SEBA Class 8 Social Science Chapter-3
फरा- 3
थाथिलि
उनसोलों
1. लांदां जायगा आबुं खालाम-
(क) …………………….. हाबाया जागायनाय लोगो लोगो मासिया दाबसे जायगायाव थाजोरै थानो लाजेननायसै।
फिनः- आबाद
(ख) …………………. फुंखाखौ बिथा खालामनानै गामियारिया माखासे खाबु लायो।
फिनः- दैनि
(ग) लामा, रेललामा, दैमा सेर सेर जाखांबोनाय थाथिलिखौ ……………………..थाथिलि बुङो।
फिनः- हांखोआरि (Linear)
(घ) आथिखालाव आसामाव गामिनि अनजिमाया दर ……………………. ।
फिनः- 26,395
2. गेबें फिननायखौ सायख’-
(क) गामियारि थाथिलिफोरनि गुबै जिउखां राहाया जादों बेफार-फालांगि/दारिमिन/आबाद।
फिनः- आबाद
(ख) गामि ओनसोलनिख्रुइ नोगोर ओनसोलाव सुबुं अनजिमानि रोजोबथिया खम/गोबां/समान।
फिनः- गोबां
(ग) भारतनि 70/80/60 जौखोन्दोफ्राम मानसिया गामियाव थायो।
फिनः- 70
(घ) बबेबा जायगायाव थुबुर जानानै थानायानो जादों हांखो आरि/मिरुथियारि/गेसें थाथिलि।
फिनः- मिरुथियारि
3. फिननाय लिर : मोन 4 एबा मोन 5 बाथ्रायाव)
(क) मानसिया थाजोरै थानो लानायनि जाहोनखौ मा होननानै सानो?
फिनः- मानसिया आबाद मावनो लानायनि उनावसो थाजोरै थाजेनो। थामहिनबा आबाद मावनो जुरिनाय लोगो लोगो मानसिया दाबसे जायगायावनो थाजोरै थानो लाजेनो। जर’खायै हा एवनाय, फसल नायनायनि सार्थआव मानसिया थाजोरै थानो गोनां जायो। गुबुन फारसे आबाद मावनानै मोननाय फसलफोरखौ इयुननि थाखाय दोनथुमनो थाखायबो मानसिया थाजोरै थानाय बाथ्राखौ साननो हमो। बेखायनोआबाद मावनायखौनो मानसिनि थाजोरै थानायनि गाहाइ जाहोन होनना बुंनाय जायो।
(ख) गामियारि थाथिलिफोरनि गुबै आखुथाइनि सोमोन्दै सावराय।
फिनः- थागिरिफोरनि जिउखां राहाया गुबैयै आबाद मावनाय । थाथिलिया गेसें आरो सेरखाय-बेरखाय न’-बां लुनायनि दिन्थिमिना गुबैयै जायगानि आरो दोरोङारि। हान्था-मेलानि राहाया सरासनस्रायै मोजां नङा। मथर गारिनि अनजिमाया खम। फसंथाननि अनजिमाया खम। बेफार-फालांगिनि खाबुआ खम।
(ग) मिरुथि थाथिलिया माबोरै सोमजियो लिर।
फिनः- बुहुमनि सा बाहागोआव मानसिनि थानाया गासैयावबो एखे रोखोमनि नङा। जायफोर जायगानि हाया हासार गोनां, दैनि खाबु दं, न’ लुनायनि थाखाय आगजु-आयलाफोरखौ गोरलैयै मोनो, रोगाथाइ राहाया मोजां बेफोरबादि जायगायाव सरासनस्रायै थाथिलिया गुबुं जायो। बबेबा बबेबा ओनसोलाव बायदिसिना खाबु थानायनि थाखाय मानसिनि थाथिलिया दाबसे जायगायावनो थुबुर जाना थायो। बे रोखोमनि थुबुर जाना थानायखौ मिरुथि थाथिलि (Nucleated Settlement) थानाय बुङो।
(घ) नोगोराव थानाय मानसिनि थांना थानाय राहाया माबादि, सुंद’यै लिर।
फिनः- नोगोराव थाग्रा मानसिफोरनि थाखाय बेफार-फालांगि, शिल्प दारिमिन, सोलोंथाइ फसंथान, अफिस-कासारिनि साख्रि आरिया गाहाइ जिउखां राहा । नोगोराव थाथिलिया गुबुं आरो थुबुरारि। हान्था-मेलानि राहाया मोजां। बेबादिनो नोगोराव थाग्राफोरा गाहायै नैथि, थामथि आरो ब्रैथि थाखोनि जिउखांग्रा मानसि जानानै फैयो।
(ङ) गामि आरो नोगोरनि गेजेरनि सोमोन्दोखौ सावराय।
फिनः- गामि आरो नोगोराव थानायफोरनि गेजेराव गोबां फाराग दंब्लाबो गामि आरो नोगोरनि मानसिनि गेजेराव एंगारनो हायि सोमोन्दो दं। सरासनस्रायै बेफार-फालांगिया गामि आरो नोगोरनि गेजेराव सोमोन्दोखौ फोथांना लाखियो। बेनि अनगायै मावमिनारि हाबायाबो बे सोमोन्दोखौ गोथौ खालामो। गामिनि मानसिफोरा बिसोरनि दिहुननाय आबाद हारिनि बेसाद- मुवाफोरखौ नोगोराव जगायो आरो नोगोराबो दारिमिनारि मुवा आरो गुबुन गुबुन मावमिन गामियाव हरो। बेंक, डाक, बीमा, सोलोंथाइ आरि मावमिननि गेजेरजों गामि आरो नोगोरनि गेजेराव मोनसे एंगारनोहायि सोमोन्दो जाखाङो।
4. लिरसुंथाइ लिर-
(क) हांखोआरि थाथिलि,
(ख) बर्ग दब्लाइ महरनि थाथिलि,
(ग) जौयेनाव थानाय थाथिलि।
फिनः-
(क) हांखोआरि थाथिलि : जाय थाथिलिया लामानि सेर सेर गोलावै गोसारनानै थायो। बेफोरबादि थाथिलिखौ हांखोआरि थाथिलि (Linear Settlement) बुंनाय जायो। बेबायदि थाथिया लामा, रेललामा, दैमा सेर सेर आरि जायगायाव जाखांबोयो। सुबुंफोरा गाव गावनि न’फोरखौ बै जायगायाव बानायो मानोना बेयो हान्थामेला, दै जगायनाय आरो फोनांजाबनायखौ गोरलै खालामो।
(ख) बर्ग दब्लाइ महरनि थाथिलि : जाय गामियाव थानाय आबादथिलिखौ मिरु खालामनानै थाथिलि सोमजिखाङो बे रोखोमनि थाथिलिखौ बर्ग दब्लाइ महरनि थाथिलि बुंनाय जायो। बे रोखोमनि थाथिलिफोराव सुबुंफोरा आबाद फोथारफोरनि सोरगिदिं गावसोरनि न’फोर बानायो। बेफोर थाग्राफोरा सरासनस्रायै बर्ग महरनि आरो मोननै एबा बांसिन लामाफोरनि जंसनाव मोननाय जायो।
(ग) जौयेनाव थानाय थाथिलि : जौयेनाव नि थाथिलिया हाजो एबा गोजौओनसोलफोराव थानाय जायगा। जौयेनाव सरासनस्रा हा बाहागोनि सरख्लाय थिया आरो हा बिखुङा उस्ला-उस्लि जानायनि थाखाय थाथिलिया गेसें। सुबुंफोरा दै बानाखौ नागारनो आरो रैखाथि मोननो थाखाय गोजौ जायगा एबा हाजो याव गावसोरनि न’फोरखौ लुयो। बेफोराव थाथिलिखौ गेसें जानाय नुनो मोनो। आसामनि कार्बिआंलं, सोनाब कार्बिआंलं आरो डिमा हासाव जिला गंथाम जौयेन-हाजों दाजानायनि थाखाय थाथिलिया गेसें।
5. फारागथि लिर-
(क) गामियारि थाथिलि आरो नोगोरारि थाथिलि।
फिनः-
(ख) हांखोआरि थाथिलि आरो मिरुथि थाथिलि।
फिनः-
(ग) जौयेन ओनसोलनि थाथिलि आरो हायेन ओनसोलनि थाथिलि।
फिनः-
6. नोंनि गामि एबा नोगोरनि (गेदेर नोगोरब्ला मोनसे बाहागोनि) गांसे मडेल सावगारि आखिनानै बेयाव थानाय दैमा-दैसा, हाजो, बिलो आरि मिथिंगायारि थादेरसा (दंब्ला) आरो मानसिया सोरजिनाय थादेरसाफोरखौ फज’।
7. नों थानाय गामियाव/नोगोराव मा मा खाबु आरो बेखाबु नों नोजोर होदों? लिरनानै दिहुन।
Social Science समाज बिगियान :
1. Class 6 Social Science
2. Class 7 Social Science
4. Class 9 Social Science
5. Class 10 Social Science
Note: If you find any mistakes in these questions and answers, you can tell us or correct it yourself.
जुदि नोंथाङा बेफोर सोंथिफोर आरो फिननायाव माबा गोरोन्थि मोनो, अब्ला नोंथाङा जोंनो खोन्थानो हागोन एबा गावनो बेखौ सुद्रायनो हागोन।
FAQ:
1. Where can I get SEBA Class 8 Social Science Chapter-3 Question Answer ?
You can get complete SEBA Class 8 Social Science Chapter-3 on Bodoland Library.
2. Is this Class 8 Social Science content based on the SEBA syllabus?
Yes, all the Class 8 Social Science questions and answers are prepared strictly according to the latest SEBA (Assam Board) syllabus.