SEBA Class 8 Social Science Chapter-5
फरा- 5
लैथो-लैथोमा
उनसोलों :
1. गाहायनि सोंनायफोरनि फिन लिर-
(क) लैथोमायारि दाहार सोमजिनायनि जाहोनफोरा मा मा ?
फिन:- बुहुम दावगिदिंनायनि खारथाइ, बारबाय थानाय बार (बोहैथि बार), दैनि दुंथाइ, गोबाबथि आरो नारसिनथाइनि गोरोबलायि, लैथो सेरनि हांखो महर बादिया लैथोमायारि दाहार सोमजि होयो।
(ख) गुदुं दैनि दाहार बुडेब्ला मा बुजियो ?
फिन:- गुदुं मण्डलनिफ्राय गुदुं आरो रेजें लैथोनि दैया सा सा बिखुं बार महरै गुसु मण्डलसिम बोहैलाङो। बेखौनो गुदुं दैनि दाहार बुङो।
(ग) लैथोआरि जिबफोरा मोनबेसे रोखोमनि? मानि बिथायाव बेफोरखौ थाखो राननाय जादों?
फिन:- लैथोआरि जिबफोरा मोनथाम रोखोमनि, प्लेंकटन एबा प्लबक, बेनथ’ज आरो नेकटन। लोरसोर खालामनायनि रोखोम आरो थाथिलिनि सायाव बिथायाव खालामनानै थाखो राननाय जादों।
(घ) लैथोनि माबादि ओनसोलाव सरासनस्रायै ना थिलिया जाखांबोयो?
फिन:- लैथोनि जाय बाहागोआव लाइफां प्लबका गोबां बिबांनि थायो, बेबायदि ओनसोलाव सरासनस्रायै ना थिलिया जाखांबोयो।
2. जाहोन दिन्थि-
(क) आंखाल फैलासेमआ बासन्तीया फैलासेमनि समान गोहो गोरा नङा।
फिन:- मानोना पुर्णिमा आरो अमाबैस्याखालि अखाफोर, बुहुम आरो साना हांखो मोनसेयाव गोलैफ्रामो। बे साननैयाव अखाफोर आरो सान मोननैनिबो बोखथाबलायनायाव फैलासेमनि दोहौआ बांसिन गोजौआव दावखोयो। सप्तमी आरो अष्टमी तिथियाव बुहुम, अखाफोर आरो साना समान ख’नायाव थायो। बेनिखायनो बे साननैयाव अखाफोरनि मोगा मोगि जानाय जायगाजों लोगोसे साननि मोगा मोगि जानाय जायगायाव फैलासेम जायो। जाउनाव बासन्तीया फैलासेमा गोहो गोरा जायो।
(ख) आथिखालाव बुहुमनि गासैबो जायगायाव लैथोआरि ना बायनो मोनो।
फिन:- आथिखालाव लैथोआरि ना हमनाया मोनसे रोखोमनि जौगानाय दारिमिनाव सोलायबाय। ना हमग्रा जाहाजफोराव कम्पिउटारजों सालायजानाय आरोंदा गायसंनाय जायो। बेबादिनो ना हमनाय आरो संरैखा खालामनायनि बिथिङाव आथिखालाव गोदान आरोंदा बाहायनाय जायो। लैथोआरि नाफोरखौ संरैखा खालामना थिङाव सोनानै बुहुमनि गुबुन गुबुन जायगासिम दैथायनाय जायो। बेनिखायनो आथिखालाव बुहुमनि गासैबो जायगायाव लैथोआरि ना बायनो मोनो।
(ग) जापानाव गले गले छुनामि जायो।
फिन:- जापान हादरा प्रशान्त लैथोमायारि अरखि ओंखारनाय (Ring of Fire) जायगायाव दं। बे जायगाया बुहुमनि मादावनो गाहाइ बांग्रिं मावनाय ओनसोल। बेनिखायनो जापानाव थाब थाब बांग्रिं मावो आरो बेनि जाउनाव छुनामि सोमजियो।
(घ) साना देरथाइयाव देरसिन जासेयावबो फैलासेम सोमजिहोग्रा गोहोआ खम।
फिन:- साना अखाफोरनिखुइ 27 मिलियन गुन गेदेर; आरो बुहुमनिफ्राय अखाफोनि जानथाइया 38,44,400 किल ‘मिटार। गुबुन फार्सेथिं बुहुमनिफ्राय साननि जानथाइया 14,96,00,000 किल ‘मिटार। बेखायनो साननि फैलासेम सोमजिहोग्रा गोहोआ खम।
(ङ) गुबुन हादरारि फालांगिनि थाखाय जाहाज रोगाथाइ राहाया साबसिन।
फिन:- जाहाज रोगाथाइ राहाया जोबोर गोरलै आरो खम खरसानि रोगाथाइ राहा। दै लामाफोरा मिथिंगायारि राजालामा। बे लामाफोरा मिथिंगायारि जानायनि थाखाय बे बिथिङाव एसेबो रां खरसा जाया। दैनि सरासनस्रा दोहोरोमनि थाखायनो जाहाजफोरा गिलिर आरो गेदेर बिबांनि मुवा-बेसादखौ गोरलैयै दिखांना लांनो हायो। दैनि साजों खारनाय जाहाजफोराव गोहो एबा खाममोननि खरसायाबो रुजुथावनायै एसेल’ जायो। बेनिखायनो फालांगिनि थाखाय जाहाज रोगाथाइ राहाया साबसिन।
3. गेबें फिननायाव 
सिन हो-
1. सरासनस्रायै गुसु दैनि दाहारा सोमजियो-
(क) मेरु ओनसोलाव,
(ख) बिषुबारि ओनसोलाव,
(ग) मोनसेबो नङा
फिन:- (क) मेरु ओनसोलाव
2. सानसेनि मादाव खेबनै लैथोनि दैया हायलाय-जौलाय जानायखौ-
(क) लैथोआरि दाहार,
(ख) फैलासेम
(ग) गुथाल बुङो
फिन:- (ख) फैलासेम
3. छुनामि सोदोबनि ओंथिया जादों-
(क) बांग्रिं मावनाय,
(ख) लैथोनि गुथाल,
(ग) बन्दरनि गुथाल
फिन:- (ग) बन्दरनि गुथाल
4. सानस्रिनो रोंनाय लैथोआरि जिउयारिफोरा-
(क) नेकटन,
(ख) बेनथ’ज,
(ग) प्लेंकटन थाखोनि।
फिन:- नेकटन
4. आगदा आगसि गोरोबहो-
फिन:-
उफेरा सोंनाय फिननाय
1. बुहुम बिखुंनि बेसेबां जौखोन्दोफ्राम दै मण्डला आवग्रिना दं?
फिन:- बुहुम बिखुंनि 71 जौखोन्दोफ्राम दै मण्डला आवग्रिना दं।
2. जोंनि बुहुमखौ नीला ग्रह (Blue Planet) होननानै मानो बुंनाय जायो?
फिन:- बुहुमनि बांसिन बांहागोखौ दैया आवग्रिना दंखायनो जोंनि बुहुमखौ नीला ग्रह होननानै बुंनाय जायो।
3. बुहुमनि दै बाहागोखौ मोनबेसे बाहागोयाव राननाय जादों आरो मा मा?
फिन:- बुहुमनि दै बाहागोखौ मोनबा बाहागोयाव राननाय जादों, बेफोर जादों- (i) प्रशान्त लैथोमा, (ii) आटलान्टिक लैथोमा, (iii) भारत लैथोमा, (iv) सा लैथोमा आरो (v) खोला लैथोमा।
4. भारतनि सिमायाव नांनानै थानाय लैथोसाया मा?
फिन:- बंग लैथो ।
5. लैथोनि दैया मानो गोबाब जायो?
फिन:- लैथोनि दैया गोबाब जायो । मानोना बेयाव गोबां रोखोमनि खनियारि मुवा गलायनाय थायो। गड़ हिसाबै लैथोनि दैनि 1000 बाहागोनि 35 बाहागोआनो खनियारि संख्रिफ्राम। क्रान्तियारि ओनसोलनि लैथोनि दैया बांसिन गोबाब जायो।
6. बुहुमनि बैसोया बेसेबां बोसोर?
फिन:- 454 बिलियन बोसोर ।
7. सोमजिजेननाय समाव बुहुमा माबादि थासारियाव दंमोन ?
फिन:- गुदुं गेसारि लाद्रा (Lump) थासारियाव दंमोन ।
8. छुनामि (Tsunami) माखौ बुङो ? बेयो बबेनि सोदोब ?
फिन:- बांग्रिंनि जाउनाव लैथोनि बिखायाव सोमजिनाय दोहौखौ छुनामि (Tsunami) होननानै बुंनाय जायो। छुनामिया जापाननि सोदोब।
9. “छु” आरो “नामि” नि ओंथिया मा ?
फिन:- छु नि ओंथिया जादों बन्दर आरो नामि नि ओंथिया जादों दोहौ ।
10. लैथोआव दोहौ सोमजिनायनि जाहोनफोरा मा मा ?
फिन:- लैथोनि दै बाहागोखौ जेब्लाबो जौलाय-हायलाय जाबाय थानाय नुयो। लैथोनि साजों बारनाय बारनि नारसिननायाव लैथो बिखुंङाव दोहौ एबा गुथाल सोमजियो। बारा दै बाहागोखौ फारसेथिंनिफ्राय नारना लांनानै दोहौ सोमजिहोयो। लैथोनि बिखायाव गोबारै बार बारोब्ला गेदेर दोहौ सोमजियो। बेनि अनगायैबो लैथो सिङाव सोमजिनाय बांग्रिं, अरगें ओंखारनाय आरो फैलासेमनि थाखायबो लैथोआव दोहौ सोमजियो।
11. अरगें अरखि बेरफ्रावनाय बुङोब्ला मा बुजियो?
फिन:- सिङारि जाथायनि थाखाय जेब्ला मेगमा, गेस आरो लावाया सिंनिफ्राय अरखि महरै बुहुमनि सा बाहागोसिम ओंखारबोयो बेखौनो अरगें अरखि बेरफ्रावनाय बुङो।
12. छुनामिनि जौथाइ आरो गोखैथिया सरासनस्रायै बेसेबां जायो ?
फिन:- छुनामिनि जौथाइआ 15 मिटारहालागै गोजौ आरो गोखैथिया सरासनस्रायै घन्टाफायाव 700 किल’मिटारनिबो बांसिन जायो।
13. फैलासेम माखौ बुङो?
फिन:- सानसेनि मादाव खेबनैयै लैथोनि दैया जौलाय-हायलाय जानायखौनो फैलासेम बुङो।
14. फैलासेम जानायनि गाहाइ जाहोना मा?
फिन:- फैलासेमनि गाहाइ जाहोना जादों बुहुमनि सायाव अखाफोर आरो साननि बोखथाबनाय आरो बुहुमनि गिदिंनायनि थाखाय सोमजिनाय मिरुथाइ नङि शक्ति (Centrifugal force) ।
15. गुदि फैलासेम (Primary Tide) माखौ बुङो?
फिन:- जेब्ला लैथो-लैथोमाया अखाफोरजों मोगा मोगि जानाने फैलासेम सोमजियो बेखौनो गुदि फैलासेम बुङो ।
16. बासन्ती फैलासेम माखौ बुङो?
फिन:- मानोना पुर्णिमा आरो अमाबैस्याखालि अखाफोर, बुहुम आरो साना हांखो मोनसेयाव गोलैफ्रामो। बे साननैयाव अखाफोर आरो सान मोननैनिबो बोखथाबलायनायाव फैलासेमनि दोहौआ बांसिन गोजौआव दावखोयो। बेखौनो बासन्ती फैलासेम बुङो ।
17. लैथोआरि लाइफां आरो जिउयारिफोरखौ मोनबेसे बाहागोयाव राननाय जादों?
फिन:- मोनथाम बाहागोआव राननो जादों, जेरै- प्लेंकटन एबा प्लबक, बेनथ’ज आरो नेकटन।
18. मा बाहागोनि लाइफां आरो जिउआरिया गावनो लोरसोर खालामनो हाया।
फिन:- प्लेंकटन एबा प्लबक बाहागोनि जिउआरिया गावनो लोरसोर खालामनो हाया।
19. बेनथ’ज थाखोनि लैथोआरि जिबनि आखुथाया मा?
फिन:- बेनथ’ज थाखोनि जिबफोरा साननि सोराङाव गोरलैयै हाबनो हानाय थौले दैयाव थायो। लोरसोर खालामालसिनो गोग्लैना थायो एबा जोबोर खम लोरसोर खालामो।
20. बेनथ’ज थाखोनि मोननै रोखोमनि जिबफोरनि मुं लिर।
फिन:- प्रबाल आरो अयष्टार।
21. नेकटन थाखोनि माथाम जिउआरिफोरनि मुं लिर।
फिन:- ना, ना तिमि आरो डलफिन ।
22. लैथोमानि दैयाव गलिनानै थाफानाय खनियारि संख्रिफोरा मा मा?
फिन:- संखि, मेगनेसियाम आरो ब्र’मिन।
23. लैथोनि बिखायाव दिहुनजानाय गुबुन गुबुन खनियारि मुवाफोरखौ लिर।
फिन:- मेंगानिज, सालफार, टाइटेनियाम, म’नाजाइट, स’ना, प्लेटिनाम, हीरा, थिं, सोर बायदि बायदि।
Class 8 Other Subjects: थाखो 8 नि गुबुन आयदाफोर
Social Science समाज बिगियान :
1. Class 6 Social Science
2. Class 7 Social Science
4. Class 9 Social Science
5. Class 10 Social Science
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Social Science Chapter-5 Question Answer ?
You can get complete SEBA Class 8 Social Science Chapter-5 on Bodoland Library.
2. Is this Class 8 Social Science content based on the SEBA syllabus?
Yes, all the Class 8 Social Science questions and answers are prepared strictly according to the latest SEBA (Assam Board) syllabus.