
6. दिफु मेडिकेल कलेज आरो हस्पिताल, दिफु
7. कक्राझार मेडिकेल कलेज आरो हस्पिताल
8. धुबरी मेडिकेल कलेज आरो हस्पिताल
9. नलबारी मेडिकेल कलेज आरो हस्पिताल
10. नागांव मेडिकेल कलेज आरो हस्पिताल
11. लखीमपुर मेडिकेल कलेज आरो हस्पिताल
12. फखरुद्दीन आलि आहमेद मेडिकेल कलेज आरो हस्पिताल, बारपेटा
13. तिनसुकिया मेडिकेल कलेज आरो हस्पिताल )
(घ) आसामनि हादरारि आरोंदायारि फसंथाना बबेयाव दं?
फिन:- चिलचर ।
(ङ) गोगो देहानि थाखाय मानसिनो मा नांगौ ?
फिन:- गोगो देहानि थाखाय मानसिनो पुष्टिगोनां जामुं आरो जौगाखां मावमिन नांगौ ।
2. गुवारै सावराय –
(क) सुबुं सम्पद जौगाथाइनि हेंथाफोरखौ सुस्रांनायनि थाखाय मोननैसो मखजाथाव बोसोन।
फिन:- सुबुं सम्पद जौगाथाइनि हेंथाफोरखौ सुस्रांनायनि थाखाय मोननैसो मखजाथाव बोसोनफोरा जादों-
(i) बांद्राय सुबुं अनजिमा बांनायखौ होबथानायः सुबुं अनजिमाया गोबां जानायनि थाखाय बेयो जोंनि हादरनि जौगानायाव हेंथा होदों। हादर महरै एसेल’ आयजों बांद्राय सुबुं अनजिमानो थोजासे खाबु आरो सोलोंथाइ होना सम्पदाव सोलायहोनाया जोंनि हादरनि थाखाय गोरलै नङा। बेनिखायनो बांद्राय सुबुं अनजिमाया सुबुं सम्पद जौगानायनि मोनसे हेंथा । बेनिखायनो बांद्राय सुबुं अनजिमा बांनायखौ होबथानानै जों सुबुं सम्पद जौगाथाइनि हेंथाफोरखौ सुस्रांनो हायो।
(ii) थोजासे सोलोंथाइ होनायः लेखा रोङिया समाजनि थाखाय मोनसे गेदेर साव। लेखा रोङिया गियान, आरजाथावथि, गोरोंथि, आरोंदायारि रोंमा आरिखौ बांहोनायाव हेंथा होयो आरो बेयो मानसिखौ सुबुं सम्पद महरै गायसननायाव हेंथा महरै गसंथेयो। बेनिखायनो सोलोंथाइ होनायनि गेजेरजों जों सुबुं सम्पद जौगाथाइनि हेंथाफोरखौ सुस्रांनो हायो।
(ख) सुबुं सम्पद जौगाथायाव सरखारनि बिफाव।
फिन:- दरसे हादरनि सुबुं सम्पद जौगानायाव बै हादरनि सरखारनि बिफावा जोबनो गैया। सरखारा आजावनाय आरो मावफुंनाय थार बिथांखिया सुबुं सम्पद जौगानायनि खारथाइखौ गोरलै खालामो। सुबुं सम्पद जौगाथायाव सरखारनि बिफावफोरखौ गाहायाव माखासे मख’नाय जाबाय-
(i) सोलोंथाइ बिथिं : सोलोंथाइनि मोनथाया जोंनि गुबुन मोनसे गुदिमोनथाइ। सोलोंथाइ बिथिङाव जौगानो हायाब्ला सुबुं सम्पदाबो जौगानो हाया। आरजाथाव सोलोंथाइयारि आबहावा सोमजिहोनाया दरसे हादरनि सरखारनि मोनसे बिबान। बे बिबानखौ मावफुंनायनि थांखियै जोंनि सरखाराबो मोनसे गोगो सोलोंथाइयारि आबहावा सोमजिहोनो थाखाय गोदान गोदान फरायसालि, फरायसालिमा, मुलुग सोलोंसालि,आरोंदायारि सोलोंथाइनि फसंथान आरि गायसनदों। 2009 मायथाइनिफ्रायनो जोंनि हादराव सोलोंथाइनि मोनथाइ आइना सोलिदों। बे आइनखौ हादरनि मोनफ्रोमबो थोरफोआव जाफुंसार खालामनो थाखाय सर्बशिक्षा अभिजान मिछन आरो हादरारि गेजेर सोलोंथाइ अभिजान मिछन मोननैखौबो मोनसे खालामनानै आथिखालाव समग्रशिक्षा महै मोनसे गोटानमावथांरि नाजावना सोलोंथाइ गोसारनायाव सोलायनाय लाबोनो गोख्रैयै नाजानाय जादों जाहाथे जौगाखां सुबुं सम्पद दानायाव जेबो हेंथा जाया।
(ii) सावस्रि आरो जामुं बिथि: गोगो गोसोनि थाखाय गोगो सावस्रिनि गोनां। गोगो देहानि थाखाय नांगौ जायो पुष्टिगोनां जामुं आरो जौगाखां मावमिन सुबुं सम्पद महरै गनायजानो थाखाय सासे मानसिया देहायारि आरो गोसोआरियै गोगो आरो गोखों जानांगोन। बे नोजोरथिखौ गोनांथि होनानै जोंनि सरखारा सावस्रिनि बेलायाव जौगाखांहोनो थाखाय आरजाथाव बिथा गायसननो थाखाय नारानाथा नाजादों गामि, नोगोर, जेरावबो गुदि सावस्रि मिरु, लेङाइ सावस्रि मिरु, महकुमा सावस्रि मिरु जिला सावस्रि मिरु आरि गायसनदों। बेनि अनगायैबो राज्योआरि आरो मिरुवारि खलबाव जौगा माननि हस्पिताल गायसनना जोंनि सरखारा सावस्रि मावमिन बेलायाव थोजासे राहा आखाइयाव लानाय नुनो मोनदों। गोदान दावबायदिंनाय हस्पितालनि दारै जायखिजाया समावनो मानसिनो सिबिथाइ होनायनि खाबु जादों। हादरारि गामियारि सावस्रि अभिजान मिछननि सिङाव गोबां हाबाफारि आजावना हादरनि गासै मानसिखौनो गोगो सावस्रि गोनां खालामनायनि थाखाय सरखारा जाय थांखिखौ आजावदों बेयो जोंनि जौगाखां इयुननि नेरसोन होनना बुंनो हायो।
मानसिनि गुदि साहिदाफोरनि गेजेराव गुबुन मोनसेया जादों जामुं। गोगो देहानि जौगानाया सोनारो मोजां जामुंनि सायाव। दरसे सुबुं अनसायग्रा हादर महरै जोंनि हादरनि उखैजानाय आरो निखावरि सिमाहांखोनि सिङाव थानाय मानसिफोरखौ आरजाथाव बिबांनि मोजां जामुं जगायनाया सरखारनि गुबुन मोनसे मावनां हाबा। बे बिथिंखौ गोनांथि होनानै सरखारा ‘हायसिन गुदि चाहिदा हाबाफारि ‘नि सिङाव गुबुन गुबुन मावथांखि आजावना हादर एबा राज्योनि मानसिफोरखौ आरजाथाव सुबुं सम्पदनि महराव सोलयहोनो नाजादों। सरखारनि सुबुं राननाय राहानि सिङाव हादरनि जामुं बेसादफोरखौ गासै मानसिफोरानो जाहाथे थोजासे बिबाङै समान बेसेनावनो मोननो हायो बेनि थाखाय जिला खुंथाया भारतारि जामुं निगम, समबाय आफादफोर आरो खम बेसेननि गलानि गेजेरजों राहा आखाइयाव लादों।
(ग) गोरिबथि आरो सुबुं सम्पद जौगाथाइनि गेजेराव थानाय सोमोन्दो।
फिन:- गोरिबथिया सुबुं सम्पद जौगाथाइनि मोनसे हेंथा। गोरिबथिया बाङोब्ला सुबुं सम्पद जौगाथाइ याव हेंथा फैयो, बेबायदिनो गोरिबथिया खमायोब्ला सुबुं सम्पदा जौगानायाव खाबु मोनो । गोरिबथिनि थाखाय जोनि हादरनि माखासे सुबुङा देहायारि आरो गोसोआरियै गोख्रों जानो हायाखै। देहायारि आरो गोसोआरि जौगानायनि थाखाय फारियै पुष्टायु जामुं आरो आरजाथाव सोलोंथाइया गोनांथार जायनि आंखाला जोंनि हादरनि गैजारोङि सुबुंफोरखौ लोरबां खालामदों। जाउनाव बिसोर गावारि मानखौ खोमाना खाफालखौ फोथायग्रा जायो आरो गावखौ बेबादि थासारिनिफ्राय जौगाखांहोनायनि गोसोथिखौ खोमाना लायो।
(घ) लेखा रोङिया माबोरै सुबुं सम्पद जौगानायाव हेंथा होयो?
फिन:- लेखा रोङिया समाजनि थाखाय मोनसे गेदेर साव। जोंनि हादरनि 26 जौखोन्दोफ्राम मानसियानो लेखा रोङि। लेखा रोङिया गियान, आरजाथावथि, गोरोंथि, आरोंदायारि रोंमा आरिखौ बांहोनायाव हेंथा होयो आरो बेयो मानसिखौ सुबुं सम्पद महरै गायसननायाव हेंथा महरै गसंथेयो। लेखा रोङि सुबुंफोरा गोरलैयैनो बायदि रोखोमैं सोबखजायो जायनि जाउनाव समाजाव राङारि-समाजारि फारागथिया गोखोंसिन जाबोयो।
(ङ) खोमसि फोथायथि आरो गाज्रि खान्थिया सुबुं सम्पदनि जौगानायाव माबादि गोहोम खोलैयो?
फिन:- सुबुं सम्पद जौगानायनि लामायाव गुबुन मोनसे मख’जाथाव हेंथाया जादों खोमसि फोथायनाय। गोनोखो एबा बिगियान आरो आरोंदाया दिनै दुलाराय मुलुगनि जथाइ सावगारिखौ सोलायना होदोंब्लाबो जोंनि हादरनि, माखासे अनजिमानि लेखा गोरों आरो लेखा रोङि सुबुङा दाबो खोमसि फोथायनाय आरो गाज्रि खान्थिनि उनफारि लायो। बे सुबुंफोरा बिगियानारि आरो सोलायस्लु सानस्रिनि बेरेखा। जायनि जाउनाव बिसोर जौगाखां सुबुं सम्पद महरै जाखांबोनो हायाखै।
3. लांदां जायगा सुफुं :
(क) सुबुं सम्पद जौगाथाइनि गुबुन गोनांथिफोरा जादों ______ , सावस्नि आरो पौर खाबु।
फिन:- सोलोंथाइ
(ख) ____________ मानसिफोरा गोरलैयैनो गुबुन गुबुन रोखोमै सोबख’जायो।
फिन:- लेखा रोङि
(ग) सोलोंथाइनि मोनथाया जोंनि गुबुन मोनसे _________ मोनथाइ।
फिन:- गुदि
(घ) ________ मायथाइनिफ्राय जोंनि हादराव सोलोंथाइनि मोनथाइ आइनखौ बाहायजेननाय जायो।
फिन:- 2009
(ङ) सरखारा आजावनाय आरो मावफुंनाय थि बिथांखिया सुबुं सम्पद जौगानायनि खारथाइखौ _________ खालामो।
फिन:- गोरलै
(च) आरजाथाव सोलोंथाइयारि __________ सोमजिहोनाया दरसे हादरनि सरखारनि गुबुन मोनसे बिबान।
फिन:- आबहावा
Class 8 Other Subjects: थाखो 8 नि गुबुन आयदाफोर
Social Science समाज बिगियान :
1. Class 6 Social Science
2. Class 7 Social Science
4. Class 9 Social Science
5. Class 10 Social Science
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Social Science Chapter-10 Question Answer ?
You can get complete SEBA Class 8 Social Science Chapter-10 on Bodoland Library.
2. Is this Class 8 Social Science content based on the SEBA syllabus?
Yes, all the Class 8 Social Science questions and answers are prepared strictly according to the latest SEBA (Assam Board) syllabus.